عداوة عشاق

الاخيرة

#عداوة_عشاق_12 #الأخيرة
متعودين في الدنيا هادي او في كل رواية انه الخير ينتصر على الشر بس اليوم مش عارفين نفرق بين الخير والشر
كانت رشا في دارها مربوطه بحبل ومصكر فمها والطفل على السرير يبكي ،،،، زينب كانت في دارها وتعيط
زينب:طلعنيييي مش عيب عليك تحبس بنتك حسبي الله ونعم الوكيل فيك
كان السيد مقعمز في مكتبه وكله معبي غل وحقد وخشت القرياشية
القرياشية:ياسيد قولي شن في وعلاش حابس البنات
السيد:خودي فريال وام السعد والخدم كلهم وامشوا للمزرعة
القرياشية:ياخوي شن في فهمني
قام السيد راسه وشبح لخته نظراته كانت معبية حسد وغيرة ،،، كان يردد في داخله معقولة اني السيد ينضحك عليا ،،، كان هم السيد الانتقام
السيد:كلمتي وقلتها
القرياشية:به ياخوي،،
طلعت القرياشية وقالت للخدم يجهزو نفسهم وركبت ل فريال ،، فريال اللي كانت مقعمزة على سريرها وتتامل في صورة بنتها
القرياشية: نوضي وتي روحك بنمشوا للمزرعة نغيرو جو
فريال:منبيش نمشي ،، وانتي بدات منبيش نشوف وجهك
القرياشية:لمتى بتقعدي هكي
فريال:لين ناخد بثاري
القرياشية:من مني بتاخدي ثارك ،، فيقي لعقلك يامراة راك كبيرة وعاقله
وطلعت القرياشية خدت شنتطها ومشت  ،،، كانت اليس مقعمزة في البلكونة وهي في علامات استفهام في راسها وين عمر علاش السيد طلعهم من القصر ، اي اي اكيد بيفي حسابه ،، تي به علاش اني مطلعنيش معاهم
خش السيد لدار رشا وخدي الطفل ورفعه لمكتبه حطه على الكنبه وغطاه وباسه
رشا كانت تبكي خائفة يدير لولدها شيء
خش السيد وقدامه جواهر وزينب وكانت لحظة هدوء
جواهر:بابا خيرك من موت زمزم مشفتكش هكي
زينب:كل شيء ينحل بالهدوء
تلفت السيد لي رشا
رشا:وين ولد ياكلب
وفجاة رشا هجمت على السيد ضربها كف طاحت على الارض
السيد:اني تضحكي عليا ياواطيه يافاجرة اني
ونحى السبته وبدي يضرب في رشا وجواهر وزينب ،،، جواهر وزينب مقدروش يقولو شيء برغم قوة شخصية زينب
كان الضرب عنيف وغل السيد يزيد ،،، طلعت اليس من دارها وهي تسمع في العياط حطت يدها على قلبها ،،،
اليس:يارب استر
السيد:بنقتلكم الثلاااااثة
وطلع من الدار وصكرها بالمفتاح كلهم يبكوا ،،، جت رشا جيهة الباب وهي الدق فيه وتقول
رشا:ياسيد مديرش شيء لولدي اعطيه لي امي اقتلني اني بس ولدييي لا ارجوك
وطاحت على الارض وهي تبكي
.
.
.
{ قبل يوم }
خش السيد لقي زينب وعمر ورشا ، رشا كانت شادة الطفل
السيد:حتى انتي يابنتي طلعتي زيهم
زينب:بابا حبيبي اني جيت هني لمه عرفت المكان قبل ماتتهور وتقتل عمر
ضحك السيد
السيد:مش عمر بروحه اللي بيموت عمر ورشا
وخشوا جماعة السيد فجاة عمر قام المسدس بيضرب السيد مشي راجل من رجال السيد ضربه في يده
رشا:لاااااا
السيد:خايفة على حبيب القلب
زينب:عمر عمر انت كويس
السيد:قيموه وارفعوه للكوخ
وطلعوا كلم قعدو رشا وزينب والسيد
السيد:اطمني مبيتش نقول قدامه انه الولد ولد عمر لان مش غبي هههههههه
زينب:كيف كيف عرفت
رشا كانت تشبحله ومصدومة
السيد:اليس قالتلي كل شي قالت انه رشا وعمر عشاق وانه رشا حامل من عمر والكارثه انه بناتي يعرفو بشيء هدا
قعدو رشا وزينب يشبحوا لبعض ومش عارفين شني يقولوا
السيد:نوضيها وهي اركبو لسيارة
.
