Part 12
أجيك وأراضيك من كل اتجاه
لك من فؤادي حب ولساني ثنا
لا تاخذ بخاطرْك يا مال الغناه
ما عاش من يزعلْك لو انّه أنا
•
•
•
•
•
•
الساعة 8/م ، تركهم سهيل بالبيت وراح للمزرعه يخلص كم شغله مع وجد بينما وضحى رجعت لبيتها ، مرتمين بجسدهم حول المجلس الكبير ، شجاع ، متمدد وحاط راسه فوق التكاية ، يده تحت راسه واليد الثانية ماسك فيها الجوال يراسل رميم اللي سافهته بقوة
طلع من خاصها وأرسل بالقروب اللي جامعهم فيه
"" ياقوم ... أحدن يتوسط لي مع مريدا ""
دقايق ووصلت رسالة من هجرس
"" لا تعطي البهايم أكبر من حجمها ... لا خلص علفها جاتك تركض "" خذ الحكمة من أفواه الرجاجيل ""
ضحك من محتوى هالرسالة ، ثواني وشاف رميم تكتب ، لترد على هجرس : البهيمه أنت يامال اللي ماني بقايله ... تراي أكبر منك ياقليل الأدب
بدا يكتب ... ليرسل : عيب ياهجرس ...
ماهي بهيمة إلا غنيمة ، وياساس كل الغنايم يارميمه
ياللي رضاك لي مكسب ... وزعلك أقوى من الشتيمة
دقيقة ، ووصلت رسالة من تذكار قلب مكسور ، وبعده يقين "" وش هالشعر ؟ ترا نغار ""
وأرسل بعدها هجرس ، بلعانه ومزح
"" يارميمة ياللي تزعلين دون سبه
زعلك يشبهه عيد الأضحى بدون عزيمة ""
ليردف بعدها "" كلنا نعرف نشعر لا تسوي فيها أخر حبة ، وتمحي سواياك ... مالك داعي تزعلها وترفع صوتك إلا رميم عاد مارضى
ضحك بصوت عالي وهو فاهم نوايا هجرس ، وبدأ يكتب "" لو ماتسكت ياهجرس لا أجيك وأفقع وجهك .... رميم ترا ماهنا لي بال وأنتي زعلانه ، يرضيك قلب الشجاع حزين ؟
شافها تكتبت لترسل له : لا بالله مايرضيني "" وفيس حزين ""
تبي أسامحك ... جيب لي هدية من الجنوب
"" والله إن تبشرين ""
هجرس : تراه رايح الجنوب موب باريس ... روقينا ياأم الهدايا
"" أقطع وخص ""
ضحك الشجاع وهو يشوف مناوشاتهم ، وناظر لمرواس الواقف ويتأمل التراث المعلق بزوايا المجلس ، من ضمنهم سيف وبندقية وعود ، لف بكامل جسده على قرناس ، متكي بإيده ع التكاية ، ويشرب شاي ، رافع جزء من ثوبة وكاشف عن سروال السنه ، ومع ميلانه بالجلسه ، أرتفع جزء من السروال وأظهر ساقه ، يتأمل الكوب المتواجد بيده بسرحان
"" ماودكم نطلع ؟ ...الجو يشرح الصدر ""
نزل شجاع الجوال لينطق : قدام ... رقبتي أنكسرت من التسدح ، نقل بنظرة لقرناس ، وشافوه سرحان ،
بعييد أشد البعد عنهم ، أبتسم الشجاع وأسترسل بعلو صوته : يابووو الشببااب ... وين أراضيك
ناظرة قرناس بهدوء ، ورجع نظرة للكاس ، يناظر للشاي الأحمر ، لينطق بهدوء : ياخي هالشاهي طعمه عجيب
