بيت العنكبوت

بيت العنكبوت 43/44/45

بيت العنكبوت

الفصل 43

في الشرقيه
صلاح: طلع يبي يروح للمسجد الي بالممنتجع شاف ابو سلطان يطلع من الشاليه الي جنبهم استغرب معقوله ساكنين جنبنا العنود هنا وأنا مو داري اسرع خطواته وراح لابو سلطان سلم عليه مرحبا ابو سلطان محلاها من صدفه اتاريكم جنبنا وربي مادريت يكلمه وهو مستحي منه
ابو سلطان: ببرود ايه بس راح تاخذون راحتكم وترتاحون منا لأننا بكرة راجعين
صلاح: افا بالعكس وجودكم هو فرحتنا وربي
ابو سلطان: مارد واصلا مالتفت له وراح للمسجد
صلاح: دخل للمسجد وهو يفكر بالعنود رجع وهو عيونه على الشاليه حقهم دخل على أهله وجلس عندهم وهو سرحان
أمه: ايش بك ياولدي سرحان
صلاح: ابو سلطان وعياله جنبنا بالشاليه
نسرين: جد صلاح !!!
صلاح: هز براسه بإيه
نسرين : ابروح لهم
اهلها استغربو منها
امها: جنونة يابت نسيتي ايش صار بينا او ايش !!!!
نسرين: ياماما مو مرتاحه ابد احس بتأنيب الضمير مرة كل ماتذكر العنود يوجعني قلبي
أمها: خلاص يانتي الي انكسر عمه مايتصلح
نسرين: طيب انا ابروح خلوها تينهي تطرجني بس يراح ضميري
فؤاد: اجل تحملي الي يجيكـ
صلاح: تمنى نسرين تصلح شي من الي انسكر وترجع العنود له مو كله حب بالعنود بس ضميره يعذبه حيل
نسرين: دقت باب الشاليه حقهم
سلطانه: افتحت ماعرفتها اهلين أي خدمه
نسرين: بخوف انا نسرين ممكن اكلم العنود
سلطانه: ميلت شفايفها وخلت الباب وراحت لأهلها الي جالسين بالصاله
نسرين: واقفه تنتظرهم يسمحون لها بالدخول بس سمعت كلام العجوز
أم سلطان: خليها تولي ايش نبي فيها صدق شين وقوة عين خليها تطس مانبيها لاهي ولا عجوزها المتشببه
نسرين: سمعت هالكلاك جت تبي تردع بس سمعت صوت العنود
العنود: تفضلي يانسرين ادخلي حياكـ
نسرين: استحت يوم شافت العنود تدخلها وأهلها مو متقبلين لها مدت يدها آسفه بس حبيت اسلم عليك العنود واروح مابي ارفض نفسي على ناس مايبغوني
العنود: افاااا الضيف مرغوب بأي وقت وبأي مكان تفضلي
نسرين: دخلت معاها وراحو بالزرع الي نب المسبح الي خاص بالشاليه
العنود: جلست معاها وساكته بس عارفه لازم تكرمها لأنها ضيفه لفت عن اذنك ابروح اجيب شي تشربينه
نسرين: مسكت يدها موجايه اشرب شي بس حبيت أكلكـ يالعنود
العنود: رفعت يدها الي راح راح يانسرين مابي تفتحي دفاتر تسكرت خلاص
نسرين: خنقتها العبرة أنا مو مرتاحه ولا حتى أخوي حتى أمي يأنبها ضميرها بس يمكني انا اجراهم جيتك لحد بابكـ العنود احنا ظلمناكـ كثير عارفه قليلة خاتمه وتخليت عن اقرب صديقه لي بس يمكن طلاقي من زوجي أثر على نفسيتي وجعلت قلبي اسود نزلت دموعها ومسحتها وهي تكمل كلامها
العنود: حاطه يدينها على رجولها وتناظر البحر وساكته تسمتع لنسرين
نسرين: وربي مارتاح حتى بنومي تأنيب الضمير عذبني وكل ماشوف صلاح اتعذب أكثر صلاح فاقدكـ يالعنود وربي فاقدكـ ندمان عدد شعر راسه
