اخطاء لاتستحق الغفران
#للكاتبه :نجمه بغداد
سمعتني ابجي جانت جايبه ملابس البنات بسله اجت كض
عليه واني ابجي وخشمي ينزف
سميعه:يااا عزه ولج شجاج شبي خشمج هيج ينزف
حنين:مما اعررف
سميعه:كومي غسلي كومي هاي انتي دائما هيج لو هاي
اول مره هيج يصير
حنين:لا هاي اول مره هيج يصير....خلت ايدهه ع ايدي اتكومني اني عطت
من الالم الي صار بأصبعي...اندارت عليه كلتلهه... والله اصبعي يوجعني
سميعه:شو غسلي وتعاي اشوفه
حنين:رحت غسلت والمغسله انترست دم واصبعي من كد
الزراك يريد ينفجر طلعت شفت سميعه بعدهه واكفه
وبيدهه كطنه انطتنياهه وخليتهه ع خشمي واني ابجي
سميعه:شو خل اشوف اصبعج
حنين:قدمت ايدي عليهه بس طخته عطت ورجعت ايدي
وره ضهري
سميعه:عززه العزاج بس لامكسور اشو هاذ مورم ابيش تعورتي
حنين:نرجس من تعاركت وياهه لوته ...كالت اوف يهل نرجس
وتركتني وراحت وراهه بشويه دخل ليث ويا سميعه وامال ونرجس
ضميت ايدي ورا ضهري حته لتشوفه نرجس وتشمت بيه
سميعه:دشوف اصبعهه يمه بس لا مكسور
حنين:لامابي شي اجه كعد ع جربايه نرجس وسحب ايدي
رجعت جريتهه
ليث:نطيني ايدج خل اشوف بس لاصدك مكسور
حنين:وكفت واني ابجي خليت الكطنه ع خشمي وايدي
وره ضهري...مابيهه شي ...هوه سحبني من خصري وسحب ايدي
وبقه ايحرك اصبعي يمنه ويسره واني شاغت روحي
بقيت اصيح...اخخ وخرر اصبببعييي
ليث:خرب ابوج امشي بدلي خل اخذج للمستشفى
حنين:ما ماروح ماريد
ليث:امشي بكيفج اني يله بدلي بسرعه انتضرج جوه
حنين:هوه نزل واني بقيت ابجي وسميعه طلعتلي ملابس
من الكنتور من دياجي دخلت لبستهم وطلعت ونرجس
تباوعلي بشماته
مسحت دموعي ونزلت شفت ليث كاعد يكلب بلتلفون من اجيت ضمه بجيبه وكام...
ليث:ها كملتي
حنين:هزيت راسي بمعنى اي ...وطلعت ورا فتحت الباب
الوره اريد اصعد هوه صاح
ليث:تعاي هنا
حنين:صعدت بلسياره وهوه يسوق واني دايره وجهي واباوع
ع الشارع جانت المستشفى قريبه بسرعه وصلنه الهه هوه نزل جيت انزل كال ابقي خل اشوف مكان اطبك بي السياره ...بقيت انتضره شويه واجه كلي انزلي دخلنه للمستشفى عبالك الناس كولهه مرضه ماكو محط رجل
بيهه لزم ايدي ليث ودخلنه للمستشفى وحجه وي بنيه
وكلي اكعد ع الكرسي بقيت انتضره لحد مااجه كعد بلكرسي البصفي ...
ليث:شيلي الكطنه مانكطع الدم
حنين:شلتهه وكتله ماكو دم
أنت تقرأ
اخطاء لاتستحق الغفران (عقيد ليث)
Actionعلى العالم ان يفهم اننا احياء نتعب من الحياة ولانملك سواء القسوه في وجه من نحب ...عميد ليث...روان للكاتبه :نجمه بغداد
