بيت العنكبوت

بيت العنكبوت..5 و 6

الفصل الخامس و السادس

في فرنـــســـــــــــــا
قي حفلة صاخبه تسمع فيها كاسات الخموور وصوت الموسيقا الصاخبه وضحكات العاهرات يعلو الحفل ودخان السجائر يغطى الجو الكئيب بمعصية الخالق المنان
عادل: هاه وش رايكم مو الجو جنان
احمد: ايه جنان وبس شوف المزيونات هناك من كل الجنسيات الشقراء والسمراء آه بس شكل السهره حلوة والا ايش رايك يافارس
فارس: وهو يتلفت مبهور من جمال القاعه ايه من ناحية جنان فهي فعلا جنان شكلها حلوة
عادل: ايه بس جهزو فلوسكم
احمد: لـــــيــــــش
عادل: ايش الي ايش وانت ووجهك مافيه ليله حلوة بحضن وحده من هالبنوتات الا بفلوس
احمد: يحك راسه بس الحاله ماش
عادل: عاد وش نسوي لك تبي والا تسهل حتى تصير حالتك كاش هههههههههههه
احمد: لاخلاص ادفع بعدين ادبر عمري
عادل: اجلسو الحين تبدأ الحفلة
ابو رامي: يصعد عتبات المسرح معلن عن راقصات من مختلف الجنسيات
بدات الراقصات واحدة تلو الأخرى اخيرا فتح الستار عن راقصه جميله الكل تطلع وترقب من تكون طلعت تتبختر بمشيتها لابسه فستان يعري اكثر من مايستر لونه احمر توب من فوق وماسمك على صدرها ومبرز جماله أكثر بعدين يتوسع من تحت الصدر طولع نصف الفحذ في قمة فتنتها وجمالها
احمد: هيه هيه فارس موهذي فرح
فارس: طلعت عيونه وهو يشوفها رص على اسنانه وقال بقهر نصابه محتاله وتقول انا بنت اكبر هوايمر الرياض وطلعت داشره بنت داشر بس الحين اوريكم فيها
عادل: شده مع يده اجلس يارجال تبي تمشكلنا مع ابو رامي
فارس: جلس بعصبيه قايل لكم احذرو منهم ولايغركم اشكالهم لا ومسويه ثقل البارح ماترقص ولا شي وهي سربوته هنا
احمد: بضيق اقول خلها تولي هي وصاحبتها اصلا كنا نستلى فيهم بس
فارس: بس والله ماخليها الا احرجها قدام الكل وقام وخلاهم
عادل: بعصبيه رفيقك هذا جد مجنون ليتني مادعيتكم
احمد: من زمان مجنون توك تعرف
فارس: راح لابو رامي قال تسمح لي رقصه مع احلى بنات الحفله الكل طالعو فيه
فرح: وقفت عن التمايل والرقص وحركات الاغراء يوم شافت فارس يتكلم ماتوقعت جيته قالت بقلبها ايش جابه هذا
ابو رامي: بس تقدر على القيمه هذي غاليه
فارس: افا عليك اطلب وانا حاضر
ابو رامي طلب مبلغ وفارس طلع من محفظته فلوس واعطاه اياه
احمد: جد جد الولد انجن
عادل : بقوة شكل البنت فتنته وسرقت قلبه وعقله ايه مالومه على هالجسم والاغراء تفتن بلد مو بس رجل
فارس: طلع المنصه وهو يطالعها بنظرات استحقار طبعا هي بس تشوفه لانه وهو يرقى لها معطي الحضور ظهره وفرح وجهه
فرح : قرات بعيونه الشر وارتبكت
فارس:قرب جهتها ومسك يدها ولفها لفتين والكل يناظرفيهم قال بصوت عالي ابو رامي طلعت حلوة من بعيد قبيحه من قريب ابي غيرها هذي ماتعجبني ابد وبعد عنها باشمئزاز قدام الكل
ابو رامي: استغرب وانصدم من كلامه بس مايقدر يرفض طلبه لأنه دافع فلوس كثيره وطلب راقصه غير فرح
الكل انصدم من كلامه
فرح: ماتت قهر من رده جرحها طعنها
فارس:شاف تعابير وجهها الي حمر من القهر ابتسم بسخرية وقال بصوت هادي اول مرة اشوف بنت غنيه راقصه وداعره وداشرة وساقطة ولو فيه مرادف اقوى واشين قلت عنك بس حتى الافلظ تعجز توصف حقارتك ودنائتك
فرح: بعصبيه قالت من بين اسنانها حقير ووقح
فارس: باتسامة اغاظة مو احقر واوسخ منك ياحلوة
فرح: تركت المنصة كلها ودخلت داخل وهي تغلي من جوا
نادين: استقبلتها برا المنصه ياويلي اكيد احمد معاه
فرح: بعصبيه حريقه فيه وفي خويه وراحت وخلتها
رها: مالومها موقفه معاها موسهل فشلها قدام الكل وراح يمسكها عليها ابو رامي ويهزأها فيه الله يعينها بس
نادين: ايه المسكينه بس اكيد احمد راح يزعل مني
رها: ياشيخه خليهم يولون انتي معطيتهم اكبر من حجمهم الله ياخذهم كلهم ويرحينا من اشكالهم
نادين: طلعت من الغرفه الخاصه فيهم وراحت مكان الحفل تدور على احمد لقته حاضن وحده اسيويه ويرقص معاها انقهرت وولعت غيره قربت منه ومسكت كتفه بنعومة
احمد: لف ناظر مين الي مسكت كتفه ابتسم بسخريه قال خير
نادين : ممكن دقايق من وقتك احمد
احمد: بنظرات استحقارماتشوفيني مشغول يطالع بالي معاه سارقه عقلي هالقمر
نادين: وهي تبلع عبرتها دقايق احمد ارجوك
احمد: ابتعد عن الي معاه سوري حبيتي دقايق وارجع لك خربت جوي هذي لف على نادين خير
نادين: مسكت يده وطلعت برا هي وياه ممكن تفهمني احمد
احمد: افهم ايش افهم انك انت وخوايتك اكبر نصابات واكبر داشرات واكبر وسخات وحقيرات
نادين: احمد بس
احمد: لابس ولاشي تتظاهرون انكم بنات اكابر وانتم كل ليلة بحضن رجال
نادين: افهم ظروفنا احمد
احمد: أي ظروف الي تخليك تشتغلي عاهره وفوق هذا عاهره نصابه
نادين: والدموع متحجره بعيونها بس انا احمد حبيتك
احمد: هههههههههههه مسكينه لاتكوني صدقتي اني حبيتك انا بس كنت اباخذ الي ابيه وادوسك عليك باي ياغبيه
نادين: طعنها جرحها زود عن جرحها ركضت لغرفه الخاصه فيهم وجلست تبكي
رها: حطت يدها على كتفها ايش فيك حبيتي ايش قالك
نادين: خلاص كرهت كل شي مليت طفشت ليه مو من حقنا نعيش زي البنات الي غيرنا حتى الحب محرومين منه ليه كذا بس ليه وبكت اكثر
فرح: وهي تتظاهر انها مانجرحت ولا كسرها تصرف فارس اقول بلادلع وشوفي رزقك هالأشكال اكبر نصابين ومحذرتك تتعلقي فيهم
