أنت منقذى

الفصل الثالث و العشرون

قذفت نور الڤازا بعيداً عن حازم بقليل لأنها بالطبع لا تريد قتله فهى تمزح فحسب و لكنها لم ترى ليث الذى كان يتجه إليهم
كادت الڤازا أن تصيب ليث و لكنه تفاداها بمهاره
حازم لنور و اروى بصوت منخفض : يالهوى كانت هتيجى فى ليث يخرب بيتك ده لو اتعصب هيقطع رأسنا و انا مش مستغنى عن عمرى سلام يا فالحه
أروى : استنى يا حازم انا جايه معاك انا كمان مش مستغنيه عن عمرى
رقض حازم و أروى إلى الفيلا سريعا و تركوا نور بمفردها أمام ليث
نور بصوت منخفض به بعض الغضب : اه يا كلاب سبتونى لوحدى قدام الوحش اروح انا دلوقتي فين إما وريتكوا
نور بسرعه و بابتسامة عريضة تدارى وراءها خوفها : ازيك يا ليث عامل ايه اتمنى تكون بخير معلش بقى مش هقدر اقف معاك أصل الجو برد بعد اذنك
رقضت نور الى الفيلا سريعا قبل أن يتحدث ليث
وقف ليث مذهولا مما حدث : هو فى ايه هما جروا كلهم كده ليه ده لو شافوا عفريت مش هيعملوا كده و ايه الهبل اللى نور قالته ده واضح أن دماغهم ضربت خالص انا هطلع اوضتى ارتاح بدل ما دماغى تضرب انا كمان
ذهب ليث الى الفيلا الخاصه به و هو لايزال مذهولا مما حدث
أما فى فيلا حازم عندما رقض حازم و أروى إلى الداخل ذهبوا سريعا الى غرفهم ليتصنعوا النوم ف هم كانوا يعتقدون أن نور سوف تطول فى حديثها مع ليث
دلفت نور الى الفيلا و هى فى قمة غضبها لتبحث عنهم فى كل مكان و لكنها لم تجدهم لتذهب الى غرفه حازم لتجده يصطنع النوم لتخرج من غرفته حتى يعتقد أنها صدقت أنه نائم بالفعل لا يعلم انها تفعل ذلك لكى لا يهرب من الغرفه فى حين تأتى هى ب أروى
ذهبت نور الى غرفه أروى لتجدها تصطنع النوم هى أيضاً لتذهب بإتجاهها ثم تزيل الغطاء من فوقها
نور بسخرية : اول مره اشوف واحده نايمه بإسدالها يعنى هبله و كمان فاشله فى انك تعملى نفسك نايمه
أروى بابتسامة عريضة : مهو علشان انا عارفه أن صاحبتى عسل و مش هتعمل فيا حاجه
نور : طبعاً طبعاً و علشان تصدقى اطلعى بره الاوضه دلوقتي و اقفى قدام اوضه حازم علشان لو عملت حاجه ابقى ادخلى و اقفلى عليك الباب
فعلت أروى مثلما قالت نور لتدلف نور الى غرفه حازم
نور بحزن مصطنع : حازم اصحى يا حازم بسرعه ماما عاوزاك بسرعه و شكلها تعبان
حازم بفزع : ايه طب يلا بسرعه
خرج حازم بسرعه من الغرفه ليستغرب حينما رأى أروى أمام غرفته ليعرف أنه كان فخا عندما استمع لصوت انغلاق باب الغرفه الخاصه به
أروى باستغراب : هو في ايه
حازم بحسره : لقد وقعنا في الفخ
أروى بحيره : مش فا....صمتت أروى لتفتح عينيها بذهول : ايه اتضحك علينا طب يلا أجرى بسرعه
نور بشر و سخرية : تؤ تؤ رايحه فين يا حلوه انت و البشمهندس اوعوا تكونوا هتخرجوا أصل للأسف ما ينفعش تخرجوا أصل ليث بره و لو شاف حد هينفخه
حازم ل أروى و هو يبتلع ريقه : ربنا يرحمنا دى حالتها بقت مستعصية و بتقول انها هتقتلنا
نور : بتقول حاجه يا بشمهندس
حازم : اه بقول أن رسول الله صلى الله عليه وسلم قال: ((ليس الشَّديد بالصُّرَعة، إنَّما الشَّديد الذي يملك نفسه عند الغَضَب)) .
