بيت العنكبوت

بيت العنكبوت.. 71

ما دمت امشي مستقيما لا اهتم اذا ظهر ظلي لناس اعوجاً...

بيت العنكبوت

الفصل 71

في غرفة شجون
شجون: اول مرة تنام بعمق كذا قامت مبسوطه حيل رفعت شعرها عن عيونها وحطته وراء اذنها ناظرت الساعه يوه تأخرت حيل قامت وتحممت وطلعت لبست ملابسها وطلعت لعمتها
العمه: ماشاءالله اول مرة تطولين بالنومة
شجون: وجهها مشرق مو زي العادة ايه راحت على نومة صليت الفجر ورجعت انام كأني بغيبوبة
العمة: نوم العافيه يابنتي
حصة: توها ترقى لهم ماشاءالله شجون وجهك مشرق اليوم
شجون : تخفي ابتسامتها ايه لاني نايمة كويس
حصة: غمزت لها متأكدة او مشاور البارح روق مزاجكـ
شجون: حاولت تخفي انحراجها لا مشوار ولاشي بس قلت لك نايمه كويس
العمة: نوم العافيه جلست تنتظر حصة تنزل فرحت يوم ابراهيم ناداها تبي تختلي بشجون يوم نزلت حصة ماتدري كيف تبدا بس يوم جت شجون

تقوم اصبري وانا عمتكـ ابيكـ بموضوع
شجون: سمي ياعمة آمريني
العمة: مايامر عليكـ عدو يابنتي بس ابفاتحكـ بموضوع مهم
شجون: مغصها بطنها حست انه واحد يخطب وماتبي احد يخرب فرحتها البارح عمه ارجوكـ عرفت خطاب مابي فكوني من هالسيرة ربي يخليكـ ياعمه
العمة: يابنتي هالمرة ابن حلال ومافرحت يوم خطبكـ
شجون: ياعمتي افهميني مابي اتزوج توني مخلصه من تجربه فاشله بكل ماعيريها ابنام واقوم مرتاحه مالي بوجع الراس وبعدين يحلها ربي
العمه: بس
شجون: ان كان وجودي يضايقكـ قولي لي ياعمه
العمه: افا بس ازعل منكـ ترا
شجون: مسكت راسها وباسته حقكـ علي بس مابي اتزوج
العمه: مسكتها مع يدها قبل تروح يابنتي فوتناهـ المرة الاولى مانبي نفوته هالمرة
شجون: كانت تبي تمشي بس عبارة عمتها وقفتها معقولة تقصد فارس رجع يخطبها اوووو لا يمكن لاااا مابي اعيش نفسي بحلم
العمه: شافتها واقفه محتارة كملت كلامها طول الليل ادعي ربي يسخرك له وتوافقين وماتخسرينه ها سبيكه نادرة يابنتي دين واهلاق ومركز
شجون: حست انها مو على بعضها كلام عمتها اربكها ماتقول هالصفات الا لواحد بس ماغيرهـ معقوله هو عمه مين تقصدين ؟؟؟
العمه: البارح ام يوسف طلبتكـ لودها ياسر وانا فرحت ماتوقعتهم يرجعون يخطبون
شجون: عدلت وقفتها ماتبي يبان توترها بطريقه غير اردايه دخلت شعرها وراء اذنها ماتدري ايش تسوي او ايش ترد
العمه: حست بتغير وجهها فرحت بدون ماتبين لها يالله يابنتي لاتسعجلي صلي صلاة الاستخارة وفكري زين
شجون: سمي ان شاءالله وراحت غرفتها
العمه/ يوم راحت ابتسمت وين عنادكـ قبل شوي كله تبخر فديت بنت اخوي وفديت خجلها
شجون: سكرت الباب وتسندت عليه غمضت عيونها بقووووة وتنهدت من اعماق صدرها فتحت عيونها رفعتها للسماء لك الحمد يارب ابعدت عن الباب وراحت للشباكـ فتحت الستارة بهدوء توسعت ابتسامتها وهي تشوفه ينزل من سيارته سكرت الستارة بسرعه وجلست على الكرسي عضت شفايفها وهي تبتسم الفرح مافاقني من البارح انت السبب بعد ربي ياغريب