ابو رامي: فتح الباب معصب هيه انتي وياها مسفركم على حسابي علشان تجلسون بغرفكم كافي فشلتنا رفيقتكم طالع بفرح باستحقارشكل صلاحيتك انتهت يافرح
فرح: تناظره بحقد ماحد جبرك تشغلني عندك الف يتمنوني
ابو رامي: قرب منها وشدها مع شعرها وخلاها توقف قدامه اشوف طلع لك لسانك يابنت .... دفها لجهة الباب اقولك طسي لشغلك بسررعه وبلا كلام فارغ
فرح: ناظرته بتحدي ماعاش من يهني او يجبرني على شي مابيه انا الليله مالي مزاج وماراح اطلع لزباينك
ابو رامي: الله الله والله طلع لك لسان يافروحه وصرتي تتحديني ان ماطلعتي الحين والله لاربيك واعطيك درس ماتنسينه وانتي تعرفي كيف راح احرق قلبك قدام عيونك
فرح : هدات عصبيتها وانكسرت قدام تهدديه يعرف كيف يمسكها مع يدها الي توجعها طلعت من الغرفه بدون أي كلمة
رها ونادين: رحمو فرح وخافو من ابو رامي وطلعو بسرعه لتلبية حاجات زباينه الحيوانيه
**********************
في بيت ام سحر
ام سحر: سحر يابنتي سند يبيك لولده حمد
سحر: يمه كم مرة اقولك ماهضمه هالولد مابيه يمه مابيه
ام سحر: بحزن براحتك يابنتي
سند: وليش سندريلا ماتبين ولدي مو مالي عينك
ام سحر: بخوف وتفاجات بدخوله لا وش دعوه الله يهديك سحر ماتلقى احسن من حمد بس تقول لسه صغيره وتبي تكمل دراستها
سحر: بضيق عن إذنكم وراحت للغرفه عند اخوانها الصغار
سند: وهو يجلس بعصبيه مادري هالبنت شايفه حالها على ايش كله من عمها وجدتها الي دلعوها اكثر من اللازم
ام سحر: ماقصرو معاها والله رحموها يتميه وانا تزوجت وخليتها لو مو عارفه حنانهم عليها كان ماخليتها
سند: بعصبيه والا ندمانه على زواجك مني احمدي ربك اخذتك
ام سحر ماقلت شي الله يهداك
حمد: ياولد
سند: ادخل وانا ابوك ماقدامك احد
حمد: يبوس راس خالته قريبا اريحكم مني وادخل بدون استأذان اذا صارت سحر حلالي
ام سحر: بمجامله ان شاءالله ياوليدي
سند: الا يابوك ماتشوف لك بنت غيرها سحر خربوها اهلها بالدلال
حمد: وأنا ماعجبني وشدني فيها الا دلعها ودلالها يبه وان اخذتها راح تصير مثل الزبده تموع بين ايديني ابدلعها وادلالها اكثر
سند: يابوك الدلال للحريم يخرب
حمد: الا دلال سحر جملها ماخربها دق جواله عن اذنكم وطلع للحوش هلا وغلا بشيخة البنات هلا بالي سرقت العقل سرق اشتقت لك ياعمري
وريف : اكيد حبيبي اشتقت لي
حمد: ان ماشتقت لك حياتي منو اشتاق له
سند :حمد حمد
حمد: حبيتي ابوي ينادي باااااي اموووووووواح
*************************
في المستشفى
مها: حطت ورود على مكتب ياسر وعطرت مكتبه وطلعت
طيف: ليه تأخرتي
مها: وهي مبسوطه اليوم راح يرجع يسوري لنا ياشين هالدوره اخذته اسبوع كأني لي عنه سنه كامله
طيف: اوص هذاه جاء
ياسر: مر من عندهم بخطى ثابته وقف وطلب من طيف اوراق وهو عاقد حواجبه ومارفع عيونه صوبهم ابد
طيف : تفضل
ياسر: اخذ الملف وراح
مها: ياويل قلبي جنني هالرجال سرق قلبي وعقلي
طيف: ااااف كيف تحبينه شايف حاله حيل
مها: ياختي ايش اسوي بقلبي حول مايحب غير هالثقيل اقولك ابروح ادور عذر اروح له
طيف: اركدي بس وربي ماراح يعطيك وجه
مها: ايش اسوي مشتاقه له موووت يالله ابقوله اني تبادلت انا وومرضته وابصير عنده
طيف: براحتك بس متأكدة ماراح يعبرك
مها: ان ما عبرني هالمرة ابتركه
طيف: ترفع يدينها يارب مايعبرك
مها: ضربتها مع راسها وجع ايش هالفال وراحت لمكتب ياسر
ياسر: كان يقلب بالملفات يتجهز لدخول اول مريض عليه
مها: دقت الباب بخجل السلام عليكم
ياسر: وهو منزل راسه ويقلب بالملف وعليكم السلام
مها: دكتور ترا تبادلت انا وممرضتك الخاصه فيك
ياسر: رفع راسه وهو عاقد حواجبه مستغرب
مها: خافت من نظراته
ياسر: لــيــه؟؟؟
مها: بارتباك وهي تفرك يدينها قالت لي وظيفتك مكتبي اريح مني تبادليني قلت اوكيه مافيه مشكله
ياسر: نزل راسه وانا بعد ماعندي مشكله اهم شي ا ن الي تكون معاي نظاميه وتجي بدري ووتحجب كويس وتتستر وماتتعطر
مها: عرفت انه يدق بالكلام عليها لان بالطوها كاشف الي تحته من ملابسها الضيقه وفتحت نقابها واسعه وريحة عطرها يشمها البعيد قبل القريب قالت اوك مافيه مشكله
ياسر: شوف لي المرضى ووزعي الارقام عليهم ودخليهم بالدور
مها: فرحانه طيب راحت بسرعه لطيف تاخذ الارقام عطيني بسرعه الارقام
طيف: ماشاءالله ماسرعه وافق اكيد خاق عندك
مها: أي خاق يرحم والديك كذبت عليه قلت ممرضتك تبغى مكاني ماكأني ناشبه ببلعومها حتى بادلتني وماعبرني بالعكس دق علي باكلام علشان لبسي وعطري
طيف: الحمد لله اجل راح تتركينه
مها: وهي تحط يدها على قلبها الا صرت امووووووووووت فيه وهـ بس ياحلاته
طيف: الحمد لله على نعمة العقل بس
*************************
في بيت ام صالح
شجون: مو مرتاحه ابد في بيتهم الشايب ابو صالح نظراته لها تخوفها
ام صالح: شجون وراك ماتردين علي من الصبح اناديك يالله حطي لنا الغداء
شجون: آسفه خاله بس كنت اجهز شنطتي
ام صالح: ليش رجعت اختك
شجون: لابس مشكورة ياخاله لازم اروح اشوف ابوي وبيتنا
ام صالح: براحتك
