الوتين

البارت العاشر

                          الوتين

            بقلمي رزان مدحت

       # يجب علينا الاكتفاء ✋ بانفسنا 👉🙂
           كي لا يؤلمنا بعد أحد 👉💚

نسمة قضت الليل كلو تدعي الله و اتوكلت عليه خلت كل أمورها عليه و خلااص استسلمت و قالت في نهاية صلاتها (اللهم اجعله من نصيبي) هي ما كانت بتعدي ل زول محدد بس قالت كدا الزول الحيخلي حياتها سعيدة و هي كمان كانت ما عاوزة تكسر كلمة ابوها قدام صحبو عشان كدا هي وافقت و قرت قران و نامت في مصلايتها😴😪
و بالصباح ثحت علي صوت اختها عشان تجهز سلمت عليها و حكت ليها الحاصل و بكو مع بعض و قامو مشو السوق و بعد رجعو امها حبستخا من تاني يوم و مرة اسبوع و جامعتهم فتحت و نزلت نسمة بنفسيات محطمة بس حاولت تتماشي مع الموقف و تعد الموضوع عادي اتونست و. ضحكت بس شلهتا عرفت انها ما تمام :
منذر: يلا نطلب اكل
توتا: اي اطلبو لينا معاكم
مازن: انتي بس عاملة كدا زي الحبوبات قاعدة كدا في مكانك و بترسلي
توتا: انننن😝استظرف استظرف😒👊👊
كلهم: 😂😂😂💔
انا: و الله انتو شفع
المهم منذر و مازن مشو عشان يطلبو لينا  و ديل مسكوني بيجاي
شهد: نسسمةة
انا: اممم
توتا: ي زفتة مالك
انا: مالي
شهد: نسمة ما تدسي علينا نحنا من شفناك عرفنا انو في حاجة غلط
توتا: احكي ي بت نحنا صحبات و لا ما كدا
انا: لا ما قصدي بسس
توتا: من دوي بس
شهد: يلا احكي لينا
رنا: الاحسن انك تحكي ليهم
انا: طيب و حكيت ليهم كل الحاصل
شهد: كان ترفضي ي نسمة
انا: ما حبيت اكسر ابوي قدام اصحابو و بعدين هو كان مبسوط و حتي امي ما حبيت اخرب ليهم فرحتهم
توتا: خلاص نحنا نتكلم مع خالتو و خالتو تكلم عمو برااحة
انا: لا لا انتي جنيتي كدا حيزعلو
رنا: و بعدين الاوان فاات للكلام دا لازم تتقبلي الوضع ي نسمة و اكيد ربنا داسي ليكي مفاجئة
توتا: فعلا اتوكلي بس
انا: اصلا ما عندي خيار
شهد: ربنا يعينك ي صحبتي
بعدها جو منذر و مازن و دخلنا المحاضرة و هم قالو حيجوني لمن يفضل للعرس اسبوع قلت ليهم تمام و بعدها انتشر خبر زواجي و كل الناس عرفت و بقت تتكلم عاوزين يعرفو منو العريس خلصت السمستر الاول و نزلنا إجازة و حيعملو العرس فيها العرس باقي ليه اسبوع جو توتا و شهد و رنا اصلا كانت صاباها معاي و هم كل يوم بيواسوني المهم امي حبستني و الدخان عذااب بس😢😢💔كل يوم ببكي بس و صحباتي الرمم بيضحكو فيني😭😭💔💔قلت ليهم ليكم يوم ي جزم برضو ضحكو فيني جاء يوم الحنة مع اني كنت زعلانة و ما راضية بس برضو طلعت عسل🙈😘
صحباتي بعد ما خلصوني وقفو يحصنوني و بعدها جات ربا و ريناد برضو حصنوني و ابوي جاء و قال لي: ما شاء الله تبارك الله ربنا يحفظك و يغطيكي ي بتي و امي جات حصنتني و قالت لي ربنا يبعد عنك عين الحساد ي بتي
المهم عدت الحنة علي خير و كل الناس نامو الا انا كنت بصلي و بدعي و بعد ما خلصت قريت قران و دعيت تاني و رقدت نمت و بفكر في العريس الما شافني و ما شفتو دا ي ربي هو كمان مجبور زي و لا لا و غفيت و انا بفكر و صحيت تاني يوم لقيتهم صحو و بيشربو الشاي دخلت الحمام اتسوكت و ادوشت و اتوضيت و صليت و مشيت اشرب الشاي معاهم
انا: صباح الخير
كلهم: صباح النور و امي كبت لي شاي و قعدت اشرب فيه