العنود: لفت بعصبيه وهي راصه أسنانها اسمه مابي اسمعه تجيني ضيفه حياكـ تجيني تقلبين صفحات قديمه مابي اسمع نفس الكلمات الي غشيتني فيها وخليتني اترك اطيب واحن انسان قابلته نفس الكلمات الي هدمت بيتي وخلتني من أسعد انسانه الى اتعس انسانه ايش تبغين مني يانسرين حرام عليكـ الي جاني كفاني
نسرين: بكت أكثر وربي مابي اهدم سعادتكـ ربي أخذ حقك منا حتى مابي ارجعك لأخوي لأني عارفه انك مو طايقته بس ابيك تسامحيني بس ونرجع صحبات قصدي خوات زي أول
العنود: مسامحتكم الله يسعدكم بس نرجع صعب حيل يانسرين
نسرين: عرفت إن العنود ابد مو متقبلتهاوقفت مشكورة انكـ استقبلتني وماطرديتني لو غيركـ طردني بس مو غريبه منك ياغلة صديقه فرطت فيها
العنود: ووقفت تودعها برسميه ومشت معاها عند الباب
أم سلطان: طلعت وشافتهم تنفض يدها بوجه نسرين الحين انتي يابنت العنز الرقطاء ماكفاكم الي سوتوه ببنتي جاين تكملون علينا
العنود: يمه خلاااااااااص ارجوك
نسرين: طلعت بسرعه
أم سلطان: ليتني ناتفه شوشتها ومبردة حرت قلبي
العنود: يمه هذي ضيفه مايصلح نسوي كذا
ام سلطان: تخسى هالبقرة تصير ضيفتي
صلاح: شاف أخته داخله وهي متضايقه ماستقبلتكـ صح
نسرين: وهي تفسخ عباتها الكتف بالعكس ماقصرت بس مو راضيه تسامحني
صلاح: وقف الي سويته فيها مو قليل ابد ودخل لغرفته
ابو سلطان: طلع وهو معاه شنطته
سلطانه: وين يبه
ابو سلطان: كرهت السفره كلها يالله بس رجعنا
================
في بيت ابو سلطان
مشاعل: كانت جالسه بالصاله لابسه فستان قصير ناعم مرة وحاطه مكياج خفيف دق التلفون وردت عليه اهلين غلاوي
غلا: جالسه ومادهـ رجولها قدامها وتلعب بسلكـ التلفون طفشانه قلت أكلمكـ
مشاعل: بقلبها هذا وقته ايه ياكـ
غلا: وهي تعلك علكها ايش فيك تقل ماتبيني لاتكوني مشغوله خابره اهل زوجكـ مسافرين واذكر سليطين يسهر مع ربعه
مشاعل: حرام عليكـ سلطوني مو راعي سهرات
غلا: بغت تبلع علكها كحت وعدت جلستها هيه انتي ايش هالدلع سلطوني ومو راعي سهرات تطورنا ايش صاير ماخبرتكـ تدلعينه الايوم مراهقه ايش رجعكـ الحين تقل انك تعانين من مراهقه متأخره صح
مشاعل: ايوه اعاني وبشدة من مراهقه متأخرهـ وضحكت
سلطان: كان داخل ويمشي بطرف اصابعه سمع دلعها له وضحكتها راح وراها وضمها من وراء الكنبه
مشاعل: فزت ولفت عليه وابتسمت له
غلا: كانت تسولف ومندمجه لبالسواليف وكل شوي تعلك وتطق علكها بس توها تنبه انها تكلم نفسها
مشاعل: مو يمها تضحك لسلطان الي احرجها بتصرفاته ونست غلا بالتلفون
غلا: هيه مشاعل ميشو مشمشمه تناظر الجوال البنت مات او ايش صرخت مشاااااااااااااااااااااااااااااعل يابنت وينك
سلطان: ابتسم يوم سمع صراخها قال بهمس ردي لاتحرقكـ
مشاعل: قسم هالبنت تحرق الكل مو بس أنا