شجون: حطت غداهم وراحت للبيتهم تنهدت وهي تمشي بالطريق بحر الشمس الي تحرقها بس ماحست بحرارتها تعودت عليها اهـ بس الله يعيني لو شافني ابوي آآآآآآآآآآآآه بس يتيمه وأنا عندي ابو البنات يحسون بلأمان عند آبائهم وأنا احس بقمة الخوف بوجوده الله يسامحك يبه دخلت بهدوء للبيت وقلبها يوجعها دورت بعيونها ماشافت ابوها شكله طالع سكرت قرات وردها وسكرت الباب بشويش البيت مغبر لازم تنظفه لو تنظفه من اليوم لبكره ماراح ينظف من خيوط العنكبوت الي صنعها ابوها بيديه وضيع بناته حطت شنطتها ودخلت للمطبخ تدور مكنسه وهي تدور ماحست الابيد تشد شعرها فزت وحطت يدها على قلبها وصارت ترجف
ابوها: وين كنتي كل هالمده يالحقيره
شجون: وهي خايفه كنت ببيت ام صالح
ابوها: لانت ملامحمه وترك شعرها ايه توك تصيرين بنتي بس عاد مارحتي الا عند هالعجوزالفقيره الوحده تدور ببيت اغنياء تترزق عندهم
شجون: انقهرت من تفكيره انه راح بعيد يبه انا رحت اشتغل عندهم كنس وطبخ مو شي ثاني
ابوها:دفها عنه اعرفك غبيه وراح تظلين طول عمرك غبيه مو زي اختك الذكيه الي دخلي باليوم الف الفين حبيبة قلب ابوها
شجون: عمري ماصرت حبيتك ان كنت ابشتغل بالدعارة زيها هذا بدال ماتحافظ علينا يبه تبيعنا علشان فلوس تشتري فيها سمومك
ابوها: قرب لها زي الثور الهايج وشدها مع بلوزتها ووقفها وعيونها تطير منها الشرر ان عمرك جبتي سيرت اختك بلسانك الوسخ قطعته لك وان ماجت اختك بكره راح اشغلك غصب عنك زيها ودفها ثانيه جهة الصاله
شجون: والله لو على موتي ماشتغل زيها امي ولدتني بشرف وانا راح اموت شريفه زيها مافي قوة بالعالم تجبرني اسوي الحرام
ابوها: مافيه شيطان بالعالم الا ركبه وتعصيني بعد انا اوريك الحين ياحيوانه ياحقيره واشوف تقدرين تعصيني او لا وجرها مع شعرها متجه فيها للباب
شجون: تصرخ بأعلى صوتها يبه فكني مابي الله يخليك والله لاشتغل ليل نهار واترك الدراسه بس اشتغل حلال يبه الله يخليك فكني وصارت تبكي بقوووة
ابوها: وهو معصب مره يشدها للباب وماهمه ترجيها
شجون: ابوس رجولك يبه فكني انا بنتك حرام عليك تسوي فيني كذا ربي راح يسألك عن الي تسويه فيني
ابوها: قلبه حجر لايحن ولايرحم فتح باب البيت الا بـــ..
فرح: ايش الي صاير؟
ابوها: فك شجون هلا والله ببنت ابوها هلا والله بالي لها الخافق يهلي
فرح: تركته وماعبرته وراحت لشجون وجلست بالأرض تكلمها
شجون: فرحت بدخلت اختها بالوقت المناسب بس دموعها ماقدرت تمسكها بدون ماتحس ضمت فرح
فرح: استغربت ان شجون تضمها من زمان ماضمتها سنين وهم مبتعدات عن بعض
ابوها: دف شجون عن فرح ادخلي لغرفتك لابارك الله فيك ولاتسوين لنا فلم هندي وتخربن فرحتي برجعت بنتي
شجون: قامت بسرعه لغرفتها
فرح:حزنت لأن ابوها ابعدها عن حضن اختها
ابوها: مسكها مع يدها تعالي يابنتي والله البيت ماينفع بدونك و...
فرح: ماخلته يكمل كلامه فتحت شنطتها وعطته فلوس عن إذنك انا تعبانه حيل من السفر عارفه ان ابوها مايشتاق لها الا علشان الفلوس والا هي ماهمته
ابوها: وهو عيونه على الفلوس يعدها ايه ارتاحي ياقلب ابوك انتي روحي ياروحي انتي وطلع بسرعه يشتري السم الي يشربه
فرح :دخلت للغرفه تشوف عن أختها فرحانه انها ضمتها متعشم هان المياه ترجع لمجاريها مع شجون مشتاقه لأختها موووت
شجون: بحقد عساك انبسطتي بسفرتك
فرح: مات آخر أمل لها ان شجون تعاملها كأخت وبدون استحقار كتمت مابداخلها وحاولت تكابر قدام أختها الحمد لله كانت خوش رحله انبسطنا انا والبنات مرة باريس روووعه ليتك كنتي معاي
شجون: وعيونها منتفخه من البكاء بسم الله علي
فرح: المهم لاعمرك تعاندين ابوي
شجون: اجل تبيني اسكت له واطيعه بكل شي وابيع نفسي زي مابعتيها
فرح: بعصبيه مالك شغل فيني لاتتوقعين بكلامك هذا راح تحطميني لا انتي ولاعشره من امثالك يقدرون يحطموني وهي تتخيل كلام فارس لها وزادت عصبيتها على اختها اكثر
شجون: اعصابك بس لايطق فيك عرق يالواثقه
فرح: مازالت معصبه ايه واثقه غصب عنك انتي واشكالك
شجون: ابروح لبسطت ام صالح ابرك لي من مقابلة وجهك
فرح: يوم طلعت اختها تنهدت بضيق وجلست على السرير وحطت راسها بين ايدينها ضايقه من كل شي طفشانة من كل شي بس ماتقدر تفضفض تتمنى تركتي بحضن اختها تشكي لها همها والمها بس مو قادرة أختها تستحقرها وهي ابد ماتولمها
******************************
في استراحة الشباب
حمد: قريبا اعرس واخلي العزوبيه
ابراهيم: على مين تبي تعرس وريف او حنان او مادري وشسمها الثالثه والرابعه والى اخره
حمد: لا مهبول انت ولاوحده من هذولي
ابراهيم: خابرك تحب اكثر وحده وريف اكيد هي سعيدة الحظ
حمد: لاوريف ولاغيرها انجنيت انت هذولي بس اتسلى فيهم بس هذا زواج تعرف ايش معنى زواج يعني وحدة تأمنها على بيتك وعيالك
ابراهيم: طيب من هي؟؟؟
حمد: حط يده على قلبه حبية الطفولة سحورة
ابراهيم: ايه صح نسيتها بنت زوجة ابوك قصدك
حمد: ايه هي
ابراهيم:وهي تحبك وضامن انها راح توافق عليك
حمد: انا اخبرها يومها صغيره ماطقيني بس الحين تتغطى وماتجلس بمكان انا فيه بس ماعليك الحب يجي بعد الزواج
ابراهيم: ايه ماعلي بس يمكن ترفضك
حمد: وهو يلعب بالوت لا ماتقدر ترفض لأبوي طلب علشان عيون أمها واخوانها الصغار فهمت ياذكي
ابراهيم: بس حرام عليك تضغط عليها من جهة امها يمكن البنت ماتبيك
حمد: مايهم اهم شي انا ابيها ومابي غيرها تحمد ربها بعد اني ابتحمل دلع اهل ابوها لها لو غيري مارضي فيها
ابراهيم: ياأخي وانت وصي عليها لاتخطبها وخل غيرك يتحملها
