عداوة عشاق

4

#عداوة_عشاق_4
اذن الفجر
المؤان:الصلاة خير من النوم
وبدت رشا تبكي كانت واقفة في البلكونة
رشا:يارب عدي الساعات الجاية على خير
خشت رشا لقت السيد في سابع نومه

جت رشا طلعت شيشة فيها مادة حمراء وبزعتها على السرير
وقعمزت رشا تذكر
{ ليال:هدا مخلوط من عدة اعشاب ح تخلي السيد يدوخ من الدرجة الاولى ويتخيل حاجات غريبة والمرحلة الثانية بيرقد نوم عميق
رشا:بس انتي تعرفي السيد كبير في العمر لو الشي هد يضره
ليال:لالالا مش ح يضره ابداً وخودي هدا عكر فاسي
رشا:اسمعي اني خائفة
ليال:قوي قلبك  }
____________
ركبت العنود لدار ولدها ولقت الدار مفتوحة خشت العنود وهيا مصدومة
لقت ولدها راقد على السرير ومنى مربوطة بحبل ومصكرلها فمها وجها كله مضروب
العنود:وووووه شن مداير للبنت
وجت فكت منى
ناض عمر
عمر:اطلعي برا بنرقد
العنود:في واحد صباحية عرسه يدير هكي في مرته
عمر:تستاهل اكثر من هكي
العنود:بنتي انتي كويسة
منى:طلعيني من الدار هادي
العنود:يلا حبيبتي استندي عليا
طلعت العنود منى وقعمزتها في الصالة
العنود:يابنتي احكيلي خيره شن صاير بينكم في شي
منى:لا فجاة اول ما خشينا لدار قعد يضرب فيا
العنود:متنزليش لوطه مش مايشوفكش الخدم ومش ح نخلي حد يركب نوضي نحي الفيلو متاعك
منى:لا اني نخاف نخشلها الدار يلي هوا فيها
العنود:هدا راجلك مهما صار
منى:منقدرش
العنود:ملعيشي هوا راقد توا بدلي حوايجك وتعالي قعمزي هني في الصالة مش نجيب نداوي الجروح
منى:تمام
نزلت العنود ومنى قعمزت تذكر كيف ضربها وتفكر في اختها هل ح تعيش او تموت
{ العنود:لولولولولي خشي لدارك اهو عمر شوية ويجيك
{ منى:تمام
{خش عمر لدار ومنى كانت مقعمزة متوثرة
{ طلع حبل وخدي طرف وقعد يقرب من منى
{منى:شن ادير خيرك
{عمر:منبيش نسمع صوتك
{منى:حبيبي خيرك اني مرتك ره واليوم عرسنا
{ ربط عمر يدين منى و صكرلها فمهما وبدي فيها ضرب عنيف
__________________
ناض السيد
السيد:اخخخ راسي صداع
رشا:صباح الخير
السيد:صباح النور الساعه قداش
رشا:10
السيد:شن صار البارح مندكرش في شي
رشا:صار يلي صار
وناضت رشا وجابت الشرشاف لسيد
السيد:تصدقي مندكرش الا في شوية حاجات
رشا:عادي انت كنت تاعب
السيد:المهم الف مبروك ياعروسة
رشا:الله يبارك فيك نستاذنك اني توا بننزل
السيد:اذنك معاك يانور عيوني
نزلت رشا لقت الكل يستنا فيها فيها في الصالة
رشا:صباح الخير
زينب:صباح النور
القرياشية:شن كيف كانت ليلتك يابنت
رشا:كويسة
زينب:بوي قاعد مناضش
رشا:لالا بس يغسل
زينب:اها
اليس:زيزو شو صاير معاك وجهك كثير اصفر
فريال:اي يابنتي خيرك
زينب:نحس بشوية تعب
القرياشية:به بري الدكتور اكشفي
زينب:ان شاء الله ياعمتي
زمزم:رشا شعرك حلو شن تستخدميله
رشا:من يومي هكي بس نحافظ عليه ناكل في جرجير وندير في ثومة وزيت زيتون وزيت خروع وقرنفل
زمزم:اني شعري يطيح
رشا:جربي اللي قلتلك عليه
جواهر:بوي شكله مش ح ينزل
زينب:اي اهو الخدامه تجهزله في سفرته
جواهر:اني وزمزم بنطلعو  نتمشو بعد مايروحو الناس
