اخطاء لاتستحق الغفران
#للكاتبة :نجمه بغداد
نور:ركضت الغرفه علي ولكيته نايم واني احس سجاجين
اتكطع ابطني كد ماخايفه ندسته بكتفه علي علي كوم
علي:خييير من البارحه مانايم شعدج مكعدتني
نور:بجيت رئسا بصوت عالي لان اني علي اقرب من روحي
الجأ اله بكول شغله تخص حياتي
علي:لج هاي ليش تبجين هااا شبيج
نور:علي اليوم ام مصطفى خطبتني الابنهه وبيبي وبابا
وكول البيت موافقين واني ماريد ازوج
علي وهوه يتثائب:يامصطفى
نور:هاذ الضابط الوي ليث مصطفى شهيد
علي:اي وشبي الولد حته ماتردينه خوش ولد
نور:ماريد ازوج علي ماريد روح كللهم تره موكوه هيه
علي:هسه غير تكولين اشبي انطيني مبرر واحد ليش متردينه
نور:ماحبه موووكوه هيه تره علي النبي عليك احجي وياهم
علي:كلش ع اساس راح يسمعولي
نور:اي والله يسمعولك والله بس كوم فدوه
علي:دطلعي خلي ابدل وبعدين انزل
نور:وع شنو مبدل ملابسك شبيهن
علي:مشي طلعي بنت الاوادم اريد ابدل واطلع وي عمي أثير
نور:حباب لتتأخر
حنين:وصلنه البيت عمي يعني اني ماعندي معرفه بيهم
غير اعرف براء وتبارك بناته من احنه صغار نلعب ومن كبرن ماشفناهن بعد
دخلت للبيت مرت عمو حبابه كولش بس زوجهه لا مثل بابه يحب الفلوس حيل
تلكتني وباوستني
كريمه:هله يمه حبيبه شلونج
حنين:زينه
كريمه:تعاي فوتي للغرفه بارده بره
حنين:فتت ونزعت الستره والكلاو وكعدت يم الصوبه
ادفه وكلبي يدك كول قوته
كريمه:جوعانه حبيبه اسويلج لكمه تاكليهه
حنين:هزيت راسي بمعنه لا واني كاعده ابينهم مستغربه
اجوي البنات كعدن يمي اربعتهن
شيماء:انتي مو بت عمو عبد الرحمان
حنين:اي
كريمه:راح اروح اسوي عشا ديربالجن ع اختجن يمه
حنين:كعدنه نسولف وتألفت وياهن حبابات الجبيره شيماء
مخطوبه الابن عمو صالح ويقين الاصغر منهه وبراء وتبارك
تبارك:تعاي اشوفج ملاعيبي تلعبين وياي
حنين:كعدت يمهه واخواتهه راحن يساعدن امهن وعدهه
العاب طباخ وجدر لايلون وتلعب بيهم وتحجي وياي
أنت تقرأ
اخطاء لاتستحق الغفران (عقيد ليث)
Actionعلى العالم ان يفهم اننا احياء نتعب من الحياة ولانملك سواء القسوه في وجه من نحب ...عميد ليث...روان للكاتبه :نجمه بغداد
