الوتين

البارت الخامس عشر

                           الوتين

        بقلم رزان مدحت

يا جماعة دي اول رواية لي بتمني ادعموني فيها و تصوتو لي في الحلقات عشان  اكتب احسن منها المرة الجاية بلييز ادعموني

______________________________________

إنَّ الله يكشِفُ الكَرب ويُخفِّف الضِّيق بكثرةِ الصَّلاة على النَّبيِّ ﷺ.

______________________________________

   نمت ما صحيت الا بحركتو  عاينت ليه مسافة و رقدت تاني جاء قعد جنبي في الارض و قعد جنبي و قال لي:
_ انا و الله اسفة ما كان قصدي اني ازعلك بس
_ ( قاطعتو و قلت ليهو ) انا حاحصر ليك الغدا و العصير
خالد بيحكي
انا عارف انو نسمة زعلانة مني و زعلانة شديد كمان و ليها حق انا اتهمتها ب حاجة ما سله انا اتهمتها بالخيانة انا زوجها اتهمتها بحاجة زي دي  بتمني من كل قلبي تسامحيني ي نسمة انا اسف انا اسف بالجد انا عارف نسمة ما بتزعل بالساهل بس بس لو زعلت ما بترجع بالساهل و حتي لو رجعت بتكون خاتة حواجز بيناتنا و دا انا خايف منو اكتر يا رب يا رب ساعدني

نسمة بتحكي
انا كنت حاضعف قدامو لمن شفت دموعو و بحة صوتو و حتي العبرة خانقاهو و ما قادر يتكلم كنت خايفة اضعف قدامو عشان كدا اتحججت بالغدا مع انو هو كان جاهز و اي شي عشان كدا و نزلت تحت

