اخطاء لاتستحق الغفران
#للكاتبه نجمه بغداد
اخذت الجنطه بسرعه وطلعت بمقدمه الطالبات باوعت للسيارات مااكو…بقيت انتظر وكلبي يرجف من الخوف
شفت نرجس ودياجي غطيت وجهي عنهن صعدن بلسياره
اني توني ردت اصعد طبكت سياره سوده ونزل الجامه بقيت بمكاني نزل ولد منهه لابس اسود بقيت صافنه عليه
عرفته عمر بس صايره عنده لحيه ابتسمت وبقيت جامده بمكاني
تركته ورحت ركض للخط صعدت…وكلبي احسه راح يشك صدري ويطلع رجعت للبيت كبل صعدت للغرفه
دون ماابدل اتصلت عليه…رفع خط
الوو
الوو ها حنين ليش مابينتي شمطتني الشمس واني انتظر
بنص الظهرريه تتدرين
_انته لابس اسود اليوم صح
اي
_شفتك بس مكدرت احاجيك لااخوات ليش يشوفني…
دبررتي الفلوس
_لا
ليش
_مااكدر اخذ لو اطلب منه …
ثووول صاررلي بلاسبوعين انتظر وكلشي مااكو
_اكوولك ابويه يمتى ذكرني حته اني اذكرره بس وكت المصايب
يجي يريد فلووس…
_حنين اذا ابوج ماايروح بيهه فيطيح بيهه هذا الضابط لان عالكه للستار
_ماحجيت شي ويا بس هوه شنو فاائدته وهيج يلح ع الفلوس
كتله …اشوف وهسه راح اسد الخط لان توني جايه من الدوام…
سديته ودخلت سبحت وبدلت واني ع نفس التفكير …شلون اخذ فلوس من ليث وشراح اكوله
ياربيي شدخلت نفسي بورطه وحته مااعرف المبلغ ليريده…
بمجرد التفكير التفكير بهل شي احس بطني تقلصت…
مروا ايام واني ع هاي الحاله واتصالاتي وي عمر مقاطعتهه…
فبيوم جان نزول ليث كاعد بلغرفه واني جوه كملت غسل المواعين
وصعدت سمعته يخابر…
_كتلج مااكدر اطلع هسه للعصر يله اجي شبييج متعرفين تصبرين
_اي فتهمنه اخذج
بعد لتتصلين ومااريدج تطلعين باب الشقه الباب قفلي زين
يالله سدي هسه …
حنين:تفاجئت بكلامه المنو يخابر وليش يكووللهه مااريدج اتطلعين
باب الشقه الموضوع زاد عن حده اليمته يبقى هيج هاي صار كم مره اسمعه يخاابر ومااحجي لازم اواجهه…
دخلت للغرفه وطبكت الباب بقوه وكفت هوه بقه يباوعلي متفاجئ
ليث:شببييج
حنين:ويامن جنت تحجييي…حسيته ارتبك عقج حواجبه وجاوبني
ليث:ونتي شكو تدخلين
حنين:شنووو شدخلني اني غير متزوجتك ليث منوو هاي الجنت تحجي وياهه…
لاوفوكااهه تكولهه لتتصلين هسه والعصر جايج والبباااب قفلي زينن منو هاي؟
ماجاوبني اخذ ملابسه ودخل للحمام بدل وطلع واني ع نفس وكفتي
والنار شابه بداخلي معقوله متزوج لويحب منو هاي …
ليث…
ليث:خيرج
حنين:منو هاااي
أنت تقرأ
اخطاء لاتستحق الغفران (عقيد ليث)
Actionعلى العالم ان يفهم اننا احياء نتعب من الحياة ولانملك سواء القسوه في وجه من نحب ...عميد ليث...روان للكاتبه :نجمه بغداد
