بيت العنكبوت
الفصل 27
في بيت ابو مشاري
الكل جالس في الصالة الا شجون
مشاعل: دق جوالها هلا غلاب
غلاب: دقايق واصير عندك مشاعل تجهزي
مشاعل: سم ان شاءالله وسكرت جوالها
أمها: وهي تمسح دموعها مازالت تتذكر شعاع هاهـ تبي تروحين يابنتي
مشاعل: ايوه يمه ماقصر خلاني طول هالمده
أمها: ايه والله ماقصر
مشاعل: قامت تلبس عباتها ولاست امها مع راسها وطلعت
فارس: عن اذنكم وطلع جناحه لف يناظر فرغة شجون وده يروح ويشكرها على الي سوته معاه بس متردد عزته ماتسمح له قدم رجل وأخر الثانيه تراجع ودخل غرفته وجمع أغراضه
شجون: جالسه على سريرها وحاطه راسها على طرف السرير الحزن يقطعها على شعاع صح تتماثل القوة قدامها بس هذي الإنسانة الي كانت اقرب لها من انفاسها موت ابوها ميتة سيئه فقد شعاع وقرب قصاص أختها محتاجة تحط راسها على صدر انسان يفمها تفضفض لها تحس بلأمان بوجده تمسح دموعها وتتعوذ من ابليس لا مابي اضعف ربي معاي وهذا كله اختبار يارب الهمني الصبر والقوة قامت وتوضات وصلت الي كتب ربي لها وطلعت تبي تشرب مويه كانت حاطة شعرها وراء أذنها وصل شعرها تحت رقبتها لأنه طال بسرعه حاسه بتعب شديد بس متصبره
فارس: طلع ومعاه شنطته شافها ابتسم صباح الخير لايكون أزعجتك
شجون: ابتسمت بوجه شاحب وعيون ذبلانه صباح النور لا كنت صاحيه
فارس: يحس انه مشتاق لها حيييييييل مايدري ليه حط شنطته وجلس يعني اجلسي
شجون: استحت تروح وتخليه جلست
فارس: دقق فيها قام وقرب منها سلامتك شجون وجهك ابد موع اجبني تخيل ذبول شعاع خاف عليها
شجون: من الارهاق مانام زين هزت كتفها فقط لاغير
فارس: متأكده
شجون: فرحت بأهتمامه وابتسمت ان شاءالله
فارس: فرح بإتسامتها بس خربها يوم قال وجهك ابد مايطمن ابوصي ابوي يوديك للمستشفى كان اوديك أنا بس تعرفي اسبوعين هنا وتارك بيتي حتى دلولتي ماوديتها انا راحت مع سواقهم لبيت أهلها وكل يوم المسكينه تدق علي متى نرجع متى نرجع كان يتكلم بكل تلقائيه نسى ا نالي قادمه بشر مو حجر زوجته وتحمل بأحشائها ابنه نسى ان لها عواطف ومشاعر وتحرقها غيرتها ولامبالاته فيها
شجون: اختفت ابتسامتها ورجعت لعزتها وكرامتها اجل لاتتأخر عليها ماقصرت وياك جت هنا ووقفت جنبك وقفت ماعطلم عن اذنك
فارس: مايبها تقوم يبي يسولف معاها هو غير اسلوبه يحاول يشكرها بطرق ملتويه مايقدر يشكرها مباشرة وقف وشال شنطته أي شي تحتاجينه قولي لابوي ياشجون او لي لاتنحرجين ابد
شجون: بكل برود مشكور وعمي ابد مايقصر معاي ودخلت غرفتها وسكرت بابها بحزن وضيقه فرحت بكلامك كنت ابتجرا واقولك ترا بين احشائي ولدك يافارس ابيك تشاركني فيه مو اشيله انا بس جلست على سريرها ونزلت دمعتها تغيرت من المصايب صارت دموعها بسرعه تنزل صجمه وراء صدمه اضعفتها مع انها تحاول تكون قويه قدامهم بس هل ياترى راح تتقبل هالولد يافارس او لا ياخوفي تتبرا منه وتتهني بشرفي قدام الكل آآآآآآآهـ المشكله الكل يعرف اني بغرفه وهو بغرفه وماصار الحمل الا قبل زواجه بأيام يعني مستحيل يصدقوني يوم تزوج قرب منك ويوم كان عزابي لا ماتدخل للبال وفارس عادي يكذب وعادي يتهم الناس بأعراضهم مادري ايش اسوي محتارة ان كتمت وخبيت حملي تعبت الجنين حتى ماتكمنت عليه هو بخير او لا حطت يدها على بطنها سامحني ضناي سامحني ياروح تنبض جواتي كل الي السويه علشانك مابيهم يبعودني عنك ربي ابتلاك بأبو يكره أمك ومو متقبلها ابد ويستعار من عيلتها آآآآآهـ يافارس ليتك تحس بالنار الي تحرقني ليتك تحس الوجع الي اعانيه الله يعين يارب