.
.
خش السيد لقي اليس  مقعمزة تكتب في المذكرة
السيد:حبيبتي نوضي ديريلي زهورات يهدو اعصابي
اليس:من عيوني حبيبي
طلعت اليس من الدار وهي كلها فخر ورافعه راسها فوق برغم الحمل كان متاعبها بس حاسه روحها منتصرة
نزلت اليس لوطه وهي ادير في الزهورات وتغني
اليس:راح صير الخانوا الوحيدة بالقصر ،، هههه عصر اليس ابتداء
طلعت فريال من الدار ودموع ينزلو من عيونها تقول مطر خشت للمكتب ولقت الطفل راقد ،، وخدت مسدس السيد وصكرت الباب وطلعت  وقعدت تمشي بكل هدوء لدار اليس وهي تمشي تدكر في صوت بنتها صوت الفرح والعياط صوتها اول مره ثالت فيه ماما صوت عياطها وقت ولادتها خشت فريال لدار والسيد كان راقد على السرير ومسترخي ومصكر عيونه ويدوي بينه وبين نفسه
السيد:اخخخ بنتزوج وحدة ثانيه شكلي اهو الوريث وجاني حتى لو مش ولدي بس اهو من نفس السلاله ورشا نقتلها وزينب وجواهر نزوجهم ونبعدهم عليا هههههه واليس اول ماتجيب نقتلها ،، طبعاً بنقتلها لان تعرف بالسر
خشت فريال و وقفت عليه
فريال:السيد اليوم ثار بنتي وصل
فجاة السيد قتح عيونه من الصدمة وضرباته فريال ضربه في قلبه
فريال:الاولى لنسيبي خالي
وضرباته مره ثاني
فريال:والثاني ثمن رجم زمزم
وضرباته الثالثه
فريال:والثالثه موت بنتي
طلعت فريال من الدار والسيد غارق في دمه  ورشا تعيط تسحابه السيد قتل ولدها ،،، جت عينها في عين اليس اللي عيونها معبيات دموع
فريال:لحقي اهربي قبل ماناخد روحك انتي الثانية
خشت اليس لدارها ولقت السيد غارق في دمه خدت المذكرة وشنتطها وطلعت تجري وتبكي في نص الطريق وقفت وكتبت في المذكرة اذا متت هيدا من عائلة السيد
جواهر:اهدي بالك يجربو في السلاح
رشا:ووووووووه عليا ووووه ولدي
زينب:استهدي بالله بوي مستحيل يقتل عيل عمره يوم
فجاة نفتح الباب وفريال تبتسم
ناضت رشا تجري دفت فريال وهي ادور في ولدها وفجاة تسمع في صوت عياطه خشت للمكتب لقاته يبكي اول ماشفاته صارلها نزيف واغمي عليها
زينب:منين صوت الرصاص هدا
جواهر:تعالو رشا اغمي عليها
فريال:توا انوضها انتي بري شوفي دار اليس شن فيها
خشت زينب لدار اليس
زينب:بوووووووووووووووي لاااا بوي نوض وووه عليا بووووي ،،، طاحت زينب على الارض وتلبزت بدم بوها وهي تبكي بالعبرة
فجاة خشت جواهر حطت يدها على فمها وقعمزت على ركابها
انا فريال تنوض في رشا
فريال:صارلك نزيف مليكش 24ساعه جايبه حسبي الله ونعم الوكيل فيه
رشا:ولدي وين ولدي
فريال:ولدك اهو جنبك وبخير استهدي بالله انتي
خشت زينب وهي ملبزة بدم  وتبكي وهي تلوم في فريال
زينب:علاش قتلتيه
فريال:دم بنتي ونسيبي ودم رشا اللي كان بيسيل
زينب:اطلعي من القصر ومعاش نبي نشوووووف وجهك اطلعيييييي
فريال:اطمني مكنتش نبي نقعد في القصر مفيش دعي تلزيني ،،ى المهم الليله نرقد مرتاحة  اليوم هو عرس بنتي
طلعت فريال وهي كلها فخر اما جواهر كانت منهاره وتبكي بالعبرة
تلفتت رشا وهي ادور في النفس وكلها عرق
رشا: ا ا السيد مات !
هزت زينب براسها وخبطه على وجها
زينب:بووييييييييي مااااات
وعيطت جواهر عيطه لمه اهل المدينة كلها
وفجاة انتشر الخبر { السيد زعيم القبيلة مات }
.
