عداوة عشاق

9

#عداوة_عشاق_9
كانت ليلة طويلة
زينب مقعمزة في دارها
جواهر:زينب ممكن نتكلم معاك
زينب:تعالي
جواهر:لو لقو زمزم بيقتلوها
زينب:مستحيل منقدرش نخليهم
جواهر:علاش من الاول مسمعتوش منها
زينب:جوااهر اني درت كل شي ره
وقعدت زينب تبكي
زينب:انتي وزمزم اغلى ماعندي ومنقدرش نشوف دمعه منكم حتى انتي درت جهدي مع بابا مش يقتنع
جواهر:اني لا نبي نقرا ولا نخدم اني نبي زمزم مترجعش هني
زينب:ادعي انه ميلقوهاش
_______________________
.
.
.

القرياشية:شن ناوي ادير
السيد:منعرفش بس  بنظف شرفي هدا يلي متاكد منه 
القرياشية:به كيف بنلقوها
السيد:لانه هوا يخاف مني على ام هوبوه وح يجي يشوفهم وياخدهم معاه
القرياشية:به
السيد:هكي نكونو وصلنا لي زمزم
________________________
زمزم و خالد كانو في حوش صديق قريب ليه
خالد:زمزم اني بنمشي نجيب اماليا
زمزم:لااا رد بالك
خالد:حبيبتي انتي في امان بس امي وبوي وخواتي لا اني منضمنش السيد شن يدير
زمزم:لو ترجع ح يقتلوك
خالد:اني بعتت صاحبي ايوب يطمن على الوضع لو مفيش حد جنب الحوش اني بنمشي
زمزم:به واني وياك توا شن بيصير فينا
خالد:غدوا الصبح تعرفي
زمزم:قولي توا
خالد:لا توا ارقدي اني بنبات في الجنان
زمزم:صقع عليك
خالد:لمه تبدي مرتي نبات معاك في نفس الحوش
زمزم:والله راجل وسيد الرجالة
خالد:نوعدك انه في يوم من الايام الكل ح يقتنع بقصة حبنا احني نبو الحلال
زمزم:ربي مايحرمني منك ياتاج راسي
خالد:ولا يحرمني منك يانور عيوني تصبحي على خير ياكل خيري
زمزم:وانت من اهلو يانور عيوني
____________________
طلع ايوب لقي صاحبه
خالد:وصلت الورقة
اي ب:اي وصلتها
خالد:بارك الله فيك وشن شفت اهلي
ايوب:اهلك بخير
خالد:الحمد لله
_______________
كانت رشا في دارها تقرا في القران
ام السعد: سيدة رشا
رشا:نعم
ام السعد:في ورقة وصلاتك توا
رشا:تمام
خدت رشا الورقة وفتحتها
{ السلام عليكم سيدة رشا من قبل زمزم تحكيلي عليك هلبا لذلك اني غدوا الصبح فاتحتي عليها ومن هني لين يهدء الوضع يعني اسبوع زمان ونبيكم تجو انتي واختها جواهر اديرولها حفلة بسيط يوم دخولنا وفي الليل بنسافرو توا مقدرناش نطلعو برا المدينة زوجك مصكرها علينا بس من هني واسبوع نقدر ندير كل شي ياريت تقدرو تجي ح نبعتلك رسالة ثاني الفترة الجاية ( خالد) }
خدت رشا الورقة وحرقتها
رشا:ربي يستر عليك يازمزم
__________________
اليس:حبيبي هدي حالك
السيد:هدا عار بالنسبة ليا على ايا حال يلي تقوليلي هديه قوليلي
اليس:ياخسارة ماكنت بتوقع انه تعمل هيك طيب لي ماطلاعت على شرفها
السيد:ح نقتلها بيدي ونشرب من دمها
اليس:ان شاء الله حبيبي باذن الله تعمل كل شي بدك ياه
_______________
زينب:يعني هكي
رشا:اي
جواهر:يعني احني بنستو الرسالة الثانيه
رشا:واضح اسمعو ره لو حد عرف مصيبة
جواهر:اي اي اكيد
