ذهب مع الريح

البارت الثاني والثلاثون

ذهب مع الريح

البارت الثاني والثلاثون

للكاتبه يقين

احنة خلانة وكتنة
تراب بحلوگ الرحي ...

شما يطول الجرح بينة
يطيب بس ماينمحي!

محمد:- كمنه نتعارك بلحجي وناس تجر طول وناس عرض ومانحس غير اجتي عيطه من المطبخ

محمد الحكني الجدر وكع عليه

مريم:- جنت كاعده واسمعهم واكتب بجيتي ومختنكه كمت اريد اشيل التمن واحس ايدي ترجف مااحسيت الا وكع ع ايدي وهو حار صح مااوكع قليل بس حسيت اجتني فرصه حتى افرغ الي بكلبي

محمد:-  ركضت ع مريم بسرعه واني كلبي راد يوكف خفت عليها لكيتها واكع الجدر بلكاع بس ايدها قليل متأذيه بس هيه كاعده بلكاع وتباوع ع ايدها وشبعانه بجي حسيت بجيها مو علمود ايدها اكو جرح اكبر ادري سمعت الكلام وانقهرت ركضت حضنتها وكتلها ماكو شي بسيطه داويت ايدها وهيه بعدها تبجي

عمه امير:- شنو هلعياره تره هيه حركه بسيطه شنو هلبجي كله

مريم:- هيه حجت هيج واني انفجرت  تقبلين احد يزوج زوجج عليج تقبلين تجي عليج ضره اني اجاوبج لا متقبلين لعد ليش تقبليها ع غيرج ماعندي جهال تعيريني بلخلفه تره بيد ربج مو بيدي جايه بنص بيتي وتحجي ولا تهتمين بمشاعر احد ليش فهميني شنو الي مسويته اني الج وهيج تسوين

عمه امير:- ولج انتي والله صلفه اهلج هيج علموج تحجين ويه الاكبر منج

مريم:- اهلي علموني بس اداري مش؛ اعر الناس يمكن هذا الي ماتعلمتي اني فقدت وكمت احجي صح هيه اكبر مني ودااصيح واتعارك بس لان اني مره ومن تعرف رجلها راح يزوج عليها تسوي الاكثر مني واني جاي احجي ومنهاره مااحس اله عيوني غوشت وكعت

محمد:- ركضت ع مريم من وكعت وسكتت عمتي وضليت اصحي بيها ماكو اخذتها للمستشفى وعلكولها مغذي واجتي فحصتها الدكتوره وسوت الها تحاليل

الدكتوره:- انته زوجها

محمد:- اي نعم

الدكتوره:- مرتك مسويلها تحليل حمل من قبل

محمد:- لا دكتوره مرتي مو حامل

الدكتوره:-عيوني مرتك حامل بلشهر الثاني وحاليا وضعها شويه صعب وسبب وكتها هيه قله الاكل وحاله عصبيه وهلشي كله يأذي الجنين ياريت تخلوها ترتاح قدر الامكان حتى الجنين يستقر ويثبت وهذا علاج جيبه من الصيدليه وبس يخلص المغذي تكدر تأخذها

محمد:- ماشي شكرا دكتوره حيل فرحت طرت من الفرحه بحيث بنص المستشفى سجدت لرب العالمين والدموع بعيني بعد ماايست صار عندي طفل كمت وزعت فلوس للممرضات وخابرت اهل مريم

رسميه:- الو هلا يمه محمد

محمد:- عمه راح يجيج حفيد عمه باركيلي