.
.
مابين الحزن والفرح قعدو هلبااااا حكايات في من اهل المدينة فرح لعل وعسى يتغير الحكم زواج القاصرات رجم البنت وكانه في عصر الجاهلية ،،،،
طلعت جنازة السيد وزينب كانت تشوفلها من البلكونة وسرحانة اما رشا كانت مثعمزة في دارها وشاده ولدها وتشبحله
وتقول بينها وبين نفسها ،،، زعما بوك شن صار فيه مات ولا قاعد عايش
وصلوا العنود ومنى والعنود حاسه روحها منتصرة استقبلها القرياشية
القرياشية:شن جاية تنوحي
العنود:الحق جاية بنفرح بحوشي الجديد
وكانت منى واقفه وراها
القرياشية : صح خوي مات بس خلى وراه وريث ،،، رشا جابت الوريث والسيد لجديد
فجاة العنود نصدمة ،، نزلت زينب من الدرج
زينب:مسمعتيش شيء على عمر
العنود:لاا علاش هو مش عند السيد ،،، قالولي امس خدوة جماعة السيد
فجاة العنود خبطة على وجها ..... ووووه عليها كان قتل ولدي
جت ام السعد جابت للعنود طاسة امية والعنود ترعش
ركبت منى لي رشا ،،،، رشا كانت ترضع في ولدها
منى:الف مبروك ،، وعظم الله اجرك
رشا:شكراً
منى:عمر اللي ولدك ولا
رشا:اي ،،، انت شن جاية اديري هني
منى:العنود تسحابه انك جبتي بنت وفرحانه انه بتصير القرياشية
رشا:هههههه
منى:الولد هدا ولد عمر ولا
شبحت رشا لي اختها وبعدين شبحت لولدها وابتسمة
منى:زعما يعوضك على عمر!
رشا:يمكن ولدي يعوضني على بوه اللي كسرني ،،، بس شن بيعوض خيانة اختي الوحيدة ليا !!!
منى:سامحيني ارجوك
رشا:اطلعي من المدينة ومعاش ترجعي لان بعمري ما حنريحك
نزلت دمعة من منى وطبست باست ولد رشا وهي كيف طالعه زينب خاشه
منى:بالله عليك لمه تعرفي مكان عمر قوليلي اني وخالتك بنقعدو في حوش امي
زينب:تمام
وطلعت منى وجت زينب قعمزت على خاشيه السرير
زينب:حاسه نفسي في حلم
رشا:كل شي نقلب بين يوم وليلة
قعدت زينب سرحانة شوية وتلفتت لي رشا
زينب:هه ،، عندك علم اليس هربت
رشا:خافت
زينب:عرفت انه مش حنرحموها
حطت رشا ولدها بحداها
رشا:عمر وين
زينب:بعد تستلمي منصب القرياشية بعد غدوة تعرفي
رشا:هو بخير ولا مقتلاش
زينب:لا اطمني بس منبوش حد يعرف انه عايش
رشا:تمام ،، لان بناخد روحه بيدي
.
.
.
كانت جواهر مقعمزة على سرير فريال وتبكي بالعبرة
جواهر:غير علاش درتي هكي بس قداش نحبك انتي امي الثانية ،،، علاش صار هكي علاش وينك توا وشن ارضك وين ديارك وشن صاير فيك
.
كانت المقبرة زحمة وهما يدفنو في السيد فجاة راجل خطم من جنب قبر زمزم ولقي فريال راقدة
الراجل:اختي اختي نوضي
بس فريال مفاقتش اي اي فريال ماتت خدت بثار بنتها وماتت ،،، بس مرتاحتش في نهاية حياتها ومش حترتاح في الاخرة لان مفروض كانت تسلم امرها لله بعمره الانتقام ماكان حل فريال ملحقتش اتوب وتستغفر ربها برغم لمه طلعت من القصر قالت توا نمشي نحج ونبدا صفحة جديدة في حياتي المهم ارتحت على بنت ،،،،
.
.
بعد مرور يومين كان الحزن معبي المدينة ورائحة الدم به شن زعما رائحة دم خالد او زمزم او السيد ،،،،،،
.
في القصر كانوا الكل مجتمعين الحديقة معبية ماكلة وضحك وهدرزة كانه مكانش فيه عزي حتى فريال مدرولهاش عزي

معقولة السيد اللي تخاف منه المدينة كلهم رابع يوم وفاته جايين ياكلوا ويهدرزو ويستنوا في تتويج القرياشية
معقولة فريال اللي كانت سيدة المدينة وكلهم يحبوها ويبو رضاها تموت وميدولهاش عزي
تعلوا في الارض وفرحوا بيها بس كانت نهايتهم سودة ........
