و تغيرت حياتي

الفصل الثاني

اندمجت رانيا مع رفاقها بالحفل بينما جلال يسب نفسه علي موافقته للحضور معها لكنه فعل هذا حتي لا تتحدث والدته معها مجددا حول الإنجاب بل سافر بالصباح الباكر هربا من والدته و اختبار الحمل الذي ترغب بإحضاره لزوجته
ابتعد عنهم قليلا فهو يميل للهدوء و السلام و ليس من هواة الموسيقي الصاخبة العالية بل الهادئة فقط و هذا ليس مكانه
وقف ينظر لتلك الواقفة مع والدها و قد خمن ذلك فهو كبير بالسن قليلا عليها و يبدو أنها تتشاجر

- لا يا ميرال الوقت اتأخر وافقت اجاي معاكي بس مش معني كده نسهر للصباح مع الخبط و الرزع ده

- يا بابا عشان خاطري أنا من زمان نفسي احضر حفلة موسيقية و لما تيجي الفرصة و اسافر مخصوص انام بدري و اسيبه

- بكرة الصبح فيه واحدة احضريها براحتك لكن سهر لا و يلا قدامي علي الفندق

عقدت يديها و هي تنظر للجهة الآخري بتذمر من رفض والدها للحفل ليبتسم جلال علي تلك الصغيرة البريئة التي تشبه الأطفال في حزنهم و غضبهم لتكتمل الصورة بكلامها

- علي فكرة مش هشرب اللبن و لا هذاكر للامتحان بقي

انفجرت ضحكاته تملأ المكان لينتبه الأب و ابنته عليه فهما كانا يتشاجران و لم ينتبه له أحد حين توقف يستمع لهما و لكن كلمها الآخير اثبت له أنها بالفعل طفلة صغيرة

- جلال باشا

توقف جلال عن الضحك و نظر له بتعجب فهو لم يره سابقا و لا يعرفه

- حضرتك تعرفني   ؟؟؟!!!

- أنا حسام ممدوح شغال في الحسابات لشركة حضرتك الرئيسية

- ابنتك مش كده   ؟؟!!!!

- ميرال ابنتي الوحيدة في آخر سنة كلية العلوم.... جلال الدين رئيس الشركة اللي بشتغل فيها أتمنى ميكنش في ازعاج من أي نوع  

نظر جلال كان معلق بتلك الطفلة التي لا زالت تذم شفتيها الناعمة الندية بعدم رضا عن قرار والدها حتي إنها لم ترد التحية عليه بل بقيت تنظر لوالدها قليلا قبل أن تهدأ

- خلاص يا بابا اللي حضرتك عايزة بس متزعلش مني عارف إني مش بقدر علي زعلك يا أغلي الناس.... بعد اذنك يا جلال بيه و صدفة سعيدة

كاد يمنعها قبل أن يجد زوجته تتصل بها ليضرب جبينه فهو نسي أمرها تماما و هي لا تعلم هنا غيره و غير رفاقها و حتما لن تذهب معهم بوجود زوجها معها يبدو أنه بصدد محاضرة عن الاهمال و واجبات الزوج تجاه زوجته

- أنت فين يا جلال   ؟؟؟!!! سيبني لوحدي وسط كل الناس دي و لا كأني شغالة عندك 

- أنا خرجت من الحفلة اطلعي بره هتلاقيني مستنياكي و بعدين أنت لسه ملاحظة أنا بقالي ساعة مش في الحفلة

- ما هي الحفة لسه شغالة ده استراحة و بعدين قولت نسيه ايه يا روني افتكرت علي طول إني نسياك خالص و حذفت من القايمة

- تعالي و أنا اللي هحذفك من الدنيا مش القايمة يا روني هانم

&&&&&&&

استمتعوا بالفصل

نراكم قريبا

😘😘😘😘😘