لا تفقد الامل بمن تحب فهم لا يفقدون الامل بك ...
فالنبدأ ...
بيت العنكبوت
الفصل 31
في بيت ابو مشاري
الكل مجمتع تحت من الصباح يرتبون ويجهزون لنزول سحر ومشاري
مشاعل: ترجت غلاب يجيبها وجابها بدرري وتساعد أهلها
امها: يابنتي لاتتعبين حالك
مشاعل: ماهنا تعب ان شاءالله طق الباب ودخلت نوال وغلا
غلا: بسرررعه وينهم المعارس الدوبا ماجاني النوم بدونها مشتاقه لها موووت
ابو مشاري: اول شي سلمي وصبحينا بالخير
غلا: اووه جدو وربي ماشفتك وراحت تبوس راسه جدو مشتاقه لسحير مرة
مشاعل: اوما جدو من وين جايبتها
غلا: ياختي صايره اتابع هايدي كثير بس هي تقول جدي وانا عجبتني قلت اتدلع بجدو احسن
مشاعل: من يومك صغيره تنادينه يبه
ابو مشاري: خلها تناديني بالي تبي بس تركد
فارس: السلام عليكم
امه: هلا بضناي هلا
غلا: خالتي تدلعه وهو هالكبر ياحسرة على شبابي الي ضاع وماحد عطاني وجه وفويرس يدلعونه ويدللونه
فارس : فويرس بعينك احشميني وقدريني تراني خالك
نوال: تعبت وانا أختك منها دايما اقولها ناديه خالي فارس بس عنيدة وراسها يابس
فارس: ايه دلعتوها وخربتوها
نوال: ماعندي دلع بس ابوها هو الي مدلعها مع سحر
غلا: اما مدلعني مادلع الا الي مرتزة فوق أما انا ياقلبي ماحد مدلعني او معبرني بس ماعليك خالو راح اناديك يابو بندر ايش رايك بعد مو بس حشمتك الا كبرتك وخليتك رزة
فارس: الله يجيبه هالبندر تأخر ماجاء
مشاعل وابو مشاري تناظرو وسكتو
دلال: على دخلتها سمعت كلامهم حست بنغزة قهر بقلبها قربت لخالتها وبدلع هلا خالتي
أم فارس: هلا فيك
فارس: حبيتا قولكم قبل ماينزلون معاريسنا تراني جاني بعثة لكندا
أمه: طقت على صدره يووه ليه !!!
فارس: يمه شركة ابو هاني (( ابو دلال )) منتدبيني على حسابهم وهالبعثة راح تفيدني سواء عندهم او عند غيرهم الكل يتمناها والحمد لله حصلت لي دلولتي وجها خير علي
ابو مشاري: ناظره باستغراب الفضل بعد ربي لمجهودك لو انك مشتغل بعيد راح افضل لك عمر شغل القرابه مانفع احس شركتك الي قبل احسن وافضل ماحبيت انك تركتها
فارس: وين يبه ايش جاب لجاب شركة ابو هاني ماشاءالله كبيره ولها سمعتها بالسوق بعدين دوامها اريح ابيكم توافقون على روحتي وتباركون لي لأني ماراح اروح بدون رضاكم
ابو مشاري: قلبه على ولده الي قريب ويجي بس فكر يمكن بعد فارس هالفترة خيره لشجون وولدهم وحتى فارس مايبي يوقف بطريق مستقبله وولده ولدي انا ماراح يضره شي وأنا موجود ومتى مارجع يكون الولد كبر شوي ولها الف حل يومها رد بعد سكوت الله يوفقكـ
فارس: ابتسم آمين يبه وانتي يمه انتظر موافقتكـ
امه: والله ماستفني عنك ياحشاشة جوفي
فارس: قام من عند دلال وجلس جنب أمه وحضنها وباسها مع راسها ولاأنا ياغلاي بس سنة وارجع ان شاءالله فرصة وجتني يمه لاتحرميني منها ارجوكـ
أمه: الله يوفقكـ ياعمري ويصبرني على فقدكـ
فارس: ضمها بقوووة فديتكـ ياأحلى أم
دلال: من القهر تهز برجلها بقوة ماتتحمل تشوف فارس مع غيرها حتى لو أمه
غلا: تهمس لمشاعل الحين راح تطير جزمتها من كثر ماتهز برجلها وتضرب جبهة فارس يمكن يحس فيها
مشاعل: خلاص مو قادرة تمسك ضحكتها قامت للمغسله علشان تروح ضحكتها
غلا: عدلت جلستها تتابعهم متحمسه