______________________________________

في مكان آخر

خالد بيجهز لحفلت حنتو و مبسووط شديد جاه احمد و قال ليه
_ اليشوفك اسه ما يشوفك قبل يومين😒😉
_ لو كنت وريتني انو نسمة هي خطيبتي ما كنت شفتني بالحالة ديك😒👊👊👊
_ خلاص يلا الفطور
_ جاي
بعد ما فكرة و اتغدو المغرب اذن صلو و الحفلة بدت و جو رنا و توتا و شهد و عمر من اهل شهد يحضرو الحنة و طبعا توتا و شهد اتصدمو انو العريس خالد و  سمى و لمى اتصدمو انو العروس نسمة و فرحو كمان شديد انو نسمة حتكون مرت اخوهم و رنا قالت ليهم انو نسمة ما عارفة و ما لازم يكلموها بعد خلصت الحفلة و كلهم رجعو

نسمة رسلت ل خالد و قالت ليه:
_ السلام عليكم خالد
هو كان اون لاين فعشان كدا رد بسرعة
_ و عليكم السلام ي نسمة
_ اممم حبيت اعزمك علي عرسي  بكرة ان شاء الله في مزرعة .........
_ و الله الف مبروك بس ما عيب عليكي تكلميني و بكرة العرس
_ اممم كنت مشغولة عشان كدا ما قدرت اكلمك
_ طيب مافي مشكلة ان شاء الله حكون حاضر
_ طيب و ما تنسي جيب معاك ناس بيتكم + احمد كمان
_ اكيد ان شاء الله

و رسلت ل لمى و سمى نفس الكلام و قالو ليها كنا عاوزنك تكوني مرت اخونا بس خالد كمان جبروهو علي الزوج
_ بالجد متين و لي ما كلمني
_ بري نحنا ما عارفين
_ اااا طيب الف مبروك ليه
_ الله يبارك فيكي و الف مبروك ليكي كمان و تتهني ي نسمة
_ الله يبارك فيكم+ اللهم امين ي رب و عقبالكم كمان
_ امين.   اااا طيب نخليكي تنومي عشان بكرة ان شاء الله حتتعبي
_ طيب
_ تصبحي علي خير
_ و انتي من أهله

______________________________________

و جاء اليوم التاني اليوم المنتظر يوم العرس
بعد الصلاة  الناس عقدو خلاص و صوت البندقية و النسوان بيزغردو و جو صحبات نسمة بكو معاها زيين و مكان ريناد و اختها ربي و امها و خالاتها و عماتها و جاء ابوها بارك ليها و كلهم قالو اطلعو العريس جاء يشوفها و خلوها بر اها  لابسة توبها و قاعدة و الباب فتح و قفل و حسيت لانو في زول قعد جنبي عاينت و هنا كانت الصدمةة😱😱😱💔

تاابعوالبارت الجاي و تشوف هل نسمة حتتصدم لمن تشوف خالد قدامها و لا لا و ردة فعلها حتكون شنو

من احداث البارت الجاي:
انا حوريهم يعني العروس نسمة كويس  ي خالد

انا ما حاخلي العرس دا يتم حتي لو اتضريت اني اقتل نسمة حتشوف ي خالد 😈😈

ي ربي دي منو و لي بتكره نسمة كدا لدرجة عاوزة تقتلها كلو حنعرفو في البارت الجاي كون بعافية

# يتبع . ...

# اقتباسة:

‏أعلمُ أنكَ رحلت وأعلمُ أنكَ لن تَعود ، ولكن الحنين لكَ لن يمُوت ، وسوفَ أراكَ في الحلم وصوتَ المطرِ.❤️
😴🖤

#في بعض الاحيان
نحتاج الى مقبره داخل ارواحنا..
للاشياء التي تموت بداخلنا..!💔🥀