غلا: سمعت صوتهم آها الحين فخمت السالفه وسكرت التلفون البنت هي وزوجها مسوين مسلسل ابيض واسود ومخليني جد مايستحون
مشاعل: ناظرت التلفون سكرت السماعه لايكون زعلت
سلطان: لف وجلس جنبها تزعل وترضة ماعليك منها بكره تتزوج وتنساكـ حبيتي تأخرت عليكـ صح
مشاعل: اممممم بدلع ايوهـ
سلطان: وهـ فديت الي تدلع على حبيبها يالله ياروحي قومي غيري وشوفي ليه تأخرت عليكـ
مشاعل: ثواني واجيك باسته وبسرعه طلعت فوق تغير ملابسها
سلطان: يحس انه اسعد انسان بالعالم هذي مشاعل بمرحها وخفة دمها وابتسامتها الله لايحرمني منها بس
مشاعل: نزلت بسرعه تأخرت عليكـ
سلطان: امممم يقلد صوتها ايوهـ
مشاعل: ههههههههههههههههه زين اتريق علي
سلطان: البنت ضحكت والولد ضاعت علومه مافيه طلعه هونت
مشاعل: حطت يدها على فمها خلاص سكت تبغاني ابكي بكيت بس ابشوف ليه تأخرت
سلطان: يالله مشينا
راحو لمطعم راقي وعلى طول القرصون استقبلهم ودخلوهم لغرفه طاولتها سواداء وكراسي أحمر وعليها شموع حمراء وباقة ورد بالوسط
مشاعل: ناظرت سلطان ضمته احبكـ والله أحبكـ
سلطان/ هاهـ عجبتكـ لفيت الرياض ماعجبني غير هالمطعم وماسكـ قلبي قلت يارب يعجبها
مشاعل: بعدت عنه ومسكت يدهـ حبيبي لو فارش لي بالثمامه وقايل هذي ليله حلوهـ نحتفل فيها راح تكون أحلى ليله بعمري اهم شي معاي حبيبي
غلا: جلست تفكر طفشت من علكها ورمته مافيه غير سحير دقت عليها
سحر: ردت ومعاها ميار تبكي
غلا: هيه انتي هل تسمعينني
سحر: لا اسمعك سكري بس والله انك فاضيه البنت تبكي وهذي جالسه تتكلم العربيه الفصحى
غلا: لغة الأجيال
ميار: بكت أكثر
سحر: ياختي البنت عليها حرارة وعطيتها ادول مافاد وخالتي قالت لي حطي على راسها حنا
غلا: اقول خلبك مع بنتك ابرك لكـ سكرت منها اكلم عجوز ماكلم سحر بنتي وحنا وبلوي يوه من جد طفش
عبدالرحمن: توه داخل وشاف أخته ماده رجولها على الكنبه وتكلم نفسها بضيق وليه غلو طفشانه
غلا: عدلت جلستها تستر سيقانها سحير وميشو مشغولات عني ماعندي أحد
عبدالرحمن: بكره تجيك ريوفي توسع صدركـ
غلا: مناك انت وريوفكـ لو ابكلمها كلمتين أكيد راح تناديها كل دقيقه وهي تحمر تبي تروح لكـ بس منحرجه منكـ اعرف حركات البنات
عبدالرحمن: جلس جنبها وإلا انتي مصدقه ابخليها معاكـ لا ياروح أمكـ هذي البنت بأمانتي ماعندي استعداد اجننها معاكـ
غلا: يوووه يوووه شوفو هذا بعد ايش قالو لكـ تراني مرة سنعة لو تخلي زوةجتك معاي تطلع شيفه قصدي طباخه
عبدالرحمن: يقهرها مابي يدينها تخشن ابغاها تظل على نعومتها تصبحين على خيرررر
غلا: رجعت انسدحت على الكنبه وربي طفش بس بكره ان شاءالله سحير وميشو يجون عندنا علشان المرة الي تنقش وتشيل وراح انشب بحلقوهم واخليهم ينامون عندي واعوض هالطفش
===============
في الاستراحه
قررو الأهل يخلونه زواج عائلي بأحد استراحات الرياض
