اخطاء لاتستحق الغفران
#للكاتبه نجمه بغداد
نور:جنت بذيج الليله ميته خوف وماعرف مصيري شنو تمنيت
الساعه تصير سنه حته لااروح يمه ابجي الليل كله
حته دموعي جفت وارجف اول مره اخاف من شخص
حته خواني ع كد قساوتهم بس ابد ماخوفوني نمت وبقيت افكر
كعدت ع صوت خالتي هنا كولشي رجف بداخلي عزه هاذ اخر يوم هنا
اني ياربي اخذ روحي ولاتخليني اروح البيته ندستني خالتي
_ولج يله تأخرنه
نور:رحت غسلت وجهي وبدلت ونزلت شفت خالاتي وجهالهن
والبيت صاير خبصه ناس تهلهل وتركص
وناس تسولف والجهال يبجون من اول مانزلت كامن يهلهلن
عفتهن وكعدت اتريك كعدت خالتي يمي وبقت تحجي واني
مامنتبهه الهه صفنه تجيبني وصفنه توديني
هدى:ولج شبيج ماده بوزج شبرين رايحهه الفاتحه
نور:بقت تحجي مارديت عليهه لحد ماطلعنه اني وياهه ومرت عمي هاله
للصالون قريب علينه دخلنه وبقت اتخليلي مكياج وتسويلي تسريحه
واني بالي ابد مويمهه وضحك خالتي واصل السابع جار
بالعه لسان طير من الصبح شكد تحجي
حنين:حضرنه الملابس الجابتهم سميعه جابتلي بس واحد للعرس
وكاات بلحنه اخذي من دياجي عدهه هواي ملابس
انطتني فستان ابيض وبي خطوط اسود ع طوله
موشتائي هوه بس الجو زبن مو ذيج البروده المهم اخذته
ودخلت للحمام سبحت ولبسته وطلعت من الحمام دخلت
وراي نرجس وضربتني بجتفهه حيل وباوعتلي من فوك ليجوه
عضيت شفتي ودنكت رحت الغرفه الحجيه لكيتهه تحجي
وي ثلث عجايز جبت المشط وكلتلهه ضفريلي شعر
هيه قدمت الصوبه عليه وغطت زنودي بلمنشفه وتحجي
وي العجايز وتمشطلي
الحجيه:يايمه شوفي شلون صايره ثلج ياحبوبه كلت الملابس وتلبسين هيج
حنين:ماعندي هيه دياجي نطتني هاذه
الحجيه:لبسي شي فوكا لاتبقين مشلتحه ولد طابين طالعين
حنين:هزيت راسي بمعنه اي وهيه ضفرته الي ورحت
للبنات لكيتهم متجمعين بلغرفه نص يلبسن عدسات
ونص يمكيجن ويبدلن صايره خبصه وابن شجن خابص
البيت بلصياح والبجي اجت شمرته عليه وهوه شسمناته
والدور وصخ ونطتني ملابس اله بقيت صافنه عليهه بستغراب
شجن:هاج سبحي وبدليله ماعندج شي متشوفيني
مخبوصه خبص
اخذي للحمام الفوك البغرفه علي وسبحي وبدليله عفيه
حبيبه
حنين:اخذته وهوه يصرخ يالله هسه اني ويني وين هل سوالف
دكيت الباب مال غرفه علي اكثر من مره محد جاوب
فتحته ودخلت مالكيت احد دخلت وكعدت ع جربايته
غرفته بهواي احله من غرفه ليث ودافيه تشجع ع النوم
وهاذ الطفل يصرخ فتحت باب الحمام ودخلته هوه سكت
وبقه يلعب بلمي واني ابتعد عن الدوش لاملابسي يتبللن مي
خليت الشامبو ع راسه اشو هاذ كام يصرخ
أنت تقرأ
اخطاء لاتستحق الغفران (عقيد ليث)
Actionعلى العالم ان يفهم اننا احياء نتعب من الحياة ولانملك سواء القسوه في وجه من نحب ...عميد ليث...روان للكاتبه :نجمه بغداد