حمد: أقول العب ولايكثر قال لاتخطبها قال
**********************************
في بيت اهل صلاح
نسرين: الله يالعنود من زمان عن بعض
العنود: ايه والله اني مقصره بحقك بس اعذريني ياروحي غصب عني تعرفين الزواج وارتباطته
نسرين: بضيق ايه اعرف سكتت شوي مبسوطه معاه العنود
العنود: بضيقه الحمد لله على كل شي
نسرين: بس مرة شفته شين مرة مايقارن بجمالك العنود ابد مو لايق لك
العنود: تتهرب المهم ماعلينا كيفك انتي وايش صار على موضوعك مع زوجك
نسرين: تطلقنا
العنود: افااا ليه
نسرين: عجزت اتحمل عاداته يالعنود والحمد لله ربي موسعها لنا وخلى الطلاق حل لمشاكلنا ليه اجبر نفسي مع انسان عادته ماتحملها او اجبر نفسي مع شخص ماحبيته بس أخاف من اسم مطلقه يلصق فيني هذا تخلف
العنود: سكتت ماردت
نسرين: قامت وجابت علبة شكولاته فاخره ذوقي
العنود: اخذت حبها واكلتها يم طعمها بجنن
نسرين: جلست جنبها ايه ليه مايكون طعمها جنان وهو اخوي صلاح هو الي جايبه خصيصا يوم عرف انك راح تجيني
العنود: نزلت نصف الشكولاته من يدها وبلعت ريقها وارتبكت
نسرين: تتابع العنود بنظراتها
العنود: بارتباك صح على طاري صلاح هو كيفه بعد رجعته ووين اشتغل
نسرين: اشتغل بمستشفى مدير علاقات عامه ولسه عزابي بعدك يالعنود اول مرة يالعنود اشوف رجال يحب زي صلاح ماحبك تخيلي أمي ناشبه بحقله تدور له عن عروسه رافض يقول ماراح اتزوج ابد
العنود:بحزن جد يانسرين
نسرين: ايه جد تخيلي مرة ارتب غرفته لقيته مازال محتفظ برسايلك يوم كنتو صغار سألته لسه محتفظ فيهم قال حب الطفوله انحفر بقلبي مستحيل انساها الله لايسامحه الي فرقكم عن بعض نذل وخاين خان صديقه الي أمنه على أسراره الى هالحين صلاح مايطقه ولايطق سيرته
العنود: بس الي سمعته ان مشاري ماله دخل بالي صار هذا ابوي وعمي
نسرين:خل عنك هالنذل قال لأخوي هالكلام بس أخوي هزأه وقاطعه الى يومك مايكلمون بعض
العنود: شافت الساعه يالله ياروحي تأخرت لازم اروح الحين
نسرين: قامت وباستها لاتقطعين زوريني ثانيه الحين رجعت من استراليا ومالك حجه تقطعين
العنود: انتي زوريني بعد مو بس أنا
نسرين: ببيت أهلك اوك بس ببيتك مستحيل صلاح يسمح لي
العنود: طيب حبيتي ببيت أهلي مو مشكلة مع السلامه ياروحي لبست عباتها وطلعت تبي تروح على رجولها لبيت أهلها بعدين يجيها مشاري بعد ماينتهي دوامه يوم فتحت باب السوق شافت الي ماتمنت تشوفه علشان ماتنتفح جراحها
صلاح: توه طالع من الشغل لبق سيارته وفتح باب بيتهم كان لابس تي شيرت اسود ضيق مبين عضلات جسمه وفاتح ازاراه الفوقيه ومطلع بياضه اكثر ولابس نظرات سود ومبين اللبس بياضه وشقار شعره شاف مراة طالعه من بيتهم عرفها من تحت غطاهاكيف مايعرف الا سرقت قلبه واشغلت تفكيره حب الطفوله العنود نزل راسه وابعد عن الباب
العنود: قلبها دق الف دقه يوم شافته طلعت بسرعه متجه لبيت اهلها وبقلبها سبحان الله ماتغير جماله وجاذبيته
صلاح: تكى على باب بيتهم ويراقبها وهي تمشي نفس خطواتها الثانبته ماتغيرت طولها وجسمها الي حفظه من كثر ماتابعها زمان دخل لليت ويشوف بوجهه نسرين
نسرين: هاه كحلت عيونك ههههههههههههههه تراني ماقصرت مدحتك عندها وقلت لها نفس ماوصيتني
صلاح: ابتسم وسكر الباب كفو يابنت ابوي
***********************************
في سيارة مشاري
مشاري: مشغل القرآن ينتظر العنود تطلع من بيت أهلها يوم ركبت معاه سكر ورد السلام عليها هلا والله بقمر قلبي مسك يدها اشتقت لك
العنود: سحبت يدها بهدوء الفجر شايفتك
مشاري: بابتسامه عذبه احسبي ياروحي من الفجر الى هالحين كم ساعه تقريبا ست ساعات مو هالست ساعات تعذب قلب العاشق الولهان
العنود: سكتت وماردت قالت بقلبها وعادي تعذب غيرك علشان تسعد نفسك اناني وراح تظل طول عمرك اناني
مشاري: جرحته بسكوتها دايم تجرحه ببرودها بس متصبر فتح شريط القرآن وكمل سماعه لأنه عارف مايشفي جروحه ولايهدي حزنه المكتوم غير القرآن
العنود: سرحانه بكلام نسرين وشوفتها لصلاح بعد اربع سنوات فراق قلبت جراحها كانت تحاول تكتم عشقها له بس بعد ماشافته وعرفت انها مازال يحبها ماراح تقدر تخبي حبها وعشقها له استغفرت ربها وحاولت تركز على الشريط
****************************
في بيت سند
سحر: يمه كيف اتزوج حمد وانا ابد ماحبه او بالأصح ماطيقه
ام سحر: ياروح امك الحب يجي بعد الزواج شوفيني انا كنت اموت بأبوك ويوم مات الله يرحمه توقعت ماراح اتزوج بعده وهذاني الحمد لله تزوجت ابوحمد وجبت اربع عيال منه وعايشه حياتي
سحر: يمه كيف عشتي معاه بدون حب
ام سحر: حطت يدها على كتف بنتها يابنتي لاتغرك المسلسلات مافيه حب الابعد الزواج
سحر: يمه ماختلفنا والا آني مهبوله ماقتنع بزوج الا لازم حابته قبل زواجي بس يمه حمد ابد ماهضمه قلبي مو مرتاح له من يومي صغيره ماطيقه
ام سحر: يابنتي انا زوجة ابوه وماعمري شفت منه شي يكدر خاطري غيره يكره زوجة الاب هو بالعكس يحبني ومقدرني وابشرك بعد ابوه يحذره من دلع اهل أبوك له وهو مبسوط يقول راح ادلعها اكثر
سحر: يمه طلبتك لاتضغطين علي اكثر مابيه يعني مابيه
ام سحر: بحزن براحتك يمه بس لاتنسين اخوانك الاربع امانه برقبتك اذا انحرمو من حنان الأب بسببك