فريال:اهم شي متعطلوش وتشغلو بالي
جواهر:لالا اطمني
الخدامة:انسة زينب فطور السيد جاهز
القرياشية:رشا ركبي لراجلك الفطور
زينب:لالا خليك رشا بعد شوية بيوصلو الناس مش تستقبلهم
فريال:ايمي قيمي الفطور هياااا
الخدامه:حاضر مدام
ركبت زينب الفطور لبوها
السيد:مفروض عروستي يلي تجيبه
زينب:اييي نغار اني ره يعني من شن نشكي
السيد:وردتي ما تشكي من شي
زينب:بعد شوية بيوصلو الضيوف مش يباركو
السيد:اها
زينب:بوي
السيد:ياعيونه
زينب:اني خائفة من خالتي العنود
السيد:خيرها
زينب:بوي هادي مش كويسة واني شاكه انه في شي وراها
السيد:العنود من يومها عندها هدف واحد انه تشد كرسي القبيلة
زينب:بوي ضروري ادير حل
السيد:كيف
زينب:الناس هدو يشكلو خطر علينا اعلن الحرب عليهم
السيد:كيف يشكلو خطر
زينب:منعرفش بس اني خائفة
السيد:مش وقته كلامك هدا قوليلي انتي خيره ضاعفه وامولي وجهك اصفر
زينب:ااا منعرفش منعرفش هي عن ادنك شكلهم وصلو الناس
____________
القرياشية:انستو ونورتو
الضيوف:الله يانسك
القرياشية:لانه مدرناش عرس قلت نعزمكم كلكم يوم الصباحية
نجمة:والله العروس قنينة خير من يلي اسمها اليس
القرياشية:شن جاب لجاب
نجمة:يارب هادي يلي تجيب الوريث
القرياشية:اي والله هدا احلا دعاء 
فاطمة:بنتي كيف حالك
رشا:تمام
فاطمة:اخخ البارح نفكر فيك انتي واختك
رشا:اها
فاطمة:في عندهم هني تلفون ارضي
رشا:اي،، جواهر امي تبي تتكلم
جواهر:اي تفضلي
ورتها جواهر لي فاطمة التلفون
جواهر:بتطمني على منى
فاطمة:اي والله
جواهر:عن اذنك
واتصلت منى على تلفون حوش العنود
منى كانت مقعمزة في الصالة تبكي تفكر في اختها شن صاير فيها زعما ونادمه انه تزوجت عمر فجاة التلفون قعد يرن
جت العنود
العنود:الو
فاطمة:السيدة العنود كيف حالك
العنود:مني
فاطمة:اني ام منى
العنود:اها شن تبي
فاطمة:نبي نطمن على بنتي
العنود:هك تعالي امك تبيك
جت منى وهيا كيف بتقيم سماعة التلفون
العنود:ردي بالك توضحي شي
منى:حاضر
فاطمة:الو
منى:امي كيف حالك
فاطمة:ياعيون امك شن صار فيك حالك باهي
منى:اااي اي الحمد لله
فاطمة:حتى اختك الحمد لله وتوا احني في المباركة متاع الصباحية المهم تهنيتي
منى:اي تهنيت بس كيف كييييف يعني رشا امورها تمام
فاطمة:اي خيرك نصدمتي
منى:قصدك رشا امورها تمام تهنت
فاطمة:اي الحمد لله
استغربت منى هلبا
فاطمة:بنتي المهم اطمنت عليك توا بيلبسو الذهب لختك ولازم نكون موجودة
منى:تمام سلميلي على بوي
فاطمة:يوصل
وصكرت منى الخط
منى:تهنت
العنود:هه حتى هوا السيد  بس قولي انتي خيرك مصدومة
منى:لالا عادي علاش بننصدم
العنود:جهزتلك غرفة ثانية ولدي ميبيش يشوف وجهك
منى:تمام
____________
القرياشية:اول شي مرحبتين بيكم ادعو انه تكون هادي ام ولي عهد القبيلة
الضيوف:امين يارب
جابت القرياشية الحنة وحطتها في يد رشا وغطتها
جابت زينب زهر وقعدت تبخ فيه على رشا
جواهر:اهو درت البخور
فاطمة:ياولولولولولي
اليس كانت تشبح بكل حقد لانه تكره رشا
فريال:مبروك هناك يابنتي صح ضرتي بس انتي كانه بنتي
