ذهب مع الريح

البارت الخامس عشر

ذهب مع الريح

البارت الخامس عشر

للكاتبه يقين

و فیمَـا بَعـْـدْ سَنكتشِفُ .......
  أنّ الـوقـت الذي کنا نَحـرصُ فیـه .....
  عَلــیَ ألّا نَخسَـرهُـم .....
  كَُنـاَ نَخسِـرُ بـهِ أَروَاحَنا......

رسميه :- يومه لو تعرف فرحتي بطلعتك شكد كللللللللللللوش وطشيت الجكليت وكمت اهلهل

مريم :- الحمد لله على السلامه يخويه

علاء:- الله يسلمج حضنتها وبستها ادري بيها تحس بذنب انو اني نسجنت بسببها وسلمت على خواتي ودخلت سبحت وبدلت وكعدت وينج رسوم نريد غده لو ضالين بسجن ولا هلجوعه هاي

رسميه:- يااااسم الله يومه شيرجعك هذا الاكل والله شكو شي تحبه تأكله اليوم ولايهمك يبعد امك

قمر:- المفروض احنه هسه نعتزل لان اجه حبيب القلب والروح بعد ساعه يمكن تطردنه

رسميه:-ام لسان لسانج اخوج هسه طلع من السجن وبعدين هوه فجه العين يسموه ولج هذا ابني الجبير

قمر:- اي هذا الجبير عزيز عندج والصغيره عزيزه ابوي  وسمر هاي عزيزتج من البنات ومريم عزيزه الوالد اني اترحض مالي مكان بلبيت اودعانكم

صلاح:- ههههه منو ولج انتي اعزهم كلهم انتي ضحكه البيت

قمر:-لا هنا تغير الحجي معناها اكعد بكل فخر واكل لان اني العزيزه

علاء:- يلفطيره اضحكون عليج وبسرعه صدكتي اني لو منج اكوم مااكل

قمر:- والله ياعلاوي اذا زعلت شغله وحده العالم كله ماايستغني عنها والي هيه يامعزوز العين الاكل شلون افوت الاكل الدسم اليوم وازعل مع الاسف

علاء:- ههههه ام بطن

صلاح:-رسميه كملن اكلجن وشغلجن بسرعه العالم راح تكوم تجي علمود طلعه علاء كوم بويه نكعد بلاستقبال

رسميه:- اجتي العالم هواي علينه بطلعه علاء وتعبنه هلكنه من الشغل والجايات يمه سمر موبايلي جاي يدك جيبي

سمر:- هاج  ماما هاي خاله سجى

رسميه:- الووو هلو سجاوي

سجى :- شلونج عيوني گره عينج بشوفه الغالي

رسميه :- بعد كلبي الله يخليلج وليداتج

سجى:-اكلج باجر اني جايتج بشغله ماتنحجي على الموبايل

رسميه :- خير يختي خومااكو شي

سجى:- لا حبيبه ماكو الا كل خير انشالله باجر الصبح اجيج هم اباركلج واشوف عليوي وهم احجي وياج بلموضوع

رسميه:- هلا بيج يكلبي البيت بيتج

سجى:- يله خيتي مع السلامه