فارس: انا ابطلع علشان سحر تاخذ راحتها يالله دلال لاوصيك زي عادتك لاتخلين اهلي افزعي معاهم عارفك ذربة وسنعة ماتحاتجي وصاة بس زيادة حرص
دلال: من عيوني حبيبي طبعا
غلا: قليلة الحياء تتغزل فيه قدامنا
مشاعل: توها تجلس طنشي يابنت الحلال
غلا: الي يبي يشوفها جد راح تكرف شوفيها طلع زوجها حطت رجل على رجل
ام فارس: دخلت للمطبخ وسمتعهم ايه ياحسرة قلبي راحت الذهب الصافي الي كانت تشاركنا بأفراحنا واتراحنا بس ايش اقول لولد منعمي عنها
غلا: من جد لها وحشه شجووون
مشاعل: والله قلبي متقطع اتمنى اشوفها
غلا: اموت واعرف ليه ابوي بندر مانعنا من زيارتها
ام فارس: تعرفين ابوك وقرارته ماحد يقدر يناقشه
غلا: راح تجي ام سحر اليوم او ماناديتوها
ام فارس: الا عزمناها قالت ابشوف عن زوجي ان رضي جيت مسكينه شكلها مرة متحمسه تشوف بنتها بصباحية عرسها
مشاعل: والله بعض الرجال عليهم سماجه مو طبعيه بنتها ليه يحرمها منها
ام فارس: دبرت ربك المراه مكسورة الجناح بعد الحمد لله تغير معاملته معاها بعد ماجاء مشاري صار الحين يحسب لها الف حساب بس تعرفين واجب عليها تستأذنه
مشاعل: وهي تتخيل قسوة غلاب تنهدت بضيق ايه والله يمه مكسورة الجناح
غلا: اوما مكسورة الجناح كثري منها والله لاكسر جنحانه ونتف ريشه قبل مايكسر جناحي لانتف ريشة ريشة اقوله تعقل او أكمل متى ماقال اتوب خليته وإن قال نتفت كل ريشة وشويته بعد وابتسمت بقوة
مشاعل: هاه، بدات بدعاية معجون الأسنان بس ياحليك كنت زيك قبل ماتزوج ونفس تفكيرك بس الواقع غير الخيال
غلا:الاسلام عزنا وخلى للمراة كرامتها وعزتها وكل شي له ضوابط الي تذل نفسها هي جنت على نفسها
مشاعل: اقول ياحلوة زيني عصير وخليك من الفلسفه
غلا: ايه فديتني بس ساعات تمسك معاي اقول فيها حكم ودرر
نوال: دخلت ايه ياكثرهم بس لو توفرينها لنفسك وتريحي غيرك من هذرتك الزايده مايكون احسن
غلا: ايش فيهم القوم قالبين علي اليوم
مشاعل: باستها مع خدها لاننا نحبك
غلا: ياملغك اذا بوستني تعرفين ماطيق احد يبوسني
مشاعل: لاني اعرف بوستك لوك تحبين الي يبوسك ما بستك
غلا: احمدي ربك ان جوا هالكرشه نونو والا كان علمتك علوم طيبه ماتعودين لها وتبوسيني
مشاعل: حطت يدها على بطنها فديت وليدي الي حماني من هالمجنونة
===================
في جناح سحر ومشاري
سحر: لبست فستان مموج شيفون ماسك على رقبتها وكمه قصيرماسك الى تحت الصدرر بعدين يتوسع انسيابي على جسمها حطت شعرها كيرلي ومكياج ناعم مرة جلست تتأكد من شكلها
مشاري: كان طالع من الغرفه علشان تاخذ راحتها يوم حس انها خلصت طق بابها
سحر:تفضل
مشاري: دخل اووووه فديت أميرتي بس
سحر: بخجل ودلع مشاري
مشاري: قرب منها وضمها مع خصرها وخلا وجهها جهت المرايه وهو وراها شوفي كل هالحلا وتقولي مشاري لاتمدح
سحر: ابتمست بخجل ووردت خدودها حبت تصرف لفت عليه ننزل تحت حبيبي
مشاري: ايش رايك نتركهم ونجلس فوق بس
سحر: لاعمري راح يزعلون
مشاري: افا حبيتي طفشت مني
سحر: ضمته بحنان اطفش من روحي ولا اطفش منك
مشاري: الدنيا ماتشيله من الفرحه احلى شي بحياتك تعيش مع انسان يحبك ويبادلك نفس مشاعره وهي ضامته وضامها يفكر ويقارن بين حياته مع العنود والحين تنهد براحه وقال الحمد لله
سحر: بعدت عنه ايش فيك قلبي
