الفضل التاسع
ابو سلطان: تعال سلطان ابكلمك بموضوع
سلطان: آمرني يبه
ابو سلطان: مايامر عليك ظالم ياوليدي بس حبيت اشاورك بصلاح ولد فؤاد
سلطان: عقد حواجبه ويدعي ربه ا ن الي بباله مو هو طالع بابوه ايش فيه يبه
ابو سلطان: صلاح جاي يخطب العنود
سلطان: وقف بعصبيه وهو يتذكر كلام فارس له مستحيل يتزوجها
ابو سلطان: وليه مايتزوجها !؟!؟
ام سلطان دخلت هي وبنتها العنود
سلطان: ناظر بأخته بحقد قلت صلاح ماراح ياخذ العنود يعني ماراح ياخذها
العنود: نزلت راسها بحزن
ام سلطان: وليه ماراح ياخذها الولد شاريها والا لو غيره شاب ماتزوج ماياخذ وحدة متزوجه قبله بس ماجاء وخطبها الا لأنه شاريها
سلطان: قرب جهة أخته يعني كلام فارس عنك طلع حقيقي
ام سلطان: وقفت بعصبيه تخسى انت وفارس الي يرمي بنتي ماعرفه لو هو ولدي وحشاشة جوفي ماهقيتها منك ياسلطان تشك بأختك ياحيف بس ياولد بطني ياحيف وطلعت معصبه
العنود: حزنت وطلعت
ابو سلطان:وقف وقرب منه وهو معصب حيل كفو عليك تهين اختك وماعندك احترام وتقدير لا لأبو ولا لأم
سلطان: ندم على تسرعه بالكلام وكره فارس أكثر قال كله منك يافارس خليتني أشك بأختي وازعلها وأزعل ابوي وأمي راح لابوه وباسه مع راسه جلس عند رجول ابوه آسف والله يبه والي تبيه يصير والله يهنيها بحياتها
ابو سلطان: ناظره بحزم قوم اعتذر من أمك
سلطان: اكيد يبه اموت الف مرة ولا أشوف أمي زعلانه علي راح لأمه وباسها مع راسها
أم سلطان :صدت عنه الجهة الثانيه نزل عند رجولها يبي يبوسهم مسكته ورفعت راسه بيدينها ياوليدي ماربيتك تقذف او تغلط بحق خواتك ماعندك غير سلطانه والعنود ان ماحطيتهم بعيونك راح يضيعون البنت ضعيفه وأنا امك ان ماناصرها وعزها أخوها من يناصرها بعد ربها
سلطان: صادقة يمه وحقك علي
ام سلطان: يالله ياوليدي روح اعتذر من أختك وبارك لها بخطبتها وادعي لها يعوضها عن صبر اربع سنين ياوليدي ترا العنود برت بابوك وقبلت مشاري من ورا قلبها وانت جربت الحب وتعرف كيف صعب على الواحد يفارق الي يحبه مع ذلك ماعارضت ولاشي اقبلت واصبرت بس قدر ربي انها ماتحمل من مشاري ويتفارقون ويرجع يخطبها صلاح بس مو معنى خطبتها انها خانت زوجها الاول نصيبها وجاها وتراها ماعمرها قالت لي عن حبها لصلاح بس وانا امك الام تعرف عيالها وتقرا كلامهم لو ماتكلمو ومشاري الله يبيض وجهه ماعمره نكد عليها بالعكس شايلها فوق راسه هو الي يعوضه وهي بعد الله يسعدها لاتحقد على أختك لانها طالبت بحقها بالضنا لايلعب براسك كلام فارس طول عمره متهور ومايقدر ولايحشم أحد شوفه كيف رمى اخته شعاع ولاهمته ماعنده رحمه لاخواته ومابيك تصير زيه ياوليدي الي مايرحم ويحب خواته مو رجال شوف الحمدلله خالك قدمك على ثلاثة تقدمو لبنته معاك يقولي سلطان رجال الكسبان الي يزوجه بنته انت ومشاري نفس بعض الله يسعدكم دنيا وآخرة بس احذر تتأثر بفارس وأفكاره
سلطان: سمي يمه ولايهمك شورك على راسي ونصايحك حلق بإذني اهم شي رضاك عني انتي وابوي
أم سلطان: راضيه عليك يانور عيني الله يسعدم ياولدي وين مارحت
أنت تقرأ
بيت العنكبوت
Adventureطفل حرم من أسرته بسبب ذنب لم يقترفه حكم عليه انه لقيط وأمه مازالت على قيد الحياة احبه اخوانه بجنون لكن قدر عليه ان يعيش بعيدا عنهم يعاني الوحدة واليتم وقساوة الحياة بعيد عن احضان أم كرهته وهو في أحشائها مرت عليه السنين قاسية صعبه يكره نظرات الاحتقار...
