ذهب مع الريح

البارت السادس عشر

ذهب مع الريح

الكاتبه يقين

البارت السادس عشر

اعتنق الانسانيه ثم اعتنق ماشئت من الاديان

نايمين والباب تكسرت من الدك شلون تنخطب واني ماادري ليش ولكم اليوم اكلب الدنيا على راسكم هيه الي ليش انطيتوها

صلاح :- طلعت اركض ع الباب اشوف شسالفه واسمع صوت علي يصيح واني فارت روحي دنيا صبح والناس نايمه وصوته مسموع بين الجيران فتحت لباب

علي:- وخر خلي ادخل اخذها والله مااتضل هنا وهسه تدز ع الولد يطلكها افتهمت

صلاح:- ولك انته شايف روحك متكلي شنو جاي تصيح وتعيط من صباح الله خير امشي ولي منا وحق الله هسه اكسرك هنا لو اخابر الشرطه لو نسيت التعهد

علي:- شوف اني رايح منا بس اعرفه اعرفه الولد واذا كسرته وخليته باب بيتكم مااطلع اني علي وها بتك بس الي واخذها اخذها فتهمت

صلاح:- امشي ولي قليل التربيه طاح حضك ردت اضربه واكسره بس اتذكرت هذوله يردون الزله علينه واكيد هو جاي يستفزني حتى اضربه لان يردون يسوون شكوه حتى يردوها الي
علي:- رايح ياعمي الهيبه بس تشوف شسوي

صلاح:-دخلت للبيت طالعه روحي منهم لكيت مريم ضايجه وتبجي حضنتها بابا لتبجين معليج بي افرحي ومااخلي يوصل يمج ابد لا حسبالج اني ضعيف ومااكدر الهم بس اني اخاف عليجن واخاف على علاء منهم هذوله ناس ميخافون الله يسوون كلشي واني لخاطركم اسكت حتى ماتتأذون

مريم :-حضنت بابا حيل وكمت ابجي كتله بابا كله بسببي مشاكلكم كله بسببي اني اني فكر عليكم ادري بنفسي

صلاح:-ليش تكولين هيج بنيتي تره مو انتي السبب بس همه يردون الزله لان اني صرت ويه عشيرة اخواني ومصرت وياهم بابا اني مااحب النفاق ولا الظلم وهمه شكو شي بي ظلم ونفاق عدهم وهمه يردوني اشوفه واسكت واني مااكدر بابا من رحت وصرت ويه الحق همه حقدو وكرهو مستعدين حاليا يذلوني وينتقمون مني لان اني ويه عدوهم الي هو ماكو بطيبه گلبه الاخو الي صدك اخو وكف وياي بكل مراحل حياتي بابا عباس عمج ماكو منه يطلع الحق لو جان جوه الكاع وياما ناس اجتي اله واخذلهم حكهم لاتضوجين عندج عمام يكسرون ظهر الي يحجي ويه احد من اهله

مريم :-مسحت دموعي وابتسمت لبابا وبست ايده

صلاح:-يله بابا روحي سويلنه ريوك اطلع لشغلي

رسميه:-صلاح شوف احنه لازم منكلهم الولد منين ننطيهم اسم غير محافظه ونبعد عنه علي لان هذا مخبل واني اخاف ع ابن العالم يكتلو هذوله ماعدهم مرحميه

صلاح:-لعد شلون رسميه والعرس راح يصير هنا

رسميه:-صلاح كل عقلك اذا صار العرس هنا تصير اجنازتين ويمكن ٣ والرابع سجن