====================
في سيارة فارس
فارس: من طلاقه لشجون وحالته حاله مايجلس بالبيت كثير وبعد ماعرف ان احمد خطب شجون كرهـ حتى يروح للأستراحة مشغل اغاني حزينه يمشي بسيارته بدون هدف نزل من سيارته بنفس مكانه المعتاد ولع زيقارته وشفطها بكل قوته ونفث دخانها برا خلصها وولع الثانيه سمع صوت سيارة جايه من بعيد يوم قربت عرفه رمى زيقارته وداسها برجله واتجه لباب سيارته
احمد: وقف سيارته بسرعه وركض جهته ومسكه مع يدهـ فارس ممكن تسمعني
فارس: وهو راص على أسناه فارق عن وجهي مابي اسمع منكـ شي يانذل ياخاين
احمد: فارس تنهي علاقة سنين بيوم
فارس: نفض يدهـ منه انت ماعندكـ كرامه ماتفهم الف مرة تدق علي واسكر الجوال بوجهكـ ولاحقني هنا
احمد: عصب من كلامه بس مسكـ نفسه انت لي زعلان مني كل هذا ايش سويت ختنك وقربت منها وهي بعصمتكـ يحقكـ لكـ تزعل علي
فارس: تخسى تسويها
احمد: اخذ نفس ومسكـ نفسه مقدر نفسية فارس اسمعني ياخوي
فارس: لا أنا اخوكـ ولا اعرفكـ فاهم او لا ؟؟؟
احمد: بعصبيه صارت جريمه يوم خطبت وحده انت مطلقها انت راميها انت ماعرفت قدرها
فارس: رد عليه بنفس عصبيته من اقنعني اطلقها من انت يالندل التفت عنه يناظر الي قدامه وكنت اظنك الصديق الناصح واتاريح ثعلب تمكر فيني
احمد: نصحتكـ تطلقها لان حياتكم مع بعض كانت مستحيله تعرف ليه لأن كانت جوهرة بيدكـ وفرطت فيها والحين تبكي عليها مثل البزران لو انكـ رجال جد كان عرفت قدرها وهي معاكـ بس اخذكـ كبريائك وغروركـ الا تهينها وتدوس عليها وتهملها يوم كرهتكـ تمسمت فيها الرجال مايقدم على خطوة الا هو قدها مو ينعمي وبعدين يفتح ويلقى نفسه خسر كل الي حوله ويجلس كسير حسير اذا فات الفوت ماينفع الصوت ياأستاد فارس وتراني جيتكـ الى هنا لاني رجال ماتهون علي العشرة بس مدامكـ دايسها انا ماتشرف اكون صديق لكـ وراح لسيارته وشخط من عندهـ
فارس: تسمر مكانه وكلام احمد يرن بأذنه رفس الباب برجله اوووووووووووف فتح باب سيارته وسكره بقوة وداس على البنزين بكل قوته يمشي وكل شي يدور بباله رفض شجون له فراق اعز صديق له كل شي صار ضدهـ كل شي نزل للبيتهم وراح لأمه طق غرفتها
أمه: كانت نايمه فزت يوم سمعت طق الباب ابعدت لحافها وقامت بسرعه قبل يقوم زوجها
فارس: كان ينتظرها بالصالة الفوقيه
أمه : خير يبه ايش بغيت
فارس: اخذ يلف ويدور بالصالة
أمه: فارس ايش فيكـ قلي لاتلعب بأعصابي
فارس: متردد يقول مايبي يذل نفسه اكثر وقف يمه ابيكـ
أمه: اي شيبه قول ايش تبي
فارس: ابيكـ ترجعين لي شجون بأي وسيله
أمه: ياوليدي ماتوقعها ترضى
فارس: مسكها يمه ارجوكـ علشاني سوي المستحيل امتلت عيونه دموع يمه اقرب ربعي خطبها وماندري من بعدهـ يمه ان تزوجت شجون اعرفي اني انتهيت يمه تعرفين كيف انتهيت يعني مت