سكت و ما ردة علي نزلت تحت و ما اتكلمت معاهو جهزت الغدا و العصير و ختيتو في الصفرة و مشيت عشان اناديهو لقيتو بيصلي و بيدعي بصوت و بيبكي و بيقول:
_ يا رب تخليها تسامحني يا رب انا غلط في حقها بتمني قلبها يحن و تسامحني يا رب
بكيت معاهو و بقيت انا كمان بدعي يا رب اقدر اسامحك يا رب ساعدني لمن انتبه لي مسحت دموعي و قلت ليه:
الغدا جاهز و نزلت طوالي بعد مسافة نزل و عاين لي و قال لي:
_ انتي ما حتاكل
_ لا ما عاوزة
_ ليشنو
_ فطرت متأخر جو ناس سمى و لمى فطرت ماعهم متأخر
_ تمام لمي الاكل انا ما عاوز
_ لي
_ ما متعود اكل براي و دخل المطبخ
طلعت فوق بزهج حتي ما لمست شي من الاكل و لا لميتو و لا حاجة و مشيت زهجانة فتحت الدولاب و بديت اجهز في حاجات الجامعة و اتذكرت انو دفاتري كلها هناك في البيت ضرب طوالي ل عمر:
_ الوووو
_ اي عمر كيفك
_ اووو العروس بخيير و الحمد لله و انتي كيفك و كيف خالد
_ و الله كويسين و الحمد لله كيف ناس البيت
_ كوولهم كويسين بس بقعد في البيت براي زي الشيطان
_ هههه شفت انا كنت كيف لمن بقعد براي
_ اي و الله يحليلك ياخ لاكن اصبرو لي بس لمن اجيب لي وحدة تونسني زي خالد😁😂
_ ي ود قلت ادبك دي ما حتخليها يعني و لا شنو
_ لا لا اذا خليتها ما ابقي عمر
_ متخلف يلا
_ زي اختي
_ انننن
_ شافعة دي غايتو الله يعينك ياخالد اها كنتي عايزة شنو
_ ااا كنت عاوزة اقول ليك انو دفاتري بتاعت الجامعة قاعدة في بيتنا جيبها لي عليك الله
_ دفاتر شنو ?  و قااعدة وين ?
_ دفاتري حقت الجامعة و قاعدة في المكتبة البقرا فيها في غرفتي
_ طيب تمام اجيبها ليكي متين
_ الليلة لو بتقدر لانو الجامعة قربت
_ طيب هاكي امي عاوزاكي
_ الوووو ي بتي كيف و كيف خالد معاكي
_ كوييسة و الله كويس و الله ما مقصر مني حاجة ( في اللحظة دي خالد جاء و شايل الصينية بتاعت الاكل ) اخبار ابوي كيف مع الشغل و هو وين اسه
_ و الله ابوكي دا ما جاء لسه من الشغل ضربت ليه قال عندو اجتماع مهم و لسه ما رجع
_ يا حليلو ياخ ربنا يعينو
_ امين يا بتي خالد كيف مع الشغل
_ كويس و الله  لسه ما نزل حينزل بعد بكرة ان شاء الله و انا كمان حانزل الجامعة
_ اجييي يا بتي تنزلي جامعة كيف يعني و انتي عروس ما تميتي شهر
_ ساي يا امي بعد ما خالد ينزل حاقعد مع منو
_ لاكين يا بتي ما صح تنزلي كدا
_ يا امي ياخي انا عاوزة انزل
_ خلاص بطريقتك يلتو يوم اصلا بتسمعي الكلام
_ معقولة يا سوسو و لا سوسو دي حقت الحاج بس ياا😉
_ امشي يا قلت الادب الله بس يخليكي ل قلت الادب دي انتي و اخوكي بس
_ 😂😂😂
_ يلا يا بتي ما اطول عليكي  يا بتي
_ طيب يا امي سلمي علي ابوي لحدي ما اضرب ليه يوم تاني ان شاء الله
_ ان شاء الله مع السلامه
_ الله يسلمك
قفلت من امي و ختيت التلفون جنبي  خالد جاء و ختة الصينية جنبي جايب لي بيتزا بالجبنة و معاها جبنة و زيتون في صحن قال لي:
_ يلا ناكل الله البيتزا حلوة ياخ تعرفي انا زمان ما كنت بحبها بس حبيتها بسببك يلا بسم الله و بدأ ياكلني من غير ما ياكل هو قلت ليهو:
_ انت ما عاوز تاكل
_ انا ما عاوز انتي اذا اكلتي انا بكون اكلت انا و انتي واحد
_ امم لي انا بطنك و لا بطنك جوا بطني 😒😒
_ 😂😂 انتي يا بت لميضة و لئمة كدا مالك
_ احم زيك بس يلا اكل انت كمان
شلت لقمة كبيرة و دخلتها ليه كلها قال لي:
_ يا بت انتي لي حفارة كدا. شوفي انا بديكي لقمة صغيرة قدر كيف و انتي اديتني قدر كيف دايرة تخنقيني و لا شنو 😒😂
_ 😂😂بااس كدا مزاج بس
ضحكنا و اكلنا و هو لمي العدة و جاء قعد في اللابتوب  و انا في التلفون قال لي:
_ بتعملي في شنو
ما رديت عليه لاني كنت ما سامعة رمي في ورقة و قال لي:
_   يا بت انا بتكلم معاكي لي ساعة
_ هااا و الله ما سامعاك قلت شنو
_ قلت ليكي بتعملي في شنو
_ بقرا في رواية
_ رواية شنو
_ اسمها أسري
_ اللله الرواية دي حلوة شديد
_ 😳شنو
_ قلت ليكي حلوة شديد
_ و انت بتعرغها من وين
_ قريتها
_ ااا😳
_ مالك يا بت مش البطلة اسمها ريان
_ اي
_ و بحكي انها اختارت البيحبها بدل البتحبو بسبب رواية
_ اي اي😳
_ باااس قريتها
_ قريتها من وين
_ يا بت انا بقرا الروايات من زمان
_ بالجد😳
_ اي و عندي كمان و سكت مسافة نسمة تعالي معاي
_ وين
_عندي ليكي مفاجأة
_ وين
_ تعالي معاي غطي لي عيوني بقطعة بيضاء و مسك لي يد قلت ليهو:
_ انت موديني وين
_ حاخطفك يا بت ارح معاي و انتي ساكتة
بعد مسافة سمعتو بيفتح في باب بالمفتاح
_ يا خالد انت موديني وين
_ ارح بس و انتي ساكتة
_ بس وين
_ يا بت انتي طول عمرك اسئلتك كتيرة كدا
_  ..... سكت و ما رديت بعد مسافة طلع لي القطعة و اتفجاءة صراحة من الشفتو عبارة عن مكتبة كبير فيها كتب كتيرة و كلها روايات و حلوة و قفت مصدومة مسافة بعدو قلت ليهو:
_ متين عملت دا و من وين و ليشنو و كيف
_ 😂😂يا بت انتي رضعوكي اسئلة عملتها لمن عرفت انك بتحبي تقرير الروايات و كل مرة بجيب كم رواية و بختها
و  بعد مسافة قعد علي ركبو و قال لي:
_ نسمة و الله انا اسفة انا عارف نفسي ظلمتك و ما كان قصدي و الله انا بس غرت لمن شفتك بتتكلمي كدا و لمن كنتي بتضحكي مع اصحابي و
_ ( قاطعتو و قعدت معاهو في الارض و حضنتو و قلت ليهو ) لا انا الاسفة انا ما كان لازم اعمل كدا لانك ما صحبي و لا حبيبي لا انت راجلي و تصرفي داك كان غلط انا غىت لمن شفت رنيم بتعمل كدا و كمان انت طلعت معاها و بتتونسو و بتصحكو و هي بخت يدها فوق يدك و كمان انا ما صدقت اني ارتحت من تسنيم اجي و القي رنيم ياخي
_ دقيقة دقيقة يعني انتي كنتي غيرانا  ياااسلااام ياخي
رفعت راسي منو و حمرت ليهو ضماني عليهو تاني و قعد يضحك و قال لي:
_ انا اسف يا حبي ما قصدي و الله تاني ما اعيدها
بعد مسافة قال لي:
_ صافية لبن
_ قشطاا
و ضحكنا مسافة
_ و الله انا معرس لي شافعة و الله😂😂
_ حمرت ليه😒👊
_ خلاص سكت و باسني في خدي و شفت المكتبة  و لقيت فيها شنو و الغرب اذن و انا بعمل في الشاي الجرس بتاع الباب خبط ناديت خالد عشان يفتح قال لي:
_ حبيبي انا بحضر في الكورة افتحي انتي
مشيت و انا بطنطن و بقول:
_ و الله انت تحضر و انا شغالة في المطبخ و امشي افتح الباب و اتفاجأت لمن لقيت😳

#يتبع.....

# استكانة...🌸