زينب:بس اني بنقول لي امها
جواهر:حي اكيد مش ح توافق
رشا:معندهاش خيار ثاني
جواهر:به كيف بنطلعو كلنا مع بعض
زينب:اندبرها اني
رشا:كيف
زينب:غير يبعت الرسالة الثانية وبعدين توا تشوفو اصبرو عليا
جواهر:ان شاء الله خير وخلاص
________________________
{ في صباح اليوم الثاني }
كانت فريال مقعمزة تبكي في الصالون والقرياشية في جنبها تشرب في قهوتها
زعيمة:السلام عليكم
نجوى:ووووه ربي يعنا في مصيبتنا ياعاااارنا
فريال:بنتي مدرتش عار يانجوى
زعيمة:خيرك ياضرتي فوق ماجاية نصبر فيكم اني وبنتي تنوضي تعيطي عليها وزي ماهيا بنتك هيا اختها
نجوى:هدا يمس شرف العائلة كلهم اني من امس معاش قدرت نرفع عيوني في حمواتي
القرياشية:زعيمة اني قتلك تعالي انتي وبنتك مش توقفو معانا تمام ومنبيش ايا كلام زايد
زعيمة:به امالا وين راجلي هه استحشته
القرياشية:زعيمة
نجوى:تعالي امي نرتبو حوايجنا
زعيمة:هي
______________
رشا وزينب كانو مقعمزي في البلكونة
جواهر:ووووه وه
زينب:خيرك
جواهر:نجوى وزعيمة جو
زينب:هادي اكيد عمتك طلبتهم مش يوقفو معانى على اساس
رشا:خاطري نعرف علاش متحبوهمش
زينب:هادي زعيمة بوي تزوجها على امي الله يرحمها هداكا الوقت امي قاعدة حامل بجواهر امي الكل كان يحبها
جواهر:جت زعيمة ضرة على امي وامي بدت تمرض لانه كانت تحب بوي وماتت امي وهيا تجيب فيا
زينب:هادي زعيمة وحدة خبيثة ولسانها طويل وبعد فترة بوي تزوج فريال  وهداكا الوقت زعيمة عندها زوز بنات مزال محملتش بنجوى
جواهر:زعلت زعيمة على اساس وتمت القصة وبعدين بناتها تزوجو ومشو عاشو بعيد تزوجو وعمرهم 12سنة على اساس تبي تفرح بيهم وبوي وافق
زينب:قاعدت نجوى تزوجت قبل مانتي نخطبوك لبوي  نجوى اصغر وحدة في خواتها وتوا عمرها20سنة
جواهر:وهادي قصة زعيمة العجانه يلي متخليش عباد ربي في حالهم
رشا:وعلاش مش عايشه معاكم
جواهر:بوي ميبيهاش
رشا:اها
____________________
نجوى:معاش خاطري نطلع منه القصر هدا
زعيمة:مش ح نطلعو منه لين ناخدو حقنا منهم يابنتي
اليس:مرحبا
زعيمة:اهلين اليس
اليس:شو جايين مشان توسونا بمصيبتنا
زعيمة:المصيبة وحدة
اليس:هههه
زعيمة:اليس يابنتي اني وياك نية وحدة وعقليه وحدة وفاهمين بعض
اليس:ههه المعنى
زعيمة:مش اني يلي بتحطي راسك براسها عندك رشا العدو الاكبر
اليس:ليش العدو الاكبر
نجوى:لانه على ابواب ولادة ، و حتى انتي حامل بس رشا بتجيب قبلك
زعيمة:ويمكن رشا تجيب الوريث
اليس:لخصو
زعيمة:كلنا نوقفو يد وحدة مش نتخلصو من رشا
اليس:وبعدين يجي دوري
زعيمة:عيب مش زعيمة يلي تغدر بناسها
اليس:طيب كيف نتخلص منها
زعيمة:رشا لازم تموت
نجوى:واحني الثلاثة حنساعدو بعض خليهم هما في همهم واحني نستغلو الفرصة
اليس:اشرحولي كيف
زعيمة:قعمزي نحكيلك
________________________
ام السعد:وهادي كل القصة
زينب:تمام جيبيلي الكندرة
ام السعد:اهيا
