عداوة عشاق

11

#عداوة_عشاق_11
فجاة رشا فقدت الوعي وخدي قامها وركبها في السيارة وبدو جماعة عمر والسيد في اطلاق النار على بعض
وفريال تعيط على بنتها والناس هاربه من الضرب  معاش فاهمه شي
السيد:الحقوهم
مفتاح:احني معندناش دخيرة كافيه وهما حاصرونا من كل الجيهات
السيد:جيبوووولي مرتي و ولدي
فاطمة:بنتيييي ووه عليا خطفوها
زينب:مش وقت النواح توا تشوفي في حالتنا ولا بنتك مدامه مع عمر معناها امورها تمام
شبحت فاطمة لي زينب ومشت
وناضو فريال وجو نساوين قامو زمزم مش يمشو يغسلوها
فريال:بنتييي حرموني منك ياربي صبرني وووه عليا
خششو لحوش المره يلي بتغسلها وبدو يغسلو فيها
زينب متقدرش تحضر طلعت وقفت في الجنان
جواهر:زينب
زينب:اركبي متخليش خالتي فريال بروحها
جواهر:معاها نساوين
زينب:لو بتسالي شن صاير على رشا اني بروحي صدقيني مش فاهمه شي
جواهر:ربي يستر وخلاص
زينب:كنت متوقعه انه عمر يوتي لشي
جواهر:زعما يقتلها
زينب:ح نحكيلك شي
جواهر:شن هوا
زعيمة:يابناااات تعالو فريال صارلها انهيار وتعيط وتخبط على رجليها تعالولها
خشو البنات يجرو
______________________
وصلو عمر وجماعته لفيلا في وسط الغابة والغابة هادي على البحر
نزل عمر رشا
رشا:سيبيني بنمشي بروحي
عمر:لا
خشش عمر رشا للفيلا لقت الخدامة
كاتيه:اهلين مدام
عمر:كاتيه نبيك تردي بالك عليها تمام
كاتيه:حاضر
خششها لدار وربطها بكلبشه
رشا:عمر شن تبي مني
عمر:كاتيه المدام في الاشهر الاخيرة نبيك كل صبح تخليها تتمشى
كاتيه:حاضر
رشا:عمرررر رد عليا
شبح عمر لي رشا
عمر:حبيبتي مش وقت الكلام توا نحبك
وباسها وطلع
________________
وقت الجنازة مفيش حد جي للجنازة كلهم في حاله خوف من الاشتباكات يلي صارت بين السيد و عمر وثاني شي لانه البنت مقتوله في قضيه شرف
كانو في الجنازة مفتاح وابراهيم وفخري والشيخ وبو رشا والنساوين مشو معاهم فريال وجواهر وفاطمة وزينب وام السيد ورقيا
كملو الدفن وقرو الفاتحه
جت فريال طاحت على قبر بنتها
فريال:نوووض. نوضي بنفرح بيك نوضي نوضي بنزوجك وبنحنيك نوضي وووووه عليا ووه وووه عليك يافريال
زينب:وحدي الله
فريال:لا اله الا الله محمد رسول الله ياااااااارب برد ناري وخود حق بنتي يارب
{ فريال:بنتي الحلوة في شن سرحانه اكيد تفكر في عريسها
زمزم:اي
فريال:قتلك ولا قتلك ح يجي يوم وتنسيه خالد يابنتي مش من مستوانا
زمزم:اي اكيد
فريال:صدقيني ايام حلوة تستنا فيك وح تلبس الابيض تلودي في كل المدينة والكل بيفرح بيك
زمزم:قرب اليوم هدا
فريال:اي يابنتي ح يلوحو عليك الورد وح تلبسي الابيض واني ح نزغرطلك
زمزم:ان شاء الله ماما
وحضنت امها وقعدت تبكي  }
....................
فريال:بدل الورد لوحو عليها الرشاد ورجموها بدل ماتلبس الابيض لبست الكفن بدل ما نزغرط عليها بنعيط عليها
زينب:لولولولولولي اليوم جنازة عروستنا
وبدت تحضن في فريال ويبكو ويزغرطو
___________________________
_______________
{ بعد مرور اسبوع }
مر اسبوع ومايعرفو على رشا شي وهيا محبوسه في هديكا الفيلا وحتى عمر من يوم خطفها معاش جي شافها
ام السعد:اهلين اختي فاطمة
فاطمة:صباح الخير
ام الساد:صباح الخير
فاطمة:وينهم
ام السعد:القرياشية واليس و زعيمة يفطرو اما الهوانم الكبار فوق
ام السعد:تمام
_________
جواهر:كولي حاجة على خاطري
فريال: ...
