عداوة عشاق

5

{ عدواة عشاق } الخامسة
رشا:كيف سحررر شن
القرياشية:جواهر خودي اختك لدارها
زينب:ارجوكم اسمعوني واني فاقدة الوعي جتني وحدة منظرها مرعب وقعدت تقول سحر ليكم
القرياشية:ومن قالك العنود
زينب:هيا ولله شن نسيتي انه دارت السحر لي ماما الله يرحمها
فاطمة:شن الحل توا
القرياشية:ام السعد
ام السعد: اوامرك
القرياشية جيبي الشيخ يلي كان يعالج في خديجة الله يرحمها
ام السعد:بس هوا بعيد من هني
القرياشية:لمه اني نقول كلمة معناها تردو حاااااضر بسرعه بعد اذان الفجر يكون هني
ام السعد:حاضر اني ويوسف ح نمشو نجيبوه
جواهر:هي زينب تعالي لدارك وانتي يازمزم خليك اقري قران على مرت بوك
زمزم:حاضر
قعمزو فاطمة وزمزم جنب رشا وكانت رشا ساكته وفي عالم ثاني وزمزم كانت تقرا في القران
      _______________________________
منى:تفضل العشي
عمر:منبيش منك شي
حطت منى السفرة
منى:عمر اني مرتك لازم تتقبل هدا الشي
عمر:انتي مرتي قدام الناس بس اما في حوشي انتي خدامة
منى:علاش به علاش تزوجتني
عمر:مش نحرق قلب رشا
منى:لهدرجة
عمر:اختك رشا ملقتش الخير في الغريب تبي تلقاه فيك !
منى:تمام تصبح على خير
شبحلها عمر من فوق ولوطه و ولع الدخان
عمر:صكري الباب وراك وياريت الصبح منشوفشكش لانه منبيش نتصبح في وجهك
منى:حاضر
وطلعت منى وصكرت الباب لقت العنود مقعمزة بروحها
العنود:منى بري ديري امية وحطي فيها ملح واغسليلي رجليا
منى:حاضر
_________________
القرياشية:شن بيعدي الليله هادي رشا من جيهة و زينب من جيهة
السيد: زعما العنود هيا يلي ساحرة البنات
القرياشية: اكيد هيا مفيش غيرها عدو لينا
السيد:في حاجة نفكر فيها
القرياشية:شن هيا
السيد: اني نفكر اني نلزهم من هني
القرياشية:خلي رشا تحمل وان شاء الله تجيب الوريث واقتله
السيد:لا اني حتى لو بنموت اني عارف انه عمر ح ياخد الكرسي ويمكن يحاول يقتلني شوفي كيف سحرو البنات
القرياشية:بس عمر هوا الامل الوحيد مش القبيلة هادي تستمر  بس اقتله مش احني نقعدو في امان
السيد:عمر زي ولدي لكن الله غالب امه حية
القرياشية:الله يسامحه ولد عمي ياما قتله متتزوجش العنود ونخطبلك احلا بنت في القبيلة بس الله غالب مكتوب
السيد:الله يرحمه ويسامحه اني بنرتاح شوية اول مايوصل الشيخ نوضيني
القرياشية:عند من بترقد
السيد:اليس
القرياشية:به
____________
جابت منى المية وبدت تغسل ورجلين العنود
العنود:احكيلي قصتك
منى:قصة شني
العنود:ولد كان يحب رشا علاش كرها
منى:الجؤاب عند ولدك
العنود:صدقيني انك راس الفعه
منى:ارجوك معاش تظلميني
العنود: ولدي علاش متزوجش رشاااا
منى:منعرفش
خنقة العنود منى
العنود: ح يجي يوم وتنكشف الحقيقة وتوا درقي وجهك من عليا هي وقولي الخدامه تجيني
منى:حاضر
______________
اليس:عنجد اليوم البيت فيلم رعب
كرستين:وانتي عنجد تصدقي في هي الشغلات
اليس:شفت بعيوني كل شي وليي وقالو انه بكرة الصبح رح يجي الشيخ مشان يقراء عليهن
