عداوة عشاق

10

{ عداوة عشاق } الحلقة العاشرة
زينب كانت في البلكونه
رشا:الشمس بتطلع وبوك مرومش
زينب:زعما وين مشي
رشا:ووووه اني على اعصابي
زينب:الاعصاب متسولاكش استهدي بالله
رشا:ان شاء الله خير وخلاص
_______________
وفجاة وهما يهدرزو بدو يسمعو في صوت السيارات
رشا:شن هدا
زينب:ياااارب استر
وبدو يسمعو في عياط زمزم وبوها مخششها من شعرها
زينب:وووووه  زمزم
ونزلت والكل ناض ونزل يجري بدي السيد يضرب في زمزم
زينب:لاااا ارجوك سيبها
فريال:وووه عليا بنتي لا
وبدو يحزو رشا كانت تبكي مش قادرة ادير شي
بعد السيد على زمزم
زمزم:انت متجيش رااااجل اني نكرهك انت متجيش اب الله يلعنك وووووه عليا
وكانت كلها دم
ركعت زينب لبوها
زينب:ارجوك لو عندي عندك معزة ورحمة ماما حب حياتك متقتلهاش
السيد:ابعدي عليا
زينب:بابا ارجوك
جواهر:زمزم هي نوضي معاي
السيد:لوين
جواهر:ترتاح شوية في الدار
طبعاً زمزم كانت في حاله انهيار تااام
السيد:يارجالة  ارفعوها لدار يلي في الحديقة الخلفيه
فريال:لاااا بالله عليك
وجو خدوها وكان الكل يلي في القصر متاثر
زينب:الحب يلي في داخلي ليك كله نقلب كرررره
السيد:اليس الحقيني لدار
اليس:حاضر
جت جواهر تحضن في فريال
فريال: نقتله ونقتل روحي لو يدير شي لبنتي اقسم بالله
زعيمة:غير استهدي بالله واشربي اميه
______________
خش السيد لداره
اليس:شو رح تعمل فيها
السيد:بنقتلها
اليس:بس حرام ليش
السيد:من طول عمري نقول انك الاقرب لي قلبي وتفهميني
اليس:بس مو لدرجة تقتل بنتك
السيد:اسكتي نبي نريح عظامي شوية وبنطلع نمشي الخان نعلن فيه الخبر
اليس:طيب
____________________
رشا:طميني خالتي فريال كيف حالها توا
ام السعد:تبكي ومتبيش حد في جنبها
وجواهر كانت تبكي
جواهر:شن بيصير قولولي قصدك زمزم بتموت
زينب كانت واقفه  ورشا وجواهر مقعمزين
زينب:اني ركعت اليوم واني نترجاء فيه شن بندير ثاني خلاص اني بنموووت ره
رشا:به نحاول نتكلم معاه اني
جواهر:به زعما يسمع كلامك والنبي ديرو حل منبيش اختي تموت
زينب:تمام رشا حاولي
____________________
عثمان:سيد عمر جانا خبر من شوية
عمر:اللي هوا
عثمان: السيد لقي بنته زمزم
عمر:امتى
عثمان:اليوم ادان الفجر وطلعت متزوجاته
عمر: وزمزم شن صار فيها وهوا
عثمان:هوا توفاء قتله وهيا خداها معاه
عمر:معناها اكيد يقتلها
عثمان:مع الاسف
عمر:الله يرحمه تمام معناها القصة هادي انتهت
عثمان:اي
عمر:صار الوقت للنتقام نبي تزبطو مداخل ومخارج الحوش
عثمان:اي باذن الله كل شي تمام والامانه بدت في دولاب صاحبها
عمر:ممتاز
______________________
رشا كانت بتبدل حوايجها فتحت الدولاب  لقت غرسة صغيرة وهيا غرسة الصبار ومعاها ورقة
{ هادي ايامك الجاية يارشا }
صكرت رشا الورقة وعرفت انه عمررر قريب ليها وهلبا
_________________
منى:مرت عمي
العنود:شن تبي
منى:شن قصته عمر ميطلعش من مكتبه وراجل خاش وراجل طالع
العنود:مليكش علاقه انتي مش مرته مش تدخلي
منى: بس اني حامل منه
العنود:حامل منه فقط امشي لدارك
منى:تمام
خشت العنود وجي عمر
عمر:عندي ليك خبر
العنود:شن هوا
عمر:لقو زمزم
العنود:حيي
عمر:تزوجاته طبعاً بس السيد قتله
العنود:وهيا معناها دورها اليوم او غدوا
عمر:مع الاسف
العنود:واخيراً بينحرق قلب فريال زي ماحرقة قلب اختي
عمر:بس لو بتجي للحقيقه انتي ساهمتي انه ينحرق قلب اختك شن نسيتي
