الوتين

البارت الرابع

                                 الوتين

  بقلمي رزان مدحت⁦✍️⁩

  مرت الايام وقربت امتحانات السمستر الاول جينا راجعين البيت جينا راجعين البيت تاني يوم من صبااح الرحمن واول ما صحيت لقيت رنا في وشي😒
انا : ي بت ماعندك بيت انتي😴😒
رنا: حتجاوزك عشان انا مبسوطة الليلة
انا: 😴😴😴😴
عساها دايمة

رنا: اميييين😍بوجوودوو😘
انا:منو هوو😴😴
رنا قوومي ي بت البسي نحنا طالعين
انا: 😴هممم
رنا: ي بت قومي
انا:وين
رنا: الجامعة
انا: الساعة كم
رنا: ستة ونص
انا: اللييييلة اتاخرنا المحاضرة سبعة😲😲
رنا: من قبيل انا بنبح معاكي
قمت دخلت الحمام وادوشت
لبست بنطلون ضيق لونو اسود ومعاه بلوزة بيضاء وبيفوق عباية اسود برمادي وطرحة سوداء وشنطة وجزمة برمادي(اموووت انا في الالوان ديي😍🤤)
وصلنا الجامعة وكان اليوم يوم خميس شفنا الجدول و جينا راجعين البيت و كالعادة انا دايما خايفة😂😂💔💔 وجات الامتحانات واول يوم كنت ببكي عديل😂💔 دخلنا وامتحنا والحمد الله الامتحان كان ظابط😍 و عدت فترة الامتحانات علي خير و الحمد لله و اخر يوم في الامتحانات لاقينا ناس خالد واحمد و عزمونا علي رحلتهم عشان الامتحانات خلصت و كدا و قلنا ليهم حنجي في البداية كنت رافضة بس رنا اقنعتني ووافقت  و الرحلة كانت يوم جمعة كل وحدة كلمت اهلها و وافقو امي في البداية رفضت لانو كان عندنا مناسبة بس قلت ليها بجي بدري وبحصلكم ان شاء الله المهم بعد الحاااح وافقت (حمد لله علي السلامة😒)

______________________________________

و جاء يوم الجمعة كنا متفقين انو نتلاقي في....... عشان تمشي قلت ليهم لا رسلو لينا الموقع في الواتس ونحنا بنجيكم في المكان المهم احمد سالم رقم رنا يلي هو اصلا كان عندو😒 كنا بنجهز و حلفت عليها إلا تبيت معاي و في النهاية وافقت(ما بتقدر علي😎😂) وبعد جهزنا حاجاتنا نزلنا اتعشينا واتونسنا ونمنا ...

.... و بالصباح لقينا احمد مرسل لينا الموقع لبسنا انا لبست فستان لونو كحلي وطرحة مشكلة فيها ورود كدا ورنا لبست فستان مشكل وطرحة كحلية وصلنا مكان الرحلة و كانت عبارة عن مزرعة وااسعة وكانت مزرعتهم هم يعني بيعملو فيها الرحلات وكاااانت رووعة بالجد
اتصلنا عليهم و جو خالد و احمد و مشينا معاهم و عرفونا علي عيلتهم و طلعت عيلة ظريفة
و هو كان عندو أختين توأم أصغر منو سما ولما و عندو اخوهو اكبر منو اسمو مهند و عندو اختو متزوجة اسمها نهي و امو وابوهوو عندو بت خالتو ال24 ساعة ملصوقة في خالد وبت مايعة مياعة اعوذ بالله😒👊 لاكين الصراحة هي مووزة....

