اخطاء لاتستحق الغفران
#للكاتبه نجمه بغداد
ليث:اي ازل عبد الرحمان لطيف حالتهه ابد موزينه يكول
دكتور محمد اريد اعرف هسه ستقرت لولا
_حسنين هسه مو وكتك امشي سئلي دكتور محمد
حنين:بقيت واحس قطره دم مابقت بجسمي تراجعت خطوات
للخلف حته ميحس بوجودي واسمع شراح يكول شويه وغلق الم
وكعد ع التخم واني طلعت ودموعي عشره عشره كعدت بلارض وابجي
...ياربييي لاتموت ازل موتني اني ولاهيه بقيت محتاره
شسوي واني كاعده بلممر وميته بجي باوعت ورايه شفته
ليث واكف اني وكفت وامسح بدموعي
ليث: بيج شي ليش تبجين
حنين:عمووو صدوك ازل راح تموتتت فدوه خل اشوفهه
ليث:لااله الأ الله وين تشوفينهه اني موكتلج عن هاذا المرض وخطورته
ادري هيه اختج وصعب عليج تفاركينهه بس هاذا امر لابد منه مستحيل احد نصاب بي وتشافه منه
حنين:يعني ررح تتموت... احجي واشهك من البجي
ياريت لوباقيه اسمع الاهانات من نرجس ودياجي ولاجايه وسامعه هاذا الخبر ...خل نروحلهه عمو فدوه
ليث:كافي بجي الي الله كاتبه يصير ماكو احد يموت كبل يومه
حنين:رحت ركض للغرفه وكعدت واني ابجي وماحاجيت اي احد
حته ع العشا مانزلت بقيت ابجي بلغرفه يدخلن البنات
ويطلعن يذبن حجي واني ماارد عليهن همي كله جنت اريد اعرف
ازل شلون صارت هم تسئل عليه او هم تفكر بيه مثل ما
أفكر بيهه
اني ليش قبلت اعيش هنا وعفتهه ليش تصرفت بأنانيه
دخلت دياجي واني جانو عيوني حمر من البجي وكفت بصفي وكالت...
دياجي:ليش دتبجين
حنين:مابيه شي
دياجي:لابيج شي والله عيونج حمر هاي للئن حجينه عليج
اني ونرجس قبل شويه
حنين:لا ...لاارادياً نزلو دموعي خليت راسي بين رجليه
وكمت ابجي
نرجس:دياجي اني شكتلج شكو واكفه يمهه
دياجي:متشوفينهه دتبجي خطيه والله
نرجس:لامو خطيه ماكو خطيه غيرنه اني وياج هاي انتي متعرفيهه هاي شنو من بشر
مفالحه بس بلبجي
حنين:غطيت راسي ونمت ع جربايه نور واحس الم اصبعي
يضرب براسي من الالم بقيت ابجي الحد ماغفيت
كعدت ع صوت سميعه وهيه تكعدنه البنات كامو واني بقيت بمكاني كاعده
سميعه:يله حنينه كومي الساعه 11
حنين:ماريد
سميعه:ياولج شنو ماتردين كومي تريكي البارحه ماتعشيتي
واليوم ماتتريكين لايصير بيج شي يله حبيبه كومي
حنين:ماريد عوفيني
سميعه:اووووف اوووف من عنادج وراسج اليابس
أنت تقرأ
اخطاء لاتستحق الغفران (عقيد ليث)
Actionعلى العالم ان يفهم اننا احياء نتعب من الحياة ولانملك سواء القسوه في وجه من نحب ...عميد ليث...روان للكاتبه :نجمه بغداد