أمه: دمعت عيونها بسم الله عليكـ ياوليدي لاتقول كذا وربي تقطع قلبي
فارس: يمه بكره اوديكـ لهم ابيكـ ترجعينها
أمه: يارب توافق بس ماظنتي
فارس: يمه شجون تحبكـ ماترفض لكـ طلب قولي لها يمه خلاص فارس يحلف لك ماراح تشوفين منه الا كل خير فارس راح يخليكـ اسعد وحده بالدنيا فارس ندمان عدد شعرهـ بالي سواهـ فيك قولي لها يمه فارس يحبكـ وبعدكـ عذاب دمعت عينه قولي لها يمه فارس يعرف رحمتكـ ارحميه وعطيه فرصه اخيرة هالمرة
أمه/ تناظر ضعف ولدها الي تعودت عليه يكون قوي يتقطع قلبها مايعرف ولدها ان كل كلمة يقولها طعنة وخنجر بقلبها مسحت على راسه سم يبه ولايهمك ماراح اطلع منها الا وهي مواقفه بعون الي عينه ماتنام
فارس: ابتسم وفرح بوعد أمه يعني انام مرتاح يمه ست شهور ماذقت طعم النوم بعمق
أمه: تبي ولدها يرتاح مع ان جواتها فاقدة الأمل ايه نام ان شاءالله ترجع لكـ
فارس: دخل غرفته مستغرب كيف سمح لنفسه يبن ضعفه كل منكـ ياشجون كسرتني بعد قوتي بس ماقدر استغني عنكـ لو ايش ماسويتي فيني ابيكـ يعني ابيكـ وانتي لي مستحيل تصيري لغيري
==================
في المستشفى
ياسر: نفسيته براس خشمه ماله خلق شي يبستم مجامله للمراجعين وكل مايدق جواله يدق قلبه يخاف يقولون له وافقو خلص شغله وركب سيارته وهو متضايق مرة لازم يمر أمه ويقيس ضغطها زي عادته
فاطمة: تناظر عيونه الحزينه تبي تشيل الحزن من عيونه بأي طريقه توقعته يموت بشي اسمه شجون ماتوقعت ابد رافض فكرة الزواج كلها لا من شجون ولا من غيرها انا غبيه اصلا لو يبي شجون كان من اول ماخلصت عدتها خطبها اقوله او اسكر الموضوع يارب تجي منهم ويرفضون ماصدقت ترجع ابتسامته الا تختفي ثانيه
ياسر: بعد ماخلص هاهـ يمه تامريني بشي
فاطمة: ماتبي تجلس معانا تتغداء وانا أمكـ
ياسر: لافديتكـ حيل تعبان مافيني
فاطمة: مسكته مع يدهـ ياسر ياوليدي تبيني اتصل عليهم وانقول ولدنا استخار الله
ياسر: مجنون يمه احطكـ موقف محرج مع الناس
فاطمة: اتحمل احراجهم بس ماتحمل حزنكـ وضيقكـ
ياسر: ابتسم مو حزين بس مرهق ولاتلمحين ولاشي كلمة قلتيها تمت خلاص انتي فصلي وانا البس باسها مع يدها وطلع فك ازايرثوبه يحس انه مخنوووق وحرك سيارته
===============
في بيت ابراهيم
حصة : استقبلت ام فارس ودخلتها
شجون: بدلت ملابسها ونزلت بسرعه مشتاقه لعمتها
ام فارس: اول ماشافتها فتحت يدينها لها تحضنها بقووة
شجون: حضنتها بشوق وباستها مع يدها وراسها
ام فارس: بعدتها وتناظرها بحنان كذا تقطعين فينا يمه تراني نشتاق لكـ
شجون: انحرجت كيف ترد صعبة تزوهم وهو بيت زوجها الأول
العمه: صرفت لشجون تعرفين يا أم فارس فديتها ماتحب تفارقني ابد تخاف اتعب وهي بعيدة عني
ام فارس: الله يسعدها هذي شجون معروفه بطيبة قلبها
جلست وتقهوت معاهم ماتدري من وين تبدأ بعدين حطت فنجالها والله جايتكـ بموضوع مهم ياشجون وابي منك طلب وماترديني
