اخطاء لاتستحق الغفران
#للكاتبه :نجمه بغداد
حنين:اني تخبلت من كالت هيج بقيت ابجي واكمز بلغرفه
...اي يمكن حجيهه صح لان عمو ليث ماجاوبني
من سئلته بخصوص هل موضوع بقيت ابجي الحد
مادخلت سميعه
واجت كعدت يمي
سميعه:يا امي كافي بجي موكطعتي كلبي عليج موزين هيج
كومي اسبحي وبدلي حبيبه
حنين:صدوك حرككووهه خاله...هيه التفتت ع نرجس وخزرتهه ورجعت باوعتلي
وكالت...
سميعه:ماما هيه ميته يعني اول وتالي يتحلل جسمهه وتصير عظام
وبعدين هيه بس الروح التصعد الربهه احنه باجر عكبه من نموت
هم ياكلنه الدود ونبقى بس عظام وارواحنه تصعد الرب العالمين
يعني الجسم مجرد غطاء للروح مثل الملابس هم يجي يوم
وينتزع عن الروح اريدج متفكرين بهيج مواضيع وتترحميلهه
وتقريلهه قرآن احسن من ماتبجين عليهه البجي لايقدم ولايأخر
حنين:طلعتلي ملابس من دياجي وكالت النرجس...
سميعه:كومي نرجس نامي جوه يمي
نرجس:ماريد اريد انام هناا
سميعه:ماكو نومه هنا عبالج ماعرف بسوالفج كومي يله
كدامي نزلي بطانيتج وتعاي نامي بغرفتي
نرجس:مااريدد هسه اني شمسويه والله راح انام دون اي اذيه
سميعه:كتلج جيبي بطانيتج ونزلي لاتعاندين يله كدامي
نرجس:هففف ماما الله عليج
سميعه:حنين يله روحي اسبحي وانزلي امشطلج شعرج
ونتي نجيرس كدامي يله للغرفه
حنين:دخلت للحمام فتحت المي الحار وكمت اسبح وابجي
كملت سبح وباوعت ع عيوني بدمرايه صايرات حمر دم
وراسي يريد ينفجر من الالم نزلت شفت سميعه كاعده
ع جربايتهه ونرجس تلعب بمبايلهه ودياجي بلصاله تباوع ع فلم
هيه وعلي ...
سميعه:تعاي يمه فوتي
حنين:كعدت ع جربايه وهيه كامت تمشط بشعري
واني ساكته مانطقت بأي حرف ...
نرجس:اكول ماما
سميعه:كلشي لاتكولين سدي حلكج ونامي
نرجس:هاي شبيج يوم موجاي احجي وياج
سميعه:ندري شراح تكولين فسدي حلكج يكون افضل
حنين:ضفرت شعري وكمت ردت اطلع صاحت سميعه
سميعه:يمه جوعانه اسويلج اكل
حنين:هزيت راسي بمعنى لا وكملت طريقي وصعدت فوك
خليت راسي ع المخده ونمت ثاني يوم كعدتني دياجي
كعدت غست وبدلت ورجعت ع الجربايه والغرفه فارغه
شويه ودخلت دياجي كالت نزلي تريكي كلتلهه ماريد
هيه راحت بقيت بفراشي ماتحركت منه المده ساعتين تقريباً
اجت سميعه صاحتني ع الغده كلتلهه مااشتهي بقت
تحجي وتلح عليه انزل بس مااقبلت اخر شي ايست ونزلت
رجعت نمت وجع راسي مستمر ...بقيت نايمه واحس نفسي
موبوعيي لحد مااكعدت ع صوت عمو ليث وهوه يكعدني
أنت تقرأ
اخطاء لاتستحق الغفران (عقيد ليث)
Actionعلى العالم ان يفهم اننا احياء نتعب من الحياة ولانملك سواء القسوه في وجه من نحب ...عميد ليث...روان للكاتبه :نجمه بغداد
