{ عداوة عشاق } الحلقة الثام
عمر:مستحيل نكونو اعداء العشاق بعمرهم مايكونو اعداء
رشا:لا موجودة عداوة عشاق
عمر:لا
رشا:اني متاكدة انه فيه لانه نكرهك
كانت زينب تسمع فيها لانه جاية وراء الحيط
عمر:رشا
رشا:برا عمر انتهي كل شي بينا من زمان
عمر:الكلام هدا من قلبك
رشا:اي من قلبي بس لمه نبي نمشي نمشي وضميري مرتاح
طلعت رشا الشرشاف
عمر:شن هدا
رشا:هادي الحقيقه كلها فيه كسرت قلبي كلها فيه ياعمر هادي اول حاجة ثاني حاجة متاكدة بعد سنين ح يجمعنا القدر ح تعرف بعدها كل شي
{ ومشت رشا وخلت عمر في دائرة علامات استفهام }
وهيا رشا ركبت في التاكسي لقيت بحدها زينب
زينب:اهلين بالغالية
رشا:زينب
زينب:اركبي هي
ركبت رشا وهيا كلها ترعش
زينب:هي تحرك ارفعنا للمكان يلي قتلك عليه
السواق:حاضر
رشا:القصة مش زي مافهمتي
زينب:منبيش نسمع صوتك
________________
فريال:وين زينب ورشا
ام السعد:مش في ديارهم
فريال:وتي القهوة وركبيهالي لدار زمزم
ام السعد:حاضر تامري بشي ثاني
فريال:لو سالتك القرياشية عليا قوليلها عند زمزم
ام السعد: حاضر
_________
ام عند زمزم كانت واقفه على الروشن وهيا في عالم ثاني وقعدت تتفكر لمه تلاقت مع خالد
{اليوم يلي قبله }
خالد:جيتي في الموعد
زمزم:والله غصباً عني خالد اني نحبك
خالد:تعرفي شن معناها كلمة الحب معناها تضحية مش تعالى حبني ونحبك افهميييي
زمزم:هيا خطوبة مش زواج ياخالد يعني نقدرو انديرو حل بالله عليك ياخالد متسيبنيش
خالد:المشكلة منقدرش نعيش بدونك المشكلة روحي معلقه فيك
زمزم:خلاص خالد يلي تبيه اني فيه لو تبي نهربو نهربو
خالد:قصدك عادي تهربي معاي
زمزم:اي اي نهرب ونكمل عمررري معاك
حضن خالد زمزم
خالد:ح نجهز كل شي ونقولك
زمزم:العرس بيتحدد الليلة دير حل بسرعه
خالد:حاضر يانور عيوني
___________
فريال:بنتي الحلوة في شن سرحانه اكيد تفكر في عريسها
زمزم:اي
فريال:قتلك ولا قتلك ح يجي يوم وتنسيه خالد يابنتي مش من مستوانا
زمزم:اي اكيد
فريال:صدقيني ايام حلوة تستنا فيك وح تلبس الابيض تلودي في كل المدينة والكل بيفرح بيك
زمزم:قرب اليوم هدا
فريال:اي يابنتي ح يلوحو عليك الورد وح تلبسي الابيض واني ح نزغرطلك
زمزم:ان شاء الله ماما
وحضنت امها وقعدت تبكي
________________
وصل عمر لحوشه لقاهم كلهم يجهزو في كل شي
عمر:وين منى
العنود:تجهز في حوايجها في دارها
ركب عمر لقي الخدم معاها
عمر:اطلعو برا
منى:حبيبي شن في
صكر الباب بالمفتاح
لوح عليها الشرشاف
منى:ااااشنو هدا
عمر:شكله مش غريب عليك صح
منى:مفهمتش
عمر:مفيش دعي تستعبطي اني وانتي عارفين شن هداااااااا
منى:عمر
بدي عمري يضرب في منى
عمر:الله يلعنك كسرتي قلبي وقلبها الله يلعنك
منى:علاش عمر حد قالك تصدقيني يلي يحب حد يوثق فيه انت ولو كنت تحبها مكنتش صدقة كلامي
عمر:لانه اني مش راجل درت هكي في الانسانه يلي نحبها
وبدي يضرب فيها وجمسها كله ضرب وهيا تعيط
والعنود ادق على الباب
العنود:مرتك حامل حرام عليك
عمر:هادي مش مرتي ومنتشرفش حتى تحمل اسمي
منى:خلاص حرام عليك
قعمز عمر قعد يدكر في كل شي ومنى كانت تبكي
