الوتين

البارت الحادي عشر

                            الوتين

    بقلمي رزان مدحت

ِ

كُنـت أتمنـى سرعـة الأعتيـاد، لكني لا أعتـاد ولا أمضـي ..#!

🥀

اول ما رفعت راسي قال لي مبروك علينا لقيتو خالد واقف و بيتكلم و بنفس ابتسامتو ديك قدر ما كنت مصدومة قدر ما كنت مطمئنة انو طلع خالد يعني زول بعرفو و بعرف اهلو و كدا يعني المهم ما رديت ليه الا كررها لي:
_ مبروك علينا
_ اااا الله يبارك فيك
مرت لحظات من الصمت بعدها قال لي:
_ عارف انك مستغربة و اني كيف طلعت الحتزوجك وان....قاطعتو و قلت ليه:
_ لا ابدا ما مستغربة
_ كنتي عارفة يعني😲(بصدمة)
_ برضوو لا مصدومة ليس الا
_........
_ انت كنت عارف
_ اامممم ايوة
_ و ليش ما كلمتني
_ ما كنت عاوزك ترفضي و لو كنتي عرفتي انو انا هو كنت رفضتي صح؟
_ من ناحية اني ارفض دي ما تخاف لاني ما بكسر ضهر ابوي و امي وما بنزل راسهم قدام الناس و ما بكسر ليهم كلمة و لا برفض ليهم طلب حتي و اصلا ما فارق معاي اذا كنت انت أو غيرك
_ (العبرة خنقتو و قال ليها) طيب براحتك عن اذنك انا طالع عاوزة حاجة
_ لا متشكر
_ طيب و مبروك مرة تانية
_ ما رديت و اكتفيت بابتسامة بس
بعد خالد طلع بكيت بكى ايوة بكيت بكيت قدرتي بكيت لمن الله غفر لي بكيت لمن حسيت دموعي نشفو و انتهو بكيت و ما عارفة ابكي علي شنو و لا شنو علي اني مجبورة علي العرس و لا علي انو خالد كمان مجبور عليه و لا علي انو اكتر زول انا بكرهو حيكون هو زوجي و انا بقيت علي ذمتو صح انا معجبة بيه بس ما كنت متوقعة انو حنتزوج كدا و بالطريقة دي يعني أنا مجبورة و هو كذلك مجرد التفكير راسي بيصدع احساس انك مفروض علي زول لا هو كمان مفروض عليك لاحظو الاحساس دا باااس ياهو زاااتو الأنا حاسة بيهو بس الحمد لله الحمد لله على كل حال جات داخلة علي رنا و حصنتني و بكت معاي قلت ليها:
_ انتي كنتي عارفة صح
_ اي
_ لي ما كلمتيني لي كدا ي رنا حرام عليكي
_ نسمة انا عارفاكي بتحبيه و هو بيموت فيكي ي نسمة انتي ما عارفة هو قدر شنو اتعذب لمن ابوهو جاا و قال ليهو خطبتك ل بت صحبي انتي ما كنتي عارفة هو حسي ب شنو وقتها انتي ما عارفة حاجة ما تتكلمي ساي ي نسمة و لحظت عرف انك انتي البت البيحبها هي البت الفرضها ابوهو عليه ما شفتي  هو فرح قدر شنو
_ ( للحظة انا ما عرفت رنا لانو رنا صحبتي دايما معاي حتي لو انا غلط بس المرة ما عرفتها يعني عصبت فيني لدرجة كدا مبالغة بس كلامها كان حاار و بيوجع بس هو في النهاية صح و صح شديد كمان علي  قدر ما وجعني علي قدر ما وعاني)
يعني هو كان بيحبني و من متين من زمان بس كيف
( كنت بسال نفسي و بجاوب)
و بعدها جو البنات و كلهم وقفو مع رنا ضدي في النهاية قنعت و وافقت

______________________________________

في جانب آخر

طلعت من نسمة و انا محطم الامل الكان فيني شبه اتدمر بكلامها صح ما بتحبني و ما عاوزها تحبني انا بس عاوزها تكون معاي و لي و انا معاها و ليها مشيت لشلتي و كلهم شغلوها لي و انا بينت ليهم اني طبيعي  بس كلهم بيتغشو ما عدا احمد كالعادة عرف انو في إن في الموضوع و ساقني بعيد منهم و قال لي:
_ مالك ي زول اسه ما كنت عاوز تطير من الفرح مالك جيت و وشك قالب كدا و جايب مية لون
_ ما بتحبني ي احمد لالا دي بتكرهني عديل كدا داا كره عمي كمان انا خايف أفقد الأمل فيها و ما اقدر اكمل
_ ي زول ي زول صلي علي النبي دا كلام شنو البتقولو دا
_ عليه افضل الصلاه واتم التسليم و دا الحاصل الحاصل ي صحبي 
_ لالا انت نهاي ما خالد انت ما خالد صحبي و ولد اهلي البعرفو ( و مسكو من كتفو و بقي بيهز فيهو) رجع لي خالد رجع لي صخبي و ولد اهلي رجعو لي

