ماذا فعلتي بي ( مكتملة)

قصص حب جديده

( ماذا فعلتي بي) 6
البارت السادس....
بعد خروج عمر و مايا كانت ياسمين تتحدث لاختها
ياسمين : يا سلام يعني ايه الشغل حاجه و حياتهم حاجه.. يعني انا اروح اتجوز عدو
رنا : يا حبيبتي ده شغل مش حرب يعني يا ياسمين و اكيد عمر و مايا بيحبوا بعض حته لو فيه خلاف في الشغل بين اهلهم
ياسمين : من حيث أن عمر بيحب الزفته دي فأنتي عندك حق ده اكيد بيعشقه لكن هي معتقدشي انها شايفه قدمها أساساً 🤭
رنا : ينفع تقعد ساكته و تركزي في شغلك و خلاص
ياسمين : اصل الواد صعبان عليا يا رنا ده مززززه اوي خساره في الحيزبونه ده 😂
رنا : و انتي مالك ياختي كنتي من جمعيت حقوق الإنسان وأنا معرفش 😂
ياسمين بخبث : اممم طيب عيني في عينك كده.. هو مالفتشي نظرك 😏
رنا : طيب و الله هبله😂
ياسمين و هي تضحك : طول عمري يا برنس
( عند عمر و مايا في السياره)
عمر : ممكن افهم ايه اللي انتي عملتيه ده
مايا : عملت ايه
عمر : لا والله يعني مش عرفه
مايا : انا مش شايفه اني عملت حاجه كل الحكايه اني كنت بعرفها اللي احنا عيزينه
عمر بغضب : بس طرقتك كانت وحشه اوي يا مايا كنتي بتكلميه ولا اكنها شغاله عندك و رغم كده هي متكلمتشي معاكي غير بكل أدب واحترام
مايا بصوت عالي : انت بتزعقلي يا عمر عشان واحده زي دي
عمر : انتي اللي غلطانه يا مايا
مايا بحده : بلا غلطانه بلا بزفت روحني البيت دالواقتي حالاً 😡
( في نفس الوقت في المستشفى )
كانت بسمه تمشي في الممر بذلك الزي الأبيض الذي يزدها جمال
= دكتوره بسمه
التفت بسمه نحو الصوت قائله
بسمه بابتسامة : اهلااا إزيك حضرتك يا دكتور ماهر
ماهر : تمام الحمد لله اخبارك انتي ايه
بسمه : زي الحصان و الحمد لله 😂
ماهر : يا رب ديمآ 😂 اللي صحيح يا بسمه كنت عيز أسألك متعرفيش جني خدت اجازه مفتوحه ليه
بسمه : اجازه مفتوحه!!! اخدتها امتى دي
ماهر : امبارح بالليل.. فقولت يمكن تكون تعبانه و لا حاجة انتي عرفه ان جني مش بتحب الإجازات
بسمه : لا يا دكتور متخفيش هي كويسه الحمد لله
ماهر بارتياح : طمنطيني يا بسمه 😌
بسمه : هي بس اتجوزت 😂
ماهر بصدمه : اييييه 😲 اتجوزت امتى ده هي حته مكنتشي مخطوبه
بسمه : والله يا دكتور انا لسه عارف النهارده زي حضرتك بالظبط بس عرفت من اختها انها متجوزه عن حب و محبتشي تعمل فرح و دوشه و كده
ماهر بحزن : ايه ده بجد 😔 طيب ربنا يوفقها ويسعدها يارب عن ازنك يا بسمه اصلي عندي شغل
بسمه : طبعآ يا دكتور اتفضل
ذهب ماهر لتقول بسمه في نفسها ( ماله ده اضايق كده ليه 🤷🏻‍♀️)
( في وقت لاحق في كافيه قريب من الكليه)
كان يوجد فتاتان يتحدثون و يضحكون
نور : بس يا ستي و عينك متشوف اللي النور الواد خد تهزيق من الدكتور عل التأخير خلاه يكره اليوم اللي اتولد فيه 😂
منه : يا نهار ابيض عل الدكتور بتعكم يا نور ده جبروت 😳
نور و هي تضحك : ده الرجل ده بيخد مننا دعوات يا بنتي لو كان استجاب نصها كان مات من زمان😂
منه : معاكي حق والله
و في تلك اللحظة رن هاتف نور
نور : الوو
مروان : ايوه يا نور انتي فين 🤔
نور : اعده انا و منه في الكافيه اللي جانب الكليه
مروان : خلاص ماشي انا قريب منه هعدي عليكم نروح سوا
نور : ماشي منتظرينك☺️
و أغلق الخط لتقول لها منه : مين ده يا نور
نور : ده مروان كان بيقول نروح سوا
منه : بس مش احمد هو اللي كان هيعدي عليا 😔
نور : يمكن اتأخر شوي في الشغل ولا حاجه
منه : يمكن 😞
= يا بنات
التفت الفتاتان نحو الصوت ليجدوه مروان
نور بابتسامة : ايه يا ابني انت كنت بتكلمني من عل باب الكافيه و لا ايه
مروان : مانا كنت قريب منه اعمل ايه يعني 😂
نور : كويس برضو انك جيت بسرعه يلا بينا
= على فين العزم انشاء الله
منه بفرحه : احمد 😍
مروان : ايه يا عم اتاخرت كده ليه هو ده اللي كنا متفقين عليه
احمد : اعمل الطريق كان زحمه اوي
مروان : ماشي يا اخوي يلا نمشي
احمد : عل فين 🤔
مروان : عل البيت طبعا😇
احمد : بيت ايه هو انت نسيت انك وراك مشوار ولا ايه 🤨
مروان باستفاهم : انا!!!
