اخطاء لاتستحق الغفران
للكاتبه نجمه بغداد
حنين:مرت الايام واني ونرجس عرايك وليث زين وياي روتين حياتي نفسه ناتغير
جنت كاعده بلغرفه كمت نضفت كنتوري الي هوه كنتور نور القديم لكيت بي ورقه
فتحتهه ولكيت بيهه رقم شنو هذا
بقيت افكر فوك الربع ساعه اتذكرت هذا رقم عمر ابن عمتي يااا عززه شلون ناسيته…
بس أني مااعرف اشلون ادخل الرقم واتصل عليه…
بقيت احاول مااعرفت رجعت الرقم ونزلت كلت بعدين اسئل علي…
شفت ليث كاعد ع التخم ويدخن وبصفه حسن وسجى
وحمودي ابنهه اجيت كعدت هوه باوعلي ورجع باوع ع المبايل وكال…وين جنتي
حنين:فوك بلغرفه
ليث:شوكايمه ماتنزلين يابه ساكنه الغرفه الفوك …
حنين:ها لابس جنت كاعده العب بلمبايل …هوه اشرلي
ع المبايل بمعنى جيبي…
حنين:ششتسوي بي…
ليث:جيبي
حنين:اتقربت يمه وانطيته المبايل هوه كال فتحي الرمز
فتحي…
فتحته ونطيتهيا…هوه بقه يفتش بي حته ع الصور دخل
ورجع دخل ع المتصفح اني بس اباوع عليه اخر شي مسح الوتساب وانطانيا …اني بقيت متفاجئه
ليث ليش مسحته…
ليث:احسن ومااريده ينزل بعد عندج شي دكي ع الرصيد…
حنين:اي…تركته ورحت للمطبخ شفت عمه سميعه وشجن وأمال يطبخون اني كعدت وبقيت اباوع عليهم…
شجن:حنين مادامج كاعده كومي بدلي الموسه متشوفيني مخبوصه بلاكل
حنين…رحت شلته هوه بقه يصرخ رجعته المكانه
وهوه لطخ راسه حيل بلجدار ركضت شجن عليه
واني بقيت بمكاني خايفه…
شجن:هوه هيج طاح حضج متردين تبدليله كولي
فلشتي راس الولد الله يفلش راسج …
حنين:والله موااني هوه وكع ونلطخ…
شجن:ولييي من خلقتي لا اكوم ابتلي الخباثه تمشي بدمجج…
سميعه:ع كيفج مااتدري بي
شجن:ياماتدري بي عمه غير فلشت راسه للولد تعلميتي
بخباثتهه بس بسيطه ياحنين اني اربيج…
حنين:اني حيل انهضمت منهه والله ماجان قصدي
اخلي يوكع كمت ابجي واباوعلهه …وهيه تخزر بيه…
شجن:دموع التماسيح بطليهن ماايمشن عندي وامشي
اثرمي ابدالي يللله ولي موتاكلين وتمسحين اديج بلحايط…
جواد:صصووووتتتتج
شجن:يااالله شمنتضرره
أمال:اني راح اثرم كومي الولد راح يموت من البجي…
حنين:هيه اخذته وراحت واني مسحت ادموعي
وغسلت…
أمال: انتي تدرين بيهه تسوي مشاكل شكو تاخذين ابنهه
من كالتلج بدليله كليلهه مااكدر طلعيلج اي عذر ولاتشيلينه
هاي بيونه شكدوتهه ومن تكلفهه بشغله اكللهه لاتتصخرين
ليش مااتعرفيهه انتي شنو من بشر…
أنت تقرأ
اخطاء لاتستحق الغفران (عقيد ليث)
Actionعلى العالم ان يفهم اننا احياء نتعب من الحياة ولانملك سواء القسوه في وجه من نحب ...عميد ليث...روان للكاتبه :نجمه بغداد