سبيكه: بعد ماخلصت منها الكوفيرهـ طلع شكلها حلو بس كانت حيل مرتبكه كل زواجها وخطبتها جت بسرعه وهي خايفه من ردة فعل غلاب معاها تخاف مايتقبلها بعد زوجته الي سنة وهو يترجاها ترجع له
محمودة: خايفه على بنتها وبنفس الوقت راح تفقدها وحيدتها ومالها غناة عنها جلست جنبها حبيتي هدي واقري وردكـ
سبيكه: يمه خايفه حيل اخاف مايتقبلني
محمودة: ربك معاكـ لاتخافي
رشاد: يالله ترا غلاب راح يدخل
محمودة: سمت على بنتها وقالت خله يدخل وتغطت علشان خاله رشوان
غلاب: دخل مع خواله وشاف بنت سمراء نحيفه وطويله مو واضحه ملامحها لأنها منزلة راسها قرب منها وباسها على جبينها ووقف جنبها
رشاد: ماوصيك عليها ترا مالي بالدنيا غيرها
غلاب: سبيكه غلاها من غلا أمي الله يرحمها لاتخاف عليها ياخال
رشوان: تراك ولدي وهي بنتي كل واحد منكم يحاول يسعد الثاني وباس سبيكه وضم غلاب
محمودة: باركت له بخجل
غلاب: باسها مع راسها بس خنقته العبرة تمنى أمه معاهم
رشوان: حس فيه لأنه شاف وجهه تغير حب يغير الجو يالله رشاد نزف المعاريس خلهم ياخذون راحتهم ببيتهم
غلاب: مسك يد سبيكه وركبها السيارة ساكت طول الطريق ذكريات زواجه الأول مازالت بباله ندمان على كل لحظة تهور فيها صورة أمه صورة مشاعل ماتفارق خياله فتح الباب
سبيكه: دخلت بخجل ووقفت ماتحركت
غلاب: مسك عباتها يساعدها تفسخها
سبيكه: وهي مستحيه فسخت عباتها
غلاب: شافها من قرب البنت مملوحه وتشبه أمه بالحواجب والخشم ولون البشرة ارتاح يوم شافها تعطي من أمه يتمنى أي شي يذكره فيها مسك يدها تعالي معاي
سبيكه: تمشي معاه بهدوء ماتعرف وين راح يوديها
غلاب: فتح غرفة أمه يحس براحه اذا دخله يتخيل انها مشاركتهم فرحهم لف عليها هذي غرفة عمتك الله يرحمها الي اسمك على اسمها
سبيكه: بخجل الله يرحمها
غلاب: جلس على السرير حق أمه وجلسها جنبه تعرفين اني أحس براحه اذا دخلت هالغرفه يوميا ادخلها قبل ماطلع من البيت وبعد مارجع للبيت
سبيكه: رحمته حاسه إنه مازال فاقد عمتها سكتت ماردت
غلاب: تعالي معاي اوريك الدور الثاني
سبيكه: ترقى الدرج وهي رافعه فستانها الابيض الثقيل وهو يلف فيها يفرجها الغرف آخر شي غرفتهم فتحها لها عجبتها بس خافت إنها غرفته يوم زواجه الأول
غلاب: حس فيها دخلجوه قال الحمد لله خلصت قبل زواجنا بيوم واحد بس يبي يهلمها انها مو حقت مشاعل
سبيكه: ارتاحت ودخلت داخل ردت عليه بإبتسامه بس حلوة مرررة ماشاءالله ذوقك حلو
غلاب: ابتسم لها مشكورة
سبيكه: ذبحتها ابتسامته الي زادت من وسامته سرحت كيف زوجته اتركته وهو كل هالوسامه مجنونة فرطت فيه
غلاب: عن اذنك ابروح تحمم وابدل ملابسي دخل يتحمم يارب تبعد عني صورة مشاعل مو قارد انساها اتخيل خوفها بكاها كلامها لي اول ليله لبس روب الحمام وطلع
