عداوة عشاق

2

#عداوة_عشاق_2 #كتابة_يقين_البشتي
{ السابعة صباحاً }
فاطمة:رشا افتحي باب الحمام يابنتي
رشا:خليني بري من علياااا
فاطمة:بوك وافق لمصلحتك
رشا كانت تبكي بحرقة وتنظف في نفسها
رشا:بري من عليا
فاطمة:به بنتي عندك امتحان هيا مش تلبسي وتطلعي متعطليش
رشا كانت تكد في جسمها على الاخر
رشا:معقولة هكي معقولة كان غرضة من الاول ياخد حاجته مني علاش به مش حرام عليه
وبدت رشا تبكي اكثر
اما عند عمر ناض لقي منى راقدة جنبه
عمر: منى انتي شن اديري هني
منى:البارح بعد انت طلعت من القصر اني جيت و راك
عمر:به
منى:اي استنيت رشا تعطيك حاجتك وبعد روحت رشا اني جيت
عمر:كيف شن تقولي انتي
منى:اي اي رشا بس رشا سلماتك نفسها بكل سهولة
عمر:كيف
منى:اختي رشا بايعه شرفها يعني مش انت اول واحد اللي راقدة معاك
عمر:كيف اني نذكر اي في شي قوي صار بينا البارح وانت اني اغتصبتها بس منذكرش كل شي
منى:زي ما سمعت شوف في شرشاف ولا ايا شي ملبز بدم اختي مش بنت بنوت
عمر: مستحيل
منى:اختي طلعت تجري بعد عطاتك اللي تبيه خشيت اني انت كانت حرارتك مرتفعه هلبا درتلك كمدات
عمر:يعني اختك مش بنت
منى:اي مع الاسف رشا كانت تلعب بمشاعرك
عمر:كيف قوليلي كيف تلعب وهيا بنت عمرها 17
منى:اختي هادي متنفعش واني انبهك منها
عمر:وانتي كيف ادمري سمعت اختك وكيف تجي جنبي بعد اللي صار بينا
منى: اول شي خائفتك تفضحها لانه مش ناقصين فضايح
عمر:وثاني شي
منى:عمر اني نحبك اقسم بالله ومن اول يوم شفتك فيه
عمر:اطلعي من الكوخ منى ومعاش نبي نشوف وجهك ابداً
منى:عمر
عمر شد منى من شعرها وطلعها
عمر:لمه نقولك معاش نبي نشوف وجهك يعني خلاص انتي واختك فهمتي
وصكر الباب في وجها
منى:مستحيل نخليك تتهني معاه يا رشا
مشت منى لي وراء الشجرة وهوا المكان اللي حاطه فيه الشرشاف
منى::هدا لازم نخليه احتياط عندي
وروحت منى
اما عند رشا ف كانت في المدرسة
المعلمة: رشا خيرك حبيبتي اليوم مش منتبها
رشا مردتش وكان وجها اصفر
ليال:شوشو اني نعرفك كويس صاير معاك شي
نزلت دمعة من رشا
رشا:ممكن نمشي الحمام
المعلمة:اي تفضلي
وهيا نايضة رشا فجاة بدت تشوف في الدنيا كلها سودة
وطاحت على الارض
_____________
اليس:يعني انت رح تتزوج وانا لسى عروس
السيد:اليس انتي تعرفي انه اكثر وحدة نحبك صح
اليس:بس ليش ليش تتزوج بنتك زينب هيا اللي لعبة بعقلك
السيد:زينب ليها الحكم بعد القي شية ومحد يلعب فس دماغي ح نتزوج يعني ح نتزوج
اليس:روح تزوج بس قبل ما تقراء فاتحتك عليها طلقني
السيد:تذكري شن قتلك يوم تزوجتك خليني نرجع انذكرك عاد المراة اللي تخش الحوش هدا لابسة الفستان الابيض تطلع منه وهيا بالكفن الابيض وهدا اللي بيصير فيك
وطلع سيد وخلها
وقعمزت اليس تبكي
اليس:يارب انا بشو اذنبت لك شو ها المصيبة
______________
زينب:يعني انتي عاجباتك صح
القرياشية:اي عجبتني وهادي اللي ح تجيب الولد