هدأت نور : ثبتنى علشان كده هسيبك
ذهبت نور الى غرفتها حتى تخلد الى النوم ولكنها كانت شارده فيما قاله حازم ف عن أبي هريرة رضي الله عنه، أنَّ رسول الله صلى الله عليه وسلم قال: ((ليس الشَّديد بالصُّرَعة، إنَّما الشَّديد الذي يملك نفسه عند الغَضَب)) . فقد اراد رسول الله صلى الله عليه وسلم أن الذي يقوى على ملك نفسه عند الغضب ويردها عنه هو القوى الشديد والنهاية في الشدة لغلبته هواه المردي الذي زينه له الشيطان المغوي، فدل هذا أن مجاهدة النفس أشد من مجاهدة العدو؛ لأن النبي عليه السلام جعل للذي يمكل نفسه عند الغضب من القوة والشدة ماليس للذي يغلب الناس ويصرعهم)
عزمت نور على أنها سوف تحاول أن تسيطر على غضبها مهما حدث ثم خلدت فى ثباتٍ عميق
************************************
فى الصباح الباكر
استيقظت نور و اروى باكرا
ذهبت كلا منهما إلى الحمام حتى تتوضأ و تصلى ثم ارتدى كلا منهما ملابسه
نزلت نور و اروى الى الأسفل و تناولوا الطعام مع حازم و عائلته و امل
نور : ماما جهزتى شنطتك
امل : اه يا حبيبتى
انتهى الطعام ليودع حازم و عائلته نور و اروى و امل
اوصل حازم نور و اروى و امل الى المطار ليركبوا الطائره
فى الطائره
أروى : نور
نور : نعم
أروى : هو انت هتعملى ايه فى موضوع احمد
نور : مش هعمل حاجه
أروى : يعنى ايه مش هتعملى حاجه
نور : يعنى مش هعمل حاجه هو صحيح معايا فى الشغل و كان مشرف علينا بس برضو هو فى الأول و فى الاخر واحد اتقدملى و انا مش بحب ادخل العلاقات فى الشغل انا صحيح كنت مكسوفه أقوله بس ده علشان هو اللى مدربنى و كده فا ما كنش حلو اوى انى اروح أقوله انى رفضاه بس الحمدلله حازم شال من عليا الحمل ده و قالهاله
أروى : اوك
نور : ماما نامت صح
أروى : اه نامت
نور : طب كويس
وصلت الطائرة إلى إيطاليا لتهبط نور و اروى و امل من الطائره ثم رحلوا من المطار ليذهبوا بإتجاه منزلهم
امل بإعجاب وهى تشاهد الحدائق و المحلات : بت يا نور
نور : نعم يا ماما
امل : انا زعلانه منك
نور : ليه يا ماما
امل : بقى يا واطيه تروحى مكان تحفه زى ده و ما تخدنيش معاكى
نور بابتسامة : طب ما انا اخدتك اهو
امل : بس برضو
نور : طب انزلى يلا وصلنا
هبطت امل و نور و اروى من الحافله ليصعدوا الى غرفتهم
امل : واو المكان تحفه
نور لأروى : ماما بتفكرنى بنفسى أوى اول ما جيت هنا
أروى بضحك : أوى ايه ده انت تخطتيها بمراحل
امل : بتضحكى على ايه يا بت انت و هى
نور : لا ولا حاجه ثم أكملت و هى تشير الى الغرفه : بصى يا ماما دى اوضتك
امل : امال انت و اروى هتناموا فين انا شايفه أن مفيش غير اوضتين
نور : لا مهو الاوضه اللى انت هتنامى فيها سرير واحد إنما التانيه فيها سريرين
امل : لو انا متقله عليكوا انا مم...
