الوتين

البارت الخامس

الوتين

بقلمي رزان مدحت

⁦❤️⁩و في البداية اللهم لا تعلق قلبي بما ليس لي⁦❤️⁩

______________________________________

قلت ليها ما ناوية تحكي لي
رنا: عن شنو
انا: رنا ما تستعبطي عن أحمد يعني منو
رنا: اااا و ربي كنت عاوزة احكي ليكي
انا: متين يعني
رنا: بعد ما تساليني
انا: جززمة👊
رنا: و انتي الفردة😂
😂😂😂 و بعدها فعدنا نضحك
و حكت موضوعها قلت ليها انا و سما و لما قلنا شكلكم وقعتو قالت لي اصلا
و بعدها نمناا

و بعدها نزلنا الجامعة....
و انا كالعادة في الجامعة اول اسبوع ما بمشي
جات امي و قالت لي تمشي
انا: ي ماما ما عاوزة امشي ياخ
امي: انتي اصلا ما بتشبعي من النوم دا قومي قبل ما اكلم ليكي ابوكي
انا: هممم ما انا ما عندي جامعة
امي: انا عارفاكي ي جزمة عشان كدا قلت ل رنا ترسل لي الجدول
انا: غايتو رنا دي بس الليلة تصبر لي
امي: قومي بلاش دلعك دا نحنا زمان كنا بنصحي قبل اذان الصبح و ننصف و نجهز الفطور و الشاي و بعدها نصحي امي و ابوي
انا: يااه خلاص قمت بس ماتبدي تحكي لي
المهم مشيت الجامعة ولاقيت رنا ونزلت فيها ضرب لمن قالت بس و هي الجزمة بس بتضحك

المهم مرت السنة و جينا الامتحانات و كنا خايفين مووباالغة و خصوصا انا😂
و ك العادة ما بيمر امتحان الا و ابكي فيه😂😂😂 و رنا كل ما تشوفي بتقول خلاص اها واحد اتنين و قبل ما تقول تلاتة تلقاني بكيت😂😂😂
المهم عدت الامتحانات بخيرها و شرها و شرها كان اكتر من خيرها😅😅
.
و في اخر يوم....
رنا: رأيكم شنو ي جماعة نمشي شارع النيل نحتفل و قبل ما نمشي نتغدا في مطعم
نسمة: اي فكرة حلوة و الله
شهد: اي انا موافقة
منذر و مازن: نحنا كمان موافقين
احمد جاء و رنا من شافتو تتبسم و تتكشم 😂 و انا اعاين ليلها و اضحك و لما تشوني تحمر لي و تواصل😂
احمد: كيفك ي رنا و كيف امتحنتي
رنا ب خجل: تماام و الحمد لله و انت
احمد: بخيير و الحمد لله
توتا: يااا رييتني رنا😏😅
كلهم: 😂😂😂😂
مازن: انننتي امشي ي باايرة😂👊🙊
توتا: مازن احسن ليك... و بعدين منو القال ليك اني بايرة حركة بس باصبعي توقفهم صف
مازن: 😂😂اي اي بااين🤣
و كلهم ضحكو فيها
انا: هي خلو توتتي دي في حاالها
ما: كنت حقول ليكي اديها اخوكي بس اخوكي صغير😂🤣
انا: هو انا لاقياها تكون مرت اخوي😘
توتا: شفت كيف مش زيك😒👊
احمد: عن اذنكم يا جماعة حاخد رنا منكم شويتين
شهد: شويتين يعني ما شوية😉😅
احمد: لا لا ياخي شويتين زاتها بسيطة😅
مازن: شيلها و لو ما عاوز ترجعها زااتو حلال عليك
احمد: لي هو انا قنعان من نفسي
رنا حمرت ليهو
انا: الليلة سوف الحيمشي معاك منو
احمد: احم اااقصد جداا هو انا لاااقي
مازن: حيي هرشوني
توتا: لا لا وروني العين الحمراا
و ضحكو كلهم و رنا لاحظت انو نسمة ما اتكلمت و لا حتي ضحكت علي غير العادة.... رنا غمزت ل ليهم و أشرت علي نسمة ب لسانها
توتا: هيي ي نسونة مالك ساكتة علي غير العادة
مازن: و انا اقول الدنيا دي مالها هاادية كدا اتاريها نسمة سااكتة
رنا: هي احمد خالد وين
احمد: و الله خليتو في القاعة مع تسنيم
رنا: و انا اقول مالو ما جاء اتايهو مع تسنيموو قالتها بمياعة كدا بتحاكي في صوت تسنيم
رنا: يلا ي شباب ل بعدين
شهد ومنذر: اعزمي معاكي احمد و خالد
رنا: اكيد ما بتوصي حريص انتي

