الفصل 11
نزلو للبيت وصلاح طاير من الفرحه
صلاح: ادخلي لغرفتك فوق وانا شويات واجيك تعمد يتركها علشان تتضبط مايبغى يحرجها حسب عشر دقايق كأنها عنده عشر ساعات تضبط هو ببدلة فخمه لان جسمه خطير وابيض وشعره اشقر طالع على جدته التركيه دخل عليها وهو متحمس لشوفتهاااااااااااااااا
دخل ويوم شافها جالسه على الكنبه مستحيه ومرتبكه ومنزلة راسها اختفت بسمته وقرب لها بهدوء وجلس قدامها اخذ يسولف بمواضيع متفرقه ماتغزل فيها ولاشي طالع ساعته تسمح لي انام قايم بدري وتعبان حيل
العنود: بحزن خذ راحتك
صلاح: غير ملابسه ولبس بيجامة عنابيه فخمه وراح لفراشه وسحب لحافه وغمض عيونه
العنود: قامت ودخلت غرفة الملابس واختارت روب ابيض عبارة عن قطعتين طويل وناعم تعطرت وطلعت من الغرفة حست بأنفاسه انه نام جلست على الأريكة حست بحزن عمييييق توقعت موقفه غير عن كذا توقعت هالليله أحلى ليالي عمرها سندت راسها على الأريكة وراحت بعيييييييييييييد
مشاري: يجلس جنبها ويمسك يدها الي ترجف يوه بردانه
العنود: هزت راسها يعني لا
مشاري: ابتسم وسحب يدها وجلس يفركها اخاف انك بردانة ومستحيه رفعها لفمه يبوسها
العنود: سحبت يدها
مشاري: ابتسم آسف احرجتك سكت شوي وبهدوء همس لها على فكرة فستانك خيال قصدي انتي محليته
العنود: انتبهت على كحة صلاح قامت بسرعه جنبه وحطت يدها على كتفه تبغى مويه صلاح
صلاح: وهو مغمض لا شكرا مابي شي لف على الجهة الثانيه يحاول ينام موقادر حس فيها دخلت جنبه بالفراش ليه ماحس بنفس شوقي لها ليه اشوفها قبل ملكة جمال والحين ماشوف فيها أي جاذبيه معقولة الشيطان اول مجملها بعيوني والحين لا يالله مابغى اجرحها او اظلمها معاي بس احس اني مو متقبلها ابد
*************************
في بيت ابو مشاري
بندر: دخل لبيته وهو حيل مبسوط وبصوت عالي فارس فاااااااااارس
فارس: توه قايم من نومه ونازل تحت لأمه سم يبه فيه شي
ام فارس: طلعت من المطبخ تمسح يدينها بالفوطة خير ابو مشاري اشوفك مبسوط
بندر: اكيد مبسوط ومد ورقة لفارس
فارس: تغيرت ملامح وجهه يوم فتحها وقراها كتم غيظه علشان مايضايق أمه وطلع درجتين
بندر: افا وانا ابوك تطلع فوق ولاتجي لامك وابوك تخليهم يباركون لك ويفرحون لك
ام فارس: اختفت ابتسامتها وتناظر بوجه ولدها
فارس: حاول يخفي ضيقه علشان أمه نزل وباسهم على روسهم
بندر: ترا الليله الملاك
فارس: بعصبيه مكتومه وليه كل هالعجله
بندر: بصوت هادي ابرتاح من ابوها وحنته
فارس: قال بهمس ونعم النسيب وجاء يبي يطلع فوق رجع وقال لابوه بعد الملاك ابطلب منكم طلب وتقلون لي تم
بندر: عقد حواجبه ايش هو ؟؟؟
فارس: الليله بعد الملاك يصير خير وابتسم بخبث وطلع غرفته
***************************
في غرفة شجون