سحر: بعصبيه والله ان كان ابوهم قاسي ومهددك يتركك علشان ولده حمد ولا اهتم بالاربعه الباقين فهو خسران ليه حمد ولده والاربع هذولا مو عياله
ام سحر: بضيق شكلي مكتوب لي طول عمري اما ارمله او مطلقه وراحت وخلت بنتها بحيرتها
سحر: ياررربيه ايش اسوي الحين الله يفكني منك ياحمد من وين طلعت لي آآآخ يالقهرررر
***************************
في ملحق ابو مشاري
سلطان: متى ابوك يحن على قلب عاشق وولهان ويزوجني بأختك
فارس: انت خطبتها وضمنتها انها من نصيبك وعمك المحترم رافض يزوج بنته قبل ماتنهي دراستها الجامعيه
سلطان: ايه انا عارف اجل ليش كلمتك انت وخشتك ابيك تتوسط لي عنده موقادر اصبر اكثر من كذا فارس
فارس: وقالو لك ان ابوي ياخذ برأيي كلم نسيبك مشاري هو الي كلمته عند ابوي منفذه مو انا تعرف هو حبيب البابا موزيي ياحسرة
سلطان: نسيت انك دلوع الماما ههههههههههههه
فارس: ضربه بالمخده الي جنبه اقول اسكت بس
سلطان: قام وهو يضحك والله ماضيع وقتي معاك اروح للي ينفعني ابرك لي جلس جنب مشاري
مشاري: كان يشرب شاهي ويقرا الجريدة
سلطان: هلا بالنسيب
مشاري: حط جريدته وابتسم هلا وغلا
سلطان: احم احم
مشاري: بابتسامه اكبر بدون مقدمات وتنحنح ايش بغيت
سلطان: ابيكم تحنون ياخي تعبت وربي وأنا انتظر مليت من العزوبيه ودي استقر
مشاري: الله كل هذا طيب استقر من منعك
سلطان: تعرف عمي الي هو ابوك الله يحفظه مانع يتم زواج الا اذا خلصت دراستها
مشاري: وانت ماتبي تنتظرها ليه مشاعل ماتستاهل انتظارك وصبرعلشانها
سلطان: افا يابو بندر لو مابيها واموت فيها ماطلبت اتزوجها وأنا ماراح اعارض تكمليها دراستها تتزوجني وتكمل تعليمها معاي ان شاء الله تبغى تعليم عالي ماعندي مشكله مسك يد مشاري طلبتك يابوبندر ان كان لأختي العنود غلا عندك انك تتوسط لي عند عمي يقدم زواجي
مشاري: تنهد بضيق لأنه تذكر العنود رد بهدوء ياخوي ياسلطان خاطرك عندي موهين وسعادتك تسوى ملايين ابشر بالي يسرك ابحاول بابوي والله يقدم مافيه خير وصالح
سلطان: قام يبي يحب راسه
مشاري: افااا لاتكبرني
سلطان: من ماعمي ياخوي لاتلومني ايه هذا ولد العم مو فـويرس
فارس: وهو يلعب سوني مع ربعه فـويرس بعينك
سلطان: ضحكه بفرحه وطلع لسيارته رفع عيونه لشباك مشاعل قريبا ياميشو تكوني تحت عيني مايفرق بيني وبينك غير المووت ان شاءالله بس الله يحنن قلب عمي علي عاجلا غير آجل
مشاعل: بغرفة اختها شعاع الي قريبه لغرفتها كانت تطل على سلطان وهو يطالع غرفتها بفرح طلع وهـ بس فديته
شعاع: وهي تحاول تتعدل بسريرها الله يعينك كل مايجي يسهر هنا تراقبينه وتنتظرينه حتى يطلع
مشاعل: وهي تطل بهدوء علشان مايشوفها ولاراح أمل فيه احد يشوفه ويمل منه سكرت الستارة يوم راح سلطان وجلست على طرف سرير شعاع وحطت يدينها على رجول اختها احبه ياشعاع اموت فيه
شعاع: بحزن الله لايفرق بينكم
مشاعل: توها تنبه لنفسها بحزن آمين
شعاع: لاحظت اختها ايش حطت يدها على يد أختها ايش فيك ياقلبي
مشاعل: لاحياتي مافيني شي
شعاع: حبيتي اتمنى من ربي انه يطول بعمري وأشوفك مزفوفه لسلطان لإنسان يحبك بصدق وأثبت حبه لك بطلبه الزواج منك
مشاعل: رفعت عيونها لأختها وشافت دموع شعاع تحجرت بعيونها رمت نفسها على حضن اختها وبكت
شعاع: حاولت تتماسك ولاتنزل منها ولادمعه بلعت عبره وراء عبره كأنها تبلع حجر بعد حجر
****************
في بيت ابو مشاري
مشاري: هاه ايش رايك يبه
ابو مشاري: ياوليدي احس ان مشاعل لسه صغيره على الزواج وحبيت تدرس لو سنيتين من الجامعه بعدين تتزوج
مشاري: يبه ماشاءالله مشاعل موصغيره اغلب البنات يتزوجون بعد الثانويه الولد شاريه يبه مايصلح نماطل فيه كل هالمده
ابومشاري: اجل ابشاورها اول
مشاري: حلو ابرسل الشغاله تناديها
مشاعل: نزلت عند اهلها
ابو مشاري: تعالي جنبي يابوك
مشاعل: جلست جنبه ماتعرف ايش السالفه
ابو مشاري: تعرفين يابوك ان سلطان خاطبك من زمان وهو الحين ناشب بحلقونا يبينا نعجل بالزواج ونخليه بالإجازة هذي بعد ماتخلصي من الثانوية وانا يابنتي اخاف تبين تكملين دراستك انتي ايش رايك
مشاعل: نزلت راسها وسكتت
مشاري: يالله ميشو ردي لنا الولد شاب حريقه واخاف يحرقنا معاه
مشاعل: قامت الراي رايك وراحت بسرعه لغرفتها
ابوها واخوها ضحكو على خجلها
مشاري: شفت يبه بغيت تعذب قيس وليلى الله يهديك هههههههههههه
ابو مشاري: الله يسعدهم يارب وانت رد على ولد عمك المطفوق وخله يفكنا مرة يرسل ابوه ومرة اخوك والمرة انت الله يستر من ناوي يرسل بعدك خلنا نرتاح من حنته ههههههههههههههه
مشاري: على طول دق على سلطان بسرعه سلطان البشاره
سلطان: كان توه صاحي من نومه يالله يفتح عيونه بس يوم سمع كلام مشاري نط من فراشه احلف مشاري
مشاري: افا عليك بدون حلف
سلطان: تكفى لاتلعب باعصابي
مشاري: الله يهديك سلطان هو انا عمري كذبت
سلطان: قام ووقف فوق السرير وصار يناقز الله يبشرك بالجنه والله لاجيب لك احلى هديه
مشاري: هديتي تسعد مشاعل
سلطان: ابحطها بعيوني وابخليها اسعد بنت مع السلامه اببشر امي
مشاري: وانا اببشر العنود
سلطان: رمى جواله وصار يرقص ونط من سريره وجري يبشر أمه وابوه
مشاري: طلع غرفته وفتح الباب بهدوء ابتسم يوم شاف العنود
العنود: صدت بدون ابتسامه تكمل قرايت الجريده
مشاري: قرب منها وباسها مع خدها صباح الخير حياتي