العنود:شن قصدك
عمر:انك كنتي تحبي السيد ولمه خطب اختك نقهرتي لانه يموت فيها
العنود:بس اني خطبني بوك وجبتك انت وهما كانو يحبو بعض في الاخير تزوج عليها اما اني لي اخر يوم ليه بوك مشافش لغيري
عمر:ههه المهم مش موضوعنا القصر مقلوب فوق راسهم
العنود:هدا ثمن يلي داروه فينا
كانت منى تسمع في الكلام جت قعمزت على سريرها
منى:لو خليت عمر لي رشا كانت حياتي ح تكون سعيدة يمكن اني حبيت ونسيته بس الغل والحقد متاعي خلاني اني توا اتعس انسانة
________________________
زينب:كيف وصل لدارك
رشا:هدا الغريب في الموضوع
زينب:لا الموضوع هدا بدي يخوفني
رشا:كل شي بدي غريب معاش عارفه شن بنقول
زينب:البسي هي خلي نمشو الجنازة متاع خالد
رشا:تمام هي
__________________
اما السيد ف وصل للخان
الرجالة :كنا عارفين انك ح تنظف شرف قابيلتنا
السيد:اني ديما قد وعدي وغدوا وقدامكم كلكم الساعه 9الصبح ح يكون موتها هيا
الرجالة:الله يبارك مبروك
والسيد كان فرحان انه بينظف شرفه
_____________
وصلو رشا وزينب للعزي متاع خالد
ام خالد:شن اديرو هني اطلعو من حوشي
زينب تبكي
زينب:احني مليناش علاقه بشي يلي داره السيد
رشا:عظم الله اجرك
ام خالد:اطلعوووووو من حوشي الله يحرق قلبكم زي ماحرقتو قلبي على وليدي وووه عليا ووه
طلعو زينب ورشا وهما طالعين خاطمه جنازة خالد
رشا:الله يرحمه
زينب:وياخد الحق في الظالم
_______________
زمزم كانت محبوسة ومعاش قادرة حتى دمعة تنزل منها
زمزم:خالد
خالد:حبيبتي
زمزم:كنت عارفه انك مش ح تسيبني
خالد:اني ح ناخدك معاي عن قريب اني قتلك ولا يوم نقعدو بدون بعض اعدريني اليوم بس
زمزم:توعدني
خالد:وعد حبيبتي
زمزم:خالد خالد وين مشيت خاااااااالد رد عليا وين مشيت
________________
في المساء
جواهر:ليك من الصبح ماكليتي شي
فريال:كيف تبيني ناكل وبنتي محبوسه لو يصيرلها شي نموت
جواهر:ان شاء الله خير
فريال:يارب يارب
اليس:مساء الخير
قربت اليس من فريال
اليس:ان حاسه فيك يلي عم بيصير ظلم وظلم كبير بس حكم القوي على الضعيف
فريال:يااااااارب
اليس:ماعليك الا كلمة يارب
وطلعت اليس من الدار
جواهر:ارجوك خالتي كولي حتى حاجة
فريال:خليني ياجواهر منبيش
______________
رشا:ممكن نتكلم معاك
السيد:خشي
رشا:اني بنطلب منك طلب
السيد:قتل وبنقتلها متاعبييش روحك
رشا:لا اطمن اني عارفتك انسان ظالم
قام السيد عيونه في رشا وهوا مستغرب
رشا:انتو كلكم ظالمين حرمتو الحب والطموح وكل شي ياريت تحددو مقبرة نندفنو فيها شوف اني بنقولك هدا الكلام وعيوني في عيونك واني مش خائفه منك خوفي من يلي خلقني فهمت صدقني لكل ظالم نهاية وزي مانت نهيت خالد ح تنتهي وزي ماحرقت قلب زمزم ح ينحرق قلبك نوعدك بشي هدا
السيد:انتي كيف تتكلمي مع سيدك هكي
رشا:سيدي ربي ياسيد مش انت ولا غيرك واني جايبه الجراء هادي من ربي ومن ولدي يلي يعطي فيا فيها
السيد:رشا
رشا:كلامي ليك خليني نشوفها
السيد:شوفيها ودخلولها اكل واغسلوها
طلعت رشا من عند السيد
رشا:ام السعد جهزي لماكلة يلي تحبها زمزم وحوايج نظيفة وقران واميه سخونه
ام السعد:حاضر
__________________
وصلت رشا لي زمزم
رشا:افتحولي الباب
الحارس:افتحولها السيد عطي الاوامر
فتحو الباب
خشت رشا لقت زمزم مقعمزة وسرحانه وكلها دم
رشا:عظم الله اجرك
          ..
