عينان لا تكفي .

PART:13

Part 13

•

{ ‏أنا الثقيل الثقيل اللي معك ما ثقلّ
‏عطاك مالا عطى غيرك ولا قال هات

‏أحبك بقلب؟ لا والله بقلب و عقل
‏محبة العفه اللي مابها مُغريات }

بعد ماخلصوا فطورهم ، ولأن هاليوم مافيه دوامات ، جلسوا حول التمر والقهوة ، بينما هجرس راح مع جراح يصلحون السيارة ، أنحنت أفياء تلتقط الفنجال ، لتنطق بنبرة هاديه : لحدن يعلم قرناس أو الشجاع إن جراح دخل يعاين أختكم ... تعرفونهن لا درى قرناس بالذات بيشوش الدنيا

أعتدلت تذكار بجلستها ، وحطت رجل فوق رجل وأستقامت بظهرها بعد ماسحبت الفنجال لتنطق بتأيد ، وعينها ع البنات : صادقة خالتي ، حتى الشجاع لا درى بيخور كل شيء لقرناس ... قربتن مشقوقه

رفعت جيهان نظرها بإتجاهه تذكار ، وتسارعت خفقات قلبها ، بلعت ريقها ، وهي مميلة شعرها على كتفها تظفره : ماظن يعلمه بكل شيء
"" لا حبيبتي ... هذا لا كح درى قرناس ... فمابالك بعلم زي كذا ""
تقولها رميم ، لتنطق جيهان
"" ممكن لو العلم كايد يسكت ""

ثريا : لا تعلمون وبس ... مالي خلق أزعل قرناس
رميم : صادقه خصوصاً إنتس قوية كعادتس ، وختمت جملتها بضحكه
ناظرتها ثريا بملل ، وهي من الصبح تعيد وتكرر نفس الجمله ، حتى صار الكل يطقطق عليها ، أخذت نفس عمييق وتربعت فوق الكنبة : يمكن لأني فلقت راسه ودخلت بهواش معهم كذا مره ... والتسلب يذكرني
"" والله ماتسلب غيرتس ... الرجال معالجتس ..ومتعني للصيدلية عشانتس ، وتقولين عنه تسلب ؟؟ ... والله إنتس ناكره معروف مثلتس مثل أختس هالعنزه ""
ناظرتها جيهان بفجعه لتنطق : شدخخلننيي ؟
""قصري حستس لا أجلدتس بنعالي ""
تنرفزت جيهان وأنحنت تصب لنفسها قهوة ، وهي بكل نقاش وبكل هوشة يدخلونها ، نطقت يقين بطقطقه : ماعليتس لا تحزني ياجيجي ... خليتس قوية كعادتس ، وناظرت لثريا وغمزت لها ، لتردف : ثلاث دقايق وأجيتس
رميم : كأنتي تبينها دقيقتين لعيونتس يايقين ... تحملي ياسكرة حياتي
سرايا : بسرعه ياجراح ... بديت أدوخ قوتي ستنهار
طنشتهم ثريا وصارت ترتشف القهوة بهدوء ، متجاهله ضحكهم والطقطقه المستمره برعاية جراح وخليتس قوية

•
•
•
•
•
•
•
•

ناظر للشجاع يطلب منه الفزعه بهالموضوع ، بعد مابتعدو عن الجلسة بسبب مقاطعة بارق وحضورة ، واللي جلس وطقها ميانه مع مرواس

"" ماسمحت له ياعم بهالموضوع ، وأيدته ، إلا بعد ماوعدني إن يصون بنت العم ، ولا يضرها مثقال ذرة ""

"" ماودي يخش بمعمعه مع زهيد ... لأن سواياه ماهي قليله ، ولا ودي يالحر يخالط قلبك هالأنتقام اللي مابتجني منه إلا البهاذيل ""
"" ماراح أضره ... كل اللي بسويه بسترجع حق أبوي ""