اخطاء لاتستحق الغفران
#للكاتبه رقيه الخالدي
...اذا كثر التفاعل انزل بارت بلليل
نور:عافتني عمتي بناري وراحت شلت الكوب وركعته حيل بلارض انكسر كعدت املخ بشعري وابجي ...يارب والله اكرهه خلللصنييي منه اموووت منننننه دخل
عليه بلمطبخ واني بهل وضعيه كيان بقه يباوعلي بصدمه
كيان:خويه بيج شي
نور:لاسلامتك بس الكلاص وكع من ايدي مسحت دموعي وكفت
هوه جر نفس وباوعلي
كيان:خويه اذا بينج وبين مصطفى شي احجيلي يجوز اكدر اساعدج
نور:ماكو شي خويه جوعان اصب عشا
كيان: لاوالله ماشتهي شي بس حضري جاي راح يجي صديقي
نور:طلع هوه واني خليت الجاي ع النار ورحت الغرفه عمتي
شفتهه لابسه حجاب الصلاه وتبجي اجيت يمهه وحضنتهه
وكمت تبجي وياهه...عمه زعلانه عليه
ام مصطفى:ياعمه انتي كلبج مثل كلب الطفل بس السانج العام عليج
شفتي وين وصلتي روحج ...
نور:مصطفى مااتصل
ام مصطفى:لاوين يتصل ادك عليه من الصبح الحد الان ميشيله
مايكول عندي مكموعه ام ادك واسئل عليهه اوووف اووف يمصطفى...
نور:عمه لومن البدايه مخليتني اروح ماصار هذا كوله ...
ام مصطفى:ياعمه وين اخليج ترحين ليش اهلج لودرو راح يسكتون
وهيج عبالج الطلاك سهل ...
نور:كمت صبيت الجاي وديته الكيان وصديقه بعدهه صبيتلهم
عشا وغسلت المواعين ونمت وعمتي ماشافت النوم ابد
تغفه دقايق وترجع تفز خطيه...
--------------------------------
حنين:ثلث اسابيع ع نفس الروتين علي ياخذني للمدرسه
وعمو ليث مرات يوصلنه ويهتم بدراستي ودائماً يسألني عليهه....جنت كاعده بلصاله اتصفح بلرياضيات العله
كولشي مااافهم منه نزل عمو ليث ينشف ولابس بيجامه سوده
وفانيله كعد ع التخم واني اباوع عليه وخاله القلم بشعريي
والف بي واعلج...
ليث:ها يابه شلون دراستج
حنين:زينه عمو بس الرياضيات حيل صعب مداافهم شي منه
ليث:ليش متفتهمين بالج وين مدرستج ام الرياضيات اعتقد
ست ثوره كلش زينه واني موصيهه عليج ...
حنين:اصلا متفهم وحده ثوله وطابكه ع السره لاتحل ولاتربط
ليث:لاوالله موهيه حشاهه المره هاي انتي الي لاتحلين ولاتربطين
عندج امتحان باجر
حنين:اي امتاحان شهري المدرسه كالت راح اسويلكم امتحانين
واقسمهم واطلع الدرجه حته تزيد نسبه النجاح ...
ليث:جيبي كتبج وتعاي يمي ...
حنين:شلت الكتاب وجيت دااوخر القلم من راسي اشو اجر بي اجر
تكطع شعري وماطلع ملتف داير مداير القلم الجاف جريته
حيل اتأذيت عطت ...عاااااا
أنت تقرأ
اخطاء لاتستحق الغفران (عقيد ليث)
Actionعلى العالم ان يفهم اننا احياء نتعب من الحياة ولانملك سواء القسوه في وجه من نحب ...عميد ليث...روان للكاتبه :نجمه بغداد