القرياشية:تفضلو تفضلو للاكل ياعويلة لولولولي
_______
العنود:باهي يلي جيتي
ام الجن:خيرك شن في
العنود:جهزيلي سحر
ام الجن:مني المره هادي
العنود:رشا
ام الجن:اسمعي بنقولك حاجة
العنود:شن في
ام الجن:ره رشا ح تشد منصب في القبيلة ومفيش ولا سحر ح يمنع الشي هدا والبارح شفت خاتم القرياشية في يدها
العنود:قدامه النسل نسل بنات معناها هيا مستحيل توصل لشي بالك شفتي منى مش رشا
ام الجن:متاكدة رشا
العنود:ربي يستر
ام الجن:كيف السحر ح يكون
العنود:سحر يخليها لا تعرف ليلها من نهارها
ام الجن:نفس سحر زينب
العنود:زينب كرهت نفسها بس لكن اني نبي رشا تهبل
ام الجن:قدامه مفيهاش روح حية ح نديره
العنود:شن قصدك
ام الجن:لو رشا كانت حامل مش ح ينفع معاها السحر يعني نديره قبل ما تحمل
العنود:هه ع اساس بتحمل
ام الجن:لو رشا حملت ح تنصاب بالعمى فقط
العنود:نبيها تنتهي ومنبيهاش تحمل
ام الجن:ان شاء الله
________________
{ بعد مرور شهر }
كانت الطريق متعبة نعم متعبة سرحت في الطريق ف قبلني الكثير سٌرت على الشوك وانا على ثقة انه ساسير على الورد في يوم من الايام لربما ليس اليوم وليس غداً لربما بعد غداً لربما بعد قرن ستكون نهاية الطريق كما اريد
.......... ............ ............
زمزم:امممم شن العشي اليوم
الطباخة:مشواي
زمزم:ويلوموني احبك ليه
الطباخه:ههههه
زمزم:اني طالعه غطي عليا باهي
الطباخه:وين
زمزم:بعدين نقولك
وطلعت زمزم تجري
{ في مجلس القبايل }
زينب:اني نشوف في عمر يشكل خطر على القبيلة
سالم: بس هوا الوريث الوحيد
السيد:يابنتي هوا امل العائلة
محمد:اني نشوف في راي بنتنا  زينب صح
  السيد:كيف يعني
  محمد:وصلتني معلومات انه  عمر يشري في الاراضي يلي بعد القبيلة
  زينب:بالزبط يعني هو بيعلن علينا الحرب
  ايوب:شري مجموعة كبير غير انه شري نص القبيلة الثانية يعني انقلاب على الحكم
  زينب:الوضع خطير يابوي لازم نفيق
  السيد: الاجتماع انتهي
  سالم:باذن الله ح يسمع منك 
   زينب:ان شاء الله
----------------------
ام الجن:كيف حالك يالعنود
العنود:طيبة
ام الجن:وكنتك
العنود:في دارها منشوفش فيها بكل وعمر ليه اسبوعين مروحش
ام الجن:خلي الولد يجهز للانقلاب
العنود:لو ميفيقوش بيه بس
ام الجن:عهدك انتي قرب بدات بعد ما ولدك شري نص الناس والارضي يلي جنبي قبيلة السيد
العنود:ان شاء الله قوليلي شن صار في السحر
ام الجن:الاسبوع يلي فات مش قتلك مشيت مش على اساس نساعد الخدم في تنظف القصر
العنود:به
ام الجن:خشيت لدار وخديت شعر ليها كان في المشط
العنود:اي
ام الجن:خلاص باذن الله الليلة ياخد مفعوله
العنود:ياااارب
______________
ليال عند رشا جاية تزور فيها ومقعمزة هيا وياها في الحديقة
ليال: اي به وضعك كويس معاهم
رشا:الحق كلهم كويسين بس الفعه اليس لا
ليال:ردي بالك منها
رشا:اي اي عارفه
ليال:ربي يكفينا شرهم
رشا:امين يارب
ليال:وضعك مش عاجبني
رشا:منعرفش دارها كبدي ليا هكي اسبوع ومش متحمله شي تصدقي حتى الماكلة كرهتها
ليال:وشن تحسي
رشا:دوخه ونرجع
ليال: تاخرت!