شجون: أمريني ياعمه عيوني لكـ
ام فارس: تسلم لي عيونكـ بس جيتكـ بطلب مهم لبيت بندر كلهم مو شخص لحاله
شجون: تبي ترد قاطعتها العمه
العمه: ان قدرت شجون عليه راح تسويه انتي غاليه عليها وعلينا يا أم فارس
ام فارس: بتردد كلنا نبيكـ ترجعين لفارس يابنتي فقدكـ علينا مو هين والله وفارس ورب البيت مو بس يبيكـ يتمنى لحظة رجوعكـ فارس تغير ياشجون ماعاد فارس الي قبل
شجون: تبي ترد بس ماقدرت وهي تشوف ام فارس دموعها بعيونها
العمه: يا أم فارس شجون متقدم لها الدكتور ياسر
ام فارس: فزت لا ياشجون ورب البيت فارس له ست شهور مو فارس الي تعرفينه لانوم زين ولا أمل زين البارح جاني منهار يبيني ارجعكـ شجون ان رحتي لغيره تذبحين ولدي
شجون: خلاص دموعها بعيونها
العمه: يا ام فارس
ام فارس: ام ابراهيم انتي جربتي الضنا وتعرفين ايش معنى حرقة قلبكـ وانتي تشوفين ولدكـ يتعذب قدامكـ
شجووون فارس يوعدكـ يكون لكـ نعم الزوج بعدتي عنه ست شهور وذاق حرة فقدكـ فارس تغير كثير ارجوكـ ترجعين له وماتطلعيني من هنا مكسورة الخاطر
شجون: احتارت ماقدرت ترد
العمة: شافت حيرة بنت اخوها انتي تدافعين عن ولدكـ كأم وتدورين مصلحته وانا ادور مصلحة بنت اخوي كأم لها الحين والله يا أم فارس عطينا ولدكم فرصه ورجعت له مع ولدها وماشفنا تغير وجاها الحين عريس الكل يتمناهـ ومستحيل نلقى مثله كل واحد يدور مصلحة ولدهـ
ام فارس: وهي تمسح دموعها انا تهمني مصلحة ولدي وشجون تراها بمثابة بنتي بعد
العمة: والله لو انها بمثابة بنتكـ ماخليتو ولدكم يتفنن بتعذيبها وتحطيمها لو بمثابة بنتكـ وقفتو ولدكم عند حدهـ من اول شي كان جيتيه وكلمتيه زي ماكلمتينا الحين لو انكـ تحبين لشجون زي ماتحبين لبنتكـ ماخطبيتي لولدكـ فوق خطبه تراحرام شرعا قبل ماتكون مخالفه لعادتنا الناس ينتظرون منا رد الحين وفارس ربي يرزقه غير شجون خلو شجون تعيش حياتها الى متى تضحي على حساب سعادتها ماذاقت الفرح ولا السعادة من صغرها جلست عند ولدكم سنتين لو يبي يسعدها اسعدها بالستنين الي طافو مو توها يندم ويتذكر فارس مايناسب شجون ابد الله يسعدهـ بعيد عنها
ام فارس: نزلت راسها بخيبة أمل اجل استأذنكم
شجون: راحمتها اصبري ياعمه لسه ماجلسنا معاكـ
ام فارس: لايبنتي مستعجله
ام ابراهيم: وجعتها اخلفيها علينا
شجون: راحت تتبعها للباب يوم جت تبي تطلع ضمتها ام فارس وبكت بس ابعدت عنها بدون أي كلمه
شجون طلبتك لاتزعلي من رد عمتي
ام فارس: ماراح ازعل وربي يسعدكـ ويوفقكـ
ركبت بسيارة مشاري وساكته رفضت يودها فارس خافت يرفضون ويتهور ويسرع
مشاري: رفضو صح
ام فارس: هزت براسها وهي تمسح دموعها تحت غطاها ايش ابقوله الحين كيف يبي يقتنع انها خلاص راح تروح لغيرهـ
مشاري: لازم يقتنع ويخلي عنه شغل البزران انتي دلعتيه كثير ياخاله اسمحي لي
ام فارس: ايه زودها علي بعد انت