سبيكه: عن اذنك احس الفستان كابس على أنفاسي راحت تبدل ومتضايقه من تسريحتها ومكياجها دخلت تحممت وتحت الدش فكت تسريحتها الي الكوفيره شكله مخلصه علبة مثبت عليها لبست روب الحمام وطلعت روب سكري فخم من دولابها
غلاب: كان جالس ينتظرها شافها يوم طلعت بدون مكياج وشعرها واصل آخر فقرة من ظهرها طويل وناعم وكثير وطقعه وحده قام ووقف وراها وهي جالسه على الكرسي مسك شعرها ماشاءالله طويل حيل
سبيكه: بخجل رفعت عيونها تناظره بالمرايه ليه ماتحب الطويل
غلاب: بالعكس يجنن مابيك تقصينه ابد جلس قدامها على الترسيحه رفع وجهها بطرف اصبعه تعرفين ان المكياج ظالمك كذا احلى بكثير
سبيكه: نزلت عيونها بخجل من ذوقكـ
غلاب: تراني صريح ماحب اجامل بس من جد ملامحك جذابه ماشاءالله عليكـ
سبيكه: ارتاحت لكلامه وابتسمت براحه
===================
في بيت ابو سلطان
مشاعل وسلطان رجعو تقريبا الساعه 2 تعشو وقام يتمشون بعدين رجعو للبيت دخلو وضحكهم واصل لآخر البيت ماخذين راحتهم ماحد عندهم بس تافأجو ان أهله راجعين
أم سلطان: وهي جالسه على الكنبه ماشاءالله جعلها دوم سعادتكم
مشاعل: انحرجت مرة وحمرت خدودها
سلطان: عادي مانحرج ولاشي اهلين ياست الكل حمد لله على سلامتكم ايش هالمفاجأة الحلوة
ام سلطان: ماهقيت وأنا أمكـ مفاجأة حلوة شكلنا خربنا عليكم جوكم
سلطان: افا يمه بالعكس زدوتها فرحه
سلطانه: نزلت تسلم على أخوها ومشاعل
سلطان: اجل وين ابوي والعنود
ام سلطان: ابوك تعب من الطريق وبسرعه نام وانا دورتك وقلقلت عليك جلست انتظركـ ام العنود ياحسرة قلبي الأبيرص هذاكـ سكن هو وأهله عساهم للماحي كلهم ونكذ علينا
سلطان: الابيرص من تقصد أمي سلطانة؟؟؟
سلطانة: قصدها صلاح سكنوهو وأهله جنب شاليهنا وأخته جت تكلم العنود وياقلبي عنودي تضايقت
سلطان: ليه تتضايق هم المروض يتضايقون
مشاعل: سلطان ترانا ماسلمنا على خالتي راحت تبوسها
سلطان: ابه صح المفاجأة نستنا نسلم اعذرينا يالغاليه
أم سلطان: لا والله شكل غيرك، نساكـ أمكـ وعيونها على مشاعل
مشاعل : تغصبت الابتسامة وسكتت
ام سلطان: على العموم انا ابقوم ارتاح شفتكـ وتوني ارتاح عن اذنكم وراحت غرفتها
سلطانة: انحرجت تجلس معاهم وهم واضح مبسوطين حيل وانا بعد تصبحون على خير
سلطان: مسكـ يد مشاعل وهو حاس انها متضايقه دخلو غرفتهم شدها وقربها له حبيتي لاتزعلين من أمي ترا هذا طبعها
مشاعل: حبيبي خالتي اعرفها من زمان لاتشيل هم حبيبي
سلطان: بعد عنها وجلس على طرف السرير بضيق عارف فيه فرق كبير بين معاملة ام هذاك الله يرحمها وأمي الي يخليها لي بس
مشاعل: حطت يدها على فمها طلبتكـ لاتكمل حبيبي قلت لكـ خالتي اعرفها زين واعرف طبعها ومادامكـ معاي ماراح شي ينكد علي صدقني اهم شي انك معاي كذا املك سعادة الكون ومافيه شي ينكد علي
سلطان: مسك يدها الي حطتها على فمه وجلس يبوس فيها وانا اسعد انسان وأنا معاكـ
==================
قبل يوم من زواج ريوف وعبدالرحمن