شجون: غمضت عيونها بحزن يوم عرفت ان ملاكها الليله على فارس حطت يدينها على راسها وهي تتذكر كلام اختها عنه كلامه هو الي دايم يتعمد يرفع صوته علشان يسمعها رفعت بصرها لفوق ربي ارحم بحالي ربي انك تعلم ماهجرت بيت ابوي الا لانجو بشرفي وعرضي ففرج همي وغمي واشرح لي صدري نزلت عيونها للارض عارفه اني راح اقبل على حياة صعبه بس الله يلهمني الصبر والسلوااان حطت راسها على الجدار وضمت رجولها آآآآآآآآآه ياغريب والله افتقدك حيل عجزت انساك كل مايمر على كربة وغم وهم اتذكرك صح حب طفولي بس دايم الي ينحفر بذاكرة الطفوله صعب ينمحي كلامك نصايحك تصبيرك لي وووينه الحين حي او ميت سعيد او حزين نزلت دموعها اشتقت له وربي البيت اشتقت له
****************************
في بيت صلاح
العنود: لبست فستان احمر سبت وقصير تحت الركبة مبين بياضها وسيحت شعرها بس كان شعرها موناعم بس تهتم فيه قصير ومدرجته وواصل تحت أذانها حطت مكياج ثقيل شوي باست راس خالتها مع ان خالتها ماتطيق احد يبوس راسها كانت تهتم بنفسها حيل وتصغر عمرها عشرين سنة ورا كان بيتهم منتهى الروعة ابو صلاح من اغنياء جدة بس فتح مشاريع بالرياض واسافر فيها بس غالبا مايتنقل بين جدة والرياض
نسرين: وهي تصفر اوووف اوف ايش هالحلا كله
العنود : من ذوقك ياقلبي
ام صلاح: برسميه اجل فين صلاح
العنود: انتظرته حتى يقوم يوم قام قالي انا ابدخل اتحمم وانتي انزلي عند اهلي
ام صلاح: اهااا وسكتت على مضض
نسرين: قربت جنب العنود هاه كيف ليلة عصافير الحب اكيد ليلة كلها غرام
العنود: ابتسمت مجاملة وسكتت
نسرين: فديت الي يستحون بس
العنود: بقلبها ياحسرة اصلا ماعبرني ابد
صلاح: لبس بدلة عبارة عن بنطلون جينز وقميص من ماركة بيربري سماوي ناعم مشط شعره الي مطوله ولون شعره اشقر فاتح وعيونه رمادي وجسمه مليان شوي وطويل طلع من غرفته ونزل بالدرج وشاف أهله جالسين وزوجته العنود معاهم ابتسم لها مجامله
العنود: طارت من الفرحه يوم شافت ابتسامته تموت فيه فاتنها شكله حيل نست جرحه لها البارح يوم شافت جماله نزلت راسها بحياء
صلاح: قرب منهم صباح الحلوين
ام صلاح: هلا وغلا بالزين كله تأخرت بالقومة حبيبي
صلاح: حك راسه وابتسم آسف راحت علي نومة
ام صلاح: نوم العوافي ياقلبي يالله نفطر
العنود: وهم على طاولة الاكل ماكانت تاكل كويس كانت تتابع صلاح بنظراتها تقول بقلبها مو مصدقة ان صلاح صار زوجي تناظر شياكته وفتحت صدره الي واضح حمار صدره وخدوده وهو ياكل ويمزح مع اهله يالله فرق كبير بينه وبين مشاري الحمد لله قررت قرار حازم وتركته ومانحرمت من صلاح احبه ياعالم والله احبه صدق البارح تضايقت من تصرفاته بس معذور ياروحي هو يمكنه تعبان ومرهق حيل اليوم نفسيته غير وواضح حبه لي من عيونه
صلاح: الا ابوي فينه يمه
ام صلاح: مشي اليوم لجدة
صلاح: افاا يمشي صبيحة زواج ولده
ام صلاح:أي زواج ياحبيبي تسمي زواجك الي انبارح زواج !!!