مشاري: مسكـ يدها مابي ازودها عليكـ بس لاتتحسسيه انه مظلوم لازم يعرف انه غلط ويتحمل خطاهـ
فارس: هاه ردي يمه ايش قالو لكـ يوم فسخت غطاها عرف الرد من حمار عيونها
ام فارس: ياوليدي
فارس: رفع يدهـ مابي اسمع شي خلااااااااص وعدتني واهومتني ومانفذتي وعدكـ وراح وخلاها
ام فارس: تصفق يد بيد لاحول ولاقوة الا بالله وانا ايش بيدي ياناس اخاف يسوي شي بنفسه
مشاري: ياخالة روقي تراكـ مكبرة السالفه هو يبي يضغط عليكـ علشان ترجعينها لي بأي طريقه يحزن اليوم بكرة مصيره ينسى
ام فارس: ليت هالقلب الي تحمله قلبي بس انت تحمل قلب اخو وانا اشيل قلب أم تعرف كيف ام بكره راح تشوف كيف دموع ميار عليك غاليه ربي يخليها لك وراحت وخلته
====================
بعد اسبوع
ياسر: جالس مع اهل المغرب دق تلفونهم ردت بنت يوسف يمه فاطمة مراة كبيرة تبيكـ
فاطمة: مغصها بطنها وناظرت ياسر بخوف
ياسر: مايبي امه تشيل هم ابتسم لها يمثل انه عادي
الكل سكتو يسمعون كلام امهم مع المراة ياسر مانتبه وهي تقول ام ابراهيم لانه متعود يسميها عمة شجون
فاطمة: زين زين على البركه اجل يشوفها قبل وبعدين يحللون
ياسر: ضاق حيل وتغيرت ملامح وجه بس حاول يمثل انه عادي
خواته واخوانه يتابعون تصرفاته
أمه: تكلم وهي عيونها عليه سكرت السماعه وقالت بتردد مبروك ياوليدي
ياسر: سحب ابتسامته الله يبارك فيكـ
اخوانه مراعين مشاعرهـ باركو له بهدوء
غاليه: ترانا باركنا له ومانعرف من اخوي يبي يناسب
خالد: صح يمه منهم هدولا
فاطمة: صح نسيت اني ماقلت بنت اخو ام ابراهيم جيرانكم ياغاليه
ياسر: مو مصدق ال يسمعه يحس بحلم او علم فتح عيونه على اوسعها يمه جد تتكلمين
فاطمة: شافت عيونه مبهورة معقوله مايبها قالت بخوف ايه ياوليدي ظنتك خاطركـ فيها واستعجلت وتقدمت لها خفت تفوتكـ لان خطابها كثرو والبنيه بنت حلال واحسها تناسبكـ والله مادريت اني ابضيق صدركـ كان ماتكلمت من اساس
ياسر: تغيرت ملامح وجهه 180 درجة وتوسعت ابتسامته افا عليكـ يمه كل شي تسوينه خير وبركه
غاليه: رفعت جاحب تشوفون الي اشوفه
خالد: ايش
غاليه: يوم عرف انها شجين اشرق الوجه ونور وراحت الضيقه كلها اسبوع مسوي علينا الاخ مسلسل حزين والحين عرف انها هي قلب على مسلسل رومنسي مخلوط بكوميدي بعد
ياسر: وهي يبتسم اولا اختي العزيزة اسمها شجون موشجين ثاني اقلب ماقلب كيفي
خالد: خطيرر من الحين فزع مايبي احد يغير اسمها
غاليه: ياخوي خلها مستورة بس الولد هيمان من صغره بس مايبي يعترف ماتشوفه ان جت كيف ينشب بحلقي يسألني
جوهرة: وهي تبتسم جد؟؟؟
غاليه : جدين بعد
ياسر: تكى وايش بعد؟؟؟
غاليه: من حقوق الجار الستر عليه وانت جار واخو مابي اقول اسرارك
ياسر: ضحك لاياشيخة ايش بقيتي بس قلتي ماقلتي مايهمتي لانه مو عيب اسأل الحين عن خطيبتي
فاطمة: تابع كلامهم وهي مبسوطه ماصدقت تشوفه فرحان