قاطعتها أروى : ايه اللى انت بتقوليه ده يا اموله ده احنا ممكن ننام على الأرض علشان انت تنامى
امل : ربنا يخليكوا ليا و ما يحرمكوش من بعض
نور و اروى : امين
نور : احنا هنمشى احنا بقى يا ماما
امل باستغراب : رايحين فين
نور : هنروح الشغل
امل : مش لازم ترتاحوا الاول يا بنتى
نور : عادى يا ماما احنا هنمشى بقى مش عاوزين نتأخر
امل بقله حيله : ماشى يا بنتى
ذهبت نور و اروى الى عملهم
كانت نور و اروى يعملن على أحد الصفقات ليدلف احمد الى مكتبهم ليتجه نظره ناحيه نور
أحمد : السلام عليكم
نور و اروى : و عليكم السلام ورحمه الله وبركاته
كان نور تعطى احمد ظهرها حتى لا تواجهه فهى لا تحب مثل هذه المواقف
لاحظ احمد تجاهل نور له
أروى : كنت عاوز حاجه يا بشمهندس
احمد : اه اتفضلوا ده ورق الصفقه بتاعت بعد بكره يا ريت تخلصوه بسرعه
اومأت له نور و اروى ليذهب من المكتب
تركت نور القلم من يدها و هى تزفر
أروى بسخريه و هى تقلد نور : هو فى الأول و فى الاخر واحد اتقدملى و انا مش بحب ادخل العلاقات فى الشغل
نور : خلاص يا حيوانه
أروى بسخرية : هو مش كان كلامك ليه اتغير دلوقتي
نور : ولا اتغير ولا حاجه
أروى : امال ايه
نور : كل الموضوع انى مش بحب انى اتحط فى المواقف دى فا بحاول اتجاهلوا علشان أتجنب انه يكلمنى فى الموضوع ده بس هو لو جالى و كلمنى انا مش هقوله لا انا فعلا هروح معاه و اتكلم و أقوله اللى قولتهولك
أروى : امم ماشى
نور : طب ركزى بقى ياختى فى الورق
أروى : حاضر
عادت نور و اروى الى العمل على الصفقه
************************************
مر شهر لم يحدث فيه شيء سوى :
* محاولة احمد للتقرب من نور بدون أن تلاحظ ذلك
************************************
فى إيطاليا
فى مكتب نور و اروى
كانت نور و اروى يعملن على أحد الاوراق ليدلف احمد و هو يحمل فى يده أوراق أحد الصفقات لينظر بإتجاه نور كالعادة
احمد : السلام عليكم ورحمه الله وبركاته
نور و اروى : و عليكم السلام و رحمه الله و بركاته
أروى : فى حاجه يا بشمهندس احمد
احمد : اه اتفضلوا ده ورق الصفقة اللى هتتعمل بكره و المفروض انك هتكونى موجوده يا انسه نور انت و انسه اروى بكره فى الاجتماع علشان انتو اللى هترأسوه
نور : طب هو الصفقه مع شركة ايه
احمد بغيظ : شركه المهدى
نور بصدمه : اللى هى بتاعه المهندس ليث و المهندس حازم
احمد وهو يجز على أسنانه : اه ... استأذن انا بقى
خرج احمد من المكتب
نور و هى ما زالت مصدومه : الحقى ده بيقولك شركه المهدى لا و ايه انا وانت اللى هنرأس الاجتماع
أروى : طب انا عندى سؤال انا مصدومه من الفرحه انك هتشوفى حازم وانك هترأسى إجتماع ولا مصدومه و خايفه علشان اول مره ترأسى إجتماع
نور : الاتنين وحياتك
أروى : يلا ربنا معانا يا حبيبتى ثم أكملت بسخرية : عاوزاكى ترفعى رأسنا
نور : اتريقى ياختى اتريقى
أروى : مهو انت اللى محسسانى انك رايحه تحررى القدس
نور : طيب ياختى خلاص و بعدين ما تحسسنيش انك مش هتروحى معايا
أروى بثقه : يا حبيبتى انا واثقه من نفسى و عارفه انى هرفع رأسك
نور بتريقه : يا بت
أروى : امال
نور : أروى حبيبتى مش عليا الشويتين دول انت تلاقيكى مرعوبه اكتر منى
أروى : انت قفشانى كده دايما ...طب انا بقول نرجع للشغل احسن
نور بسخرية : دلوقتي بقى نرجع للشغل ماشى ياختى
عادت نور و اروى الى العمل
************************************
فى الصباح
ذهبت نور و اروى الى العمل
فى مكتب نور و اروى
أروى : ها جهزتى الورق و راجعتيه كويس
نور : اه الحمدلله وانت
أروى : تمام الحمدلله
نور : الحمدلله
أروى : هو انا ليه حاسه اننا داخلين امتحان
نور بضحك : و انا والله
أروى : اظن ان الواد حازم ما يعرفش انك بتشتغلى هنا
نور : اه ما يعرفش
أروى : الله هتكون مفاجأة حلوه اوى ده غير أن لو الصفقه تمت ممكن نبقى نروح مصر علشان الشغل
نور : ا...
