اخطاء لاتستحق الغفران (عقيد ليث)

part 17

اخطاء لاتستحق الغفران
#للكاتبه نجمه بغداد
نور:والله ماانام والله عمه اذا انتي مضايقه من وجودي بلغرفه عادي انام بلصاله

ام مصطفى:ولج انتي اشكد خوثه شنو مضايقه من نومتج
اني شعندي وياج بلعكس اكيف من تنامين يمي معتبرتج بنيتي
بس هذا هم زوجج واله حق عليج لعد المن مزوجين اذا كل واحد بجهه اسمعي يمه الي اكلج عليه تسوينه بلحرف الواحد
اي اني اريد نتيجه...

نور: بقيت مكتفه ايدي واهز برجلي بتوتر كلتلهه عمه بس...بعدني ممكمله قاطعتني

ام مصطفى:لابس ولاابد نور يمه اسمعي كلامي وخليج
وراي الرجال من يعصب لازم المره تهده لان اذا كامت تصيح
لو تعاند راح تزيد النار حطب وبالاخير هيه تخسر من باجر
تبدين تنامين يم رجلج وتغيرين اسلوبج وشوفي شلون مايكوم يباوع الحلكج مباوع

نور:سكتت ومارديت عليهه حقهه تحجي هيج وهيه متعرف
اي شي صار ابينه ...

ام مصطفى:يله كومي صعدي سئلي رجلج شيريد غده

نور:عممممه انتي تدرين اليوم غدانه اليوم مركه دجاج حمره شكو اسئله

ام مصطفى:ميخالف كومي يله

نور:شمرت المخده وكمت رحت الغرفه مصطفى فتحتهه
وشفته نايم ومغطي راسه من اقتربت منه وخر الغطى وباوعلي
كتله ...شتريد غده

مصطفى:مااشتهي لحد يكعدني

نور:بكلبي...ايييي خفتاً وراحه سويت فضل ردت اطلع صاح

مصطفى:حضريلي الحمام

نور:شتلبس

مصطفى:طلعيلي تراكي النيلي

نور:كعدت ادور وهوه يدخن مالكيته انداريت عليه وكلت...مالكيته

مصطفى:دوري زين هسه تلكي

نور:ومتكوم اتدوره انته ملابسي لوملابسسسك هنه

مصطفى:جلدج يحكج ع كتله بابه لسانج ضبي لاولخلقج
اسود عيشتج

نور:ع اساس هيه عيشتي شلونهه ....رجعت ادور مالكيته
....مصطفى ماكوووو والله مالكيته هوه اجه طلع واحد ازرك
وخلا ع ساعد ايده وطفه الجكاره بلنفاضه

مصطفى:هذا شنو لعد

نور:هذا ازرك شنو عندك عمه الوان

مصطفى:لااله الأ الله صبرك الهم

نور:درت وجهي عنه وبقيت افرك ايدي بتوتر

مصطفى:حضري روحج باجر نروح الاهلج

نور:فتحت عيني وضحكت وكتله...راح اتطلكني وكلبي يرف من الفرحه

مصطفى:والله للأسف الشديد لا لان ابوج عازمنه يله
ماضل شي سبوعين وترحين شدعوه هلكد فرحانه