رشا:اي هادي ليا
زينب:معناها اليس مش ناوية على خير للمره الثانية
رشا:محقرهاااا
زينب:ام السعد متحكيش لحد هه لانه عندهم همهم زي السيد او القرياشية بس اني ح نحاسبهم
ام السعد:ربي يحميكم من كل شر
جواهر:معقولة توصل بيهم الحقارة لهني
زينب:كنت عارفه انه رجعتلهم فيها مصيبة بس يوقفو الليله عند حدهم
رشا:شن ناوية زينب
زينب:اسمعوني توا
_______________
القرياشية:عادي نتكلم معاك شوية
السيد:خشي
القرياشية:المصيبة وحدة ياخوي
السيد:مش قادر نطلع برا من الحوش
القرياشية:اني يلي حارقني مفيش حد معدل على الموضوع في هدا الحوش
السيد:هه حتى زينب يلي قبل نشوف فيها اليد اليمين مكلفتش خاطرها وتخش تطمن عليا ولا تكلمني
القرياشية:اني زينب مصدومة بيها ديما مقعمزة مع رشا وجواهر بس
السيد:بنتي زينب كانت بمثابت ولد شاد بيها الظهر توا متوقفش معاي
القرياشية:زينب تحب زمزم يمكن هدا علاش
السيد:حتى اني نحب زمزم ونحب بناتي كلهم بس يلي دارته زمزم كبير ياختي
القرياشية:زمزم من ميحبهاش مدللة القصر اجمل بنات المدينة
السيد:تسحبي هاين عليا
القرياشية:ياريته وافقت لمه جي قال نبيها
السيد:الولد هدا مش من مستوانا
القرياشية:هادي هيا المشكلة توا ماعلينا الا انطفو عارنا ياولد امي
_________________________
{ في المساء }
رشا:اني طالعه
ام السعد:ربي يحميك يابنتي ودي بالك على نفسك
رشا:لو حد سال عليا قولي انه راقدة ومنبيش حد يزعجني
ام السعد:حاضر
طلعت رشا وكان السواق يستنا فيها
فخري:لوين
رشا:المزراعه فخري منبيش حد يعرف من يلي في القصر
فخري:حاضر مدام رشا
ورفع فخري رشا
____________________
اليس:ليش نجوى ماجت معنى
زعيمة:قالت منبيش
اليس:شكلا رشا لسة ما وصلت
كانت زعيمة واليس جنب المزراعه
اليس:اطلعي ليك هي وصل فخري ومعو رشا
زعيمة:خيرها لابسه كاب اسود ومغطيه وجها
اليس:شو دخلي فيها المهم تموت الليلة
زعيمة:هي اهو خشت وفخري مشي هي هي خلي نخشو نحرقوها
اليس:يلا
__________________
قربو نحو المزراعه وبدو يصبو في البنزينة خشو لداخل لقو صاحبه الكاب الاسود مقعمزة
اليس:اليوم نهايتك يارشا
زعيمة:اليس اشعلي الضي هادي خيرها مقعمزة
كانت مربوطة
اليس:ماتقربي خليها تموت
زعيمة:رشا خيرك مدرتيش ايا ردت فعل
قربت زعيمة وقامت الغطاء لقتها نجوى
زعيمة:هادي بنتي
اليس:وليييي انتي شو عم تعملي هون
زينب:هههـ نفس يلي بدك تعمليه هون
اليس:زينب
زعمية:رشا
زينب:زي يلي خفتو
رشا:لعبتك كانت مكشوفه
نجوى:والله ماقصدي بس كانو ح يقولو لبوي وخفته يقولي لراجلي ويطلقني
زعيمة:بعتي امك على خاطر هكي
_________
زينب:هههه مفيش دعي للكلام الجانبي
اليس:شوفو انتو فاهمنين غلط
رشا:زي شن فاهمين غلط
زينب:اليس انتي مش طبيعيه الهي في حملك وانتي علاش متبيش تتربي
زعيمة:خفنا تاخد الورث ليها
زينب:غدوا الصبح انتي وبنتك منبيش نشوف وجهكم في القصر مره ثاني