قطع حديث نور دلوف احمد
احمد : ها مستعدين و جهزتوا كل حاجه
نور و اروى : اه تمام الحمدلله
احمد : طيب كويس
نور : مهندس احمد كنت عاوزه أسأل سؤال
احمد : اتفضلى
نور : هو ايه اللى هيحصل يعنى هما هيدخلوا اوضة الاجتماعات و احنا معاهم و لا ايه النظام
احمد : لا هما هيروحوا اوضه الاجتماعات يقعدوا فيها خمس دقائق لوحدهم و يظبطوا أمورهم و بعدين احنا هندخل
نور : امم ماشى طب هو هما وصلوا
احمد بغيظ : اه بيركنوا و طالعين
نور : ماشى
احمد : طيب بعد اذنكم
خرج احمد من المكتب لتخرج نور رأسها من الباب لتتأكد انه رحل بعيدا عن المكتب قليلا
نور : يلا يا أروى هاتى الورق و اتفرجى عليا و انا بعرف حازم انى موجوده هنا بس بطريقتى
أروى بقلق : لاااا الله يسترك بلاش طريقتك اه مهو انا عارفاكى ممكن تخبطيه بڤازا و تبقى كده عرفتيه انك موجوده
نور بضحك : انا اعمل كده ده حتى انا طيوبه و شكلى كيوت
أروى بتريقه : كيوت صحيح المظاهر خداعه اللى يشوفك من بره و يشوف عيونك الزرقا دى ما يقولش ابدا انك بتجرى ورانا بالڤازا و السكينه
نور بضحك : ماشى يا ختى ..... يلا بقى بسرعه قبل ما يدخلوا اوضه الاجتماعات
أروى : اوك
خرجت نور و اروى من المكتب ليذهبوا بإتجاه غرفه الاجتماعات
وقفت نور و اروى عند باب الغرفه من الخارج
نور : احسن حاجه أن مفيش حد بيكون هنا و ممكن يشوفنا و دلوقتي تعالى نستخبى
اختبأت نور و اروى حتى لا يراهم حازم و ليث
وصل حازم وليث ليتجهوا الى غرفه الاجتماعات لتراهم نور
************************************
عند أحمد
خرج احمد من الشركه ثم ذهب إلى الجراج ليرى ليث و حازم و لكنه لم يجدهم ليعلم أنهم دلفوا
كاد احمد أن يخرج من الجراچ و لكنه وجد أحد يجذبه من زراعه ثم يلكمه بغضب لدرجه انه سقط على الارض من شده اللكمه و قد انهمرت الدماء بجانب فمه ليمسح دماءه بيديه ثم يقف ليواجه ذلك الشخص الذي لكمه
الشخص بغضب و هو يلكمه مره اخرى : بقى عاوز تتجوز نور ها انا هعرف ازاى تعمل كده
ليلكمه بغضب
احمد بسخرية و هو يمسح دماءه : مالك متعصب كده ليه و بعدين مش عيب تيجى ايطاليا من غير ما تقولى ده انت حتى لما جيت جى تضربنى مش حتى تقولى ازيك
الشخص بعصبية : احممد انا حزرتك قبل كده و قولتلك ابعد عن نور بس واضح انك مش بتيجى بالهدوء علشان كده انا لازم اخليك تبعد عنها بطريقتى
احمد بغضب : و ليه انا اللى ابعد عنها ليه ما تبعدش عنها انت ليه دايما انا اللى بضحى
الشخص : علشان انت حبيتها بس بعد ما انا عرفتها و حبيتها و دى تعتبر خيانه يا ...يا اخويا
أحمد بعصبية : بس هى مش بتحبك و انت عارف كده كويس
الشخص : انت عارف انها سواء بتحبنى أو لا فهى بتاعتى
احمد : لا مش بتعتك هى مش بتحبك يبقى من حقى انا كمان اجرب حظي هى اه رفضتنى بس هى لسه ما اتعاملتش معايا اوى و يا ريت ما تتكلمش عن الخيانه يا اخويا علشان انا ما خونتكش انت لما كنت بتحبها زمان انا ما ادخلتش و ما ظهرتش فى حياتك اصلا بس لحد هنا و خلاص جيه دورى ماشى يا ......
يتبع »»
يا ترى نور هتعمل ايه مع حازم ؟؟ و مين الشخص اللى بيتخانق مع احمد علشان نور ؟؟ و ياترى الشخص ده نور تعرفه ولا لا ؟؟ و لو عرفت هو مين هيكون رد فعلها ايه ؟؟