&&&&&&&&&&&&&&&&
في بيت غلاب
غلاب: فرحان مرة برجوع مشاعل لبيتهم مايستغني ابد عنها فتح لها الباب ودخلها
ام غلاب: هلا وغلا بنور البيت هلا ببنتي هلا بقلبي
مشاعل: تحس الدنيا كلها تنور اذا شافت خالتها ضمتها بقوة وباستها مع راسها ويدها
ام غلاب: مابي اتعبك يمه بالوقفه وولدي الصغير اخاف يتعب
مشاعل: ضحكت وهي تمشي ايه قولي خايفه على وليدك مو علي
ام غلاب: وهي تجلس تعرفين غلاك يمه مافيها شك حبك انحفر في قلبي حفر
مشاعل: مسكت يدها اموووواح فديت القلب بس الله لايحرمنا منه ومن راعيته
غلاب: صح مشاعل ترا اليوم موعدك عن الدكتورة
مشاعل: ايه صح نسيت عاد اليوم موعد الإشعة
ام غلاب : بفرح اجل ابجي معاكم اشوف وليدي الصغير
غلاب: بحزم تراه مو فرجه نروح كلنا مستشفى واشعه لاحقه عليه تشوفيه اذا طلع
ام غلاب: اختفت ابتسامتها سم يبه
غلاب: يووووه كم مرة اقولك انا غلاااااااااب غلاااااااااب
مشاعل: ناظرته بعصبيه راح نروح انا وخالتي رجلي على رجلها والا مابي اروح
غلاب: عصب من ردها بس مسك نفسه يوم تذكر شرطها قام وهز يده كفيفكم ابطلع غرفتي شوي أنام واذا جاء الموعد اقوم
ام غلاب: يوم راح يابنتي ماله داعي وصادق وليدي مو فرجه يجي واشوفه بعون ربي
مشاعل: يمه ابيك تدخلين معاي نشوفه سوا
ام غلاب: وهي تناظر تتأكد غلاب فيه او لا طلعت كيس تحت الكنب شوفي
مشاعل: تفتح الكيس وووواوووو يمه ايش هذولي يجنون ياروحي
ام غلاب: عجبتني قلت ابخبيها للصغير حتى يجي
مشاعل: خنقتها العبرة وضمتها ربي مايحرمني منك يمه وان شاءالله اول مايجي ماراح يلبس غيرهم
ام غلاب: عارفه موحلوات بس قلت يعبرون
مشاعل: الا يجنون وراح اخبيهم له حتى يكبر اقول هذا من جدتك سبيكه لاتضيعهم
ام غلاب: فديتك يالله يمه روحي نامي تعبتك حيل
مشاعل: مافيه نومه ولهانه عليك يمه مررة
ام غلاب: سرحت شوي وحطت يدها على رجلها مشاعل لاتكوني تتضايقي زي غلاب اذا قلت لك يمه بس تجامليني تراها بلسلني فديتك
مشاعل: لاااااااااااااا بالكعس تحسسيني بحنانك اكثر ليه اعتبرك زي أمي الا لأنك تناديني يمه
ام غلاب: قولي آمين يامشاعل يابنت بندر الله يسعدك زي ماسعدتي قلبي انتي نعمه وكنز ربي جابه لي لو غلاب متزوجه وحده ماتحبني وماتتقبلني زيه كان الله يعلم بحالي الحين يمكني بدار العجزة
مشاعل: رحمتها يمه ترا غلاب يحبك ويموت فيك بس هو طبعه كذا
ام غلاب: اتمنى بيوم احسه بحبه لي دايم اذا طلعت للسوق اشو فالي يدف أمه بكرسي بكل حنان والي ماسك يد أمه والي بفتح لها باب السيارة وقلبي يتقطع اتمنى يوم عيد يجي يبوسني ويعيدني زي غيره تمسح دمعتها تصدقين طول عمري ماعمري قفلت الباب وانا نايمه اخاف يجي يحتاجني وانا موجنبه يمكن يوم يضيق ويجي يرتمي على حضني اتمنى هذا اليوم يامشاعل يرتمي بحضني وانا امسح على راسه اهديه غلاب رجولته ماتسحم له يشتكي لأحد