العنود: ضاق صدرها ونزلت راسها
صلاح: ولا على باله ابتسم وكمل فطوره
ام صلاح: وهي تأكل على فكرة ابوك عازمنا كلنا بشاليهاتنا الي بجدة
صلاح: حلو وبالمرة نقضيها هناك شهر عسل
نسرين: أي شهر عسل تسمي روحتك لجدة شهر عسل
صلاح: ياخذ زيتونة ويحطها بفمه واحلى شهر عسل كمان
ام صلاح: صادق جدة حلوة
نسرين: ماما بس المفروض يروح لباريس فينا وهو دايم كان يردد اذا تزوجت ابروح هناك
صلاح: قام قلتيها كان اما الحين غير
نسرين: ايش تغير يعني
صلاح: يسحب ابتسامته لان اخته ضايقته بأسألتها كبرت وعقلت عن اذنكم
ام صلاح: ماتلاحظي نشبتي بحلق اخوك
نسرين: ايش قلت !!!
ام صلاح: أسألتك سخيفه وبايخة ومالها داعي
نسرين: يعني بس علشاني استغربت انه ماراح يقضي شهر العسل برا
ام صلاح: وهي تبعد الكرسي لو انك ذكيه عرفتي ليه غير أمنيته يقضي شهرين عسل موشهر واحد برا لو انه متزوج بنت بكر مو مطلقة بعد اربع سنين زواج
العنود: رفعت عيونها لأم صلاح منصدمة من كلامها
نسرين : مــــــا مــــا
ام صلاح: اعذريني العنود ماكان اقصد اجرحك بس
العنود: وهي تقوم ماحد غصبه يخطبني عن اذنكم وراحت غرفتها
نسرين: كويس كذا ماما زعلتيها
ام صلاح: اصلا هذالزواج المفروض ماتم من اصله بس كله من حنتك على اخوك شوفي شكله واضح انه مو مبسوط ابد وبعدين هالبنت ايش يضمن لي انها عقيم وماطلقها زوجها الا لأنها ماتجيب عيال
نسرين: ماما ايش فيك زوجها كان يموت بتراب رجولها هي الي فسخت منه
ام صلاح: لحست عقلك بكلميتن وانتي يالمغفله صدقتيها انا ابد مو متراحة لزواج ولدي وحيدي لها شوفي فرق بينهم كثيررر ماتخيلت صلاح راح يتزوج كذا كنت ابغى اخطب له احلى عروسه بعدين هذولا مو من طبقتنا إحنا وين وهم وين ؟؟؟؟
مخربتها مخربتها كان خطبتي لاخوك البنت هذي كالي تقولي هنا يتميمه على الأقل بنوته وحلووة وناعمة وواضح صغيرة تناسب صلاح مو زي هذي الي مادخلت مزاجي ابد
صلاح: كان راجع ياخذ مفتاح سيارته وسمع كلامهم بدون مايحسون فيه طلع بهدوء ماكانه سمع شي بس من جد كلام أمه ضايقه وصارت الف فكرة تجي على باله ركب سيارته وهو يفكر جد لو كان مشاري هو الي طلقها مو هي الي طلبت منه احسه مبسوط ابد وماضاق اوووه انا ايش الي جاني فتح أغاني وحاول مايفكر كثير
نسرين: حطت يديها على خصرها ومن غصبه يخطبها ولاتنسي هو الي ازعجني فيها ومصمم انه يرجعها من مشاري
ام صلاح: طيش شباب وانتي ماصدقتي خبر يبغى ينتقم منه بأي وسيله والا شوفي نظراته لها مافيها أي حب ولافرحه
نسرين: يالله والله انك راح تجنني انتي وولدك وراحت غرفتها
**********************
في شقة مفروشة
نجود: واهون عليك تتركني كذا
حمد: وهو حاضنها لاياروحي راح استمر معاك
نجود: تبعد عن حضنه تستمر معاي وعروستك الجديدة راح ترضى بحالك
حمد: ترضى غصب عنها
نجود: وهي ترجع لحضنه لو انك تزوجتني كان مانتفارق ابد