زعيمة:حاضر
زينب:وانتي
اليس:نعم
زينب:شن قصة الكندرة
اليس:شو
رشا:اي الكندرة متاعي يلي دستيها على ام السعد وعطيتها كندرة ثانية
اليس:لا كدب
رشا:اليس شن قصة الكندرة وعلاش فيها زبدة
اليس:انا شو دخلي هيا طلبة مني الكندرة تبعك واني عطيتا
رشا:كل شي ينكشف مع الايام
زينب:لو تسحابو نفسكم ح تفلتو من العقاب ح تكونو غالطين وغااالطين هلبا
_____________________
{بعد مرور يومين }
مشي السيد للخان والكل كان يشبحله بنظرة شفقه انه مقدرتش ينظف عاره جاه العريس يلي خاطب زمزم
مراد:السلام عليكم
السيد:وعليكم السلام
مراد:كيف حالك
السيد:نحاول نكون بخير
مراد:مسمعتش عليها شي
السيد:لا
مراد:ضروري انظف عاري
السيد:وانت شن دخلك
مراد:لانها خطيبتي وكانت في نفس اليوم بتكون مرتي
السيد:ان شاء الله خير غير نلقوها
____________________
القرياشية:لاااا مفيش طلوع من هني
زعيمة:بس اني مش مرتاحة ومفيش حد طايقيني
القرياشية:قتلك بتقعدي هني
زينب:شن في
القرياشية:مليكش علاقة
زينب:وانتي خيرك تتكلمي معاي هكي
القرياشية:انتي بعتي بوك في عز الحاجة وهوا محتاجلك
زينب:لا اني مابعتش حد بس يما قتله بوي ومباش يسمع كلامي وشوفي شن النهاية يلي وصلنالها
القرياشية:انتي عارفه انه انتو بنات السيد مش ايا حد ييتزوجكم
زينب:واااك قداش كرهتكم
زعيمة:اني بنركب نوتي روحي
القرياشية:كلمة وقلتها انتي ونجوى بتقعدو هني
شبحت زعيمة لي زينب شبحه شماته
___________________
رشا كانت في دارها توتي في حاجات البيبي
ام السعد:مدام رشا
رشا:نعم
ام السعد:تفضلي جاك المكتوب هدا
رشا:تمام شكراً
ام السعد:توصي بشي
رشا:نبيك تنادي على جواهر و زينب
ام السعد:حاضر
_________________
طلعت اليس مدكرة
اليس:انا بعرف انه رح تكوني رفيقتي يابنتي الحلوة مثل مانا متاكدة انو انتي بنت
__________________
احداث قادمة
صكرت ليندا المذكرة ونزلت منها دمعه
ليندا:الله يرحمك ياماما
زياد:حبيبي شن اديري
ليندا:اممم ولا شي
زياد:وريني شن دسيتي
ليندا:قتلك ولا شي مذكرة للمرحومة ماما
زياد:هه اني امي مفضتش تكتبلي حتى ورقة الكرسي والجاه اهم
ليندا:خلاص حبيبي اني مرتك وامك واختك وكل شي
زياد:انتي فرحتي واحلا شي صار في حياتي
جواهر:سوري شكلي جيت في وقت غلط بس بنشرب امية
ليندا:ههه حتى اني كنت بنشرب اميه لحقني خوك شن بندير هي
زياد:منقدرش نبعد على مرتي الحلوة
جواهر:ربي مايحرمكم من بعض
ليندا:غدوا امتى بتمشي الجامعة
جواهر:عندي محاضرة مهمه وانت يازياد كلم امك خير ماتجيك لهني
زياد:تمام
______________________________
قرت زينب الورقة
جواهر:وووه هادي مخاطره
رشا:بس احني لازم نوقفو جنبها في يوم زي هدا
زينب:اني عندي فكرة
رشا:شن هيا
زينب:توا تعرفوها بس كيف بنقولو لي امها بس
رشا:منعرفش زعما توافق تجي معانى