غلا: مبسوطه لأن سحر ومشاعل عندها تسولف وتضحك وتستهبل ترام افيه روحه الليله راح تنامون عندنا وتجي الكوافيره تزينا هنا علشان تصير مفاجأة لازواجكم اذا رجعتو لهم
سحر: اوك ولايهمك اصلا راح يرتاح مشاري من ازعاج ميوري
غلا: وابلش فيها أنا
سحر: تحملي ماجاكـ انتي الي طلبتي انام عندكـ مو أنا
غلا: ايه طلبت خليها تصارخ اعرف اتفاهم معاها بس نامي عندي من زواجكـ مانمتي
سحر: اوك تم
غلا: وميشو
مشاعل: بتردد طيب تم
غلا: اوووف لحظة لحظة ميشو
مشاعل: خافت ايش؟؟؟
غلا: اوووص لاتتحركين
مشاعل: تراك طيحتي قلبي ايش؟؟؟
غلا: قربت وبعدت شعرها ياعمري ايش الي برقبتك جرح هذا او ايش
مشاعل: حطت يدها على رقبتها منحرجه ومرتبكه ايش
غلا: هذا شوفيه وعطتها مرايه تشوف
مشاعل: حمر ودهها وعجزت ترد
سحر: ماسكه ضحكتها وحبت تنقذ مشاعل من الموقف المحرج الي هي فيه مرة ثانيه انتبهي ياميشو وانتي تسوين شعرك بالسراميكـ شكلكـ حرقتي نفسكـ بدون ماتحسي وغمزت لها
مشاعل: زاد حمارها وهي تقول بقلبها الا تحرجتي سلطان وتخليني بموقف لاأحرج عليه
غلا: ببرآءة ايه زي صديقتي منال كذا بعد جت ذاك اليوم وسألتها تقول مادري يمكن حساسيه بس شكلها حرقت نفسها وماحست
سحر: وهي ماسكه ضحكتها متزوجه
غلا: على نياتها ايوه تزوجت قريب يمكن لها الحين سته شهور
نوال: تنادي غلا تحت غلااااااااا تعالي بسرعه شوفي من عند الباب
غلا: ثواني وجايتكم
سحر: يوم طلعت غلا اقول ترا اليوم صرفتك مرة ثانيه حاسبو لاتتهورو ومات ضحكـ
مشاعل: زاد احرجها بس ماقدرت تمسك ضحكها وانفجرت ضحكت كله
غلا: رجعت وخي فحمانه ايش فيكم جلست بسرعه خلوني اضحك تراني فيني طاقة ضحك مكبوته
سحر: قالت أي سالفه بس تسكت غلا
غلا: وهذي الي مخليكم تضحكون وبقوة وشوفي المهبوله ميشو كل ماتتسكت ترجع تضحكـ
سحر: ضحكت بقوة يوم حطت عينها بعين مشاعل قلتي مهبوله ماعليها شرهه
غلا: والله أحس بينكم سالفه ثانيه بس ماعلينا ترا الي تنقش جت انا مابي انقش
جلسو البنات يوم خلصو قامت غلا تجيب شيبسات وشكولاتات علشان السهره
سحر: دق جوالها شافت الرقم وهـ ياعمري مشاري يدق اشتقت له
غلا: مالت مالك الا ست ساعات عنه خلك بس ثقيله
سحر: طيب فتحت جوالها هلا حبيبي
مشاري: يالله قلبي مارجعتي استناكم
سحر: حببي مو قلت لك غلو طالبتني انام عندها الليله وانت وافقت
مشاري: وافقت الصبح الحين ست ساعات خلتني اعرف ان قراري غلط بغلط ذبحني الشوق عليك ياروحي
سحر: خلط ترتاح من ازعاج ميار
مشاري: مانام الا على أنغام بكاها يالله حبيتي تعالي وربي الغرفه بدونكم ماله طعم انتم نورها
سحر: بس حبيبي
غلا: تناظرها بتهديد وتأشر على رقبتها يعني ان وافقتي راح اذبحكـ
مشاري: ترا ابجي بيت أختي واشيلكم قدامهم وربي لاسويها
سحر: لا خلاص جيت
غلا: صرخت لاااااااااااااااااااا معصي تطلعين أخذت الجوال خال مستحيل ابيها تنام عندي بس هالليله