جواهر:لاحول ولا قوة الا بالله حتى امس الشربه كليتي منها شوية بس ارجوك
فاطمة:صباح الخير
جواهر:صباح النور
فاطمة:كيف حالكم
جواهر:بخير وانتي
فاطمة:مش بخير بكل ماسمعتو شي على بنتي
جواهر:مع الاسف مفيش اخبار لحد توا
فاطمة:يارب رجعلي بنتي يارب
_____________
العنود:يعني سفرتك الليله
عمر:اي الليله
العنود:واني ومنى
عمر:ح يهتم بيكم عثمان اول ماتولد منى تاخدي منها الولد وتجي
العنود:وهيا
عمر:جيبيلها امها  وتروح بيها وتمت القصة
العنود:توا انت ترضى تربي ولد السيد
عمر:المهم نكون مع الانسانة يلي نحبها
العنود:تمام
منى:صباح الخير
عمر:امي اني بنوض
منى:لمتى بتقعد تعاملني هكي
شبح عمر لمنى شبحت استحقار وطلع
العنود:كم مره نقولك صكري فمك ومعاش تكليمه
منى:حسبي الله ونعم الوكيل فيكم
العنود:فيك انتي يلي دمرتي اختك
خشت منى لدارها تبكي 
____________
عمر وهوا طالع
عثمان:بعتله خبر وبتتلاقو في المزراعه
عمر:تمام
____________
زينب كانت تلبس
جواهر:وين بتمشي
زينب:بنمشي نزور المرحومه تبي حاجة من برا
جواهر:لا بس معاش سالتي بوك على رشا
زينب:تبصرروي اني من يوم موت زمزم معاش كلمتهم كلهم هوا واخته
جواهر:قداش خاطري نعرف علاش مش حارقه دمك
زينب:علاش بنحرق دمي وبنبكي
جواهر:انه مرات يقتلهم
زينب:عمر يموت في شي اسمه رشا ومايضراش فيها شي اما بخصوص البيبي اطمني مفيش شخص يهون عليه ولده
جواهر:كيييف 
زينب:زي ماسمعتي مفيش شخص يقتل ولده حتى لو ميعرفاش قلبه مش ح يخليه يدير شي
جواهر:تكمليييي اني معاش فهمت شي
زينب:رشا حامل من عمر
جواهر:كييييف لالالا
زينب:البنت اللي خدت مني عمر تكون رشا يازينب
زينب:معقولة كيف صار
كانت اليس وراء الباب تسمع فيهم حطت اليس يدها على فمها من صدمة اللي تسمع  فيه ،،، معقولة معقولة رشا حامل منه ااااه يعني ظني في مكانه اه منك يارشا ياحقيرة تفو عليك
حطت جواهر يدها على فمها قعمزت على الكرسي عيونها كانوا معبيات دموع كانت زينب واقفه وتشبحلها
جواهر:من بين كل البنات ، طلعت البنت اللي كسرت قلبك هي رشا
زينب:مع الأسف بس رشا مظلومة
جواهر:به كيف قدرت تضحك علينا كلنا
زينب:قدرت تضحك على بابا تقدري تقولي احني مليناش علاقه
جواهر:به تمام احكيلي كيف كشفتيها
زينب:موضوع طويل ياجواهر
مشت اليس وهي ماشيه في الممر ادكرت عمر لمه جي يزور في رشا وادكرت كلامهم مره ،، خشت اليس لدارها وهي علامات الصدمة في وجها قامت راسها لقت السيد يتكلم في التلفون الارضي
السيد:تمام راقبوه ورود بالكم يريحكم
وصكر الخط وتلفت ،،، حبيبي اليس خيرك
اليس:شووو في مع مين عم تحكي
السيد:مليكش علاقه امور متخصكش اني كل اللي طالبه منك تردي بالك على ولدي ،، وباس راسها وطلع
اليس: في شي لازم تعرفو بخصوص عمر ورشا
فجاة تلفت السيد وعلامات الصدمة في وجهه
اليس :رشا وعمر ،،،،،،،
خشت زينب جنب فريال اللي كانت معبية دموع
اليس:امتى يجفو دموعك ياميمت الغاليه
فريال:ميجفوش الا لمه ناخد بثار الغالية
نزلت دموع زينب ،،، خليها في بالك مش حنوقف في وجهك بشيء
وخشت ام السعد
ام السعد:في شخص برا طالب يشوفك
زينب:مني
ام السعد:يقول اسمه ابراهيم
زينب:تمام
وطلعت زينب تجري حطت الوشاح على راسها وطلعت
زينب:اهلين ابراهيم
فجاة ابراهيم اللي كان على وجهه العبوس ابتسم لمه شافه عيونها
ابراهيم:سدتي زينب كيف حالك
زينب:الحمد لله
ابراهيم:لقينا رشا او بالحرا بوك لقاها والليل بيصير حصار للمكان
زينب:تعرفه ولا
ابراهيم:اي نعرفه
زينب:ارفعني توا
ابرهيم:الواضح المكان بعيد
زينب:ارفعني
ابراهيم:نستنا فيك وراء الخان
زينب:تمام
خشت زينب لدارها فتحت الخزنه وخدت المسدس حطاته في شنتطها وطلعت
اما رشا كانت تتمشى في الحديقة هي وكاتيه
رشا:اااااااااه
وحطت رشا يدها على ظهرها وبطنها وبدت تعيط
كاتيه:خييييرك
رشا:وجععع قوي
كاتيه:تمام هي تعالي نخشو الاداخل
رشا:اااااااه،،،، وبدت رشا تعيط اكثر وكلها عرق
جت كاتيه قامت التلفون
كاتيه:الو سيد عمر انت وين
عمر:جايكم ،، الرجالة يوصلو قبلي ،،، بدي عمر يسمع في عياط رشا
عمر:رشا تولد
كاتيه:اييي
عمر:تمام التمام اني عشرة دقايق ونكون عندكم جهزي اميه سخونة فيها خيط ومقص  وحطيها على السرير وقوليلها تكبس
كاتيه:تمام
حطت رشا على السرير وهي تعيط
كاتيه:شوية ويوصل
رشا:لااا كاتيه منبيش يولدني عمر سالتك بالله
كاتيه:بس هو دكتور نساء و ولادة ،، توا فكري في ولدك مش في نفسك
طلع السيد من القصر وكله حقد وغل  وبدي يامر في الرحالة
السيد:جيبولي رشا الليلة عايشه ولااااا ميته مرتي متقعدش مع الكلب اول ماتشوفوه نبيكم تخلصو عليه
.
