الوتين

البارت السابع

     
                           الوتين

    بقلمي رزان مدحت

.... و في الصباح
                صحيت و لقيتهم كلهم طلعو امي مشت المدرسة ( لأنها مديرة )   و ابوي مشي الشركة و ربا الجامعة و عمر المدرسة.
      صحيت و اخدت دس و شربت الشاي و لقيت جواناا  نضفت البيت كلو بعدها شلت التلفون و قعدت فيه لحدي ما بابنا خبط لقيتها رنا جات تفطر معاي و شايلة معاها تلاتة اكيااس اندومي🤤😋 عملناها و ختيناها في غرفتي و معاها جبنة و زيتون و كاتشوب و سامبوكسا عملتها جوانا ( بحب البت دي انا🤤⁦❤️(  ناديناها تفطر معانا قالت فطرت بدينا ناكل انا و رنا. . .
رنا: انتي يا بت مالك ؟.
انا: مالي ي بت.     رنا: مالك مع خالد؟متشاكلة معاه؟

انا: لالا و اتشاكل معاه ليشنو؟
رنا: انا صحبتك و اختك و حبيبتك و اي شي احكي لي
انا: رنا و الله تفتحي لي السيرة دي اقوم و اخلي ليكي الاكل دا
رنا: طيب يا نسمة بس حتحكي لي و لا علي كيفك
انا: لا رد ....

خلصنا اكل و لمينا العدة و غسلناها و مشينا ندردش....
_ نسمة ما عاوزة تحكي لي
_  و الله ي رنا ما عارفة اقول ليكي شنو بقيت بضايق لمن اشوفو و بقيت بكرهو عدييل كدا داا و المشكلة ما هنا و ما كدا و بس  و العجب لمن اشوفو مع تسنيم بس قلبي بيقول لي امشي ليهم و اخبط ليهم راسهم مع بعض
_ يعني لا بريدك و لا بتحمل بعادك صح
_ باااس يا هو زاتو و الله.          _ بتشتافي ليه ي نسمة
_ لا.                       _ طيب بتغاري عليه
_ برضو لا بس ما بحب اشوفو مع تسنيم
_ طيب يا ستي انتي و بكل بساطة بتحيه
_ ك ك كيف لا لا انا ما بحب ي رنا و انتي عارفة كدا كويس
_ طيب بتغاري عليه لمن يكون مع وحدة غيرك و بتشتاقي ليه  لمن يغيب طويل دا اسمو شنو
_ ما عارفة و الله ما عارفة ي رنا يمكن اعجاب بس مجرد اعجاب

______________________________________

     و في مكان آخر....

   _ ياخ ي خالد اعرتف ليها و ارتاح و ريحنا معاك
_ افرض ما وافقت أو هي ما تكون بتحبني ؟
_ ساعتهاا ي اخوي تكون اخدت شرف المحاولة
_ لا لا انا ما بتحمل و بعدين انت ما شايف ابوي قال لي حتعرس  بت صحبي و غير كدا لا انا ابوك و لا انت ولدي
_ و الله الحاج كمان صعبها زيادة طيب اعترف ليها بس
_ كيف يعني اعترف لي و اخليها تحبني و اعلقها فيني و في النهاية اعرس بت صاحب ابوي و اكسر قلبها لا لا كدا ما ينفع (يا ريت كل الاولاد زيك⁦❤️⁩)
_ قول لابوك انا عندي وحدة و غيرها ما عاوز
_ حاولت قبلك و الله مافي اي طريقة انو يوافق🙂😣😥💔
_ الله يعينك ي صحبي الله يعينك بس🙂💔
_ امين ي رب

______________________________________

  نرجع ل ناس نسمة....

رنا رجعت البيت و نسمة فضلت براها و بعدها نامت صحت علي صوت تلفونعا لقتو ابوها
_ الووو
_ نسمة ي بتي كيفك
_ كويسة ي  ابوي و انت كيفك
_ كويس عايني ي بتي
_ اها
_ جايب معاي صحبي البيت انتي و جوانا جهزو لينا عشاء عشان امك قالت حتتاخر لانو عندهم معسكر
_ طيب ي ابوي جاين كم نفر
_نحنا تلاتة
_ طيب
_ يلا مع السلامه
_ مع السلامه

نزلت تحت ل جوانا و عملنا الاكل و انا عملت التحلية و العصائر و هي قالت حتعمل الجبنة و انا الشاي خلصنا كدا و بدينا نتونس امي جات و معاها عمر و بعدها جات ربا و ابوي اصحابو جو و ودينا ليهم العصير و الاكل و بعدها التحلية وبعدها الشاي و هم طلعو ربا طلعت ادوشت و نامت و انا ضايرت العدة ل جوانا و امي ساعدتها و انا طلعت لقيت ربا بتتكلم بالتفون و بتقول .: .
_ ما بقدر اقول ليهم كدا افهم علي
_ . .   . ......
_ اي اي بحبك بس ما بقدر اقول ليهم انك حتتقدم لي
_ .. . .
_ طيب
_. 
_ طيب بحاول تمام
و قفلت علي كدا

_ امممم مالك ي ربا
_ مالي مافيني شي
_ احكي عارفة انك عندك حاجة تقوليها
_ طيب حاحكي ليكي  دا زميلنا الفي الجامعة هو كان سنيرنا و كدا يعني و اسه اتخرج و اشتغل و هو بيحبني و انا كمان و قال لي لمن اكون نفسي و اعمل بيتي بجي و بتقدم ليكي بس ما كنت قايلاه حيكون بالسرعة دي اسه قال لي بجي يوم الجمعة البعد بكرة دي ان شاء الله
_ طيب مدام بتحبيه و بيحبك ايش المشكلة
_ المشكلة اني ما حاقدر اكلم امي
_ اممم طيب انا بساعدك
_ كيف انتي مهدي ليهم
_ كيف يعني
_ ي الله طيب كلمي امي و هي بتكلم ابوي و انا بقنعهم معاكي
_ فكرة و الله
_ اهاا
_ طيب موافقة
_ طيب بكرة ان شاء الله نكلمهم
_ طيب ان شاء الله

و بعدها نمنا ...😴😴😪😪

طيب نشوف في البارت الجاي حيحصل شنو مع ربا و حسام( دا حبيبها) و مع نسمة و خالد و مصيرهم حيكون شنو ....

#الي اسمري الملتحي 😘😍
انا اشتاق اليك كل يوم اكتر من التاني و حبي لك يزيد كل ثانية و كل لحظة من بخيير لاجلي🥰😘

#اقتباس:
يبقـىَ غـلاك بـداخـل الـروّح للـروحُ .🙆🏻💜

وكيف لا احبك #وانتي تزرعي الفرح في منتصف وريدي.🙎🏻‍♂💙

#وانك بسمَّتي وإبتسآمتي، وسُبب تبسَّمي.💏💜

- جعلك الله شيءً لا #يُغادر قلبي.💑💙

#يتبع....