مشاعل: رحمتها أكثر كل هالقساوة وتبرر ان رجولته ماتسمح له ماقالت عقوقه وكبريائه والشيطان منعوه يعتذر سبحان الله قلب الأم حنون ويدور العذر لولده ابتسمت بحنان لأم غلاب وهي تبلع العبرة الي خافت تطلع وتفضحها راح يجي يوم ويرتمي بحضنك ويضمك ويبوسك زيه زي كل العيال كل انسان محتاج لأمه حتى لو كبر سنه يظل طفل يحتاج لأمه
ام غلاب: عارفه ان وليدي يحمل جواته قلب حنوووووون ها ولدي تربية يديني شوفيه ماقصر علي بشي بيت واكل ولبس ومريحني لو غيره ماهتم فيني
مشاعل: ودها تقول غصب عنه وقليل الي يسويه بس ماتبي تزيد صادقه يمه خرب جوهم صوته
غلاب: نمت وقمت وانتم مازلتو تقرقرون يالله جاء موعد مشاعل
مشاعل: قامت تلبس عباتها
ام غلاب: خافت تقوم يعصب منها
غلاب: لف ناظرها ماعندك نيه تروحين مو مزعجتنا بالروحه انجزي علي والبسي ترا وراي الف شغله
ام غلاب: فرحت انها تبي تروح سم يبـ سم ياغلاب الحين اجهز
غلاب: لف يبي يطلع
مشاعل: ناظرته من فوق لحت باستحقار ماراح تتغير ابد
غلاب: اوووف انتي الثانيه تراني مصدع ومالي خلق طلع وخلاها
((( حدر جبل ولاتغير طبع )))
&&&&&&&&&&&&&&&&&&&&&&
في بيت ابو صلاح
صلاح: خلاص طفش من حياته وبعده عن رولا وولده قرر يتجرا ويقول لأهله عنها شاف العنود نايمه نزل للصالة
ام صلاح: هلا حبيبي
صلاح: يبه يمه انا ابسافر لبريطانيا ابجلس اسبوعين هنا
ابو صلاح: نزل نظارته ماتلاحظ كاثره سفرياتك كذه راح يأثر على شغلك
صلاح: يبه زوجتي وولدي اولى من شغلي
امه وابوه تفاجأو
نسرين : توها نازله من غرفتها ايش هالخرابيط صلاح
صلاح: مو خرابيط ولاشي هذي الحقيق هانا متزوج وعندي ولد
أمه: فرحت ان عنده ولد
ابوه: بكل حزم وتتزوج ياواد وماتعلمنا ماكأن عندك ابو ولا أم
صلاح: خفت تزعلو خبيت عليكم شاف الفرحه بعيون أمه طلع محفظته واح وراء امه الي جالسه على الكنب وحط قدامها صورة باسل
أمه: بسم الله عليه يجنن طالع عليك حبيبي وتحط يدها على خده
نسرين: نطت من مكانها وجلست جنب أمه ووواو يجنن
العنود: تنبهت من نومها مدت يدها جنبها مالقت صلاح عرفت انه نزل تحت قامت وتحممت وجت تبي تنزل الا تسمع كلامهم انصدمت من مصارحته لهم وفرحهم في ولده خلااااااص الدنيا ظلمت بعيونها رجعت لغرفتها تبكي ألمها تبكي حسرتها تبكي وجعها
ام صلاح: قامت جنب زوجها شوف فؤاد ولد ابنك
ابوه: ناظر الصورة وناظر صلاح وهو عاقد حواجبه ومين أمه ان شاءالله
امه: نست تسأل ولدها عن امه من فرحتها في حفيدها صح حبيبي مين أمه
صلاح: خاف من ردة فعل ابوه جلس جنب أمه وطلع صورة رولا
نسرين: يوووووه جونان
امه: ايه هذي الي تناسبك جمال ورشاقه وواضح صغرها
صلاح: فرح بكلام أمه ايه يمه رولا تجنن
نسرين: ياعيني واسمها رولا حركات صلوح
ابوه: وبس تفرحون كذا وبس ايش اصلها وايش مذهبها مايهمكم غير الشكل
صلاح: يبه هي لبنانيه معاها الجنسيه الامريكيه وتعرفت عليها ببرياطانيا علشان شغلها كان هناك مندوبة مبيعات تابعه لشكره امريكيه (( ماقال نصرانيه )) بس يبه دين وحشمه وأخلاق وذوق وكل شي فديتها
ابو صلاح: يعني ياتجيب لنا مطلقه وشكلها عقيمه ياتجيب لنا وحده ماندري من وين ايش عرفك بدينها الحقيقي وهذاك قلت وظيفتها يعني شكلها جايه بدون اهلها لبريطانيا وانت تعرفت عليها صح او لا
