في غرفة غلاب
مشاعل: جالسه بصالة الي فوق وضامه رجولها عند صدرها مانامت البارح بس كانت تبكي كل ماتتدكر ايش صار عليها البارح تبكي اكثر وتندب حظها كانت لابسه استر جلابيه لها وطلعت من الحمام ولفت فوطه على شعرها وطاحت ونشف شعرها وهي ماضبطته ولاشي
غلاب: فتح عيونه لف يطالع مكان مشاعل مالقاها ابتسم وقام أخذ له شاور وحلق وتعطر وطلع يمشط شعره حط الفرشاة على التسريحه وطلع يدور على مشاعل لقاها على الارض بنفس وضعينها قرب منها وحط يده على راسها بهمس مشاعل ايش فيك؟!؟! >>> اسال نفسك يالخوي مسوي بريئ انت وجهك
مشاعل: تقرفت من لمسته كل شي منه يقرفها رفعت عيونه له
غلاب:تفاجأ من حمار وانتفاخ عيونها عقد حواجبه مجنونة مسويه بنفسك كذا ايش راح يقولون أهلك لو شافوك كذا وهو بقلبه يتمنى اخوها فارس يشوف انكسارها علشان ينكسر معاها
مشاعل: صدت عنه احسن خلهم يعرفون علشان يرجعوني ومايخلوني معاك دقيقه وحدة >>> ماتعرف نيته وتخطيطه
غلاب: ابتسم بمكر صدقيني انتي راح تندمي
مشاعل: بعصبيه على ايش اندم ياحسرة على انسان متوحش ومنزوعه من قلبه أي رأفه ورحمه ,,, سكتت شوي اصلا انا طول البارح افكر ليه اجلس مع انسان بالوحشيه هذاي ليه اعذب نفسي بيدي كلمة مطلقه اهون علي مليون مرة من اني اعيش بجحيمك مستحيل راح استمر معاك
غلاب: برافو وماخفتي من شماتة ولد عمك بأخوك وأهلك
مشاعل: بكل قوة ماهمني غير نفسي خليهم يقولون الي يقولونه
غلاب: بنظرة غضب لاتكوني مخططه تطلقي مني وترجعي له
مشاعل: ابشرك كرهت الزواج بعدك واي رجال ماصرت اتقبله
غلاب: حلووو بس اتوقع أي رجال ماراح يرضى فيك هذا اذا رضو فيك أهلك ورجعوك ببيتهم بعد ماوطيتي روسهم بالأرض
مشاعل: بتريقه لاني طحت بانسان عديم الانسانيه وتطلقت منه راح يتبرون مني يعني !!
غلاب: جلس على الكنبة وحط رجل على رجل ابتسم بخبث لا ياروح أخوك المغرور معاي شهادة راح تحطمك وتحطم مستقبلك
مشاعل: عقدت حوجبها أي شهادة
غلاب: ابتسم بخبث شهادة انك البارح ماكنتي .....
مشاعل: ضحكت بتريقه ماتقدر تطلعها اصلا لاتتوقعني غبيه الى هالدرجه
غلاب : لاغبيه بفلوسي طلعتها وهي معاي متوقع ردة فعلك انك تتركيني وترجعي بيت أهلك سويت كل حساباتي مابيك تتركيني الا وانا شبعان منك ....
مشاعل: حقيررررر نذل اااا.....
