ذهب مع الريح

البارت السادس والعشرون

ذهب مع الريح

البارت السادس والعشرون

للكاتبه يقين

يالرايح وناوي الهجر..
تسألني ليش على العمر.
لو ردت عني تبتعد
گلي شنفعهة العافية...
عشگتك روحي من گلب..
وعليهة تتركهة صعب
ونيتهة ماتصفة البشر..
بس الك جانت صافية..
يل ماتحبهة وبطلت
للعشگ المن جربت..
تدري بهجرتك فززت ..
ذيج العيون الغافية ..
جانت مأمنه بعشرتك
هسة صدمتهة بفرگتك ..
راحت بجت يم عتبتك
مثل المضيعه وحافية ..

سمر:- كل يوم يمر واني اتمنى الموت ولا افكر بي لان الليل يخنكني واني افكر بي من جان ينتضرني اطلع للدوام ويلحكني يخاف عليه لو اتذكر ابتسامته الي تسحرني لو اتذكر لمن ساعدني من رادوا يخطفوني وكلشي اله مواقف وياي ياربي اني الي دمعتي جانت متنزل ابد هسه صارت ماتوكف ابد ليش والله حبيته من كل كلبي بسبب سوء فهم ضيع نفسه وضيعني وهاي الغلطه راح تصير مرته بعد كم يوم ليش ولكم ليش

سيف:- كعدت الصبح اتريك وكاعدين كلنه حجه ابوي

ابو سيف:- بويه سيف الي سويته صح ستر للبنيه بس اني ماراضي بي

سيف:- ليش بويه

ابو سيف:- البنيه راح تنستر واهلها صح مالهم ذنب سمعتهم تروح بلرجلين وولدهم وبناتهم بعد ميتزوجن بس شغله واحده مافكرت بيها

سيف:- شنو هيه بابا

ابو سيف:- بويه مافكرت الي راح يأخذها يمكن يخدعوا يعني شنو ذنبه هو يعتقدد انو هيه مطلقه بس هيه استغفر الله ربي

سيف:- زين بابا اني شنو ذنبي اني الي اكدر عليه سويته حتى لا تنقتل البنيه ولا ابوها او اخوانها ينسجنون وراهم عوائل يعني اني فكرت بأهلها قبل لا افكر بيها لان همه عائله محترمه ومحافظه حرام تخرب سمعتهم بين الناس وثاني شي همه بعد هذا الشي راجعلهم يزوجوها او يبقوها يخدعون احد او شي هذا ذنبهم ويجوز الله غفور رحيم توب لربها وهو يساعدها بحياتها

ابو سيف:- الله كريم بابا الله ارحم

سيف:- وره كم يوم سافرت وعلنوا انو احنه تزوجنه بس جان بالي يم سمرر وادري راح يوصلهاا الخبر شلون راح يكون رد فعلها ياربي لا تخليها تكرهني انته اعرف بحالي وتدري شكد احبها

سمر:- الي عرفته انو سيف ماسوه عرس بس اخذ مرته وسافروا همه كلولي واني انهاريت دخلت للغرفه وكمت ادك والطم لييييييييييييش هاي تالي صبري ٤ سنوات واني انتضره يصير الي اخر شي ينام بحضن غيري لا والله اني ماتحمل راح اموت ياربي راح امووت فدوا ساعدني سيف الي مالتي اني يوميه احلم بي واحلم بعرسه يوميه اتخيله يمي حبيت الدوام بسببه ليش والله مااستاهل هيج يصير وياي كمت ابجي بحركه واحس كلبي. يريد يطلع من مكانه الا ان حسيت طاقتي خملت تعبت من البجي نمت