الوتين

البارت الرابع عشر

                            الوتين

  بقلم رزان مدحت⁦✍️⁩

بعد ما وصلنا الشقة خالد دخل الشنط فوق و قال لي:
_ عاوزة غرفة براكي عارف صح
_ هزيت ليه راسي بمعني ايوة
_ طيب زي ما بتحبي الليلة حننوم في نفس الغرفة و بكرة ان شاء الله نفضي الغرفة التانية و انا حامشي فيها
_ تمام
شلت هدومي و لقيتها كلها استغفر الله بس غايتو رنا دي بس التصبر لي😡😒👊👊 شلت لي بجامة قصيرة بس دي اكتر وحدة محترمة فيهم تلت اربع و اكمامها برضو تلت اربع شلت معاها توب بيت هو جاء لقاني بتسرح عاين لي مسافة و بعدها دخل الحمام ادوش و طلع جاء رقد في الكنبة قلت ليه:
_ ارقد في السرير
_ و انتي حترقدي وين
_ حافرش مفرش في الارض و حارقد اصلا متعودة انا
_ لا و لا يهمك اصلا يوم واحد بس
بعدها نمنا الاتنين صحيت بليل امشي اشرب موية و امشي الحمام لقيتو متكنكش و ضامي رجلينو مع بعض زي البردان جبت بطانية من الدولاب و قفلت المكيف و جيت رقدت نمت

خالد بيحكي
حسيت ببرد شديد بس ما قفلت المكيف قلت يمكن نسمة تضايق و ما مشيت اجيب بطانية عشان ما اكركب و اعزعجها و تصحي ضميت رجليني علي و رقدت نمت بعد مسافة حسيت بيها بتقفل المكيف و بتغطيني بالبطانية و مشت رقدت نامت و انا كمان نمت و صحيت الصباح بدري ادوشت و صليت و بديت اجهز في الفطور و الشاي بعد مسافة نسمة جات