غلاب: قام بسرعه لها وحط يده بقوة على فمها ويهز راسها بقوة ورص اسنانه وبقمة عصبيته ان كثرتي كلام او غلطتي علي بيوم وربي راح تندمي وربي لأخلي اهلك يكرهون اليوم الي جابو فيها بنت اسمها مشاعل واخليك تجين وتبوسين رجولي علشان ارجعك بعد عنها احمدي ربك كنتي ناواي ارميك بأول ليله وارمي شهادة انك مونظيفه قدام أخوك علشان اشوف الذل بعيونه والحسرة والقهر بس قلبي ماطاوعني ورحمتك وخليتك رفع حاجبه وقرب منها وبصراحه البارح عجبتني
مشاعل: بعدت عنها مشمئزة ومتقرفه مجرد تذكرها هذيك الليله يجيب لها غثيان تناظره بحقد وكره وتركته رايحه لغرفتها
غلاب: سحبها مع يده بقوة
مشاعل: المتها يدها حاولت تتصبر بس الدموع تحجرت بعيونها
غلاب: وهو راص على اسنانه اذا كلمتك ماتخليني وتروحي ماتروحي حتى اسمح لك فاهمه او لا؟؟؟
مشاعل: تتنمى تقوله حرام عليك انا ايش سويت لك تحقد علي كل هالحقد بس ماتبي تذل نفسها وتترجاه سكتت
غلاب: شدها مع ذراعها اكثر فـــــــــــاهــمـــه
مشاعل: هزت براسها يعني ايوه
غلاب: ترك يدها بقوة الحين فارقي عن وجهي
مشاعل: دخلت الغرفه الي كارهتها لانها تحمل ريحته ورمت نفسها على الأرض حتى السرير تكرهه لأنه ينام عليه ويحمل ريحته تبكي حضها تبكي اخو ماهتم بمصلحتها ورماها على رجال مايحمل من الرجولة الا بس اسم
***************
في بيت ابو مشاري
شجون : قامت وتحممت طلعت قدام المرايه تجفف شعرها طالعت شكلها وتذكرت كلام فارس ابتسمت بحزن لبست ملابس ساتره ولبست جلالها شالة هم لمقابلة ابو مشاري اول مرة تكشف له الموقف له هيبته اكيد بعد راح يتفاجأ فيني زي كل الناس توكلت على ربها وطلعت من غرفتها لفت تناظر غرفة فارس شافت غرفته مسكرة يارب لسه نايم مابي اشوفه الحين نزلت تحت
ابو مشاري:كان جالس يتقهوى مع ام فارس وينتظر نزول شجون على أحر من الجمر يبي يتطمن عليها سمع صوت نزولها من الدرج فرح يوم شافها نازله بسرعه قام واستقبلها والإبتسامه ماليه وجهه
شجون: قربت منه وباسته مع راسه
ابو مشاري: ماشاف الشين الي يشوفونه الناس فيها شاف عيون تشبه عيون خالتها جالس يطالعها لحظات نفس البرائة الي في عيون خالتها نفس الغموض نفس الحنان شوفته لشجون قلب حنينه لزوجته ام مشاري
ام فارس: غارت من نظراته لها قالت بقلبها الحمد لله والشكر على ايش معجبته وفرحان فيها مافيه من الزين شي ياقلبي ياوليدي بس اتمنى ينزل واتطمن عليه
ابو مشاري: اجلسي جنبي وانا عمك
شجون: بخجل تسلم ياعم وجلست قريبه منه فرحانه ان ربي عوضها عن قسوة ابوها وزوجها بابو زوج نفس بندر عمرها ماحست بحنان رجولي بعد غريب الا الحين
ام فارس: بضيقة الا وين فارس ياهجير؟!؟!
شجون: بهدوء وخجل فوق بغرفته
ام فارس:العروسة لازم تنزل مع زوجها
ابو مشاري: وهو يكتم غضبه اذا كان زوجها راعي نوم وكسول وهي نشيطه تخليه وتنزل
مشاري: احم ياولد
شجون: تسترت
ام فارس: اقلط يمه
مشاري: باس راس ابوه وخالته وجلس جنب ابوه صبحك الله بالخير ياختي
شجون: بصوت هادي مرة الله يصبحك برضاه
مشاري: مبروك الله يسعدكم