زينب:ان شاء الله ياعمتي
القرياشية:البارح حسيتك توترتي هلبا
زينب:من شني
القرياشية:لمه شفتي عمر
زينب:اي صح نحب عمر بس اني وياه مستحيل نكونو لبعض اطمني
القرياشية:نحب تفهمك هدا انتي وياه مش لبعض يا زينب
زينب:امتى تبي نمشو نخطبو البنت
القرايشية:منبوش نطولو بالقصة اسبوع خطوبة والاسبوع اللي بعده زواج
زينب:بس شوية هكي خلاص خلي كل شي عليا
القرياشية:تمام
_____________
اما عند رشا في حوشهم كانت راقدة ع السرير وحرارتها مرتفعة
فاطمة:غير شن صاير معاك بس يابنت كبدي
ليال:تعرفي من لمه جت المدرسة وجها اصفر
فاطمة:اي نعرف الصبح كانت ادوش وتاعبه
ليال:انتي بري خالتي كان بطيبي الغدي اني موجودة امي بعتلها وقتلها انه بنقعد هني
فاطمة:به يابنتي لو فاقت رشا قوليلي
ليال:حاضر
طلعت فاطمة من الدار
منى:قاعدة مفقتش الاخت
فاطمة:لا
منى:طيب اني في داري
فاطمة:متبيش تساعديني في الغداء
منى:واااك امي خليني
وخشت منى لدارها
__________________
خش عمر الحوش
العنود:باهي الا عرفت الطريق
عمر:مش ناقصني انتي توا
العنود:اني البارح مرقدتش من التفكير وانت ساهر
عمر:حلمك وحققتيه يعني اول ما يموت السيد انتي تبدي القرياشية
العنود:بس السيد بيتزوج هديكا البنت ومرات تجيب الولد
عمر:هههه مش ح يتزوجها
العنود:عمر لازم ادير حل ياولدي لازم
عمر:ارجوك خليني امي
خش عمر لداره وطلع المذكرى
{عمر علاش يارشا هكي درتي فيا اختك اعترفت عليك معقولة اختك طلعت خير منك وتحبني لدرجة تفضحك عندي اني كنت العاشق ليك اني حبيتك اكثر من روحي بس نوعدك انه ح نحرقلك قلبك زي ما حرقتي قلبي }
______________
ليال:تبصري مستحيل هدا كله صار البارح
رشا:معاش عارفة كيف ينتصرف
ليال:بس هوا مفروض توا يجي يخطبك ويصلح غلطته
رشا:مفروض بس ليال اني مش طايقاته
ليال:هادي كارثة يارشا يعني لو هوا متزوجكش معناها ح تكون نهايتك الموت
رشا:نحبه بس اني لمه نشت من النوم شفت شخص متوحش راقد جنبي نقرفت منه
ليال:انتي توا ضروري تهدي وتفكري كويس
رشا:اللي يربط بيني وبينه الكوخ هداكا بس قوليلي كيف بنوصل فيه
ليال:لاحول ولا قوة الا باالله حسبي الله ونعم الوكيل
___________________
زمزم:خالد شن بيصير امتى بتخطبني
خالد:القصة معقدة
زمزم:خائفة من بوي صح
خالد:بوك من ميخافش منه
زمزم:اني راضيه نعيش معاك وين ما كنت بس تكون انت نصيبي
خالد:واني يازمزم مش ح نخليك لغيري كلمة نصيب اخترعوها الذكور بس باذن الله انتي نصيبي
زمزم:ربي يخلي ها الحب ويدومه
خالد:حق بوك بيتزوج بنت عمرها17
زمزم:اي لانه قال هادي اللي ح تجيب الولد
خالد:به والبنانية شن بيصير فيها
زمزم:تبكي من لمه سمعت الخبر قالت اني قاعدة عروسة
خالد:مسكينة
زمزم: ما وجعتني الا البنت الصغيرة هادي
خالد:بوك شن عجبه فيها
زمزم:قبل ما تعجب بوي عجبت القرياشية وزينب