كرستين:وشو انتي ليه ماحملتي
اليس:اييي رح موت اذا ماحمل ضروري ضروري لانه بدي جيب الوريث
كرستين:ان شاء الله
السيد:في من تكلمي
اليس:عم احكي مع بنت خالي كرستين
السيد:سلمي عليها
اليس:صكري بعدين بنحكي
كرستين:تمام
صكرت اليس الخط
اليس:شو حبيبي ماشتقتلي
السيد:مش وقتك توا خليني في حالي الحوش كله على اعصابه
اليس:طيب تصبح على خير بيبي
___________________
{ في صباح اليوم الثاني }
الشيخ:يابنتي يارشا شن تحسي
رشا:منحسش في شي بكل
الشيخ: ياسيد
السيد:شن
الشيخ:ياريت تجيبو القابله نبي نعرف هل هيا حامل او لا
السيد:يافاطمة بسرعه بري قولي لي ام السعد تجيب القابلة
فاطمة:حاضر
رشا كانت ترعش وبينها وبين نفسها تقول يارب منطلعش حامل طبعا فاطمة والشيخ والسيد والقرياشية  و زينب يلي كانو في الدار مع رشا
جي الشيخ بدي يقرا في قران على زينب وهيا تبكي ورشا تبكي
ام السعد خش جت قالت للقرياشية انه القابلة وصلت
القرياشية:القابلة وصلت ياجماعة
طلعو كلهم برا
الشيخ:ضروري نعرف انه حامل ولا لا مش نعرف كيف نعالجها
السيد:ان شاء الله خير
______________
جت القابلة وبدت تفحص في رشا
القابلة:نبي الحلوان يارب يشفيك ياسيدتنا رشا
القرياشية:المعنى
القابلة:سيدتنا رشا حامل
القرياشية:لولولولي
رشا كانت ترعش ومش عارفه كيف ادير خنقتها العبرة طلعت حامل حامل من الشخص يلي كانت تتمنى تكمل عمرها معاه الشخص يلي عطاته قلبها وثقتها
طلعت القابلة وطلعت القرياشية وهيا تزغرط
القرياشية:باذن الله ولي العهد
السيد:قصدك رشا حامل
القرياشية:اييي حامل
السيد:شيخنا خش عالجها
الشيخ:ياريت اني وياها وانت  وبنتك زينب بس في الدار
________________________
ومرو 3شهور مشو بسرعة البرق
منى*قاعدة في عذاب كل يوم احرف من اليوم يلي قبله
رشا*بطنها بتبدا تكبر لانه حامل في الخامس والكل يقول خيرها بطنها كبرت بكري وكلهم يسحابو انه في الشهر الثالث ورجعت تشبح بعد العلاج
زينب:كل يوم تفكر كيف تبي تنتقم من عمر يلي حرقلها قلبها
_____________
السيد:عمر انت تلعب بالنار
عمر:هههههه ضحكتني اني الوريث الوحيد ياعمي
السيد:ومن قال مرتي حامل وباذن الله الوريث ح يجي
عمر:مررررتك مرتك شنو انت شن تقول
السيد:رشا حامل وهيا في يوم من الايام ح تكون القرياشية يعني حلم العنود هوا حلم ابليس بالجنة
فجاة عمر صغرت بيه الدنيا طلع وخلاه
وكان بيبكي وقف
عمر:مستحيل رشا حبيبتي تكون حامل من غيري مستحيل يلمسها حد غيري لاااا ياربي
كانت اليس خاطمه كيف بتخش سمعاته وخشت
اليس:حبيبي كيفك
السيد:شن تبي شن جابك هني
اليس:عندي لك خبر بيطير العقل
السيد:شن هوا
اليس:انا احامل
السيد:بجدياااات
اليس:اي اي هل كنت عند القابلة
السيد:الف الف مبروك يانور عيوني يارب تجيبي بالسلامة
اليس:ان شاء الله حبيبي
السيد:من جابك لهني
اليس:جيت مشي
السيد:يوسف
وسف:اومرك
السيد:روح بالمدام اليس للحوش وفي طريقك خطمها على السوق تشري يلي تبيه