شجون: بصوت مايكاد يسمعه مشاري الله يبارك بعمرك
ابو مشاري: فرحان ان هذي زوجة اخوه ومعجب بخجلها وبأدبها
فارس قام من نومه حس انه مصدع حيل صدمته بشجون البارح ماخلته ينام كويس فتح بطانيته اووووف وقام أخذ فوطته وتحمم ماله خلق شي مشط شعره الي مطوله على كتوفه حط فيه جل وتعطر ونزل بدون نفس صبحكم الله بالخير وباس راس ابوه وامه
ام فارس: هلا وغلا ياضناي هلا بحشاشة جوفي هلا بكلي وغلاي هاه ياوليدي بشرني عنك ياروحي انتي عساك انبسطت البارح
فارس: بدون نفس ويناظر بأبوه بعتاب الحمد لله ان شاءالله بخير
ام فارس: وهي تضمه اكثر فرحتني وريحت قليبي ياعمري
ابو مشاري:بسم الله عليك تراه البارح معرس مورايح لحرب
فارس: ومن قالكم البارح اعرست عرسي الفعلي لسه ماجاء هذا عرس حبر على ورق بس هاه يمه ماخطبتي لي البارح ؟؟؟
مشاري وابوه تناظرو وكل واحد وده يجلد فارس على تصرفه الجارح لعروسه بصباحيتها ماعرفو ان اختهم ماتقل عن شجون
شجون كانت تتألم جواتها بس تصبر نفسها انها متوقعه هالشي يصير بس مهما كان قلبها موحجر بس تحاول تتصبر
ام فارس: حتى هي رحمت هجير يصير خير ياوليدي
فارس: قام بعصبيه يصير خير يصير خير طفشت من هالكلمه ان ماخطبتي لي هالاسبوع ماراح تشوفيني هنا أخذ شماغه وطلع
مشاري: بسم الله ايش بلاه كأنه راكبه جني
ابو مشاري: وهو عمره فكه يابوك
ام فارس: خلاص عاد بلاحش بوليدي اكيد مانام كويس ومتنرفز شوي
ابو مشاري: ماخربه غيرك صبي قهوه بس خليني اروق بعد ماعكر مزاجي ولدك المدلل
شجون: على اذنكم ابروح لشعاع شوي
ابو مشاري: خذي راحتك وانا عمك والعصر تجهزي نروح نزور فرح
شجون: فرحت بل طارت من الفرحه جزاك الله خير ياعم بس ضاقت يوم تذكرت فارس قالت بس لازم استأذن فارس كل هذا بصوت هادي علشان مشاري وهي طبيعتها هاديه بكلامها
ابو مشاري: ماعليك فارس انا ابقوله وان شاءالله راح يسمح لك
شجون: الله يخليك ولايحرمنا منك وراحت لشعاع
ابو مشاري: عارف لو استأذنته راح يرفض بس علشان كذا انا ابقوله
مشاري: تنهد بضيق مسكينه الله يكون بعونها على أخوي وتقلب مزاجه
ابو مشاري: ايه وأنا ابوك الله يعنيها
مشاري: هي تلقاها من ابوها او وضع أختها او هالزوج الي واضح انه موطايقها
ام فارس: بعد تحمد ربها انه ضحى وتزوجها
ابو مشاري: صدقيني ياأم فارس ان شحون جوهورة بس انتي وولدك راح تعرفون قيمتها بعدين هالبنت كنز بس لاتخلين ولدك يفرط فيها وياخوفي يندم بعدين
ام فارس: وليدي مزيون واخلاقه تجنن وحسب ونسب الف بنت تتمناه
مشاري: ياخاله فيه الف بنت بس من هالأف متى تلقين زوجه كفو وتستاهل انك تقضي عمرك معاها
**********************
في بيت غلاب
مشاعل: سرحت شعرها وحطت مكياج ماتبي ام زوجها تلاحظ عليها شي نزلت عند ام غلاب
غلاب: دخل وطلعها من فوق لتحت حلو هبطي شوشت كالي قبل شوي خرعتيني مرة اقول هذا شكل عروس بصباحيتها
مشاعل: تبي تقول اصلا من قالك اني عروس بس سكتت لانها حست انه كل ما ينرفزها يفرح أكثر وماتبي تفرحه عن اذنك ونزلت تحت