خالد:لحضت انه زينب كلمتها مسموعة بعد القرياشية
زمزم:اي حتى هيا بنت جنات الانسانة الوحيد اللي حبها بوي
خالد:وخواتك يعني جواهر وغيرها
زمزم:الكل يخاف منها ميقدرش حد يتكلم معاها
خالد:به تكلمي مع زينب بالك تقنع بوك في موضوع الخطبة
زمزم:لا زينب بروحها قلبها مكسور تحب عمر ولد خالتها العنود بس هنا اثنين مستحيل يكونو لبعض
خالد:شن دخل هدا في هدا
زمزم:متقدرش زينب تدخل اني نعرفها ونخاف تنقلب ضدي حتى هيا
خالد:هيا نوضي لحوشكم المغرب ح ياذن
زمزم:خالد حبيبي رد بالك على روحك
خالد:وانتي عارفة انه روحي معاك حطيتها في عقلك ره انتي ليا ويحرم عليا نمس غيرك ياحبة عيني
زمزم:نحبك
خالد: هي امشي يا ام عيون عسلية
زمزم:ههههه سلام
__________________
ليال:بعمرك ما تبيني ضعفك لحد نوضي تعشي وباذن الله ح تنحل القصة هادي
رشا:مش قادرة اني منقرفة من كل شي
ليال:نوضي به ارجوك حبيبتي
نضت. رشا ومعاها ليال
محمد:اسمعي انتي يا رشا
فاطمة:محمد البنت مريضة فوتها
رشا:خليه يتكلم نعم شن في
محمد:اني لمه وافقت انه يتزوجك لمصحتك
رشا:تمام بوي لمصلحتي تمام
ليال:اني بنروح
فاطمة:لا والله مهو نايضه قعمزي تعشي
ليال:لالا غدوا عندي قراية وتوا ضروري نقعمز نقراء
رشا:تمام
ليال:خليك مقعمزة انتي
رشا:لا ح نوصلك لقدام الباب
ليال:تصبحو على خير
وطلعت رشا وراء ليال
ليال:لازم تكوني قوية ارجوك
رشا:بجديات اني انتي اللي عطيتني القوة بس جسمي كله يوجع فيا
ليال:معليشي انتي تحبيه استني منه خبر اليومين هدو
رشا:به
ليال:تصبحي على خير
رشا:وانتي من اهل الخير
وخشت رشا لدار فيها دولاب كبير كانت تبي اطلع اوشحة تبي تلبسها لمه تطلع فتحت الدولاب ولقت الشرشاف
رشا:لااا مستحيل هدا شن جابه هني
فاطمة:متتكلمش مع بنتك في موضوع الزواج توا تشوف فيها البنت حركاتها مش طبيعية
محمد:تمثل علينا
رشا:وينها بنتك منى
فاطمة:بسم الله الرحمن الرحيم خيرك متعصبة انتي
رشا:قتلك بنتك وينها
فاطمة:عند سلوى صاحبتها
محمد:خشي لدارك رشا مش ح نخليك تطلعي من الحوش
رشا:بس ضروري نطلع ارجوك بابا
خشت رشا لدراها وكانت تبكي
______----
{ منتصف الليل }
ناضت العنود من نومها ولبست
وطلعت كانت ماشية في غابة ظلام لين وصلت لحوش وقعدت الدق على الباب
ام الجن: وينك عطلتي
العنود: راحت عليا نومة
ام الجن:جبتي الحاجات اللي قتلك عليها
العنود:اي اليوم نبو نجددو السحر لبنت اختي زينب وانها تعنس ونبي السيد يقعد نسله بنات بس
ام الجن:كيف حال القرياشية
العنود:باهيةلابسة الخاتم وحاطه فيه انه هوا اللي عاطيها الثقة
ام الجن:اسمعيني يا العنود الخاتم لازم تجيبيه منها ضروري
العنود:ولازم نزرع حد في حوشهم البنت اللي كانت تجيب في كل شي نبوه ماتت
ام الجن:هي خلينا نبدو بالسحر وخودي هادي العشبة شربيها لي عمر
العنود:هاتي
____________
{في صباح اليوم الثاني }
عمر:صباح الخير
العنود:صباح النور حبيبي