اليس:اموواه بيبي
السيد:عيب تحشمي مش وقته هدا توا نموووت فيك
اليس:طيب بيبي باااااي بحبك كثير
السيد:حتى اني كثير كثير😉
_______________
ليال:كيف حالك اليوم
رشا:كويسة
ليال:البارح تلاقيت اني وعمر
رشا:خيره
ليال:بعتلك مكتوب
رشا:هدا المكتوب السابع تجيبي فيه ومقريتاش
ليال:رشا عمر نادم
رشا:ممكن نفهم شن فائدة الندم
ليال:شكلها منى ايامها سودة
رشا:منبيش نعرف اخبارها حتى امي متكلمش فيها
ليال:حسبي الله ونعم الوكيل فيها
رشا:من في لوطه
ليال: القصر فاضي شوره كل واحد في داره
رشا:اني مريضه ومش متحمله روحي يلا نجتمعو على العشي
ليال:المهم اني جبتلك المكتوب انتي حرة تبي تقري اقري متبيش تنحرقي
رشا:يلا امشي امشي والمره الجاية لمه نجي جيبيلي معاك محشي
ليال:رشا نسالك سؤال تجاوبيني بصراحة
رشا:شنييي
ليال:يلي في بطنك بديتي تحبيه ولا
رشا:واااك
ليال:انتي مكنتيش متقبله الموضوع ومتبيشي بس شن شعورك توا بالله
رشا:شعور حلو في روح تكبر في داخلي كل يوم بديت لمه نضايق في الليل لقيت لمن نشكي ولدي يلي في بطني ح يكون سندي في الدنيا هادي
ليال:ح يترباء بعيد على بوه
رشا:هدا مش ذنبي ياليال مكنتش نبي نحمل اني وبوه قصتنا بدت قصة عداوة عشاق
ليال:به وافقي تتكملي معاه
رشا:اني المخططه متاعي قوي ره  قرار نهاية عمر ح تكون على يدي صح بو ولدي بس ح نكتب فرمان موته بيدي  ولو مقتلاتاش اني  يقتله السيد
ليال:يهون عليك تقتلي حب عمرك
رشا:حب عمري باعني وباع شرفي مشي تزوج اختي وسمع الكلام الكدب يلي قالته منى عليا وحب عمري يلي تتكلمي عليه اكبر عدو لولدي وليا
ليال:ولدك؟
رشا:اي لانه ولدي ولي عهد الكرسي هدا وعمر مستعد يقتل ولدي على خاطر كرسي القبيلة
ليال:يعني بمجرد مانتي تجيبي بتبدا الحرب بينك وبين حب عمر وبين اب و ولده يلي ميعرفاش
رشا:الاب والولد صدقيني ح يكونو اكبر اعداء ولدي ح يقتله بووووه على يده وهدا وعد مني
ليال:اخخخ من الغل يلي فيك يلا اني بنمشي توصي بشي
رشا:المحشي🙂
ليال:به هي مع السلامة
رشا:مع السامة
____________
كانتت زمزم مقعمزة تخيط
اليس:زمزم بدي احكي معك
زمزم:شن في
اليس:بدي اطلب منك طلب
زمزم:نعم
اليس:بس قبل اطلب هدا بدي فكرك بشي كثير مهم
زمزم:زي
اليس:قصة حبك انتي وخالد وكل يوم بتتلاقو على النهر عندي صور لكم كثير حلوة
زمزم:الييييس
اليس:خدي شوفي هدون الصور مو كثير حلوين تجننو
زمزم:المقابل
اليس:روح اخوكي يلي في بطن رشا
_________________
رشا كانت مقعمزة في دارها تقرا في كتاب
زمزم:السلام عليكم مرت بوي
رشا:وعليكم السلام تفضلي زمزم شن في
زمزم:بوي يبيك لوطه
رشا:ان شاء الله خير
زمزم:يبيك منعرفش خيره
رشا:تمام حبيبتي
لبست رشا شبشبها وطلعت من الدار وهيا نازله من الدرج تزلق في حاجة واطيح
رشا:ووووووووه
تشقلبت من الدرج وراسها دم وفقدت الوعييي ..... يتابع
نهاية الحلقة 5 يقين البشتي ....