اقترب احمد من مروان و قال بهمس : انت نسيت ي غبي اللي اتفقنا عليه 😠
مروان : اااه صح افتكرت ده انا عندي مشوار مهم اوي و لذمان امشي يلا ي نور
نور : عل فين
مروان بغمزه : نروح احنا مشوارنا و يبقى احمد يروح منه هو 😉
نور و قد فهمت : اااه ماشي يلا بينا سلام ي شباب
غادر مروان و نور الكافيه لينظر احمد لمنه قائلاً : احم.. مش يلا بينا ي روحي 😘
منه بابتسامة : يلا ي حبيبي
( في المساء / تحديدا فيلا حسين الشافعي)
كانت العائله تجلس على المائده في حين اقترب شاب و هو يلقى التحيه
رامي : مساء الخير
الجميع : مساء النور
جلس رامي لتناول الطعام فنطر اليه والده قائلاً
حسين : كنت فين ي رامي
رامي : كنت مع صحابي ي بابا
حسين بحده : و ايه بقى موضوع صحابك و خروجاتك اللي كل يوم دي انشاء الله
رامي : عادي يا بابا و فيها ايه يعني 😒
حسين بغضب : فيها ان الجرايد ملهاش سيره غير ابن سيت النائب و المشاكل اللي بيعملها 😠
رامي بخنقه : و بعدين بقى في الاستوانة بتاعت كل يوم دي 😤
حنان : ولد اتكلم مع باباك كويس هو يعني غلطان عشان خايف عل مصلحتك
رامي : ماما لو سمحتي انا مش عيل صغير و عارف مصلحتي كويس
شهاب : ي رامي افهم الشله اللي انت ماشي معها دي هضيعك صدقني
رامي : متشكر عل النصيحه لما ابقى اضيع ميبقاش حد يساعدني
حسين : اخوك الكبير خايف عليك ي رامي
نهض رامي من عل الكرسي بغضب قائلاً : خليه يوفر خوفه لنفسه انا مش عيل عشان حد يكون واصي عليا عن اذنك
حنان : انت لسه مكلتش حاجه
رامي بلا مبالاه : شبعت
و صعد رامي الي غرفته ( اما عند العائله )
حسين : انا تعبت من الواد ده معتش عارف اعمل ايه معاه 😔
شهاب : رامي مشكلته ي بابا ان صوته من دماغه و مبيسمعشي من حد
حسين : بس هو كده بيضيع ي شهاب
هنا مرات شهاب : متخفشي ي عم هو بس رامي دالواقتي مضايق لكن لما يهده هيعرف ان اللي فيه ده غلط هيسبه عل طول صدقني
حسين : ي رب ي هنا 😞
( اما عند رامي)
كان في غرفته ينظر من خلال النافذه حته قاطع شروده صوت هاتفه
رامي : الوو
المتصله : انت فين
رامي : في بيتنا ليه
المتصله : انا عيزه اقابل دالواقتي
رامي و هو ينظر إلى الساعه التي عل يده : دالواقتي 🤨
المتصله بغضب : ايوه ي رامي دالواقتي و ياريت بسرعه عشان عفريت الدنيا بتتنطط قدامي 😠
رامي : ي بنتي افهمي مينفعشي دالواقتي عشان الوقت اتاخر خليها بكره
المتصله : ماااشي نتقابل بكره بعد الكليه
رامي : ماشي اقابلك فين
المتصله : عارف كافيه ال...