العنود: صباح النور وقلبت على الصفحه الثانيه
مشاري: كتم غيظه من تطنيشها له وتغير تصرفاتها كل يوم تصير اسوأ من اليوم الي قبله بس صابر مهما كان هذي بنت عمه ويمكن عدم الانجاب منكد حياتها جلس جنبها وحط يده على كتفها عندي لك بشاره حياتي
العنود: لفت له خير ان شاءالله بشر
مشاري: جهزي حالك بعد 3 شهور زواج ميشو وسلطان
العنود: جد متى هالكلام وكيف رضي عمي يقدم زواجهم مع انه كان رافض بتاتا
مشاري: كلمته واقتنع
العنود: مشكور ماقصرت اكيد سلطان الحين طاير من الفرح ابقوم ادق عليه او أقول لك ودني لهم اشاركهم بفرحتهم احسن
مشاري: من عيوني
العنود: راحت تلبس عباتها
مشاري: تنهد بضيق يوم راحت كم تمنى انها تبوسه وتقوله تسلم لي عيونك كم تمنى انه تحسسه يوم انها زوجته تحبه وتغار عليه بس الشكوى لله شكلي محكوم علي اني اعيش مع زوجه ماتحبني ولاراح بيوم تحبني الا ان ربي كتب لنا عيال يمكن يشدونها لي الله يعين
*******************************
في بيت نوال
غلا: وانتي ماصدقتي يقدم الزواج الا توافقين وربي انك مطفوقه
مشاعل: اجل تبغيني ارفض
غلا: ايه تغلي اثقلي شوي مو بسرعه موافقه
مشاعل: لا ماقلت موافقه قلت الي تبغونه سووه وطلعت غرفتي
سحر: هههههههههههههه فديت خجلك بس
مشاعل: بنات وربي احبه
غلا: وجع استحي
مشاعل: والله استحي بس احبه
غلا: مقطعك الحياء مرة
سحر: حرام عليك غلا هي تحبه بس ماتبين الا قدامنا خليها فرحانه الله يتمم عليهم بالخير
غلا: وانتي متى تتزوجين وتفكينا لاتنتظرين فويرس شكله مقرر يعنس
سحر: بحزن اصلا شكلي قريب راح اتزوج
مشاعل: جد
غلا: ايه جد ولد زوج امها حمتو تقدم لها رسمي وخطبها من ابوي والخبله راح توافق عليه وهي ماتطيقه
مشاعل: ليه سويتي كذا سحر
سحر: بحزن غصب عني علشان أمي مابغى زوجها ينكد عليها بسببي
مشاعل: طيب عندي فكره ماتزعلين زوج امك وتتخلصين من حمد هذا
سحر: بفرح ايش هالفكره
مشاعل: يتقدم لك اخوي فارس ويرد عمك انها مخطوبه له
سحر: بضيق كرهي لفارس اشد من كرهي لحمد
غلا: من جد
سحر: ايه من جدي
غلا: اجل منوه الشخص الي تكتبين خواطر وقصايد فيه
سحر: اول مرة توضح الي بقلبها شخص خليه بقلبي لانه ماراح اتزوجه ابد خلاص كل شي انتهى انا الحمد ولازم انسى أي شخص غيره وبكره راح اوافق عليه
غلا: يامجنونة لاتتهوري
سحر: اكون مجنونه لو خليت أمي تعيسه بحياتها يمكن ربي يوفقني ويسعدني مع حمد بسبب بري لها راحت لغرفتها وخلتهم
مشاعل: مسكينه اصعب شي تتزوجين انسان مو متقبلته ابد
غلا: ايه وربي مسكينه سحر ربي بلاها بحمدوه
مشاعل: الله يسعدها زي ماحاولت تسعد أمها
غلا: اللهم آمين كله من اخوك الثور الي ماتقدم لها أنا متأكده انها تموت فيه بس مكابره
مشاعل: فارس ماتوقع راح يتزوج بيوم يكره كل البنات حتى خواته ماعمري حسيت بحبه وحنانه لنا مع ان مشاري مو شقيينا بس احن مليون مرة علينا
غلا: صدق خالي بس وربي غثيث ومغرور بشكل فظيع الله يعين البنت الي راح تتزوجه
مشاعل : ايه والله الله يعينها
*******************************
تمت خطبة سلطان لمشاعل
اول كانت خطبة بس كلام بس الحين صارت خطبة رسميه
ورفضت انه يشوفها صح تضايق سلطان لانه يموت فيها ويتمنى يشوف الي قريب تكون حلاله بس رضخ لطلبها قال بكره تصير ببيتي واشبع من شوفتها
وبعد تمت خطبة سحر لحمد وشافها وانجن فيها بس مامنعه هذا يواصل لعبه مع بنات غيرها بدون علم ابوه
************************
في استراحة الشباب
سلطان: خسارة سحر انخطبت لحمد
فارس: يناظره بعصبيه ليه مستخسر انك ماخطبتها تراه يمديك الحين واختي الف من يتمناها
سلطان: عصب من كلمته منو قال اني ابي سحر الحين انت تعرف ان مشاعل حب الطفولة وعمري مانظرت لسحر غير اخت بس كنت اتمناك انت تخطبها
فارس: وع ماخطبت الا هالدلوعه
سلطان: اسكت فضحتنا قسم لو يسمعك عبدالرحمن تنقلب هوشه تعرف انها اخوها من الرضاعه ومايرضى عليها
فارس: فكنا منه هو اصلا أي شي مني ماراح يتقبله ويتصيد علي الزلة
سلطان: حط يده على فخذ فارس وانت مامليت من هالحال تعرف سبب زعل عبدالرحمن منك تنازل عن كبريائك يافارس وتصالح انت وشعاع مهما كان هذي اختك وكانت اغلى خواتك وو
فارس: رفع يده يعني لاتكمل رمى الورق الي بيده وتطفى زقارته وقام
سلطان: وين؟
فارس: بضيقه ابرجع للبيت انام
سلطان: يناظره وهو رايح الله يهديك بس
فارس: كان متضايق من كلام سلطان ركب سيارته وشغل اغاني سرحان مو مع الشريط دخن 3 زقاير بدون مايحس طفى آخر زيقارة ونزل ودخل للبيت رفع عيونه لجهة غرفة شعاع شاف ستارة تتسكر نزل راسه ودخل
شعاع: نزلت ستارتها بعد ماتطمنن انه رجع حركت كرسيها وسحبت نفسها على سريرها وفتحت انيس وحدتها وشارح صدرها قرات كلام ربها حتى نامت
***************************
في غرفة العنود
العنود: لازم اروح للشاليه الحين كل صحباتي فيه
مشاري: ياروحي الحين عندي اجتماع مهم مدة ساعتين تنتظريني اطلع من الاجتماع اجيك
العنود: لا وين ساعتين يكونون تفرقو لازم الحين
مشاري: خلاص حبيتي ادق على فارس يوديك هو ومشاعل
العنود: انا زوجتك او زوجة فارس
مشاري: ياروحي زوجتي بس والله ماقدر يالله حياتي الحين يبدا اجتماعنا انتبهي لنفسك وسكر السماعه
العنود: عصبت طيب مامشاري زود اني ماحبك ومصبره نفسي معاك تعاملني كذا دقت على نسرين تعتذر منها