رشا:زمزم حبيبتي عارفه انك مضايقه بس اني وانتي منقدروش نعارضو الشي يلي كتبه ربي
     ...
رشا:اني جاية مش نتكلم معاك ونعزيك وبعد شوية جاية ام السعد بتغسلك
زمزم:بشريني يارشا
رشا: ...
زمزم:بشريني صدر قرار موتي ولا لا
رشا:  ...
زمزم:رشاااا تكملي
رشا:اي اي اييييييي غدوا الصبح
زمزم:الحمد لله
رشا:زمزم في ام بينحرق قلبها عليك حرام عليك
زمزم:بس اني منقدرش نعيش بدون خالد خالد روحي وكل شي في حياتي
رشا:زمزم
زمزم:نحبه يارشا منقدرش ح ندبل بدونه
_____________
اليس:انتي شو عم تعملي
ام السعد:السيد سمح لسيدة رشا انه تشوف لسيدة  زمزم واني بنوتيلها لبسه و حاجة تاكلها
اليس:وين رشا
ام السعد:مشت لسيدة زمزم
اليس:طيب بسرعه خلصي شغلك
ام السعد:حاضر
وطلعت اليس مش بتمشي تشوف زمزم
_______________
رشا:تعرفي انه اني لو مسترنيش ربي كنت ح نكون مكانك
زمزم:كيييف
وجت اليس
رشا:يلي في بطني ميكونش خوك يازمزم
فجاة ادرقت اليس حطت يدها على فمها من صدمة يلي سمعاته
زمزم:كييييييف
رشا: يلي حامل منه هوا عمر راجل اختي و ولد العنود
زمزم:كيف صار
رشا:اني وعمر اكبر اعداء يا زمزم
وبدت رشا تحكي في القصة لي زمزم
مشت اليس وهيا مصدومة
{ قبل ساعات }
عثمان:يسلم عليك السيد عمر وقالك نبي الغرسة هادي والورقه تكون في دار رشا
اليس:لييش
عثمان:لانه انتي عارفه انه رشا اكبر منافسه ليه
اليس:اها طيب وكيفو عمر منيح
عثمان:يسلم عليك
اليس:وسلملي عليه
عثمان:اكيد ح تتلاقو عن قريب سلامات
اليس:سلامات
______________
ام السعد:مدام اليس خشيتي شفتي السيدة زمزم
هزت اليس براسها وهيا في حاله صدمة
ومشت ام السعد خشت
ام السهد:سيدة زمزم
زمزم:خالتي ام السعد وجت تحضن فيها وتبكي
بدت ام السعد تغسل لي زمزم
وزمزم تبكي و ام السعد تبكي ورشا تبكي
كملتلها ولبستها
ام السعد:هدا قران ومصليه واهو ميه توضي وصلي
زمزم:خالتي ام السعد نبي نطلب منك السماح توصلي لي رقيا
ام السعد:علاااش يابنتي
{قبل شهور }
زمزم:ها شن وصلتي المكتوب
رقيا:ملقيتاش اني وصلت وهوا كيف كان طالع
زمزم:بجديات يلي يبعى عليكم انتو الخدم صح والله الجاهله واختها يجيبو فيا للحوش هدا
رقيا:علاش تهزبي فيا اني شن دنبي وين تبيني نلقاه
زمزم:هاتي المكتوب واقلبي وجهك من عليا
رقيا:تفضلي واسفة
جواهر:شن في
رقيا:الخدامه الزبالة هادي متعرفش تشوف شغلها
جواهر:احترمي نفسك
رقيا:والله ماذنبي ياسيدتنا جواهر والله اني تاخرت شوية شكلي بس
زمزم:صكرس فمك لا نطلعك برا القصر توا
جواهر:حبيبتي رقيا بري شوفي شغلك
رقيا:اسفه مره ثانيه
وخشت رقيا المطبخ
جواهر:قدامي اركبي لدار
زمزم:علاش ادفعي على وحدة عبدة جايها بوك مش تخدمنا
فجاة جواهر ضربت زمزم كف قدام الخدم
زمزم:تمدي عليا في يدك
جواهر:اقلبي وجهك لدارك قتلك
ركبت زمزم تبكي
جواهر:اني اسفة يارقيا
رقيا:عادي
وركبت جواهر
ام السعد:اشربي اميه يارقيا متزعليش هدا القصر هكي قانونه
رقيا:[حسبي الله ونعم الوكيل فيها ربي ياخد فيها الحق عن قريب في كل كلمة قلتها عليا ]