حمد: وهو يمسح على راسها ابوي غاصبني ياروحي انتي البنت يتمية وراحمها
نجود: وهي منقهره ومالقى غيرك يقطها عليك
حمد: تنهد من وراء قلبه يمثل عليها انه متضايق ايه الشكوى لله
نجود: كم باقي على زواجكم
حمد: تخلص من دراستها
نجود: وهي بالثانوي يعني قريب تخلص ارجوك حمد اجل الزواج باي طريقة طلبتك
حمد: وهو يفكر خلاص حبيتي افكر ابوي اصلا مصمم بقدم الزواج والا البنت شارطه بعد سنتين او أكثر
نجود: كان ماأجلته لا أنا اعرفك ولا انت تعرفني
حمد: لاياروحي ااجله لعيونك اسوي المستحيل ورجعها ثانيه لحضنه
***************************
في بيت ابو عبدالرحمن
ابو عبالرحمن : سحر عمك سند كلمني يسألني يقدر يأجل الزواج او لا يقول ان ولده حمد رفضو شغله يقبلون إجازته ماعطوه غير اسبوع واحد وهو مصمم اكثر من اسبوع يبي شهرين يتهنى فيها
سحر: كأن عمها صب عليها موية بارودة ابتسمت الشور شورك ياعم وأنت عارف اني من زمان مابي اتزوج الا بعد سنيتن او اكثر
عمها: ضمها لصدره وانا شوري شورك وانا عمك
سحر: اصلا كل ماياجلون ااحسن لي لاني ابغى اكمل دراستي
عمها: خلاص راح نقولهم متى ماخلصت دراستها تتزوج
سحر: فرحت وجت تبي تقول ايوه بس خافت زوج أمها يعصب على أمها قالت خلها تجي من ربي
عمها:لف وجهها عليه سحر وانا عمك احسك ابد مو متحمسه لزواجك من حمد ان كان بخاطرك شي لاتخافي من أحد وربي ماحد يضرك باذن الله وراسي يشم الهواء
سحر: باست راس عمها الله يخليك لي وجعل عيني ماتبكيك لا ياعم مستخيرة ومرتاحه وهي تقول بقلبها لو تعرف ياعم حريقة بوسط قلبي شابه مابغاه ولا اطيق حتى اسمه بس الشكوى لله
*******************************
في عزيمة اهل صلاح
العنود: لبست فستان ذهبي لامع سبت قصير من قدام وطويل من تحت مسكت معاه شال خفيف
صلاح: دخل للغرفه يبي يلبس شافها من فوق لتحت وماعلق على شكلها دخل ياخذ شاور علشان يلبس للعزيمه
العنود: توقعته يمدحها زي ماكان مشاري بس ماشافت حتى نظرات الاعجاب منه ياربي ليه احسه بارد معاي معقولة انا اتوهم لاني متوقعته يطير فيني الله ياخذ المسلاسلات الي اثرت علي
صلاح: كشخ وتعطر قدامها
العنود: ماتقاوم فتنته اقراء وردك
صلاح: ابتسم بغرور قاريه يالله مشينا
العنود: تمنيه يحصنها باللورد زي ماكان مشاري يوصيها بس كتمتها بقلبها طلعت معاه ووصلت للاستراحه االفخمة الي استاجروها لحفلتهم
نسرين: كانت باستقبالهم
العنود: أخذت الشغاله عباتها وراحت تعدل نفسها قبل تطلع للناس
نسرين: انتبهي تراهم ناس هاي
العنود: ايش قالو لك جايه من خيمه
نسرين: لابس اتكيت حيل مو بسيطين
العنود: قهرها اسلوب مسرين وحبت تغير الموضوع اهلي وصلو
نسرين: ايوه بس الله يهديهم كان لبسهم مو قد اكذ امي حيل تضايقت وطلعت وخلتها
العنود: انقهرت حيل من كلام نسرين بس حاولت تطنش طلعت لهم وهي تسلم تسمع مرتين يتكلمون على خالتها