نسرين: لاياروحي تجهزي انا راح ادبر احد يجيبك
العنود: لا ياقلبي ماله داعي اجي
نسرين: تجهزي دقايق واجيك باي
العنود: ارتبكت ياربي منو راح يجيبها لايكون صلاح ياويل حالي دقت على نسرين بس نسرين ماردت عشر دقايق قالت لها تجهزي احنا تحت طلعت من البيت وهي مرتبكه شافت سيارة بي ام دبليو السواداء واقفه عند بابهم تناظر جهة السواق شافت الشخص العرض الابيض الي كان قلبها يدق لشوفته بس الغريبه مازال يدق يعني زوجها من مشاري ماطفى حبها له ركبت بهدوء وسلمت بادب
صلاح: رد وعليكم السلام ومشى بالسياره وهو طاير من الفرح مايصدق بعد كل هالسنين العنود تركب معاه
فارس: توه راجع من عمله شاف سيارة صلاح والعنود تركب معاه مات من القهر بس احترام لاخوه سكت قال اكيد اخوي عارف وراضي
العنود: جلست تشكي حالها على نسرين
نسرين: والله مادري ايش مصبرك عليه ياروحي
العنود: صعبه اتركه الطلاق صعبه بحقي وحق اهلي وعمي يانسرين
نسرين: العنود ياروحي مامعاك عيال يربطونه فيك وانت ماتحبيه تطلقي منه يشوف حاله مع وحده تحبه وانتي الف من يتمناك وغمزت لها بعينها
العنود: ابتسمت بس اهلي وعمي
نسرين: قولي ابغى عيال ماحد راح يوقف بوجهك والكل عارف ان العيب منه مومنك
العنود: رجعت لبيت اهلها وراحت لغرفة امها قالت بتردد يمه
ام سلطان: سمي يابنتي
العنود: انا تعبت يمه تعبت
ام سلطان: ايش فيك بسم الله عليك من التعب ياضناي
العنود : حطت راسها على صدر امها وتبكي يمه حنيت ابغى اطفال كل الي تزوجوبعدي ومعاي جابو اطفال الا انا
ام سلطان: اصبري وربك يجيب خير
العنود: رفعت راسها لامه يمه مشاري عقيم واحتمال ونسبت ان راح يجيه عيال عشرين بالميه يعني ضعيفه مرة يمه انا مراة وكل سنه من عمري تمر مو من صالحي لاتنسين اني الحين عمري 30
ام سلطان: يعني تبين تنفصلين عنه
العنود: تمسح دموعها يمه تعبت انتظره
ام سلطان: يابنتي لاتستعجلي بقراراك
العنود: ماقلت لك الا يوم فكرت وفكرت الف مرة يمه
ام سلطان: خلاص يابنتي شورك وهداية الرحمن
العنود: بس اخاف من ابوي يجبرني ارجع له زي ماجبرني اتزوجه
ام سلطان: مستحيل اجبرك مرة ماراح يجبرك ثانيه انا راح اوقف بوجه لو يصير الي يصير
العنود: بفرح تخفيه واخوي سلطان اخاف بعد يجبرني تعرفي الحين خاطب مشاعل اكيد ماراح يرضى
ام سلطان: ماعاش من يحبرك على شي فيه تعاستك انتي بنتي مثل ماسلطان ولدي ماله حق يسعد نفسه على تعاستك
العنود: قامت وباست امها مع راسها الله لايحرمني منك يايمه
ام سلطان: ولامنك والله يوريني ولد ك احضنه بين ايديني
العنود: آآمين يمه آآآآآمين
*************************
في سيارة مشاري
مشاري: استغرب يدق على جوال العنود ماترد راح لبيت عمه بس وجه عمه موطبيعي كانه يخبي شي سأله مشاري عسى ماشر ياعم العنود ماترد على جوالها وانت وجهك اسود
ابو سلطان: بقلبه ليه مايكون وجهي اسود وانا عمك كيف ابقولك كيف ابدا معك الموضوع
مشاري: قام عم طمني العنود فيها شي عمتي ام سلطان فيها شي
ابو سلطان :ياوليدي ممكن تروح تجيب ابوك وتجيني نتشاور انا وياكم بموضوع
مشاري: بأدب ممكن ياعم على اذنك حس انه فيه شي مهم بس توكل على ربه وراح يجيب ابوه
ابو سلطان: دخل للصاله والله فشلتوني معه الله يفشلكم عجزت اتكلم انعقد لساني ماقدرت اقول شي
ام سلطان: مافيها فشيله ولاشي بنتي ومن حقها تدور ضنا
ابو سلطان: وين ولدك والله موقادر اواجه اخوي ووعياله حتى رجولي موطايعتني ارجع للمجلس
ام سلطان: ولدك عصب علينا يوم عرف بس قلت له مصلحة بنتي فوق الجميع ولا آني امك ولاعرفك لو عارضت وهذاني اقولها يابوسلطان ترا اخر يوم لي لو احد اجبر بنتي يكفي اجبرتها تتزوجه وسكت لان مشاري مايعيبه شي بس الحين العقم عن الف عيب
سلطان: نزل بإجبار امه له يستقبل عمه وعياله
مشاري: ماسك نفسه بس قلبه قارصه حاس فيه شي
ابو مشاري: بكل رزانه خير ياخوي ليش طلبتنا
ابو سلطان: والله مادري ايش اقولك ياخوي بس العنود ملت تنتظر الحمل وانت عارف ان مشاري علاجه طول مع اني ضد طلبها بس هذي البنت ورغبتها ومايجوز اجبرها ثانيه
ابو مشاري: ماتوقع هالشي من العنود وماقدر يرد وسكت
مشاري: مادام هذي رغبتها ياعم هي حرة ومن حقها تطلب تنفصل علشان العيال
ابو سلطان: والله انك كفو وانا عمك والله ان بنتي الخسرانة مو انت
مشاري: وقف الله يوفقها الله يجنبها الخساره ياعم ويوفقها ويسعدها وين ماكانت وورقتها بكرة تاصلها ان شاءالله قرب لعمه باسه مع راسه وطلع
ابو مشاري: بحزن يالله ياخوي على اذنك
ابو سلطان: وقف وشد يد اخوه اتمنى ياخوي ماقلبك علي شي ولاعلى بنتي
ابو مشاري: بحزن ماخبي عنك ياخوي انا ابو واحس بالحرارة الي يحسها مشاري ويخفيها عنا بس العنود بنت اخوي وبحسبة بنتي وماطلبت الاحقها ياخوي عن اذنك
ابو سلطان: طلع للصاله وناظر ببنته وقال والله انك بفراقك لمشاري خسرتي خسارة عظيمة مستحيل تعويضينها وطلع لغرفته وتركهم
أمها : ضمتها لايهمونك يابنتي ماطلبتي الا حقك
**************************
في غرفة مشاري
مشاري: طلع لغرفته ماحب يكلم أحد جلس على طرف سريره وأخذته الذكريات قبل اربع سنوات
في مجلس ابو سلطان
ابو صلاح: حنا جاين نبي القرب منكم يابو سلطان