ام غلاب: هلاااااااا وغلاااااااااااا يابنتي وجلست تضمها وتبكي بفرح والله ماصدق ان غلاب كبر وتزوج وانتي يابنتي دخلتي قلبي من اول ماشفتك الحين جت وحده تونس وحدتي الحين جتني بنت ماحملها بطني اوعدك يمه اني اصير لك مثل امك واخاف عليك مثل خوفي على بنتي
مشاعل: انحرجت من اسلوبها وتعاملها معاها وانا اوعدك اني اصير لك بنت تحبك وتخاف عليك
ام غلاب: ضمتها ونزلت عيونها ربي حققي اغلى امنيه الحمد لله شفتها قبل ماموت من يوم غلاب بحضني اتمنى يكبر بسرعه وشوف عروسه بقى لي امنيه اشوف عياله
مشاعل: شوي تجيب الي ببطنها عيال من غلاب الله لايقوله
ام غلاب: هاه ياروحي طمنيني عنك عساك انبسطتي البارح
مشاعل: تحاول تتصنع الابتسامه الحمد لله يمه مبسوطه يكفي ان ربي رزقني أم زوج زيك
ام غلاب: تناظر فوق بخوف كأنها تتأكد ان غلاب مو فيه قربت لها حبيتي ترا غلاب صح حار بس قلبه طيب وليدي وأنا اعرفه زين تحمليه وراح تتعودين على طبعه ان شاءالله
مشاعل: ابتسمت لها بحنان ومالامتها انها تمدحه هذي امه تشوفه احسن الناس من عيوني يمه
ام غلاب : بفرح وراحة وبطيبة تسلم لي عيونك ياقلبي انتي وتراني مسويه لك الليله عزيمه انتي وأهلك سامحيني على القصور يابنتي الجود من المجود انا اطبخ للناس بعض الاكلات ومجمعتها لزواج غلاب والباقي منها قلت احط لك عزيمه ماقدرت على استراحه ابحطها بالبيت
مشاعل: ليش تكلفين على نفسك يمه
ام غلاب: مافيه كلافه تعبي لك انتي وغلاب مو تعب بالعكس راحه
غلاب: نزل بكل ثقه السلام عليكم وين الفطور
ام غلاب: سم يبه الحين اجيبه وقامت والفرح بوجهها
مشاعل: استغربت من تعامله لأمه ماباسها على راسها ولاصبحها بخير ولاسولف معاها يامرها كأنها يامر شغاله عقدت حواجبها ليه مابستها مع راسها ووو
غلاب: ناظرها بعصبيه مالك شغل وحط يده اصبعه على فمه اوووص ماحب اللقافه بيني وبين أمي ماحب احد يتدخل
مشاعل: حلو سميتها أمي
غلاب: وناظرها والشرر يطلع من عيونها لاتختبرين صبري ياأخت فارس
مشاعل: خافت وسكتت وقامت تساعد خالتها
ام غلاب: شهقت يوم شافتها تدخل المطبخ لاااااا يانتي اطلعي انتي عروس
مشاعل: يمه العروس تبي تساعد أمها ايش يصير
ام غلاب: حلفت عليك يمه ماتدخلين اطلعي وارتاحي وانا اجيبه لكم
مشاعل: انحرجت وطلعت قالت بقلبها عروس أي عروس يمه الله يخلف علي بس
رجعت بالصاله مالها خلق تجلس معاه بس منحرجة من خالتها
غلاب: أخذ جريده وجلس يقراها
ام غلاب: جت تركض بصينيه كبيره
مشاعل: بغت تقوم تاخذها منها
ام غلاب: والله ماتقومي وحطتها قدام غلاب
غلاب: نزل رجوله وبكل ثقه جلس ياكل
مشاعل: تاكل مجامله لخالتها والا نفسها مسدودة وتراقب تصرفات غلاب مع أمه ناظرت ام غلاب
ام غلاب: تطالع بولدها وفرح الدنيا بعيونها حبها له باين من عيونها
غلاب: كح كح
ام غلاب: قامت مفزوعة بسم الله عليك صبت مويه ويدها ترجف من شد خوها عليه قربت منه وعطته الكاس وجلست تراقبه تطمن عليه
غلاب: شرب وحط الكاسه وبدون مايرفع راسه خلاص راحت الشرقه ماقدر اكمل اكلي وأحد على راسي
ام غلاب: سم نسيت نفسي من خوفي عليك وجلست بكرسيها وتناظره بحنان