لكن بيقعد السؤال زعما انتشر الخير او الشر
.
كانت رشا واقفه قدام المراياء ،، جت زينب لبستها ذهب وخناق كبيييييير ،،، جت جواهر وكحلتلها عينها ،،، جت ام السعد وحطت الوشاح على راسها طلعت رشا من الدار والكل وراها واتجهت لبلكونة القصر كانت القرياشية تستنا فيها والكل يتفرجو في الحديقة ،،،، وصلت منى وهي ترعش وعيونها معبيات دموع
وقفت رشا جنب القرياشية خدت القرياشية زي الكحل وحطاته على جبهت رشا ونحت القرياشية خاتمها من يدها
وهني العنود بدي وجها اصفر الخاتم اللي تحلم بيه بدي ملك وحدة ثاني ،،، العنود في داخلها كيف صار واني مدايره سحر انه يكون نسله بنات
بس العنود نست انه الدنيا ادور خلت السيد يجيب البنات مع انه شيء ربي كاتبه بس كل واحد نيته تخدمه في الاخير حفيد العنود هو اللي بدي السيد بدل ولدها ،،، عدوها هو حفيدها وهي متعرفش ،،،
لبست رشا الخاتم
زينب:من اليوم رشا هي القرياشية ومحمد هو السيد
والكل بدي يصفق ورشا رفعت راسها فوق وشبحت شبحة الانتصار ،، القرياشية رشا ،،، من البنت المغتصبة الطيبة البنت العادية إلى ام وسيدة مدينة ،،،،
.
.
.
وصلوا رشا وزينب للكوخ ،،، نزلت رشا على عكاز القريشية وبخاتم القريشية والكحل معبي عيونها ،،، ملامح البراء اختفت ،،،، ملامح الحب اختفت،،،، الطيبة اختفت ،،،، كل الموجود هو الكبروت والقوة والغرور ،،،
خشت لقت عمر مربوط
رشا:فكه
جي ابراهيم وفكه
رشا:اطلع برا
ابراهيم:حاضر
طلع ابراهيم وجي وقف جنب زينب اللي كات شاده محمد وهو راقد
ابراهيم:نشوفوه عندك يارب
زينب:شكراً
ابراهيم:الفترة الجاية في موضوع نبي نفاتحك فيه
زينب:تتزوجني!!!!
،
عمر:مبروك سمعت انك بديتي القرياشية و ولدك بدي السيد
رشا:انت حلمت واني حققت
عمر:هههه
رشا:عمرك كنت تتوقع تكون نهايتك على يد اكثر انسانة حباتك
حط عمر يدي على وجه عمر
عمر:تعالي نبدو من جديد وننسوا الماضي،،،، خلينا نطبقو جملة اللي فات مات
رشا:اللي فات مماتش اللي فات عايش في قلوبنا
عمر:عارف غلطت بس مستعد نصلح غلطتي ،،، ولدك نربيه كانه ولدي
رشا:تصلح غلطتك ،،، مفيش شيء يتصلح بعد  يكون فات عليه وقت طويل ره
نزلت دمعة من عمر واطه راسه لوطه
رشا:لو بتعيش معناها اني بنقتل ولدي،،، حياتك هي موت لولدي لان عارفتك مش حتخليه عايش
عمر:متقوليش هكي انتي سامحيني وتوا تشوفي شن يصير
حلم السلطة بدي لولده الولد بدي عدو بوه اغتصب رشا وحملت منه وتزوج اختها بس رشا ربي ستر عليها وكتبلها قصة جديدة ،،،،،،كتبلها شيء مكانتش تحلم بيه ،،،،
رشا:ممكن رشا المغتصبة و البرياء والمظلومة تسامح ،،، بس رشا الام والقرياشية متعرفش شيء اسمه سماح ،،، هه يقولولك السماح في الوادي ياحبيبي .............
.
ونسمعت صوت رصاصة فجاة محمد ناض يعيط ونزلت من الطفل اللي عمره اسبوع دمعة
طلعت من الكوخ وهي بين فرح وحزن والمسدس في يدها
رشا:اني اسفة ياولدي واسفة يانفسي،،،،،،،،،،،،،،
#نهاية_الجزء_الاول  #كتابة_يقين_البشتي