______________________________________

في جانب آخر بعيد منهم:

_ الوووو جاهزين
_ ايوة ي أستاذة جاهزين
_ طيب قبل العرس عاوزاكم تخطفوها و توصلو ليها قبل العرس و قبل ما خالد يمشي ليها
_ علم و ينفذ

بعد قفلت الخط صحبها قالت ليها انتي ي تسنيم لسه مصرة علي كلامك دا
_ اي نسمة الليلة حتموت حتموت
_ طيب بس افرضي الشرطة قبضت عليكي
_ ما تخافي انا مخططة كويس😈😈

______________________________________

نرجع لناس نسمة:
بعد خلصو بكي و عاوزين يمشو الكوافير خلاص شالت تلفونها كدا سمعت نغمة رسالة في الواتس فتحتها لقتها مجموعة من الصور و في وحدة مكتوب فيها لاحظي الفي الصور ديل منو و دققت في الصور و لقتهم تسنيم و خالد و كانت صور ليهم في الشقة بس هي ما اشتغلت بالموضوع كتير و تاني جاتها رسالة مكتوب فيها ( وقت خالد ابوهو جبرو انو يتزوجك كان بيجي في شقتي و بيشكي لي و انو هو هو ما عايزك و عايزني انا انا تسنيم و انا كنت بوريكي بالذوق و بالحسنة بس انتي ما رضيانة تفهمي بس ان شاء الله تكوني كدا فهمتي)
و رسالة تانية محتواها ( يعني ما تفرحي انو عقدو ليكي عليه معناها خلاص بقي ليكي لا خالد لي انا و حيفصل لي انا و بس فهمتي)
طلعت برة و العبرة خانقاني و مشيناا في الكوفير و طلول الوقت سرحانة و صحباتي يتونسو معاي و انا ما جايبة خبرهم فجاءة جاتني رسالة تانية قلت حتكون من المتخلفة تسنيم بس لقيتها من خالد قال لي( نسمة ممكن تنزلي دقايق عاوز اديكي حاجة امي قالت بتحتاجي ليها)
قالت ليه( انا ما بقدر اجي حتجي رنا تاخدها)
قال لي( لا انا عاوزك انتي التجي و امي قالت الا اديها ليكي رجاءا تعالي)
سكت مسافة و ما رديت ليه و بعدها طلعت لقيت عربية واقفة بعيد في الظلط التاني يعني الا اقطع الشارع مشيت و انا قلبي قابضني و خايفة جيت و قلت ليه خالد سرعة لاني مستع.... و قبل ما اتم كلامي في زول قفل لي خشمي و جراني جوا العربية و بقيت بفرفر و بقاوم فيه بس بدون فايدة و كنت سامعة صوت مراا بتقول ليهم خدروها و بعدها في واحد ختي لي منديل في نخرتي و خشمي و انا لسه بقاوم و بعدها ما حسيت باي شي و بعد مسافة صحيت لقيت نفسي في غرفة مظلمة و قاعدة علي كرسي و مربطة بقيت بكورك فجاءة سمعت صوت بيقول لي:
_ انتي لسه فيكي حيى تصرخي هههه
_ انتو منو و عاوزين مني شنو
_ هههه معقولة ما عرفتيني انا السرقاي منها خالد بعد ما كان لي
_ تسنيم😱😱
_ ايوة تسنيم و حذرتك بس ما سمعتي مني شايفة عنادك وصلنا ل وين
_ انتي وحدة مريضة ليس الا
و بعدها ما احس ليكي الا بيها بتدين كف و اغمي علي💔

# يتبع.......

في البارت الجاي:

_الووو ي خالد نسمة معاك نحنا ما لاقينها😭😭

_ خطفوها كيف يعني خطفوها😱😭

_ ماشي وين انت

_ انا حاقتلك الليلة ي نسمة😈😈

# اقتباسة ....

سوف تأخذك الحياة لمنعطفات مؤلمة تكاد تجزم بأنك لا تستطيع التغلب عليها وانها ستكون نهايتك المحتمة ولكن فجأة ينتشلك الله من كل تلك المشاكل والظنون السيئة ليحيطك بالأمل🖤🌸✨