مشاري: حط خشمه على خشمها احمد ربي انه عوضني فيك وقرب من شفايفها بس خرب عليه طق الباب
غلا: تطق بشويش علشان مايسمعونها الي تحت معاريسنا تأخرتو علينا مشتاقين لكم مووت
مشاري: لف جهت الباب بس مازال حاضن خصرها سحر الا تخرب علينا
سحر: بعدته عنه وهي تبتسم فديتها
مشاري: تخرب جوي وتتفدينها قدامي
سحر: قربت من خده وباسته وراحت بسرعة وراحت تفتح باب الغرفه
غلا: وهـ ماصارت ساعات وانا ادق الباب
مشاري: تستاهلي علشان مرة ثانيه ماتقربي صوب غرفة عرسان
غلا: ايش اسوي طولتو بس عاد لو تعرف أمي بس إني رحت لكم فوق غير تذبحني تأشر بيدها على رقبتها
مشاري: بتريقه افا مالها حق
غلا: ايه صادق خالي مالها حق موذنبي اني شوقي يتحكم فيني
مشاري : طيب ننزل تحت شكلنا تأخرنا
غلا: اجل ابنزل قبلكم مع درج الخدمة وانتم انزلو بعدي وركضت جري للدرج
مشاري: يطالعها يوم غابت عن عينه التفت على سحر ان مانشبت لها بصباحية زواجها ماكون مشاري
سحر: ضحكت بنعومة
مشاري: مسك يدها هونت تعالي نرجع لجناحنا
سحر: بنعومة حبيبي لاتحرجني معاهم قلبي
مشاري: ضمها مع كتفها وانتي اجل لاتحرجيني معاهم وتضحكي قدامي لاتضحكي حتى نصير لحالنا
سحر: ابتسمت وحمرت خدودها من عيوني حياتي
مشاري: باس عيونها فديت هالعيون وراعيتهم
مشاعل: ترتب السفرة
نوال: خلاص ميشو تعبتي اليوم
مشاعل: مافيه تعب انتي هنا وخالتي بالبيت فديتها ماتخليني المس شي
نوال: ايه والله خالتك بنت حلال وواضح طيبتها
مشاعل: تنهدت بضيق ماصبرني على غلاب غيرها
نوال: ايش قلتي
مشاعل: تهربت صوتهم نزلو صح
غلا: دخلت فحمانه وهبطت شعرها الي طار من شد ماتركض تراهم نزلو
نوال: وينك قبل شوي دورتك مالقيتك
غلا: تحك راسها كنت بــ اممممم ....
نوال: بعصبيه تكلمي وين ؟!؟!؟
غلا: كنت باث روم وابتسمت لازم الاحراج يمه
نوال : عيونك تقول غير كذا
مشاعل : مشي ياختي لاتدققي
نوال : راحت للصالة قبلهم
غلا: ياحبي للخالة الي تنقذ بالوقت الحرج
مشاعل: مع اني قلبي يحس انك ماكنتي بالحمام
غلا: يكرم قلبك خالتي
مشاعل: ضربتها مع راسها ياربي متى هالراس يعقل
الكل مجتمعين حول سحر ومشاري
مشاري: كان مبسووط حيل
وسحر: كانت مرررة خجلانة
غلا: اجل ماقررتو تسافرون
مشاري: سحورة تقرر وأنا انفذ
غلا: يابختك ياسندريلا قرري وين تروحي
سحر: ابتسمت وسكتت
غلا: فتحت خشتها وسكتت سألتك وين
مشاري: خليها براحتها ماتبي تقولك
غلا: خاينة للعشره امسها نتقاسم انا وياها السرير احيانا والحين تخبي عني
سحر: حبيتي لسه ماقررت شي مشاري هو الي راح يقرر مو أنا
مشاري: ابتسامة حنان لاقلبي انتي راح تقرري بس فكري علشان احجز ونسافر خلال هاليومين عن اذنكم ابروح لفارس وابوي بالمجلس وشكل عبدالرحمن معاهم
نوال: عاد عبدالرحمن راح يسلم على سحر بس ماحب يحرجها اول ماتنزل
غلا: يوم شافت خالها قام والحريم لهو بالسوالف قربت من عند سحر هاه بشري كيف الامور
سحر: غمضت عيونها يجنن ياغلووو يجنن فديته بس الله لايحرمني منه كله حنان وذوق ورومانسيه
غلا: أكيد خالي طالع علي
سحر: مالت عليك
غلا: حظك انك ماطحتي بفويرس كان وراك نجوم الليل بعز الظهر انتي ودلعك
سحر:تنهدت براحه احمد ربي انه رزقني بمشاري
غلا: ايه والله شوفي حال شجون ومشاعل المسكينات
