الوتين

البارت الثالث عشر

الوتين

بقلمي رزان مدحت

يا جماعه الرواية دي قيد الكتابة يعني ما تسالؤني من البارتات الا انزلها و قراءة ممتعة يا رب

صلو علي الرسول صلى الله عليه وسلم

______________________________________

اول يوم نمناا زي الواقعين من طيارة😂😂💔 صحينا تاني يوم شربنا الشاي و طلعنا نتفسح طلعنا من الساعة ستة صباحا و رجعنا البيت الساعة سبعة مساء لقيناهم بيلبسو قلت ليهم:
_ ماشين وين
_ امشي البسي بسرعة ي نسمة ماشين ل صاحب ابوكي عازمنا عشاء
_ منو دا
_ اسمو علي عندو ولدين واحد متزوج و التاني اكبر منك بسنتين
_ ما عندو بنات
_ لا لا عندو بتين واحدة متزوجة و وحدة قدرك
_ ايواا طيب بمشي كدا
_ حتمشي ليهم ببنطلون
_ اي فيها شنو
_ طيب غيري الطونيكا علي الاقل
_ بس يا امي
_ نسسسسمةة😡
_ طيب طيب ماشة ماشة
مشيت غيرت لبست نفس البنطلون بنطلون جينز و معاهو طونيكا احمر باسود و طرحة بالاسود و طاقية احمر بالاسود و طلعت لقيتهم جاهزين صحباتي قالو ما ماشين معاي الا رنا و خالد و احمد بس طلعنا و هم سبقوني و انا حصلتهم اول ما وصلت خبطة الباب فتح لي ولد كدا عبارة عن حاجة ضخمة كدا و عبارة عن عضلات بس قالت ليهو:
_ ناس ابوي هنا
_ اي اتفضلي ي عسل
_ 😒😒

طيب و دخلت لقيتهم بيتونسو بمزااج و بيشربو شاي المغرب ببسكويت قعدت و شربت معاهم و اتونسنا لحدي بعد العشاء و عملو العشاء ساعندناهم انا و امي و رنا و الرجال بهناك في الصالون بيتونسو ولدو الصغير اسمو احمد قال لي ابوي:
_ و الله ي عمي بتك الصغيرة دي عجبتني و انا عاوزها
_ اي عليك الله يا عبد الله يشرفنا نناسبكم و ولدي احسن الاختيار و الله
_ و نحنا كمان لينا الشرف و الله بس بتي عاقدين عليها
_ دا منو المحظوظ دا
_ هو جنبك خالد ولد صحبي
_ ايواا الف مبروك علي يا خالد
_ الله يبارك فيك ي عمي
_ ربنا يهنيكم و بيت مال و عيال ان شاء الله يا رب
_ اللهم امين يا رب و تسلم ي عمي
_ ولو ولو