المراة الاولى : الله يهديك يا سارة مالقيتو غيرها لصلاح كل بنت تتمناه مطلقه ومو قد كذا
سارة: تخفي قهرها مادخل بحياة اولادي الخاصه
المراة الثانيه: بس ولو كان نصحتيه وجهتيه
سارة: سكتت ماردت تقول بقلبها اصلا وهو ياخذ رايي ماله الا الي براسه بس
العنود: كملت سلامها وهي تبلع عبرتها ووصلت لأختها سلطانه وامها وطلعت دموعها ومسحتها بسرعه
ام سلطان: جلستها ايش فيك ياروحي
العنود: لابس كنت مشتاقه لكم
سلطانة: حست ان أختها فيها شي ثاني بس ماحبت تحرجها سكتت وقالت بقبلها بعدين اسألها
نيفين: مرة فستانها قديم زوجة اخوك
نسرين: تعرفي مو راعين كشخه وذوق بس ماعليك بعدين راح تتعود على ذوقنا وكشختنا
مجد: بس من جد كنت متوقعه ان وحيدكم صلاح راح تزوجونه احلى وارقى من كذا
نسرين: ابتسمت هو مختارها احنا مالنا شغل
ام صلاح: يوم جاء وقت العشاء رحبت بضيوفها وماعبرت ام سلطان وراحت للعشاء
العنود: انقهرت من تصرفها لفت على أمها يالله يمه تفضلي على العشاء
ام سلطان: ماشتهيت ياروحي دقي على سلطان يابنت
سلطانة: سمي يمه
العنود: يمه راح يزعل صلاح ويتضايق لو عرف انكم راح تطلعون بدون عشاء
ام سلطانة: تعرفي قرحة المعده الي معاي ماتخليني اكل كل شي ماحب اتعشاء الا خفيف اهم شي انتي مبسوطه
العنود: اكيد الحمد لله ريحي بالك ياقلبي
سلطان: دق على سلطانه اطلعو انا عند الباب
العنود: ودعت أهلها وبسرعه دقت على صلاح
صلاح: تو الناس لسه مبسوط مع ربعي
العنود: ضاقت من رده غيره عريس يفرح يجلس مع زوجته البارح متزوجين قالت بدون نفس خلاص اجلس
صلاح: سكر وماهمه زعلها وجلس يضحك ويسولف مع ربعه
العنود: خلاص تحس نفسها مخنووقه بس متصبره جالسه لحالها بحوش الاستراحه ابتسمت بألم فرق كبير بين تعامل بيت عمي وتعامل اهل صلاح معاي ايه اهم شي ان صلاح يحبني وانا احبه امه وغرورها ماتهمني
**************************
في استراحة الشباب
ابراهيم: مجنون انت تأجل علشان عشيقتك هذي نجود
حمد: وهو يدخن ياخي ايش ورانا وايش مستعجل عليه الزواج تقيييد والبنت الي ابغاها خطبتها وضمنت انها ماراح تروح لغيري
ابراهيم: حيرتني انت تحبها او تحب نجود
حمد: نجود عشيقتي وسحر خطيبتي وأم عيالي
ابراهيم: بضحكه عاليه والله مالقاها غيرك عاد انت شيفه ومو زين مادري كيف تقدر تشبك هالبنات
حمد: يأشر على لسانه بهذا تقدر تنصب على الف بنت
ابراهيم: ايه بس ان شاءالله تقدر تنصب على دلوعة اهلها
حمد: وهو ينفث دخان سيجارته هذاني نصبت عليها بحركاتي وبسرعة قبلتني تصدق ابراهيم يوم قبلتني وثقت بنفسي اكثر وعرفت اني خطير لاني ماكلمتها ولا بكلمة بس اتميلح اذا صارت عند امها وجالسه بالغرفة ارفع صوتي بكلمات تحسسها اني اموت فيها وفعلا قدرت اجيب راسها
ابراهيم: يعني ماتحبها