زينب:عندي فكررررررررة مش عادية  اسمعوني هي
_____________
{ في صباح اليوم الثاني}
السيد:لا
زينب:بس اني نبي نمشي
السيد:بتخالفي كلامي يعني
القرياشية:صباح الخير شن في
السيد:يبو يمشو يقعدو في الجامع يوم كامل يقرو القران
القرياشية:اقروه هني في الحوش
زينب:نمشو غادي خير بجديات خلي ندعو ربي يرجعلنا زمزم ويصلح الامور
القرياشية:خليهم يمشو ياخوي ،، وشبحت شبحة اصرار
السيد:امتى
زينب:توا
السيد:تمام وامتى بتروحو
زينب:بعد اذان العشاء
السيد:تمام
________________
طلعت زينب وهيا فرحانه
لبسو وبيطلعو
فريال:يابنات اني منقدرش نمشي تاعبه
رشا:هي ارجوك
جواهر:اسمعو مقلتوش زعيمة وبنتها بنمشي معاكم ولا
زينب:يعرفو انه مش مرغوب فيهم
فريال:هي برو يابنات
زينب:ارجوك في انسانة تحبيها هلبا ح تشوفيها
فريال:مني
زينب:زمزم
فريال:كييييف
زينب:هي نوضي
ناضت فريال تجري وهيا فرحانه
زينب:ام السعد
ام السعد:اموريني ياست البنات
زينب:المنوم ينحط على اذان العشاء نبيهم كلهم راقدين يلي داخل القصر والحرس
ام السعد:حاضر
______________________
وصلهم السواق للجامع ومشي ومنها جت سيارة ركبتهم ورفعتهم لي زمزم
___________________
سلوى:خيرك زعلانه
زمزم:كيف تبيني نفرح والليله عرسي واهلي مش جنبي
سلوى:عيب عليك حني مش اهلك وفي الاخير انتي ح تتزوجي حب عمرك الليله
زمزم:تعرفي خائفه وهلبا
سلوى:علاش اللطف
زمزم:قلبي مش مطمن
وفجاة بدو يسمعو في صوت كلاكس
سلوى:انزلي في حد يستنا فيك لوطه
نزلت زمزم تجري تلقا امها
ونزت تحضن فيها وتبكي
فريال:الله يسامحك يابنتي علاش درتي هكي
زمزم:سامحيني يااميمتي
نزلت زمزم بتبوس رجلين امها نزلت امها وقعدت تبوس فيها وتبكي
والكل كان متاثر رشا جواهر زينب سلوى فاطمة ام رشا
زينب:هييي اليىوم عرس نبو نفرحو بس
فريال:اي اليوم بنشوف بنتي احلا عروسة
ركبو خشت فريال
خشت جواهر مع اختها تكيس فيها
وخشو فريال وفاطمة وسلوى للمطبخ يطيبو
ورشا وزينب نزلو بيطيبو الخبزة في الفرن
____________
زينب:تعرفي يارشا ربي يعدي اليوم هدا على خير
رشا:اني مش ح نرتاح الا لمه نسمع بيهم طلعو من البلاد بكل
زينب:اي والله
رشا:معاش سمعتو شي على عمر
زينب:ابداً اختفي
رشا:خوديها مني عمر في شي في دماغه
زينب:اي نعرف متاكدة
رشا:لشني يخطط بس
زينب:ضروري نشددو الامن على حوشنا ياخوفي عمر يدير انقلاب على الحكم
رشا:علاش يديره
زينب:اي عادي يديره حتى وبوي حي ويشد الحكم ومرات حتى لو تجيبي ولد يديره
رشا:ربي يستر
____________________
وجي الليل والكل فرحان
وقادو يدربكو وخشت سلوى تزغرط
سلوى:لولولولولولي نقرت الفاتحه
فريال:الف الف مبروك يانور عيوني
زمزم:ماما انتي راضيه على زواجي
فريال:اي راضيه وفرحانه فرحتك من فرحتي
زينب:الاميرة الحلوة تزوجت وووه قداش فرحانه
رشا:عقبال نشوفو صغارك ربي يهنيك حبيبتي الف الف مبروك