ابو سلطان: والله لنا الشرف بس بنتنا مسميه لمشاري من يومهم صغار وهو ولد عمها وأحق الناس فيها وقريب زواجهم ان شاءالله
مشاري: تفاجأ من كلام عمه رفع عيونه لصلاح الي تناظره بحقد بغى يتكلم ويقول الحقيقه انه ماخطبها ولاشي بس ابوه قرب منه وبهمس ياويلك تنزل راس عمك قدام الناس
مشاري صار بحيرة من امره يخسر صديقه او عمه حس انه بدوامه
ابو صلاح: اجل على خير ماكتب ربي القرب منكم والله يسعدهم عن اذنكم
ابو سلطان: العشاء يابوصلاح
ابو صلاح: بزواج مشاري وبنتك ان شاءالله وطلعو
مشاري: لحق صلاح برا صلاح ممكن اقولك شي
صلاح/ بعصبيه مابيني وبينك أي كلام
مشاري: صدقني مالي علم بشي
صلاح: خذها حلال عليك ماكبرت بعينك الا يوم بغيتها رحت وسبقتني عليها وخطبتها من عمك
مشاري: والله ماخطبتها بس
صلاح: لابس ولاشي لا اعرفك ولاتعرفني وراح وركب سيارته ومشى
مشاري: رجع للبيت مهموم دخل لابوه يبه ممكن اخذ من وقتك
ابو مشاري: كل الوقت لك وانا ابوك قول وش عندك
مشاري: يبه صلاح يبي العنود من زمان وعمي احرجني قدام الناس
ابو مشاري: عمك مايبها لصلاح مارتاح للولد وشاريك انت وعطاك بنته ترد عطيته مو زينه بحق عمك ولابنته وانا ابوك
مشاري: بس صلاح يبيها
ابو مشاري: ابوها اعرف بمصلحتها واخوي شراء رجال يسعد بنته
مشاري: اسمح لي يبه افهم عمي ماقدر اتزوجها وهي بخاطر صديقي ماقدر يبه صلاح فهمته وزعل مني خسرته يبه تفهم كيف خسرته
ابو مشاري: لو كسرت كلمة اخوي قدام الرجال ماعرفك ولاتعرفني يامشاري
مشاري : حزن وسكت
ابو مشاري : رحم ولده قرب منه وحط يده على كتفه يابوك الزواج قسمة ونصيب لو صديقك فعلا يحبك مافرط فيك علشان خطبه بس صدقني مافرط فيك الأنه مايحبك ومو معقول تخسر عمك الي من لحمك ودمك علشان صداقه عابره مستعد يفرط فيك بذنب مالك دخل فيه هذاه ماسمع لك وعلى طول تخلى عنك
مشاري: طلع من ابوه ضايق ودخل غرفته ودق على ياسر وقص له كل القصة
ياسر: بحكمة صادق ابوك لاتخسر عمك علشان صلاح ان كان صلاح يحبك جد راح يرجع لك وان كنت ماهميته راح يبعد عنك لاتتبع المقفي ياخوك لو كان أغلى الناس عندك
مشاري: يعني رايك اكمل الي بداه عمي
ياسر: أكيد عطاك بنته من حبه لك وتعرف اغلى شي يمكله الانسان ضناه وهو اهداء لك قلبه الي ينبض جواته من حبه وتقديره لك استخير وتوكل على ربك
مشاري: تنبه من سرحانه تنهد بضيق ورفع عيونه للسماء ربي اشرح لي صدري ويسري لي امري ربي ارضيني بقضائك وقدرك ربي اجبرني بمصيبتي وعوضني خيرا منه
قام لدولاب العنود يجمع اغراضها بشنطة يبي يتخلص من أي شي يذكره فيها خلاص ماتبيه ماراح يجبرها وهو يجمع اغراضها طاح صندوق كانت دايم حريصه عليه بس مع الطيحة انفتخ قرب منه علشان يجمعه لقى عقد شكل قلب مكتوب عليه بالوجه الأول العنود والثاني صلاح فتح الرسايل لقاها حقت صلاح مرسلها للعنود قبل زواجهم وفيه رسالة جديدة مكتوب فيها احبك وراح اظل احبك تغير وجهه حط الصندوق على السرير ولبس ثوبه وطلع لبيت عمه
ام سلطان: غريبه مشاري عند الباب يطلب يشوف العنود
ابو سلطان: قام استقبله حياك ياوليدي وربي اني مستحي منك وندمت يوم اجبرتك عليها
مشاري: وهو حيل ضايق الي راح راح ياعم وهذا الشي ربي كاتبه علينا ممكن تناديها لي لاهنت ياعم
ابو سلطان: بحزن ابشر وانا عمك والله قال لها راح تندمين بس ماسمعت كلامي طلع ونادى العنود
العنود: ايش يبي هذا الحين
سلطانه: مادري ابوي يقول خليها بسرعه تنزل
العنود: نزلت بكل ثقه متأكده انه راح يترجاها تنزل له بس هي خلاص قررت قرار ماراح تتراجع فيه دخلت عليه بكل غرور زي عادتها
مشاري: طالع فيها بنظرة غريبه
العنود: استغربت اول مرة تشوف مشاري كذا نظراته مجرده من نظرة حنان وشوق خافت بس سوت نفسها قويه خير بغيتني بشي مشاري
مشاري: قام وقرب منها ومد لها صندوقها
العنود: ناظرت بالصندوق ورفعت عيونها لمشاري بخوف عجزت تتكلم
مشاري: مو من عادتي افتش اغراض احد بس طاح وانكسر وشفت العقد وفتحت الرسالة الي فيه وقريت وعرفت كل شي
العنود: لارد عرفت انها انتهت مجرد مايعلم اخوها وابوها راحت تنتهي للابد
مشاري: ماهقيت بنت عمي الي كانت زوجتي اربع سنين تخونني عاملتها مثل معلملة الرسول لزوجاته لاتظني ابد عاملتك بطيب لحبي لك بالعكس ماشدتني بشي لاتصرفاتك ولاحتى شكلك بس اقول قدوتي رسولي امساك بمعروف او تسريح بإحسان بيدي الحين انتقم من خيانتك لي افضحك قدام أهلك
العنود: بخوف مشاري انا
مشاري: حتى اسمي مابيك تنطقينه بلسانك مو انا الي افضح بأحد مو حب فيك بس حب للي عند ربي واتمنى انك تتوبي لربك وانا ابعتبرك نقطة سوداء مرت بحياتي وراح امسحها للابد طلع وخلاها
العنود: انهارت على الكنبة تبكي
ام سلطان: قومي سلطانة شوفي اختك ايش فيها طلع مشاري وهي لسه بالمجلس
سلطانة: راحت وشافت اختها تبكي يمه العنود تبكي بقووووووة
ام سلطان : راحت لبنتها مفزوعه وضمتها حسبي الله عليه شكله محطمها ياروحي هي خلاص يطلقها ويريحنا مايكفي انه عقيم جاي يلومها الحين عارف ان بنتي قلبها رهيف مايتحمل وجالس يأنبها
العنود: ضمت امها وبكت بقوووة كل ماتتذكر نظراته كلماته تبكي أكثر مشاري الي طول عمره حنون اول مرة يعصب كذا ماتخيلت انم شاري ينقلب عليعا بيوم توقعته ضعيف توها تبان قوته وشخصيته (( اتقى شر الحليم اذا غضب ))