__________________
وصلو رشا وزينب للمزرعه
وخشو خدت زينب التلفىن الارضي واتصل بالقصر
ام السعد:ايوا من معاي
زينب:اني ورشا اليوم مش ح نرجعو للقصر قولليهم احني في المزراعه
ام السعد:حاضر
صكرت زينب الخط وجت قدام رشا رشا كانت مقعمزة على الصالون ترعش
مشت زينب جابت حبل وربطت رشا ورشا مقاومتهاش بكل الزوز ساكتين
فجاة زينب بدت تضرب في رشا
رشا:حرام عليك اني حامل
ضربتها لين فشت علطها وكانت زينب تضرب فيها وتعيط
زينب:علاااااش طلعتي انتي الله يلعنك يارشا
وبدت تخنق فيها
زينب:بنقتلكم انتي ويلي في بطنك قبل مايجي لدنيا وتفرحي بيه
بدت تخنق فيها وتبكي ورشا بتموت والدموع ينزلو منها
زينب:انتي سبب تعاستي يارشا
وفجاة حولت زينب يديها من رشا وبدت تبكي
رشا:اني مش فاهمه شي
زينب:من انتي
رشا:ح نحكيلك كل شي بس اوعديني تحميني اني ويلي في بطني حالياً معاش عندنا حد غيرك
زينب:احكيلي قتلك
رشا:حاضر
__________
جي عمر نوض منى وعطاها امية
عمر:احكيلي
منى:نحكيلك بس اودعدني معاش تضربني وترجعني على ذمتك
عمر:تكلمي لا نقتلك
منى:اوعدني عمر اني معاش عندي شي نخسره
عمر:نوعدك
_______________________________________________
|
منى:كنت نلحق فيها هديكا الليله كنت عارفه انه عندها |
موعد غرامي الحقد والغل كان راكبني كنت متاكدة انه. |
انت الراجل يلي حلمت نقعد طول عمري معاك. |
لحقتها وخشت للكوخ ومعاش طلعت كنت نسمع في. |
صوت عياط رشا وتقولك ارجوك سيبني عرفته يلي |
صار صار بس مقدرتش نقرب لانه اني نحبك |
منقدرش نشوفك مع اختي كنت نعرف انك سكران. |
خطرت في بالي ستين الف خطة بس كلهم فشلو طلعت رشا |
كانت تبكي ومنهارة واني كنت وراء الشجرة يلي في الكوخ |
خشيت كنت كلي غل لقيتك راقد ولقيت دم رشا بديت نبكي |
بالعبرة خديت الشرشاف كان في الكوخ دولاب في شرشيف |
ومخاد جبت شرشاف نظيف وخفيت شرشاف يلي فيه سر |
رشا وانت تعرف الباقي رشا برياء ياعمر رشا طاهرة |
رشا شرفها نظيف ياعمر هادي الحقيقه يلي مقدرتش نقولها|
رشا عفيفه وشريفه. |
بدت منى تعيط عمر بدي يبكي { رشا طاهررة ياعمر} |
مش تشبع شهوتك انت دمرتها اختي برياء ونظيفة بس. |
انت الوسخ اختي انت اغتصبتها انت دمرت كل شي ليها. |
بس جي راجل ستر عليها لانه ربي عارف رشا شنو ولو. |
نكشفت القصة ره رشا ماتت متجيش وتقولي نحبها لانه |
يلي يحب ميديرش هكي ياعمر رشا ليها ربي ح يحاسبك |
وعارفه انه ربي ح يحاسبني لانه اني يلي ظلمة اختي. |
بس حبي ليك كان اقوة من حبي وحنيتي لختي رشا حامل |
سيبها في حالها رشا مرت السيد وام ولي عهد كرسي الكل|
يحلم بيه خلاص ياعمر سيبها انساها نحيها من راسك رشا|
وراتك الحقيقة معناها نهت كل شي خلاص ياعمر ارجوك |
ارجوك خلاص. |
______________________________________________
رشا:بوك طلب يدي لزاوج عمر كان سكران في هديكا اللية |
واني نضت قعدت نرقص قبل مابوك يطلب يدي عمر ركبه الغل|
كيف الانسانة يلي نحبها ترقص قدام الناس الغيرة قتلاته ومن|
بعدها كلام بوك وانه يبيني نكون مرته اني معاش عرفت شن ندير
خفت من عمر وخفت من كل شي عمر نعرفه انه واعر مشيت الحوش
