اخطاء لاتستحق الغفران (عقيد ليث)

part39ماقبل الاخير

اخطاء لاتستحق الغفران
للكاتبه رقيه الخالدي

كمت اضرب ع صدره واصيح...كووول جذذب كووول علي مييمووت مصطفي ليشش تبجي والله هوه مامات...

نور:اصعب لحظات عمري جاي تمر عليه مااعررف اوصف وري بهل لحظه مااعرف اني بحلم لوحقيقه ...

كعدت بارض المستشفى وخليت ايدي ع راسي دون لااحجاب ولااعبايه واملخ بشعرري التفتت ع مصطفى الي جان يتلفت للجهتين صحت بصوت عالي احس حنجرتي تجرحت...مااااااات

اجه عليه مصطفى وكفني ولبسني العبايه وباس راسي...وكال...البقيه بحياتج ...كمت اضرب ع صدره واعيط...ماااااماااات علييي ميعوفني ابوووس ايدك كوول جذذب مامات هوه صح...

دخل جواد عيونه حمر ولابس الدشداشه حجه وي مصطفى واجه لزم ايدي وطلعني من المستشفى اني كوه امشي مامصدكه الصار ...صعدت بلسياره واني ع نفس صفنتي مااعرف ابجي اعيط الطم بليله فقدت اعز شخص بلنسبه اليه اخويه وصديقي وكوولشي عندي خليت ايدي ع راسي وابجي ...مااحسيت بمسافه الطريق رفعت راسي اباوع من الجامه شفت باب بيتنه نزلت اركض دون وعي البيت متروس رياجيل من شفت تابوت علي واخواني ملتمين عليه احس رجلي بعد متشيلني...

ليث:كسسسررررت ظههررري ورررااك يااابه ...
ليث يصيح ولازم سلاحه ويمه كومه رياجيل ملثمين ونص بلدشاديش كمت اعيط والطم مؤمل كوه كومني...

دخلت للبيت امي تملخ بشعرهه والدم يجري من اخدودهه وسجى تبجي وتعيط كمت الطخ براسي بلحايط وابجي...

امي اتخربطت التمو عليهه النسوان اني اريد اشيل نفسي من الارض مااكو
احس حيلي انهد ...

كاعده واخرمش بخدودي واعيط ...مروا يومين اني انتهيت بيهن...مخاله شي بحلكي غير ليث ع كد الفاتحه ويطلع ميطب للبيت يكول تحرم عليه طبت البيت اذا مااخذ بثار علي...جنت كاعده ع جربايتي وابجي...اجتي امال توسلت بيه اكل كوه اكلت لفه وشربت عصر ورجعت لحالتي ابجي واتخايل علي يدخل من الباب اشتاقيتله واشتاقيت الحسه والشقا ويانه ...

سمعت عياط طلعت اركض شفت غرفه علي مفتوحه ركضت عليهه
شفت مروه لازمه هدومه وتشم بيهن وتلطم...

وامهه تلم بملابسهه دخل مؤمل عيونه دمعت وكعد يهدي بيهه وهيه فاقده بلعياط والبجي...

ام مروه:رااح اخذهه وياي لليبت ترتاح مااكدر اعوفهه وهيه بهل حاله

مؤمل عافهه وطلع واني هم رجعت الغرفتي غطيت راسي بلبطانيه وابجي...

مروا ايام وشالو الفاتحه ...امي انتهت ورا كلساعه ماخذيهه للمستشفى ...حنين مااكو اي اخبار عنهه
والي سمعنه من مداهمين بيت عمتهه طلع ابن عمتهه هم مااله اي اثر...

حنين:جنت كاعده وابجي واعيط وعمر يحاول يهديني
شنوو ذنبه بعده عريس ويمووت يااربي لو مااخذني اني ولاهوه...عمر موحرام عليكم ...