مشاعل: مبهورة من الي تشوفه صح امها مدلعه فارس حيل بس ماوصل مواصيل دلال ام غلاب لودها وهذا مايعطيها ريق حلو كرهت غلاب اكثر واستحقرته مرة قامت من السفره مشمئزة منه
ام غلاب: ماكلتي ياروحي
مشاعل: باستها مع راسها تسلم يدك يمه شبعانه تسمحي لي اطلع غرفتي ارتاح شوي
ام غلاب: بحنان اكيد ياقلبي >>> فرحانه اول مرة أحد يحترمها ويسححها بقيمتها ويعبرها زي ماعبرتها مشاعل يوم شافت مشاعل راحت غرفتها بسم الله عليه قمر
غلاب: وهو ياكل ويشرب الشاهي يعني مو قد كذا
ام غلاب: والله ماتحصل زيها حلوة وروحها حلوة
غلاب: بدون نفس كل واحد ورايه
ام غلاب: ايه صادق
غلاب: الحمد لله قام وطلع من البيت
ام غلاب: يوم سكر الباب الله يحفظك ويردك لي سالم ياوليدي عسى عيني ماتبكيك (( قلبي على ابني انفطر وقلب ابني علي زي الحجر ))
*************************
في الكوفي
ياسر: وهو يشرب قهوته الفرنسيه ا لا ايش اخبار اخوك واختك
مشاري: تنهد بضيق اخوي الله يهديه ناوي يخطب هالاسبوع
ياسر: عقد حواجبه ايش هالقسوه اخوك مابقلبه رحمه
مشاري: قلتها مابقلبه رحمه زعلان لان ابوي غاصبه عليها
ياسر: اكره الرجال الي يفتل عضلاته على بنت مالها حيل ولاقوة ياخي زوجة اخوك حالتها عصيبه وحيدة بدنيتها الواحد يفرح انه يلقي زيها ويوقف معاها يسوي شي لآخرته على الأقل بعدين ترا ابوك ماغصبه قال انا ابتزوجها والبنت كانت موافقه ليه هو يطق صدره ويقول انا ابيها ليتك انت الي اخذتها وريحتها
مشاري: ربك ماقدر شي الا فيه خير
ياسر: ايه ماعلينا منهم وزوجة اخوك الله يفرجها لها ويجنن قلب اخوك عليها بس انت موناوي تتزوج
مشاري: بألم انا جربت حظي وخلاص
ياسر: ياخوك لاتتحطم وتفشل من تجربه فاشله الرجال يجرب مرة ومرتين ثلاث خل عزيمتك قويه
مشاري: اسمع من يتكلم الا يسمعك يقول هذا عنده درزن عيال من اربع حريم هههههههههههههههه
ياسر: ضحك الله ياخذ ابليسك انا غيرر
مشاري: ليه انت غير وحده طارت من يدك تنتظرها طول عمرك تزوج غيرها وراح تنسيك حبها
ياسر: وان مانستني حبها اظلم زوجتي ليه ماقدر اعيش مع وحده بجسد بدون قلب
مشاري: يمكن تحبها انت جرب
ياسر: بنات الناس مولعبه يامشاري هذاني بعملي قدامي كم بنت ليه ماحركت مشاعري ولاوحده منهم وانا بكامل رجولتي لان القلب معها مو معاي
مشاري: روح وانت فلسفتك
ياسر: خلك مني الحين أختك ايش اخبارها
مشاري: الليله امه مسويه عزيمه لنا بس ماخفيك قلبي ابد مو متطمن لغلاب
ياسر: افا ليه
مشاري: نظراته حركاته ماتطمن قلبي سبحان الله مومرتاح له بعدين كلمت أختي اببارك لها كانت تبكي بالجوال اقولها اش فيك مضايقك شي لاتخافي قولي تقول لابس بس اشتقت لكم
ياسر: لاتوسوس عادي البنت تراها اول الايام تستنكر المكان وتفقد أهلها بعدين تتعلق فيه اكثر من روحها
مشاري: الليله اشوفها وابرد قلبي ياخوفي مايكون تعامله زي فارس مع زوجته
ياسر: الله لايقوله وزجة اخوك الله يسعدها ويحنن قلب اخوك عليها
مشاري: اللهم آآآمــــيــن
*********************
في سيارة ابو مشاري
ابو مشاري: ابنزل معك اسلم على فرح