رشا:اي فات وقتها بس عادي قصدي تصير علاش تسالي
ليال:لانك غبية
رشا:علاش
ليال:اخخخ عمرك 17بالله شن بتفهمي
رشا:ترجمي
ليال:اعراض حمل ياحلوة
رشا:حمل لاااا مستحيل
ليال:علاش
رشا:هادي مصيبة
ليال:علاش انتي متزوجة ومرت السيد والكل يستنا فيك تحملي
رشا:السيد ملمسنيش بكل
ليال:كييييف
رشا:لو اني نكون حامل معناها حنكون حامل من عمر
ليال:لا هني نقدر نقولك انه مصيبة
رشا:كيف بنتاكد
ليال:نمشو لي القابلة غدوة
رشا:اي تمام
ليال:اني لازم نروح خير ما ايوب يوريني
رشا:امتى العرس
ليال:منعرفش توا مش وقته خلينا في المصيبة يلي انتي فيها
رشا:مستحيل نجيب ولد منه وكيف اصلاً مش راكبه على بعضها ح نجهض لو نطلع حامل
ليال:يصير خير سلامات
_______________
{ وقت العشاء }
القرياشية : كيف كان الاجتماع
زينب:كويس
السيد:زينب جايتها شكوك غريبة
زمزم:اتجاه شني
فريال:متقوليش عمر
زينب:اي الحق
رشا:علاش خيره
زينب:شري مجموعة من الاراضي
رشا:اها
اليس:هدا الرجال مصيبة
السيد:لو يطلع الكلام صح معناها نهايته على يدي
نضات رشا مش تصب امية لسيد
بدت تشوف زينب في الجنية يلي تجيها تقرب من رشا بكل حقد
ناضت زينب تعيط
زينب:لااااااااا
وفجاة رشاد طاحت منها طاسه الامية وطاحت على الارض
زينب بدت تعيط وتريش في شعرها
شدتها زمرم واليس
والسيد والقرياشية وفريال  يفيقو في رشا
السيد:هادي خيرها
زينب:تعيط باعلى صوت
{بعد مرور ساعتين }
الكل جنب رشا في الدار وهيا فاقدة الوعي
وزينب من عيطت قعدو يقرو عليها في قران فجاة رقدت
فتحت رشا عيونها
السيد:رشا اهي فاقت
فاطمة:بنتي حبيبتي
رشا:منشوفش فيكم انتو وين
القرياشية:كيف متشوفيش فينا يابنتي اهو قدامك احني
رشا:والله ما نشوف في حد وبدت رشا تعيط منشوفش فيكم ووووه
فاطمة:بنتي خيرك ووووه عليا بنتي
القريشية:استهدي بالله يافاطمة هادي اكيد عين
ناضت زينب من النوم
جواهر:حبيبتي خليك راقدة
زينب:وين رشا
جواهر:في دارها
ناضت زينب تجري
زينب:رشا
رشا:زينب اي اي نشوف في زينب بس والباقي ظلام وراها وجنبها
زينب:هدا سحر ليا وليك يامرت بوي والسحر من العنود.......
يتابع............