وفي نص الليل طلعت
مشيت للمكان يلي ديما نتلاقو فيه كوخ في الغابة خشيت
شفته في حاله غريبا عيونه حمر وسكران وحالته حاله
قربت من
{ احداث هديكا الليل }
زينب:رشا يابنت التاجر
ناضت رشا من مكانها وترعش
رشا:نعم ياستي
زينب:ارقصي
رشا:نعم
فجاة عمر بدي وجهه احمر وتعفلق
زينب:اني عطيتك الامر شغلو الطبل
فاطمة:ارقصي ومتقوليش لا
بدت رشا ترقص والكل كان يشبحلها رقصها يسحر
السيد:اختي
القرايشية:نعم
السيد:هادي هيا اللي نبيها
القرايشية:اعتبرها مرتك
منى تشبح لختها وتشبح لي عمر كيف يشبحلها وهوا متعفلق
ورشا كانت ترقص وفي نفس الوقت خائفة من عمر لانه يغار عليها هلبا
العنود:جميلة البنت
محمد:زعما علاش سيدت البنات قتلها نوضي ارقصي
فاطمة:منعرفش ربي يستر
وقفت الطبلة والكل صفق
ناض السيد من مكانه
السيد: محمد
محمد:اومرك ياسيدي
السيد:نبي نطلب يد بنتك رشا على سنة الله ورسوله
وهني الصدمة كانت لي عمر والعنود
____________
زينب وهيا تبكي
زينب:ياريت ماقتلك نوضي
رشا:كانت اسوء ليلة في حياتي
{ احداث هديكا الليلة }
رشا:سيبني
عمر:مش ح نسيبك ومش ح تكوني لغير
رشا:ارجوك عمر مش هكي الحب
بدي عمر يضرب في رشا
__________________
رشا:نضت بعد ساعات لقيت الدم لقيت نفسي خاسرة شرفي
كان جسمي كله ضرب الكوخ الاثاث مكسر كنت نحاول ندافع على نفسي
والباقي سمعتيه من شوية
زينب:يلي في بطنك ولد عمر ولا
رشا:اي
بدت زينب تبكي
رشا:اني حامل في الثامن والكل يسحابني في السادس زينب خليني نهرب نوعدك مش ح تشوفي وجهي ثاني
زينب:الولد هدا ح ينجاب لدنيا السر هدا بيقعد بينا يلي في بطنك يكون خوي فهمتي
رشا:علاش بتسكتي
زينب:مش على خاطرك يارشا بس على خاطر خواتي ونفسي وقبيلتي لانه لمه تشدها العنود نعرف شن بيصير
خلاص السر هدا بيندفن هني وانتي ح تكون القرياشية اني وانتي ح ننتقمو من عمر
رشا:انتي شن قصتك مع عمر
زينب:اني الضحية يلي قبلك كنا على علاقة بس عمر جرحني وقالي نبي بنت ثانية حاولت ندور عليها نبي ناخد روحها بس ملقيتهاش وتوا وبعد فترررة طويلة لقيتها مرت بوي
نزلت من زينب دمعه ومن رشا
ناضت زينب وفكت رشا
وقعمزت جنبها وقعدت تبكي
رشا:اني اسفه مكنتش نعرف
زينب:اني وانتي مظلومين
ناضت زينب واتصلت بالخان
السيد:الو
زينب:بابا عمر بيهرب عنده مستندات ومشاريع تبي ادمرنا غير انه واخد من البنك مبلغ كبير خش على مكتبي ح تلقا كل شي
______________
ام السعد كانت تنضف في دار اليس
فجاة لقت كندرة متاع رشا في شكارة وكانت رائحتها كلها زبدة
خدت ام السعد الشكارة وطلعت من الدار
فريال:اسبوعين مزال شن بتوتو
القرياشية:عادي هادي بنت السيد تقدري توتيلها كل شي في يومين مش اسبوعين
فريال:ان شاء الله خير
ام السعد:السلام عليكم
القرياشية:وعليكم السلام
ام السعد:لقيت الشكارة هادي ملوحة في دار المدام اليس وكانت رائحتها زبدة
القرياشية:علاش شن بدير بيها
فريال:اي شن بدير بيها
ام السعد: كن فترة لمه المدام رشا طاحت من الدرج قلتولي جيبي الكندرة متاعها
القرياشية:به
ام السعد:طلعتلي المدام اليس كندرة جبتهالكم