حمد: من يومي صغير اموت فيها بس هي كانت ماتعبرني ابد يوم كبرت شكيت انها تحب احد من أهل ابوها علشان كذا ماحبيتني مع اني كنت ماسافر حتى اجيب لها ولأمها انواع الهدايا واتفاجأ بعد ماتروح لبيت عمها انها ماتاخذ هداياي كنت اموت من القهر وصممت انها ماتتزوج غيري بديت احن على ابوي حتى وافق وخطبها لي مع انها مايبلعها ابد بس الفلوس تطيب النفوس ابوي طمعان بورثها من ابوها
ابراهيم : ليه ابوك مايبلعها؟
حمد: يقول مدلعة مرة ايش تبغى فيها وانا ماذبحني غير دلعها تعرف حب الطفولة يظل معاك
ابراهيم: ياغبي كيف تصمم عليها وانت تشك انها تحب احد من اهل ابوها
حمد: صرت واهم وغلطان لو كانت تحب احد ماقبلتني بسرعه شكل البنت من زمان ميته فيني بس مسويه ثقل
ابراهيم: ههههههههههههههه ياعيني على حركات البنات
************************
في جناج صلاح
صلاح : بدل ملابسه وانسدح على السرير
العنود: لبست روب وردي قصير فوق الركبه وتعطرت وجلست جنبه بس كانت هاديه وسرحانه
صلاح: لف ناظرها ايش فيك كأنك متضايقه
العنود: متضايقه علشان أهلي طلعو بدون عشاء
صلاح: جلس افا ليه ؟!.؟.!
العنود: بحزن خالتي ماعزمتهم على العشاء اعزمت ضيوفها وتركت أهلي
صلاح: رجع يتسند على سريره اكيد أمي كانت مشغوله ومانتبهت بعدين ليه اهلك حساسين كذا عادي صرنا أهل يعني مو لازم رسميات
العنود: لفت عليه صراحه احس امك ابد مو متقبلتني كأني انا الي جريت وراك حتى ارجعك لي
صلاح: بعصبيه لا يامدام العنود انا الي جريت وراك حتى رجعتك من الرجال الي بعتيني ورحت له وتراك لسه عروسه وتصبحتي بأهلي مو صغيره انتي يالعنود اكبر من كذا ترا الرجال اكره ماعنده الزوجه تفرق بينه وبين أهله
العنود: نزلت دموعها انا مافرقت ياصلاح علشان تقولي كذا يس من جد امك ابد مو متقبلتني من صباحية زواجي وهي تقط علي كلام ماله داعي كنت ساكته ومتحمله بس توصل للأهلي ماتحمل
صلاح: ياليل سوتها سالفه عمري شفت عروسه ثاني عرسها تسوي مشكله مع زوجها
العنود: عمري شفت عريس يترك زوجته ويسهر الى الساعه 3 مع ربعه مادري وين احط وجهي من الناس قسم
صلاح: لااااااااااااااااااااااه شكلك ابد مو معديتها على خير تصبحي على خير ياعروسه وشكرا على الليله الحلوة سحب غطاها وولف للجهه الثانيه وتركها
العنود: ندمت انها قالت كذا له ليتني سكت الحين كيف اراضيه ياقهري بسسس من جد انا غبيه وبقوة بعد ياعمري هو نكدت عليه ليلته والا كان مبسوط اول مايقوم ابحاول اراضيه ماتحمل زعله علي ابد
أنت تقرأ
بيت العنكبوت
Adventureطفل حرم من أسرته بسبب ذنب لم يقترفه حكم عليه انه لقيط وأمه مازالت على قيد الحياة احبه اخوانه بجنون لكن قدر عليه ان يعيش بعيدا عنهم يعاني الوحدة واليتم وقساوة الحياة بعيد عن احضان أم كرهته وهو في أحشائها مرت عليه السنين قاسية صعبه يكره نظرات الاحتقار...