شجون: استغربت كيف ينزل وهو مو محرم لها
ابو مشاري: ليه سكتي اكيد استغربتي
شجون: بحياء ايوه
ابو مشاري: اسمعي وانا عمك ابعلمك سر مخفيه عنك انتي واهلي انا اصير عمك من الرضاعه
شجون: فتحت عيونها مدهوشه
ابو مشاري: ابوك من البلاوي الي يشربها ناسي اني اخوه من الرضاعه وكنا ربع صح ماخفيكم ماكان مرة مضبوط لأن كانت معاه شلة بشبابه مو مضبوطين ابد بس سبحان الله تزوج أمك وحبها حب فوق ماتتصورن بس يوم توفيت امك الله يرحمها تغير مرررة ورجعت له شلته تعرفين اصدقاء السوء مايحبون الواحد يستقيم حاول ينساها وقع بالخمر بعدها بالمخدرات الله يشفيه كل اقاربك قاطعوه لأنه مايبغى لنا أي صله فيكم وغير بيته كم مرة والله ماغبتو عن بالي ولادقيقه وسبحان الله تطيحين بين ايديني بذيك الليله جلست افكر طول الليل كيف انقذك من ابوك لو اقوله ابخليها عندي لاني عمها ماراح يرضى ابوك لازم فلوس تغريه وان عطيته فلوس وخلصت راح يجي يطلبك مني بس ان تزوجتي مايقدر شرعا ولا قانونا ياخذك بعدين كنت ابزوجك واتطمن عليك ابي انا اكون عضيدك ومعاي زوج يحامي عنك لو جاني شي جلست افكر بخطه وتوصلت اني اقول لعيالي اني راح اتزوجك علشان تحركهم رحمتهم لأم فارس ويقولون احنا راح نتزوجها طبعا انا ابزوجك وتجلسين قدام عيوني اتطمن ويرتاح بالي عليك وانا فرحت يوم نطق مشاري بس سبحان الله ماكتب الا تكوني لفارس وصدقيني يابنتي ان ربي يريد فيك الخير وبولدي فارس يمكن تكوني انتي العون الي يغير كل تصرفاته وعجرفته وغروره الزايد
هجير: الجمها عمها بكلامه سبحان من ارسل لي يخاف علي ويحرص على مصلحتي اكثرر من ابوي
ابو مشاري: مسك يدها بس الموضوع يبقى سر بيننا
هجير: ان شاءالله
ابو مشاري: يالله ننزل كل شوقي لفرح خابرها من يوم عمرها خمس سنين وبعدها ماشفتها وانتي اخر شوفه لك وانتي باللفه وبعدها غيبكم ابوكم عنا
*************************
في المستشفى:
صلاح: تكي على مكتب طيف وضحك وسوالف معاها مانزل عيونه عنها ولا لحظة
مها: جت تبي تجلس بس يوم شافت صلاح فيه غيرت مكانها قسم مايستحي هذا زوج العنود الي فضلته على مشاري ايش جاب لجاب وراحت تدور مكتب تريح فيه لأن عندهم اف
ياسر: مر من عندهم وطالع صلاح بنظرة وراح
صلاح: هيه يابو الشباب لاسلام ولا كلام
ياسر: بدون مايلتفت ان خلصت انتظرك بالمطعم
صلاح: اوك لف على طيف هاه تامريني بشي ياست طيف
طيف: بدلع لاسلامتك
صلاح: طيب انتبهي لنفسك وراح لمطعم المستشفى يدور على ياسر شافه جالس لحاله قرب منه وطق كتفه سلام
ياسر: وعليكم السلام تبيني اطلب لك شي
صلاح: لا اخاف المدام تسويها لي سالفه لو تغديت برا شويات واطلع اصلا وتوها داقه علي مسويه غداء تقولي لاتتغداء برا ابيك تشاركنا غدانا اليوم
ياسر: بنظرات عتاب زين هذاها ماتقصر
صلاح: وأنا قايل انها تقصر او اشتكيت اصلا
ياسر: قرب منه صلاح الي تسويه حرام وعيب ترا اول كنت اقول يمكن عزابي والله يعفي عنه مو معنى ذلك ماكنت الومك بس اقول العزابي حالته صعبه بس انت الحين محصن ومتزوج ايش عذرك
صلاح: ياليل وانا ايش سويت ياسر!!!