صلاح: سكت بس يبه
ابوه: بعصبيه بس يبهم اعند رد على كلامي ياولدي الي تسويه غلط الناس اجناس وهذي ماتعرف مذهبها
ام صلاح: يوووه فؤاد خربت فرحتنا بولد ولدك لاتكبر الامور حبيبي وخله يروح ويجيبهم ونفرح فيهم
ابو صلاح: والله ماتعرفون مصلحتكم ابد الي تبونه سووه وراح لمكتبه
صلاح: ضاق من ردة فعل ابوه
امه: باسته لاتضيق حبيب امك كلها يوم يومين وراح ابوك يتقبل الوضع بس هو توه عارف لازم ينصدم روح حبيبي جيبهم وراح نسكنهم احلى فله
نسرين: والعنود
صلاح: انا ماردني غيرها
امه: والله رولا حالها حال العنود بالهكس هي الي قبل راح ترضى فيها العنود حياها معززه مكرمه ماترضى كيفها
صلاح: بس يمه
امه: ولدك اولى منهم كلهم لازم يتربى بيننا حبيبي
صلاح: اجل ابقوم اجهز اغراضي رحلتي قربت راح لغرفته وشاف العنود تلم اغراضها عرف انها سمعت رحمها العنود تراك تظلين غاليه بس
العنود: والدموع بعيونها الي بينا انتهى ياصلاح شكرا على الحلم الي عيشتني فيه شكرا على وهم الحب الي خليتني اجري وراه واكتشف انه سرااااب شكرا على كل شي ومسحت دموعها وتكمل تشيل اغراضها
صلاح: حبيتي انا
العنود: لاتلمسني خلاص مابي اسمع كذب اكثر رمت الفستان الي معاها عمرك ماحبيتني تحب نفسك بس تحب تنتقم من مشاري بأي طريقه مالقيت تناقم منه الا بزوجته بس مالومك الوم نفسي انا الغبي هالي تركت زوج كان شايلني فوق راسي واروح لانسان قلبه اسود يبني سعادته على تعاسة غيره ضحكت بتريقه بس ابشرك ماخربت عليه شي مشاري ماهتم فيني خربت علي انا بس ايش ذنبي وايش جنيت عليك مادري
صلاح: وانتي معاي ماحبيت اجرحك حتى الحمل ماكنت اسالك عنه علشان مشاعرك
العنود: تكتفت قصدك ماتسالني عنه لانك فرحان اني ماحملت ماتبي اصلا مني عيال لاتكذب اكثر ارجوك صلاح مسرحية الكذب انتهت وكل شي انتهى
صلاح: يعني راح تتركيني
العنود: ورقتي توصلني قبل سفرك وشالة شنطتها
صلاح: وين العنود تعالي نتفاهم
العنود: ماحبيت اتعبك وابلشك واخرب فرحتك بقدوم زوجتك وولدك دقيت على اخوي وجاي ياخذني على اذنك يابو باسل وناظرتها باستحقار وطلعت وخلته
نزلت شافت أهله طالعتهم بعتاب وطلعت وخلتهم بدون حتى ماتسلم
أمه: ايش فيها هذي
نسرين: ميلت شفايفها مادري
صلاح: نزل عرفت كل شي
نسرين: جد!!!
صلاح: هز براسه وهو ضايق ايوه وطالبه ننفصل
أمه: جت منها بسلامتها اهم شي حبيبي ولدك جيبه لي ولاتشغل بالك بشي ثاني
صلاح: شال شنطته وباس امه وأخته عن اذنكم
امه:: الله يحفظك حبيبي
صلاح: ركب سيارته ابخليها مفاجاه لك حبيتي رولا ماراح اقولها شي حتى تشوفني قدامها اخيرا يارولا راح اجتمع انا وياك وبسولي بمكان واحد بدون خوف من اهلي ولاشي تذكر العنود حزن عليها سامحيني العنود والله يسعدك مع غيري ,,,,,
&&&&&&&&&&&&
أنت تقرأ
بيت العنكبوت
Adventureطفل حرم من أسرته بسبب ذنب لم يقترفه حكم عليه انه لقيط وأمه مازالت على قيد الحياة احبه اخوانه بجنون لكن قدر عليه ان يعيش بعيدا عنهم يعاني الوحدة واليتم وقساوة الحياة بعيد عن احضان أم كرهته وهو في أحشائها مرت عليه السنين قاسية صعبه يكره نظرات الاحتقار...