مشاري:غلاوي لها 5 دقايق ان مارجعت ياويلك وسكر السماعه
غلا: طنشيه مافيه طلعه
سحر: قامت تدور عباتها لا ياعمري هو شكله طفشان مايعرف ينام بدوننا
غلا: شالت ميار مايفه طلعه يعني مافيه طلعه اطلعي بدون ميارب >>> متأكده ان سحر ماراح تتركـ بنتها
سحر: الله يجزاكـ خير خليها معاكـ ابنام براحتي باي
غلا: تلحقها بالدرج اقول ماصدقتي خوذيها وطسي أنتي وبنتكـ الشرهه مو عليكـ الشرهه على الي يترجاكـ فديت ميشو بس هي الي عند كلمتها
سحر: سهرة حلوة ياكميل وارسلت بوسة لها بالهواء
غلا: رفعت رجلها كأنها تشوت بوستها مابيها خليها لمشاريك مالت عليك بس رجعت فوق عند مشاعل فديتك بس أنتي الي عند كلمتكـ
مشاعل: ابتسمت ماعندي أغلى منكـ وهي تغبط سحر على حرص مشاري عليها استغربت ان سلطان يبي ينام بدونها هي قالت له تبي تشوف غلاها عندهـ
غلا: تسولف وتضحك وتآكل الشيبس
مشاعل: مو معاها بالها مع سلطان فزت على صوت جوالها بسرعه قامت وردت
سلطان: امووووواح اشتقت لكـ
مشاعل: وأنا اكثر حبيبي
سلطان: حياتي انزلي انا عند الباب
مشاعل: لفت تناظر غلا بخوف مو حبيبي سمحت لي أنام ؟!؟!
سلطان: ضحك من جدك، اغمض عيني بدونك افتح عيني مالقاكـ بحضني مجنون انا
مشاعل: بس انت وافقت
سلطان: ايوه وافقت وقلت اخليها الى الساعه 12 حتى يشبعون من بعض ماجبيت اكسر بخاطركـ بس نوم مستحيلالا اذا كنتي ماتبيني احرك سيارتي وأمري لله اروح اطلع آخر لبس لبستيه واحطه على وهي علشان انام على ريحتكـ
مشاعل: ثواني حبيبي ابنزل لكـ سكرت منه ولبست عباتها
غلا: خيرررررر وين ان شاءالله انتي بعد
مشاعل: سلطان عند الباب غير رايه ونزلت ماخلت فرصه لغلا تتكلم
غلا: تضايقت الكل مو يمها جلست على سريرها تناظر بالشبسات شالتها ونظفت المكان وجلست طرف سريرها متضايقه ماتبي تبكي ماتحب تبكي بس حاسه بوحده قاهرتها ماحست الا باثنين على راسها رفعت عيونها لقت أمها وابوها كل واحد جلس على طرف من سريرها
أمها: ممكن نكون ضيوف عندكـ الليله
غلا: غصب عنها نزلت دمعتها ومسحتها أكيد وابعدت لهم
ابوها : كان نايم على جنبها باليمين وامها عن شمالها حاوطها بيدينهم
أهلها كانت غرفتهم قريبه من غرفتها وسمعوها هي والبنات عرفو ان غلا تحس بالوحده ومايلمون البنات رضاء رجالهم اهم بس مايبون غلا وحيدتهم تتضايق وجو عندها
سحر: بهمس تكلم أهلها العبرة واقفه بحلقها الحمد لله إن البنات راحو كسبت نومة احب شخصين على وده الأرض رفعت عيونها الحمد لله رزقني ربي بأم وابو يحسون فيني بدون ماتكلم مافيه شخص يحبك ويحس فيكـ اكثر من امكـ وابوك حمدت ربها على نعمة الاسرة وغمضت عيونها وهي مبتسمه
قريب من غرفتهم كانت غرفة عبدالرحمن الي تحمم وجلس على سريره وقطع آخر ورقة لزواجه خلاص هذي آخر ليله من ليالي العزوبيه بكره راح تجي غزالته ريوووووووف