ياسر: جاي يبي يطلع باسها مع راسها ويدها يمه قولي لهم ماله داعي الشوفه اعرفها من صغرها ابي نحلل ونملكـ بسرعه
خالد: صفق خطيررررررر مابي اتزوج ومابي استقر اول ماردو علينا يمه ابمللكـ خير الامور الوسط خلك ثقيل الحين يقولون الولد ماصدق قبلناهـ
ياسر: اخذ شماغه ولف عليهم وهذا الي ابيه ابيهم يعرفون اني فرحان ومبسوط وطاير من الفرحه بعد كيفي
غاليه: غمزت له يعرفون او تعرف شجين
ياسر: ايه تعرف شجون ورص على اسمها وابتسم وطلع
ركب سيارته وهو مو مصدق حلمه اخيرا تحقق بس مايبي يستعجل حتى تطلع التحاليل
=================
في بيت العمة
العمة: شجون يمه ياشجون بسرعه تعالي
شجون: سمي ياعمة
العمه: ترا الولد رافض الشوفه
شجون: تغيرت معالم وجهها وسكتت
العمه: ابتسمت يقول نبي نحلل ونملكـ بسرعه الولد مستعجل مرة
شجون: ابتسمت وحمرت خدودها ودخلت غرفتها
حصة: ربي يهنيها عمري ماشفت شجون مبسوطه كذا
نورة: ياعمري جعله هذا يعوضها عن كل الي فات
العمه: اللهم آآآآآآآآآآآآآمين
==============
في المستشفى
ياسر: نسب ببلعوم الي اخذ لهم التحاليل كل شوي يشوف طلعت او لا
الممرض: هذي النتياج مبروك مقدما
ياسر ابتسم بفرح الله يبارك فيك وحضنه بقووووة
الممرض: يعرفه من زمان اول مرة يشوفه فرحان كذا
ياسر: حرك سيارته وبسرعه راحت لاخته غاليه
غاليه: تبيني ادق عليهم بالظهر عيب استحي
ياسر: اقول دقي تلقينهم توهم مخلصين متغدين
غاليه: ياسر اركد العصر ان شاءالله مابي ازعجهم
ياسر: توني شايف ولدهم توهـ داخل دقي او رحت لبيتهم وعطيتهم النتيجة
غاليه: خابرتكـ ياخوي ثقيل
ياسر: خبركـ عتيق دقي بس بسرعه
غاليه: عتيق او عوض
ياسر: فاضيه تخف دمها علي دقي اقول والله والله اروح انا لهم وقام
غاليه: خلاص اركد لاتفشلنا خوفي مايفتحون تنط سورهم ماستبعجها عليكـ شالة السماعه بس نزلته تصدق كنت اقرا بعشق قيس وليلي بس ماتوقعت اشوفه قدام عيوني
ياسر: مسكـ السماعه ودق رقمهم وعطاهـ اياهـ
غاليه: هلا وغلا حصه كيفك
حصة: الحمد لله وانتي
غاليه: بنعمه من ربي عارفه ياختي مو وقت اتصال بس اعذريني
حصه: افا عليكـ تمونين بأي وقت
غاليه: الله يجزاكـ خير بس حبيت تبلغينهم ترا التحاليل طلعت متطابقه والرجال يتفقون على موعد الملاكـ ان شاءالله
حصة: على البركه الله يوفقهم يارب
غاليه: اللهم آمين مع السلامه وسكرت السماعه وناظرت بأخوها هاهـ ارتحت
ياسر: لا
غاليه: ايش بعد
ياسر: مارتاح حتى املكـ وتكون شجون ملكـ لي انا واحقق كل احلامي بصغري
غاليه/ توك تعترف انكـ كنت تحبها
ياسر: مغلطه مازلت اعشقها مو بس احبها قرص خشمها تمسين على خير
غاليه: تصفق بيد بيد خلف الله على اخيي فقد عقله اتاريك ياشجون مو سهله مجننه الدكتور ياسر البنت الهاديه تجنن اخوي الي صعب ذوقه ومزاجه دنيا غريبه بس ماقول الا الله يوفقهم

--------------------------------------
يتبع