.
.
.
وصل عمر وكاتيه كانت في المطبخ وصوت عياط رشا ينسمع من اول ماتخشي حديقة الفيلا
كاتيه:كل شي جاهز
اذن المغرب
خش عمر لقي رشا تعيط
رشا:لاااااا متلمسنيش
بس رشا معاش قدرت تقاوم اكثر من هكي كشف عمر على رشا
عمر:اضغطي رشا تمام نصلي المغرب ونجيك لان قاعدة في البداية
اما زينب
زينب:ابراهيم خف روحك ارجوك
وكانوا جماعة زينب وراهم
زينب:يارب احمي رشا وعمر
ابراهيم:كلب زي عمر علاش تدعي ربك يحميه
زينب:عمر يستاهل يتعذب قبل مايموت
.
.
.
صلى عمر المغرب وبدي يولد في رشا اللي كانت بتموت
رشا:خلااااص بنموت ياعمر بنموت
عمر:اهدي حبيبتي راس البيبي بدي يبان
رشا:معااااش قادرة نتنفس عمر خليني نموت معاش نبي نعيش ارجوك
عمر:رشا اضغطييييي
وفجاة رشا عيطت عيطه قوية وطلع البيبي { محمد}
لحظات من الهدوء الذكريات الحب الضجيج لحظات غريبة
شد عمر الطفل وكان يرعش ،،
قام  عيونه في رشا وهو يبكي ورشا كانت تبكي
رشا:ارجوك متقتلاش
خدي عمر الطفل  لفه بقطعه قماش ابيض وقرب على رشا جي قعمز جنبها وهو شاد محمد وعيونه مليانات دموع
عمر:بنتي كبرت وبدت ام حبيبتي كبرت وبدت ام ،، اللي كنت نقول مش حيلمسها غيري بدت ام من غيري
رشا:عطيني ولدي ،،، وكانت رشا خلاص بتنهار من الدموع
عمر:كنت نحلم تقولي عطينا ولدنا اني يارشا اللي ولدتك حبيبك القديم اللي ولدك من شخص غرررريب يارشا
رشا:انت اللي خليت نفسك غريب يوم خطبة اختي بدالي ،،، خلاص عطيني ولدي وامشي عمر قصتنا انتهت
وفجاة عمر حضن رشا والطفل كان يبكي حضنها حضن قوي { حضن الوداع }
رشا:في هلبا ذكور لمه يخسرو البنت اللي يحبوها يقولو نصيب هو صح النصيب يصيب بس احني اللي نحددوه ياعمر
مسح عمر دموعه ،،،، خودي عدوي
شدت رشا ولدها وهي ترعش مع بعضها
عمر:اختاري تمشي معاي او موت ولدك على يدي
رشا:صدقت يوم سميت قصتنا عداوة عشاق بتقتل قطعه مني ياعمري ياسر قتلت قلبي يوم خطبة منى
عمر:اني نحبك نموت فيك منى لعبت في دماغي بس اني توا بنصلح غلطتي ولدك يكون ولدي نخلي السيد يطلقك غصباً عنه
رشا:انتيهنا
وجه المسدس على راس الطفل
وفجاة بدو يسمعو في صوت سيارات وضرب رصاص وبدت الاشتبكات بين جماعة السيد وعمر وجماعة السيد حاصرو المكان وشبه ربحو نزل السيد وكله حقد بس زعما الحقد على رشا ولا على عمر  وكان هدوء يعن المكان وصوت عياط الطفل بس والسيد قاعد يقرب وفجاة سمعو صوت رصاصة من داخل الفيلا
رشا:لااااااااااااااا......يتابع
احتمال غدوة تكون الحلقة الاخيرة للجزء الاول.....