نسمة بتحكي
صحيت بالصباح لقيت خالد ما في نزلت تحت لقيتو بيحضر في الفطور و الشاي جيت و قلت ليهو:
_ اساعدك في شي
_ لا لا اصلا خلصت انتي امشي ادوشي و تعالي
_ طيب تمام
مشيت ادوشتة و صليت و لبست لجامة تانية و نزلت تحت و انا لاابسة التوب
نزلت و شربنا الشاي و كان عامل في الفطور جبنة و زيتون و عصير و فطاير فطرنا و هو مشي يحضر في التلفزيون بيحضر في الكورة و انا زهجانة قلت اشغل وقتي بالنضافة لقيت البيت نضيف  ما شاء الله و ما محتاج نضافة رتبت شوية و قيت بلف في الشقة و مشيت البلكونة الظهر اذن صليت و نمت بعد مسافة خالد جاء  رفعت راسي عاينت ليهو عاين لي و قال لي:
_ معليش صحيتك صح
_ اممم لا لا اصلا كنت صاااحية ( و انا بتثائب) 😪😴
_ 😂😂اي اي باين انك صاحية المهم العصر اذن قومي صلي و بعدين اصحابي عازمننا عشاء
_ طيب
واصلت  و قمت بعد مسافة صليت و قعدت في التلفون لعبت فيه و في اللابتوب جاني خالد و قال لي:
_ عجبك عارفك بتحبي الألعاب الزي دي و مهوسة بيها😂😂 عشان كدا نزلتها ليكي😂😉
ما رديت عليه خجلت منو صراحة😅😅 بعد الغرب قال لي :
_ يلا اجهزي
جهزت نفسي و لبست ابرول بتاع جينز و بتحت بلوزة طويلة سوداء و طرحة ملونة و جيت طالعة خالد عاين لي مسافة و قال لي:
_ حتمشي كدا
_ اي عندك مشكلة
_ انتي في البيت و انا راجلك ما بتلبسي لي كدا اسه عاوزة تلبسي كدا لاصحابي امشي غيري أو ما في ليكي اي مشي اذا ما غيرتي لبستك دي
_ ما عاوزة امشي زاتو خليتو ليك
_ خلاص امشي نومي و اقفلي الباب كويس و يلا مع السلامه
يعني هو و لا حاول يحنسنس أو يراضيني حتي زعلت بالجد بس زهجانة مشيت جريت جري قلت ليه:
_ انتظر خلاص حغير 😒👊
ابتسم لي و قال سرعة خمسة دقايق بس اذا جيتي كان بها ما جيتي حافوتك
جريت جري مشيت غيرت هدمي لبست لي فستان كحلي و طرحة مشكلة و خالد كان لابس بنطلون جينز كحلي و قميص اسود  و طلعنا مشينا مطعم راااقي و لقينا اصحابو عبارة عن أربعة بنات و تلاتة اولاد حسام و خطيبتو علا و اسمر و مرتو جمان خليجية هي و سامر و حبيبتو ريتاج و في بت اسمها  رنيم اول ما وصلنا جات جارية و حضنك خالد و باستو في خدو صراحة أنا غرت منها رتاج قالت لي:
_ هي اصلا كدا طنشيعا بس قعدنا نتونس بعد مسافة رنيم قالت ل خالد:
_ خلودي ارح معاي نمشي نتمشي برة و نجي
ساقتو ومن  يدو حتي ما خلتو يرد ليها و طلعو برة قالو لي:
_ طنشيهم ما تشتغلي بيهم ( علا)
_ انا صراحة حبيتك و بديكي نصيحة ما تخلي رنيم تخرب ليكي بيتك هي حتحاول تخربو ليكي احذري منها( رتاج)
_ هي كانت بتحب خالد و لسه بتحبو فحتحاول تخرب بيناتكم( جمان)
_ اصلا انا ما شغالة بيهم (بس بجواي كنت بموت من الغيرة)
_ انا عندي خطة( سامر)
_ اها احكي( رتاج)
وسوس لينا و خطتو كانت مبالغة بعدها جوو رنيم و خالد😒👊
اول ما جو انا و سامر ضحكنا و خبطنا يدنا مع بعض خالد طوالي خمر لي و بعدهااتعشسنا و مشينا البيت في الطريق ما في واحد اتكلم مع التاني ضربت لي رتاج و بقت تتكلم معاي علي أساس أنها ولد:
_ الوو
_ وين ي مزة اخبارك شنو
_ بخيير و الحمد لله و انت كيفك
_ كويس بعد ما سمعت صوتك
_ تسلم ياخ
اتكلمنا كتير و بعدها قلت ليها
_ حاقفل لانو معاي ناس لمن اصل البيت و اكون براي بتصل علي
_ طيب خلي بالك من نفسك
_ طيب و انت كمان
قفلت و فتحت الواتس  و بقيت بتونس معاهم و خالد بيعاين لي بطرف عينو و يحمر لي و صلنا البيت طوالي دخلت الغرفة و غيرت و صليت العشاء و قريت شوية قران و نمت لاني كنت تعبانة تاني يوم بالصباح صحيت لقيتو ما في شكلو نشي الشغل ضربو لي سمى و لمى قلت ليهم تعالو لي قالو لي طيب نزلت السوبر ماركت جيت داخلة لقيت عربية خالد واقفة استغربت لانو جاء بدري دخلت الحاجات في المطبخ طلعت لقيتو في الهول قال لي:
_ خلاص استغليتي غيابي و طلعتي تشوفيهو
_ منو هو اصلا
_ حبيبك الكنتي بتتكلمي معاهو امبارح و لا نسييهو
_ شنو انت جنيت
_ اي جنيت
و شال مفتاحو و طلع من البيت قعدت ابكي و بعدها دخلت المطبخ حضرت الغدا و الجبنة و كيكة شوكولاته عارفاهم بيحبوها لمن جو مثلت عليهم اني عادية و مافي حاجة حاصلة بعد طلعو ادوشت و صليت و قريت قران و نمت ما صحيت الا بحركتو

# يتبع....

# استكانة💐.