ذهب مع الريح

البارت الثامن عشر

ذهب مع الريح

البارت الثامن عشر

للكاتبه يقين

اريد ان اخبره اني اشتقت اليه ولن استطيع النوم قبل ان حادثه لكن هو من منعني عنه

بارت هذا طويل لعيونكم

واريد تفاعل وتعليقات تره التفاعل قليل والمشاهده هوايه واتمنى تعذروني عن البارات القصيره بس لان ماللحك وكلما يكون عندي قوت اعوضكم بارت طويل

طلع الدكتور بشر دكتور شلونها

الدكتور :- هسه هيه بلعنايه المركزه ومنا لاربع وعشرين ساعه اذا ماعدت مرحله الخطر فراح تتدهور صحتها اكثر

رسميه :- كمت ادك والطم فقدت كلش كمت اصيح واعيط بنص المستشفى لحد مااوكعدت

علاء:- اخذت امي قسنه ضغطها لان ادري من تنقهر يصعد ضغطها وخلينها ترتاح واحنه ميتين قهر ع سمر منعرف شراح يصير بيها

سيف :- اني بس اسمع كلمه احس الف خنجر يدخل بكلبي بس مااكدر احجي ولا اسوي رده فعل كدام اهلها

قمر:-كاعدين اني وفطومه بلبيت ونبجي منعرف شصار بسمر ولا احد اجه صار الليل وهمه ماكو ضلينه بس وحده تباوع للثانيه وتبجي وندعي الله يكومها بلسلامه

رسميه:- لزمت القرءان وكعدت اقره وابجي وادعي هاي بنيتي ادري بيها قويه بيتي هسه تكوم مابيه شي ردت اتخبل الضنه غالي اذا صار بيها شي اموت وراها غير

سمر:- حسيت بألم مو طبيعي بكلبي واريد احرك جسمي مااكدر عيوني ثكيله اريد افتحهن كوه شويه فتحت منهن وره ١٠دقايق يله استقريت وكدرت افتح عيوني اباوع ع المكان ماادري وين اني يمي اجهزه وحاطيلي مغذي عرفت اني بلمستشفى بس مااتذكر غير سيف جان يمي ورادوا يخطفوني اتذكرت الموقف

رسميه:-كاعدين بصف العنايه المركزه ومنسمع غير عياط سمر ركضنه احنه وركض الدكتور

سمر:- لا لا راح يخطفوني والله اني ماسويت شي سيف حباب انقذني لتخليني هنا يمكن خطفوني اني وين وين كلولي يومه بابا وينكم حسيت نفسي تهسترت مدري اخاف هاي الغرفه مال خطف لو اخذوني اني وسيف بس الشرطه اجتي اتذكر يااربي والله خايفه

الدكتور:- ابره مهدء بسرعه راحت الممرضه جابت ابره وهدءت سمر

رسميه:-طلع الدكتور يمه دخيل اسمك دكتور فدوه شبيها

الدكتور:- مبيها شي اطمنوا مجرد رده فعل لان استعاده وعيها بعد مااجانت خايفه ومرعوبه ومصدومه من الموقف الي صار كدامه معرفت نفسها وين وهذا شي طبيعي بلعكس المفروض ترتاحون لان استعادة وضعها قبل الاربع وعشرين ساعه وهذا شي زين هسه اول ماااتهدء من الابره ترجع طبيعيه الحمد لله ع سلامتها وح نحولها لغرفه عاديه متحتاج العنايه بعد