الوتين

البارت الثاني

                            الوتين
     بقلمي رزان مدحت
وجاء اول يوم في الجامعة وكنا خايفين ومتوترين ومشينا بعربيتي ودخلنا الجامعة وكانت تحفة وفي منتهي الروعة وبدينا نفتش في قاعتنا....
رنا: احسن نفترق ونفتش والبتلقاها تضرب للتانية
انا: اي والله.طيب انتي امشي من هنا وانا حامشي من هناك
رنا: طيب تمام...

مشينا وبدينا نفتش....لقيت ولدين ومشرت اسالهم...
انا: لو سمحتو . الاول: اتفضلييي
-عاوزة اسال من قاعة علم النفس اولي
التاني: انتي برلومة . انا: اي .... عاينو لبعض وابتسموا 😁
الاول: اووو شكلهم البرالمة السنة دي مزز وفيهم جكس طبي نضيف😘🤗.
التاني: تعالي انا بوريكي😉
انا: طيب ومشيت معاهم بحسن نية وبراءة😂ووصلوني قاعة شكرتهم ودخلت ولقيت ناس القاعة كلهم جايطين استغربت ودخلت لانو البرالمة بيكونو اول يوم مسااكين😆😀وقفت وعاينت ليهم مسافة وهم سكتو وبقو يعاينو لي وفي اوتد كانو بيشاغلو يا مزة وغيرو حمرت ليهم وبجدين قلت ليهم السلام عليكم
الكل: وعليكم السلام. انا: انا دكتورة جديدة وعاوزة قاعة علم نفس وفي ناس شكلهم قايلني برومة وبرلموني . في ولد وقف ووصف لي القاعة . شكرتو وكنت طالعة في بت قالت لي عرفينا علي نفسك ي دكتورة وقفت وابتسمت😏 وقلت ليهم نسمة عبد الله برلومة علم نفس واول مرة اجي الجامعة
طبعا كلهم بقو مصدومين ويعاينو لي كدا😮😮 ويعاينو لبعض وفجاءة كلهم ضحكو وفي ولد قال لي والله نحنا صدقناكي وقلنا حنقفل مادتك😅
المهم اتونست معاهم وجيت طالعة وانا طالعة لقيت الاولاد البرلموني😏وعاينت للولد باستفزاز وهو ابتسم لي وكل زول مشي في طريقوو.
دخل وقعد يضحك وقال لاصحابو اها برلمتوها
صحبو أحمد قال ليه قصدك البرلومة المزة دي -اي
احمد هههه دي البرلومة البرلمة السناير🤩
خالد بقي مصدومو وقال ليهم شنوو
قامو حكو ليه الحصل كلو وبقو يضحكو فيهم كلهم
والخبر انتشر في الجامعة كلهاا.........

وانا بهناك مشيت ل رنا شاكلتي وقالت لي ي زفتة انتي كنتي وين ومن قبيل بضرب ليكي قلت ليها تلفوني شكلو صامت قالت لي كنتي وين وحكيت ليها الحصل كلو وهي مااتت بالضحك😂😂وقالت لي طلعتي ما هينة ي بت عبد الله 😂
قلت ليها شفتي كيف😎😂

ورجعنا البيت وحكيت لناس البيت الحصل وبرضو ماتو من الضحك
مشيت غرفتي واخدت لي دش بارد ونمت للمغرب....

صحيت المغرب وصليت المغرب واكلت واتونست مع ناس بيتنا للعشاء واتعشينا ورجعت غرفتي صليت العشاء واكلت لي شوكولاتاا🍫🍫🤤😋
واتونست مع شلتي بتاعت سنة تالتة في الواتس ودخلت الفيس شوية وبعدها ختيت تلفوني في الشاحن ونمت عشان بكرة عندي جامعة😴😴😴😴

#يتبع

عارفة البارت بسيط ي جماعة بس اعمل شنو دا القدرت اكتبو لاكين ان شاء الله الباقي ححاول اعملو اطول وكمان حيكون فيه اقتباسات وخواطر🤩😍⁦❤️⁩

وللوقت داك كونو بعافية❤️⁩😘😘💋⁦⁦