رامي : ايوه عارفه
المتصله : نتقابل فيه الساعه ١ سلام
رامي : سلام
و أغلقت الخط لينظر رامي الي هاتفه قائلاً : مالها دي مش ضيقه نفسها كده ليه 🤔
( في نفس الوقت عند قصر الأنصاري )
كان يوجد من يجلس ف الصالون
ياسمين : ايه رايك ي رنا في التصميم ده
رنا : ورني كده.. الله ي ياسمين شكله جميل اوي
ياسمين : اكيد ي بنتي مش انا اللي رسمه 😏
رنا : ي سلام عل التواضع 😂
في نفس الوقت كان يخرج عاصم والد سيف و معه وليد من غرفه المكتب و هو ف يده ملف الصفقه قائلاً : كده كل حاجه تمام نقص بس نمضي العقود بكره مع شركه كمال التهامي و تكون الصفقه دي بقيت بتعتنا
وليد : انشاء الله ي خالي عن اذنك
عاصم : اتفضل
اما عند احمد فكان يعمل على اللابتوب الخاص بيه
= احمد
التفت احمد الي الصوت قائلاً : چو حبيبي فينك ي عم محدش بيشوف يعني ☺️
يوسف : معلشي بقى مانت عارف الدخليه و شغلها اللي مبيخلصي 😂 المهم كنت عيزك ف موضوع
احمد : اتفضل ي ابو نسب 😂
يوسف : مااااشي يا عم الحنين 😂المهم انا عني واحد صحبي عيز منك انك انت اللي تمسك تصميم الفيلا اللي هيتجوز فيها
احمد : بس كده ده انت تؤامر ي چو بس أمانه عليك ي شيخ ليا طلب عندك
يوسف : بدأنا بقى ف شغل الشحاتين.. عيز ايه
احمد : عيز تتوسطلي عند الست الوالده اللي هي يعني عمتي و تخليها توافق بقى اننا نحدد الفرح اصل انا خلاص قربت انسه شكل منه و الله 😂
يوسف : بس ده لسه بدري ي أحمد 🤨
احمد بسخريه : بدري من عمرك ي غالي ده احنا بقالنا ٣ سنين مخطوبين عايزنا نفضل اكتر من كده ليه هتخلولونا 😂
يوسف : خلاص ي عم اهدي هقولها حاضر 😏
احمد : طول عمري اقول عليك انك الحنين اللي فينا و الله 😂
يوسف :لا ي شيخ
= مساء الخير
التفت يوسف و احمد نحو الصوت ليجدوه سيف
يوسف و احمد : مساء النور
سيف : بتعملوا ايه كده
احمد : تعالي ي سيف الحقني حضرت الرائد عيزني استنى ١٠ سنين عشان اتجوز اخته يرضيك
سيف : لا ي يوسف انت بتهزر عيزهم يستنوا ١٠ سنين 😱
احمد : روح اللهي يعمر بيتك ي شيخ ايوا كده قوله 😘
سيف : هو المفروض يستنوا ٣٠ سنه 😂
احمد : روح اللهي يخرب بيتك ي بعيد 😭
يوسف : تستاهل 😂
= العشا جاهز يا بهوات
التفت سيف الي الصوت قائلاً : ماشي ي سميره روحي انتي
سميره : عن اذنك
( في قاعة الطعام )
كان يجلس الجميع عل المائده ف حين قالت فاطمه : ايه ي سيف مش هتخلي مراتك تاكل معنا ولا ايه 😒
صمت الجميع لفتره فكيف تكون زوجته هنا و لا احد يعلم
نور :انت جبتها امتى ي سيف
سيف : النهارده
ياسمين : طيب انا عيزه اشوفها ي سيف بالله عليك خليها تنزل 🥺
سيف : مااشي... زينات ي زينات
أتت زينات مسرعه : اؤمر ي سيف بيه
سيف : نادي لجني هانم
زينات : حاضر
و صعد زينات الي غرفة جني و طرقت الباب
جني : ادخل
دخلت زينات و هي تنظر إلى الأرض : مدام جني سيف بيه عيز حضرتك
جني : حاضر
زينات : عن ازينك
جني : زينات استي عيزاكي
زينات : اؤمري يا مدام
جني بابتسامة : خديني معاكي اصلي خايفه اتوه في القصر اللي شبه الف ليلة وليلة ده 😂
زينات : بس كده ده انتي تؤمري.. اتفضلي
نزلت جني و ذهبت إلى القاعه قائله : السلام عليكم
الجميع :.......