لما: تعالو اقعدو جنبي
سما: لالا تعالو جنبي انا
ضحكنا عليهم ومشينا قعدنا جنبهم واتونسنا معاهم
احمد قال ل رنا: لو سمحتي ي رنا ممكن تجي لحظة..
رنا:  طيب
سما قالت لي لما: شكلو ولد خالت وقع ي لما😂
لما: اي والله شكلة كدا لاحظت ليهم مما جيتو ي نسمة الاخ بيعاين ليها
سما: اي اي و الله
أما انا فكنت سرحانة و بعاين ل احمد و لميس (دي بت خالتو طبعا)
سما: شكلها الاخت كمان وقعت😏
سما: نسمة انتي سافرتي وين ي بت
نسمة: ااا لا لا و لا مكان .. حابة اتمشي شوية تجو معاي
سما ولمي: طيب ارح يمكن تصيعي كمان😂😂
نسمة: 😂😂 لي شافعة انا
خالد: ماشين وين ي سما
سما: عاوزين نتمشي شوية ونوري نسمة المكان
خالتو فاطمة( دي ام خالد): ما تتأخرو ي بنات عشان الفطور قرب
سما ولمى: حاااضر .... ارح ي نسمة
وقمنا مشينا و خالد كان بيعاين لينا احدي ما بعدناا
لاقينا احمد و رنا كانو ليتونسو و يضحكو و كانو مبسوطين و هم بيتكلمو
نسمة: احم احممم
هم اتخلعو
سما: لقيناكم مندمجين
لمى: ف حبينا نزعجكم شوية
احمد: اصلو الزول ما بتونس بمزاج معاكم و لا شنو😒👊
كلنا ضحكنا 
سما: يلا نرجع لانو ماما بعد دا حتجي تسكنا بالكمشة😂
الكل: 😂😂
احمد: اي والله خالتي دي اي حاجة و لا تاخرو الفطور
رنا: يلا ي نسمة
انا: امسو انتو انا بجي بعد شوية
رنا: طيب بس ما تتأخري
انا: طيب
و هم رجعو محل ما كنا قاعدين و انا فضلت اتمشي جاتني لميس وقالت لي احسن ليكي تبعدي من خالد لانو هو لي انا و بس
قلت ليها منو هو اصلا العاوز خالد😏👊
لميس ابتسمت وقالت لي المهم حذرتك ابعدي من. و الاحتندمي .. و مست خلتني و انا متحيرة دي مالا دي و اصلا منو القال ليها اني عاوزة خالد و استغفرت الله وصليت علي الرسول (عليه افضل الصلاه واتم التسليم)
جاء خالد ولقاني سرحانة وقف جنبي و بعد مسافة حتي انا حسيت بيهو و عاينت ليه ب استغراب🤨
قال لي سرحانة وين انتي
قلت ليه هاا و لا مكان
خالد: طيب ارح الفطور... نسمة لحظة
نسمة: اي
خالد: ممكن رقمك لو سمحتي
نسمة سكت مسافة وقلت ليه هاا طيب ............09
و بعدها تلفوني رنة
خالد: دا رقمي
نسمة: اوكيي
و رجعنا فطرنا... وعملنا الشاي والجبنة والغداء ورجعنا المغرب امي ضربت لي قالت لي ي سجم انتي وين
انا: لشنو
امي: يشوتوكي برا الكوكب ي نسمة العرس ي زفت
انا: ااااا وربي نسيت ي امي
امي: انتي وين اسه
انا: ااا انا ف في
امس: نسمة ما تكذبي علي
انا: طالعين ي امي
امي: ياادووب
انا: ....
امي: علي كل تعاي عند ناس حبوبتك و امشي مع بنات خالاتك مننظرنك هم
انا: طيب
امي: نسمة اطلعي سرعة
انا: طيب طيب
امي: يلا سلام وخلي بالك وانتي سايقة
انا: طيب و الله يسلمك
فقلت من امي وقبلت علي رنا سزوووورعة ارح
رنا : ي بت مالك في شنو
انا: نسينا العرس واسع امي ضربت لي وهي زهجاانة
رنا: اااااي صاااح يلا بسرعة
انا: ارح.....    ودعناهم و طلعنا
وصلنا ناس حبوبة و لقيتهم منتظرني
غيرت هدومي كانت جايباخا لي امي فستان لي و واحد ل رنا انا كان بتاعي لونو اسود و فيه لمعة و تشكليلات بالفضي ورنا كحلي فيه لمعة وتشكيلات بالفضي و صلنا الحفل و كان عرس ولد خالت امي 😂😂💔💔 بعيد صحح
المهم خلص العرس و رجعنا البيت و انا و رنا نمنااا للصبااح
صحينا بعد الظهر الساعة 2
طبعا انتو عارفين الإجازة و المال الفيها
نمنااا اول ايااام علي قول امي  اتفشيتو😂😂
و في يوم قلنا نمشي نحوم حمنا الفتيحاب دي كلها ما خلينا مكان ما مشيناهم
و في يوم قلت ل رنا عاوزة اتكلم معاكي في موضوع......

حتعرف في البارت الجاي الموضوع هو شنو

#يتبع....

لن تعود الأيام #الجميلة..
ولكن ارجو من الله أن تأتي أيام #أجمل💗.

اشسفة علي التأخير ي جماعة بس كان عندي ظرووف و عشان ما تزعلو عملت البارت طويل و بتمني يعجبكم ي رب كوونو بخيير وانت خااصة ي اسمري الملتحي😘😍🥰😉