______________
ام السعد:حاضر يابنتي
زمزم:وسامحيني حتى انتي
ام العسد:مسامحه
وطلعت ام السعد
زمزم:رشا مستقبل بنات ومدينة في رقبتك انتي ويلي في بطنك
رشا:باذن الله قدها
زمزم:في شي بنعترفلك بيه
رشا:ان شاء الله خير
زمزم:اني يلي كنت وراء طيحتك من الدرج لانه اليس طلبه مني هكي
رشا قعدت تشبح لي زمزم وهيا مصدومة
زمزم:طلبه مني هكي ولو مندريش يلي تبيه عندها صور ليا اني وخالد هددتني بيهم سامحيني رشا
رشا:مسامحاتك دنيا واخرة
وحضنو بعض ويبكو
طلعت رشا وصكرو على زمزم الباب
ورشا وهيا راجعه للقصر شافت اليس واقفه في البلكونه وهيا تشبح لي رشا شبحه حقد وكره
رفعت راسها رشا وشبحت نفس الشبحه لي اليس
______________
{ في صباح اليوم الثاني }
طلعت فريال من دارها ولقتهم كلهم لابسين اسود
وجواهر تبكي ورشا تبكي
فريال:ووووه لا متقولوش بنتي ماتت لاااااا
القرياشية:اليوم موتها
فريال:الااااا ديرو كل شي تبوه بس متحرمونيش من وحيدتي لاااااا
_____________
خشت زينب لي زمزم لقتها تصلي
زمزم:يارب اجمعني بيه في جنة النعيم يارب مجمعتناش في الدنيا بس معنا في الاخرة يارب
زينب:تقبل الله
زمزم:منا ومنك
جت زينب حضنت اختها
زينب:مسامحتيني
زمزم:انتي بدات منزعلش منك
زينب:درت جهدي والله
زمزم:اني راضيه وفرحانه اقسم بالله زينب بالله عليكم ردو بالكم على امي
زينب:في عيونا
زمزم:نحبك
زينب:نموت فيك
_______________
طلعت زينب ووراها رشا كانت كلها مربوطه بالسلاسل وشادينها الحرس
فريال:بنتييييييي
وجت حضنتها
فريال:يابنتي لاااا بيحرموني منك اليىوم مووووتي اني وووه عليا ياغبارتي
زمزم:متبكيش ومتزعليش اني عروسة اليوم زغرطي ياماما زغرط
وخدو الحراس زمزم  ورفعوها لي ساحة القبيله
والناس كلها تتفرج ور وراهم رشا وزينب وجواهر وفريال والعائلة كلهم
كانت جواهر شادة فريال هيا ونجوى
ورشا وزينب شادين يدين بعض. يبكو واليس لابسه النظارات والكعب العالي
خطو زمزم في نص الساحة وصكرو على فريال والعائله الحرس مش ميقربش حد
السيد:لكل اهل قبيليتي هادي السلالة نظيفة وطاهرة وح تقعد كل عمرها نظيفه وطاهرة
مراد:تسمحلي
السيد:نضف عارك ياولد
وبدي يرجم فيها بالرشا
وهيا تعيط
سبع راشدات رجمها بيهم وتوا صار دور السيد
زمزم:اي اي اي ح نموووووت ح نموووت شريفة وطاهرة واني درت الحلال ح نموت مظلومة بس ذنبي ح يقعد في رقبتكم طووول العمر
اشهد ا
قام السيد مسدسه
زمزم:اشهد ان لاله الا الله واشهد ان محمد رسول الله 
وضربها في قلبها
فريال:بنتيييييييييييي
زينب:ووووووو وه
جرت فريال لبنتها وحضنتها وهيا غارقه في دمها
وزينب وهيا تعيط وبصووت عالي
زينب:نكررررررررهك ياظالم ربي ياخد فيك الحق
فريال كانت كلها دم وتعيط على بنتها
فريال:قبل اربعينك نوعدك يابنت بطني يلي حملت بيك تسعه شهور ح ناخد بتاااااارك وبنفس و بنفس المسدس يلي موتي بيه ومن بين الزحمة ورشا واقفه بعيد ومش قادرة تقرب وهيا في حاله صدمة حست بمسدس في ظهرها و الشخص ملثم
:قدامي رشا يانفضي المسدس هدا فيك ......
يتابع.....