زمزم:يبارم فيك ياغاليه
جواهر تبكي
زمزم:جوجو
جواهر:مش مصدقة انك بديتي عروسة
زمزم:ياعمري عقبال مانفرحو بيك مع انه مش ح نشوفك اني
جواهر:لا مش ح نتزوج كان متبيش تحضر ي عرسي
حضنو بعض ويبكو
فريال:هي ابدو دربكو وغنو الليله عرس الغاليه
وبدي العرس
__________________
مبروك:ياراجل فكك
خالد:مستحيل ضروري نمشي نشوف امي
خالد:شوفها غدوا
خالد:تي خيرك بعد الفجر مسافر ضروري ناخد منها الرضي
مبروك:باهي هي برا
______________
يلي في القصر كانو كلهم راقدين الا السيد لانه مباش يتعشى وام السعد على اعصابها
ام السعد:نديرلك قهوة
السيد:منيش هدو خيرهم مروحش
ام السعد:منعرفش
السيد:تمام تمام
_______________
فريال:هي يابنات بنروحو
زينب:بنستاشحك
زمزم:ردي بالك من المدينة كلها في امانتك
رشا:ح يجي يوم وترجعي صدقيني
زمزم:لمه خوي الغالي يشد الحكم
فريال:بنتي حبيبتي
وحضنتها
________________
وصل خالد لحوش امه
خالد:تزوجتها
ام خالد:مبروك
خالد:امي منقدرش نعطل هني بس نبي ناخد رضاك اني غدوا مسافر
ام خالد:مكنتش نبيك هكي تتزوج كنت نبي نديرلك عرس يدوو بيه الناس كلهم برا ياولدي ربي يسامحك وربي يهنيك
باس خالد يدين امه وطلع
________________
باب القصر يدق بسررررعه
ام السعد:بسم الله شن في
السيد:خليك توا نفتح اني
وفجاة السيد طلع
ام السعد:هدا خيره
ركبت ام السعد للبنات
ام السعد:رقدتو
رشا:لا
زينب:شن في
ام السعد:توا السيد طلع من الحوش يجري
رشا:بسم الله هدا خيره
ام السعد:وليلة كامله مرقدش بكل
_______________
{ اذان الفجر}
كانت زمزم راقدة و خالد يتامل فيها
زمزم:حبيبي
خالد:عيون حبيبك
زمزم:صباح الخير
خالد:صباح النور يانور عيوني
زمزم:مسرع الفجر
خالد:هي نوضي اغسلي وخلينا نصلو
زمزم:انت غسلت واو
خالد:اي غسلت هي نوضي
زمزم:واخيراً وليت مرتك
باس خالد زمزم
خالد:هي نووووضي
ناضت زمزم خشت غسلت وطلعت
ولبست المصليه متاعها وبدو يصلو في الفجر هما كيف كملو والباب يدق بكل قوة
جي خالد فتح الباب لقاه السيد
قام السيد مسدسه وضرب خالد 3طلقات في قلبه
زمزم:خااااااااااااااالد
كانت لابسة مصليه بيضه قعدت تعيط بإعالى صوت المصليه كانت كلها دم
خالد:زمزم اني نحبك المهم بنموت وانتي على دمتي
زمزم:لاااااااااا مش ح تسبيني لااااااا
خالد:اشهد ان لااله الا الله واشهد ان محمد رسول الله
زمزم:لااااااااا خالد لا مش ح تسيبني خالد انت وعدتني لااا ياخالد وراس الغاليه لا وراس حبك ليا لا وووووه عليااا وووووه قلبي ليلة فرحتي تحولت ليلة نكدي خاااالد نوووض ياخالد نوض بنطلعو من المدينة هادي بنبدو صفحة جديد
نوض بنجيبو هلبا صغار بنعيشو مع بعض عمرنا مع بعض نوض قلبي تقطع نوض
بدت تخبط على وجها ويدها كلهم دم وجها بدي دمه المصليه متاعها غارقه في دمه وهيا تحضن فيه وتعيط
وبوها يشبحلها
زمزم:خااااااااااااااالد .... 
يتابع ......