بعدها جابو العشاء و اتعشينا و الاسمو احمد دا ما شال عينو مني طوال قعدتنا في العشاء و انا بتوتر لمن زول يعاين لي كدا قمت من الاكل قالو لي:
_ مالك ي نسمة ما اكلتي
_ اكلي كويس ي بتي انتي ما اكلتي زي الناس
_ لا لا الحمد لله شبعت ي خالتو تسلمي
_ الاكل ما عجبك و لا شنو
_ لا لا و الله بالعكس حلو شديد تسلم يدك ي خالتو
_ يامي الحلو ما اكااال صح😉😏
حمرت ليه و قمت من الاكل و خالد ما فضل ليه الا يقوم و يكفتو مشيت برا الجنينة بعاعتهم بعد مسافة فجاء كدا سمعت صوت زول بيمشي بوراي قايلاهو خالد لانو دائما بيعمل الحركة دي التفتة لقيتو الحيوان احمد جاء قال لي:
_ شكلو خالد ما عاجبك
قلت ليه: نعم
_ زي ما سمعتي شكلو بعد ما شفتيني عجبتك انا و عبتني عضلاتي دي صح
_ بتحلم انت و لا شنو اصلا ما بعاين لامثالك
_ ههههاااي انا ما في بت بتاباني كان بالحلال أو بالحرام رأيك شنو تخلي خالد و تجيني انا صدقيني ما حتندمي
_ انت واحد مريض نفسي شوف ليك علاج بالله
قرب علي شديد مدا يدو عاوز يمسكني في يد مسكتو عاينت لقيتو خالد قال ليهو:
_ انت كيف تتجرأ تمد يدك علي مرتي أو تتكلم معاها اصلا بحذرك اذا لقيتك واقف معاها تاني و الله ما في زول حيحلك مني و رمي ليه يدو بزهج كدا و جاء علي و قال لي:
_ نسمة انتي كويسة عمل ليكي حاجة الحيوان دا
_ لا لا انا كويسة بس هو واحد حيوان و قليل ادب و بديت ابكي قال لي:
_ اششش ما تبكي حبي خلاص ما حيقرب عليكي تاني و لو قرب بس اعملي إشارة و انا حاكسرو
لمن لقاني ما سكتة و زدتا في البكا لمن بشهق صماني عليه و بقا يهدي فيني لحدي ما سكت و زحيت منو
قال لي:
_ انتي كويسة
_ اي كويسة
_ طيب يلا نرجع البيت
_ يلا
و رجعنا البيت و نمنا و تاني من اليوم داك ما شفت احمد شكلو خاف من خالد😂😂😂😂
قعدنا اسبوعين و بعدها رجعنا عشان نحضر للعرس و بدينا في التجهيزات و يوم العرس من الصباح مشينا الكوافير و اشتغلو في حمام زيت و سوو لي شعري و بدو لي في الرسمة و صراحة طلعت خوووراافية بالجد وبدو للبنات و بدو يجهزوني عشان الحفلة و خلصت صراحة طلعت تحفة لمن ما عرفت نفسي و وقفت قدام المرايا و بعاين ل نفسي و جوني البنات و كانو لابسين دهبي بي احمر مطقمين مع بعض و فاكين شعرهم و انا قدر ما قالو لي اعملي تسريحة رفضت قلت ليهم عاوزة حجاب بس جوني البنات و قالو لي جو و سمعت البوري و خلاااص حلي برد بعد شوية كلهم طلعو و الباب فتح و قفل عرفتو خالد دنقرت راسي طوالي جاء و قال لي:
_ مبروك علينا مرة تانية. قلت ليهو:
_ الله يبارك فيك
_ ان شاء الله اقدر اسعدك أضعاف ما اسعدتيني و احافظ عليكي و ما حاخلي في يوم دمعة تنزل منك بسببي و لو حصل لاا قدر الله حمسحها قبل ما تنزل
_ ان شاء الله
_ نمشي
_ طيب
بعدها طلعنا و كلهم شغالين يصفرو و يكوركو و يزغرتو و انا من الخجل راسي ما رفعتو ركبنا العربية خالد مسك يدي و قال لي:
_ نفسي اخطفك و ما اخلي زول يشوفك كدا
_ لي
_ لانو حيسحروكي لي
_ .... خجلت ما قدرت ارد عليه
_ رأيك شنو نهرب و نخلي الحفلة دي ليهم
_ هيي مستحيل هم منتظرننا
_ هم ما منتظرننا هم منتظرين الحفلة بس😂😂 اصلا عقد و عاقدين نهرب بمزااج😂
_ هووي ي ولد ما تعلم لي صحبتي دي الانحراف😂👊
_ هيي صحبتك بقت مرتي تاني سنيها سااي😂😏👊
_ شفتي ي نسمة يرضيكي نكون كدا
_ ااي😂😂
_ شوف البياعة
_ احم في رأيك حتختار راجلها و لا صحبتهااا
_ ااا راجلها اكيد صح ي نسمة
_ باااس ي احمد الله ينور عليييك
و كلنا ضحكنا و بنتونس لحدي ما وصلنا المزرعة طبعا العرس كان في مزرعة لاني ما بحب الصالات و كدا المهم وصلنا قبل ما ندخل قلت ليه:
_ ي خالد ما حنرقص صح
_ امممم علي حسب صحباتك مخططين ل شنو
_ كيف يعني صحباتي مخططين انا عارفاهم الجزم ديل حيكونو عملوها غايتو انا بحرجك و بحرجهم طوالي و ما عندي اتنين تلاتة و انت عارفني
_ طيب نشوف😏😉
_ 😒خااالد😡
_ يلا يلا بسرعة ندخل
و بعدها دخلنا و الجزم عاملين لينا رقصة اسلو😒😒و الجزم عارفني ما بحب الحاجات دي😡😡
المهم رقصنا و مشينا قعدنا و الناس بدت تبارك و كلهم جوني و ساقوني عشان نرقص و انا خالد حتيناهو حت😂😂😂😂 تقول ما عرسان علي قول شهد و لمى😂😂😂😂
و بعدها جهزونا للجرتك و صراحة خالد قرضة ياخ بالجالابية العلي الله مع الحلاقة الجديدة و لحيتو وسكسوكتو و العجب الوطنة لمن يضحك اللللله ياااخ🤤🤤🤤⁦❤️⁩⁦❤️⁩⁦❤️⁩⁦❤️⁩تنسيك نفسك انا لمن ريلتاا😂😂😂 و رنا ضربتني في كتفي بعدها انتبهت لنفسي و خالد بيضحك فيني😂😂💔💔
خلصنا مراسم الجرتك المعتادة و خالد كل مرة بيقول ل امي و امو يا امي انا جعاان ياخ
_ اصبر يا ولد ما تفضحناا يااخ
_ يا خالتي انا جووتاا يااخ
_ يا ولد اصبر اسه بنرجع البيت و بتاكل يا ولدي
_ انا كان جعت يا امي
_ اججيي حتي انتي غايتو عرسان نحنا لمن كنا عرسان من الخجل ما كنا بنرفع راسنا
_ 😂😂😂💔
و ضحكنا انا و خالد و بعدها رجعنا البيت و مشينا في شقة نقغد فيها لانو الجامعة فضل ليها تلاتة ايام

# يتبع....

# استكانة🥞....