القرياشية:يعني انه هادي لي رشا
ام السعد:يمكن
القرياشية:دسيها عندك تروح رشا جيبهالي
ان السعد:حاضر
فريال:شن في بالك
القرياشية:هه يلي في بالي في بالك
_____________
العنود:جيبولي ضمادات
الخدامه:مدام منى اشربي اميه
منى:سيبوني ما نبي شي
العنود:احكيلي شن صاير بينكم
منى:وينه وين مشي عمرر عمرررررر
العنود:في الصالون
منى:عمررر اني نحبك
وفجاة يسمعو في صوت ضرب رصاص وهجوم صار على القصر
بدي عمر يضرب فيهم هوا وجماعته بالرصاص بس كانو جماعة السيد اكثر
العنود:ووووه شن في
وهيا و منى نازلين من الدرج
عمر:هياااا اهربو من الباب الثاني
هربو العنود ومنى وعمر من الباب الثاني
وخشو جماعة السيد وملقوش حد في القصر والخدم والحرس متاع عمر سلمو روحهم
____________________________
{بعد مرور اسبوعين }
فريال:هيا يابنات تاخرتو على الحمام
القرياشية:زينب بنتي امشي معاهم
زينب:لالا منحبش الحاجات هادي
رشا:اااه بنموت
زينب:غير ردي بالك تجيبي
رشا:مزال مزال لين نفوت العرس
اليس:انا طالعه
القرياشية:وين
اليس:لعند الخياطة
القرياشية:تمام
كانت اليس حتى هيا متاعبها الحمل
نزلت زمزم و وراها البنات وهما يدربكو ويرقصو انه بيرفعوها للحمام
فريال:لولولولولي
زمزم:ماما بنستاحشك
وحضنت زمزم امها وتبكي
فريال:اي اليوم يوم فرح مش دموع
جواهر:مبروك عليها
فريال:يارب ونفرحو بيك بعدها
زمزم:عمتي
القرياشية:الله يرضى عليك ويفرحلك قلبك ياعروستنا
زينب:واخيراً جي اليوم يلي ح تتزوج فيها صغيرة العائلة
حضنت زينب زمزم وبدت تبكي هيا وياها
رشا:حبيبتي يارب تكون ايامك الجاية احلا
زمزم:نحبك والله يارشا ان شاء الله تنوضي بالسلامة يارب
رشا وبصوت واطي
رشا:علاش تتكلمي هكي زمزم انتي مش طبيعيه
زمزم:مع السلامة رشا نشوفك على خير
وطلعت زمزم وهيا تشبح للقصر يلي نجابت وتربة فيه لانه عارفه ياحترجعله مش يغسلوها فيه يا مش ح ترجع بكل
__________________
وطلعو كلهم جت رشا جنب امها
رشا:قاعدة زعلانه على يلي صار في منى
فاطمة:قلبي يارشا معقولة بنت منندريش عليها عايشه ولا لا
رشا:عمر هوا السبب
فاطمة:مش ح نرتاح لين نشوف منى يارشا
وقعدت فاطمة تبكي
_________________
وخشو البنات كلهم في الحمام يستنو في العروسة
بنت جيرانهم:وين اختك عطلت
جواهر:اكيد توتي في روحها خائفة من الامية السخونه هههه
بنت جيرانهم:هههه خشي شوفيها
جواهر:تمام
خشت جواهر لقت ورقة على لبسة الحمام
{ عطيها الورقة هادي لبوي ء}
بوي اني مشيت مع الراجل يلي نحبه يلي حرمتني منه لانه منقدرش نكون لغير }
_______________________
السيد قري الورقة
القرياشية:وووووه ياعرنا قدام الناس وووووه عليا
فريال:مصدومة مش قادرة تقول ولا كلمة
والقبيلة كلها عرفو انه زمزم بنت السيد هربة مع عشيقها
السيد:جيبولي زمزم وجيبوه معاها نبيهم الزوووووز فهمتو نبيهم ح نرجمها بالرشاد قدام الناس كلهم وح نقتلها وانظف عاااااري جيبولي زمزم ........
يتابع ..
أنت تقرأ
عداوة عشاق
General Fictionقصة رومانسية تحكي على اغتصاب البطل للبطله وبعدها تشويه سمعة ليها لدرجة بيكرهو بعض بس الزوز يحبو بعض حب السلطة