الخدامة:سيد عمر تبي قهوتك توا
عمر:ياريت والله
العنود:في فمك كلام
عمر:بنتزوج
العنود:بجديات تتكلم
عمر:اي وياريت اليوم نمشو ونطلبوها
العنود:من هيا
عمر:بنت التاجر محمد
العنود:يازين ما اخترت اخخخ وشن ح تكون ردت فعل السيد احتمال يموت
عمر:المهم اليوم ره
العنود:يا سالي
الخدامه:نعم
العنود:قولي لسواق يرفعك لحوش التاجر محمد وقوليله اليوم جاين نخطبو بنتك
الخدامه:حاضر
___________________
عند قصر السيد خشت زينب لدارها
زينب:علاش كارها روحي علاش كل ما نشبح نفسي في المراياء ننقرف
ونزلت دمعة من زينب طلعت زينب صورة عمر وقعدت تشبحلها وتبكي
زينب:علاااش كل يوم نحبك علاش هكي صاير فيا وانت مش حاسبني علاش ياعمر علاش حبي ليك مستحيل
وقعدت زينب تبكي
_________
فاطمة:منى رشا تعالو نبيكم
منى:شن في ماما
فاطمة:وين رشا اختك
منى:منعرفش مشفتهاش البارح
رشا:شن في
منى:غير قولي صباح الخير
رشا:الظهر ياذن علاش نصبح عليك يعني
منى:من امتى تعلي في صوتك عليا
كانت رشا بتعيط على منى بس ادكرت انه لازم يكون عندها وقت وهيا بتفضح روحها
فاطمة:اليوم جاي عمر وامه
منى+رشا:كييف
فاطمة:بيخطبو
رشا:يعني عمر بيخطبني مش مصدقة
منى:هههه انتي خطبك السيد ولا نسيتي
رشا:ههههه عمر اللي بيخطبني لانه يحبني
فاطمة:بلاش عراك انتي وياها خشو جهزو العشاء واني بنمشي لبوكم نقوله
خشو الزوز في المطبخ ورشا متبيش تكلم اختها وتدوي بينها وبين نفسها
رشا:واخيراً حبيبي كان قد كلمته
منى:مصيبة لو مصدقش كلامي ويخطب رشا
________________
زعيمة:خلاص اني معاش نبي نقعد هني
ام السعد:به شن تبيني نوتي معاك
زعيمة:وتيلي حوايجي كلهم بنقعد في الحوش الثاني
ام السعد:حاضر
وبزت ام السعد تساعد في زعيمة
___________
جواهر:زعيمة توتي في روحها
زمزم:دررررب يسد
جواهر:عارفه انه مش مرغوب فيها
زمزم:اي
جواهر:وشن قصتك انتي في فرحانه
زمزم:نحب وعشقانه ولهنااااااااا
ضربت جواهر زمزم بالمخدة
جواهر:امتى نبو نهدرزو مع زينب في موضوع البعته
زمزم:واني بنهدرز في موضوع خطوبتني مع خالد معاش نقدر نعيش بدوووونه نحبه
جواهر:نوضي ديريلي طاسه شاهي اخضر ترا
زمزم:عيوني ليك يانور عيوني
____________
__________________
{ المساء }
محمد:يامرحبا بيكم
العنود:كيف حالك
محمد:والله الحمد لله
فاطمة:سيد عمر والله زينة الشباب وغالي عليا
عمر:شكراً
العنود:انتو تعرفو منقدروش نعطلو
طلعت رشا و وراها منى
شبح عمر لي رشا شبحت استحقار
ورشا كانت تشبحله شبحت فرح وحنية
اما منى
منى:كيف الحال
وقفت بعيد
عمر:+العنود: الحمد لله
العنود:اكيد تبو تعرفو سبب جيتنا لليوم
وكانت العنود تشبح لرشا وفرحانه لانه السيد ح ينقهر لمه يعرف البنت اللي يبيها بياخدها عمر
عمر:اليوم جاي نطلب يد بنتكم منى على سنة الله ورسوله
قامت رشا راسها وكانت مصدومة...
{ وهني كانت بداية عداوة عشاق }
يتابع.......