.... نسمة و مازن و توتا و منذر و شهد كانو بخططو للرحلة و بعد ما خلصت نسمة ضربت ل رنا: الووو رنا وينك
رنا: هنا في الكفتيريا
نسمة: نحنا طالعين و انتي
رنا: اي طالعة نتلاقي في البوابة
نسمة: طيب ما تتأخري
رنا: طيب تمام
و طلعو كلهم و خالد قال ليه انا و تسنيم ماشين المطعم و حوصلها البيت و حاجي راجع و يمكن اغشي الشباب
احمد: طيب تمام
طلعو و اتلاقو كلهم جنب البوابة و حتي تسنيم و خالد و هم كانو بيتونسو....
خالد: ازيكم ي شباب
كلهم: بخيير و الحمدةلله و انت كيفك
خالد: تمام و الحمد لله
تسنيم بمياعة كالعادة😒👊: هااي شباب
كلهم: اهلين
نسمة: يلا شباب زي ما اتفقنا
كلهم: طيب ان شاء الله
تسنيم: لحظة ي نسمة
نسمة: (اللهم اجعلهو خير) نعم عاوزة حاجة
تسنيم: لا بس زي ما شايفة انا و خالد ماشين موعد في المطعم
عاينت ليها و ل خالد و قلت ليها: و انا الدخلني شنو
تسنيم: لا لا و لا شئ بس حبيت اوريكي انو نحنا بنحب بعض و مرتبطين عشان ما تاملي و بعدين لمن تتزوج تبكي و اصلا باقي لينا السنة دي بس
عاينت ليها من فوق ل تحت و ضحكت: و قلت ليها صحي الطيور علي اشكالها تقع 😏😂
و مشيت خليها واقفة و دورت عربيتي و مشيت و حتي ما انتظرت رنا

بعدما وصلت دخلت الحمام و ادوشت ولبست بجامة لونا رمادي باسود و فيها ورود بالبنفسجي
ونمممت
المغرب جات امي صحتني دخلت الحمام اتوضيت جيت لقيت رنا قاعدة في نص السرير
عاينت ليها و صليت بعد خلصت قالت لي: و عليكم السلام
نسمة: لو ما كنتي ساكنة معانا كان سلمت عليكي
رنا: احييي ياخي انتي كل مرة مطيرة جبهتي علي العموم انا جيت ل ربا ما ليكي
انا: دييك غرفت رباا
رنا؛: المهم قبيل مالك انا. مالي
رنا. تسنيم قالت ليكي شنو
انا. ياخي دي وحدة متخلفة ساي ... و حكيت ليها الحاصل
رنا. دي فرحانة ساي و المشكلة انو خالد ما شغاال بيها الشغلة و الله احمد قال لي ما بيرد عليها حتي التلفون و هي لصقة و متلصقة فيهو
انا. اي باين
رنا. يلا انا ماشاا البيت
انا. لا الا تشربي جبنة معاي
المهم رنا قعدت و شربنا الجبنة و رنا مشت و انا صليت العشاء و نمت

#يتبع....

اتمني أن تكون بخير ي اسمري

و (اللهم اجعله من نصيبي)
🖤⁦❤️⁩