ياسر: صوتك انت وهذيك واصل آخر المستشفى ضحك وسوالف خاف ربك ياصلاح وارحم البنت الي طلقتها من زوجها وأخذتها ماتراعي مشاعرها تعرف ان مها بنت عمتها وشافتكم سوا ماخفت توصل لها الكلام؟؟؟؟
صلاح: تسند على الكرسي اولا ماطلقتها ولاشي صديقك كان عقيم مايجيه عيال علشان كذا تطلقت منه ثاني شي لو وصل لها الخبر انا ماسويت غلط بس سولفت شوي مع طيف ماظن فيها شي هي واثقه فيني اصلا ثالث شي لاتكبر الأمور وهي صغيره ياسر احسك تغيرت علي ومو طايقني ابد
ياسر: افا ياخوي انت صلاح وتظل أخوي قبل صديقي بس تصرفاتك ماتعجبني
صلاح: لا والله مو اخوك ولاصديقك ولاشي انت بصف مشاري وكارهني علشانه بس ماجبر أحد علي عن اذنك
ياسر: امسكه مع يده تعوذ من ابلبس وارجع لاتخلي الشيطان يدخل بيني وبينك لو ماحبك مانصحتك انا اخاف عليك بآخرتك ودنياك مابيك تهدم بيتك بيدك صلاح هذا كل شي
صلاح: ابتسم جلس خلك من القرق الفاضي واطلب لي على حسابك يحب ياسر ومو مستعد يخسره
**************************
في السجن
ابو مشاري: سبحان الله تشبيهين لأمك يافرح طبعا اعرفها يوم كانت صغيرة
فرح: بحزن ليتني شبهها بكل شي بدينها بشرفها واخلاقها
ابو مشاري: خلاص وانا عمك انسي الي فات والتوبه تمحي كل شي بإذن ربك وانتي يابنتي كنتي مجبورة على الي تسوينه
فرح: تنهدت بضيق الله يرحمني ويعفي عني يارب
شجون: ممكن تكلمنا عن أمنا ياعم
ابو مشاري: تنهد بحزن كانت نعم المراة والله هي واختها أم مشاري كانو قمه بالذوق والتعامل والحنان تحسونهم معطاءات لابعد حد تصدقون يابناتي بعد ام مشاري عجزت احب مراة بعدها
شجون: وخالتي ام فارس واضح تحبك ياعم وطيبه بعد
ابومشاري: ماقول بطيبتها شي وانا تشوفيني اقدرها واحترمها بس قلبي دفنته مع ام مشاري كانت حكيمه الله يرحمها وذكيه واسشيرها بكل أموري ربت نوال ومشاري خير تربيه بس المرض اتعبها ووصتني على عيالي علشان كذا وصية أهلي مايخطبون لي الا وحدة طيبه أمي الله يرحمها اختارت لي ام فارس والحق ينقال ماعمرها قست على عيالي ابد بالعكس تعاملهم باحترام واصلا جتني ونوال عمرها 15 وزجتها لابو عبدالرحمن وهي عمرها 16 ماحبيتها تحس باليتم وابو عبدالرحمن كان رجال كفو وهي تحبه ورضت فيه والحمد لله تشوفينهم الحين مبسوطين
شجون: كم كان عمر مشاري
ابو مشاري: كان عمره عشر سنين تقريبا الله يحفظه هالولد بره فيني وباخواته وامهم مايواسيه بر اتمنى اشوف فارس مثله
شجون: ان شاءالله راح يصير زيه
ابو مشاري: ضم فرح مع كتوفها ازعجتك بقصصي
فرح: بالعكس ياعم ماعمري انبسطت بجلسه زي جلستي هاليوم معاك مسكت يده طلبتك ياعم لاتقطع
ابو مشاري: مسك يدها اوعدك ماتزورك فرح الا رجلي على رجلها
فرح: باسته مع يده الله لايحرمنا منك
ابو مشاري: ولامنك يابنتي
فرح: بحزن انا قريب راح اكون بعداد الموتى بس وصيتك أختي ياعم تراها أمانه برقبتك يكفي ماجاها من حزن وخوف عوضها قدر ماتسطتيع
شجون: تحجرت دموعها بعيونها وضمت أختها ان شاءالله يجيك عفو
فرح: بحزن صدقيني ماهمني عفو البشر كثر ماهمني عفو رب البشر
ابو مشاري: أختك أمانه برقبتي حتى ياخذني ربي وانتي ربي يغفر ذنبك ويعوضك بالجنة يارب
*************************
يتبع
أنت تقرأ
بيت العنكبوت
Adventureطفل حرم من أسرته بسبب ذنب لم يقترفه حكم عليه انه لقيط وأمه مازالت على قيد الحياة احبه اخوانه بجنون لكن قدر عليه ان يعيش بعيدا عنهم يعاني الوحدة واليتم وقساوة الحياة بعيد عن احضان أم كرهته وهو في أحشائها مرت عليه السنين قاسية صعبه يكره نظرات الاحتقار...
