اخطاء لاتستحق الغفران
للكاتبه :نجمه بغداد
السلام عليكم …طبعا جدا اعتذر ع تأخير البارت وهيه القصه وصلت
النهايتهه يعني بعد كم بارت واختمهه …التأخير السبب ماكو اي تفاعل بلبارت السابق من نشرته فمانزلت
وصارت عندي مشكله والله العضيم ماكدرت انزل …عاد انتو هم اتفاعلو حته نختم القصه لان البعض عدهم دوامات …
حنين:بقه يحجي ماجاوبته ابد تركني وطلع اني كبل نمت
كعدت ثاني يوم مالكيته دكيت ع عمر وصدمني من كال ابوج متورط ويريد فلوس ويكول لازم تجيبهن خلال هاي الفتره لان عالكه كلش بينه وبين ليث…
بقيت مصدومه بحجيه مانطقت اي كلمه استرجعت ذاكرتي بليوم
الي اجيت بي من المدرسه وسمعته يخابر ويذكر اسم ابوي وعمي عثمان اتأكدت انو كلامه صح بس ليش يطلب مني فلوس وشلون اكدر انطي اني…عمر بس منيلي فلوس …
عمر:دبري منهم همه عايزين …
حنين:شتقصد ابوك يعني
عمر:ماادري انتي دبريهن بعد اطلبي منه شوفي شتسوين المهم جيبيلي الفلوس ونطيني اسم مدرستج امرلج باجر والج مهله بس هل اسبوع اتدبرين بي الفلوس…
حنين:عمرر…قاطعني
عمر:حنين اسم مدرستج بسرعه راح يخلص الرصيد
حنين:سكتت ماجاوبته هوه رجع كرر السؤال تنهدت وكتله مدرسه ال……قريبه ع مجمع ال … هوه غلق الخط …
اني بقيت خاله ايدي ع راسي وافكر ياربي منين اجتني هل مصيبه
معقوله اكو مشكله بين ابويه وليث يجوز عمر يكذب لالا هوه لوكان صدوك يكذب جان ماسمعت ليث يخابر ويذكر اسم ابوي وعمي …حيل خفت لان اعرف ابوي طبعه الغدر …انقطع تفكيري من دخل ليث بلعت ريكي وتلبكت…
نزع ساعته ودخل للحمام مااحجه شي لشويه وكال ملابسي رحت طلعتله ملابسه ودكيت الباب فتحه وباوعلي اني نطيتهيا ورحت…
بقيت اكل بأظافري توترت حيل باوعتله واكف يم الميز ويمشط كمل والتفتلي…
ليث:بيج شي…
حنين:هاا اني لالا ششبيه قابل…تقرب مني واني رجعت ليورا الحد ماحاوطني بأديه صار ضهري ع الحايط احس حراره تطلع من جسمي من الخوف همس بأذني…
ليث:لابيج انتي ماتاكلين اظافرج اله صاير شي فأحجي احسن الج…
حنين:دنكت وكتله بأبتسامه …لاماكو شي مسح شواربه وكال
ليث:انشاالله ماكو شي لان لواكتشف صاير شي وضامته عليه يصير غير حجي…
حنين:بقيت متلازمه السكوت نزل واني بقيت افتر بلغرفه
لشويه وحسيت نفسي اختنكت بلغرفه نزلت شفت شجن
مااهتميتلهه نزلت وكعدت بلصاله جانت فارغه محد بيهه شويه واجتي كعدت…
أنت تقرأ
اخطاء لاتستحق الغفران (عقيد ليث)
Actionعلى العالم ان يفهم اننا احياء نتعب من الحياة ولانملك سواء القسوه في وجه من نحب ...عميد ليث...روان للكاتبه :نجمه بغداد