سحر: بس ماعمر مشاعل اشتكت من غلاب
غلا: مو لازم تشتكي بس هذا حالها قبل الزواج مشاعل تغيرت كثير ماصارت تضحك وتمزح زي قبل الزواج كبرها الف سنه وأنا اعرف ميشو كثير ان ضاقت تتكدر وماتقدر تضحك ولاتمزح ومن زواجها من غويلب والضحك مطلقته بالثلاث حسبي الله عليه خوفي يعاملها زي فارس مع شجون
سحر: تناظر مشاعل برحمه لا ان شاءالله بس يمكن الحمل متعبها
غلا: ياشيخه من قبل الحمل هذا حالها تذكري ايام حبها لسلطان كيف كانت تتكلم عنه بحنان وكل شوي تتفداه عمرك سمعتيها تتفدا غويلب
سحر: ابد
غلا: كم لها معاه عمري سمعتها تقول حتى ياعمري هو وانتي يالبقرة اول ماشفتي خشة خالي ماخليتي كلمة حلوة الا قلتيها له من جد عانس وماصدقت تعرس
سحر: وهي راصه على اسنانهاوربي لو لحالنا كان جلدتك جلد
غلا: ابتسمت بخبث ايه ضامنه انك ماتقدري علي مسوي عروسة ناعمه مالت بس
سحر: قرصتها قوة مع فخذها غلووو اركدي
سحر: توسعت ابتسامتها ايه خليك سحر الي اعرفها مو رازة نفسها مسويه عروس ياحظي
سحر: يالليل
سحر: ماتت ضحك
ام فارس: ايش فيك غلا
غلا: تضحك بقوة مافيني شي خاله
نوال : تعرفين غلا وهبالها و ربي اتمنى ازوجها يمكن تركد
غلا: ياليت يمه ابي يدللني زي خالي مشاري مع سحر
نوال: قسم هالبنت بايعه الحياء
غلا: ايه يمه جاي لي مكسب وبعته بالحراج بس قريب راح اشتري غيره
======================
في بيت غلااااب
مشاعل: رجعت للبيت مع عبدالرحمن وصلها على دربه ماتقدر تخلي خالتها لحالها والا زوجها لاهي بسهراته مع ربعه جلست تعبانه
ام غلاب: ياروحي كان كملتي سهرتك
مشاعل: لاخلاص تعبت ( ماتبي تقولها علشانها تخاف خالتها تضيق )
ام غلاب: فديت حنانك يابنتي عارفه مارجعتي الا علشاني ياحسرة صرتي احن علي من ولد بطني من يوم كبر وهو مو متقبلني ابد بحياته عمره ماحسسني بحبه لي ولا بحنانه دايم يحسسني انه مستعار مني تحجرت دموعها بعيونها كل ماشوف الأمهات يحكون عن عيالهم اتألم بدون ماحسس أحد ياما تمنيته يدخل علي يوم عيد يحضني ويبوسني بس حرمني من حنانه بذنب ماجنيته تعرفي ايش اتمنى
مشاعل: بحنان ورحة ايش؟؟؟
ام غلاب: بحزن اتمنى اسمعه مرة يناديني يمه اتمنى اشوفه مرة مشتاق لي ويجي يسولف علي
مشاعل: خلاص عبرتها وقفت بحلقها كرهت غلاب من تصرفاته لأمه خافت يطلع الي ببطنها عاق زيه
========================
في بيت عمة شجون
شجون: نايمه على سرير وبنات عمتها حولها تحبهم مرة طيبات زي عمتها
نورة: تحط الصحن قدام شجون يالله لازم تخلصينه كله مايبقى منه شي
شجون: حرام عليكـ نورة احس بطني مافيه مجال يتستقدم شي أكثر
عالية: شجونه انتي تاكلي لك وللي بطنك شوفي الحمد لله وجهك وجسمك تحسنو مرة عن قبل
عمتها: تناظرها بحنان ايه الحمد لله تحسنت مرة ورحنا انا وياها للاشعة وطمنا الدكتور يقول الطفل احسن من قبل صح تعبان بس تحسن وضعه
نورة: تناظر شجون ان طلع زيك راح يكون يجنن
العمة: خليه يطلع بالسلامة بس
شجون: شالو الصحن منها قامت غسلت يديها ورجعت تمشي بهدوء لسريرها والله اني تعبتكم معاي حيل ومستحية منكم
عاليه: تعبك راحة شجونه افا عليك احنا خوات
شجون: ابتسمت بحزن وربي تذكروني بالبنات هناك سحورة وميشو والمجنونة غلو فديتها رفعت عيونها الي كانت متروسة دموع اشتقت لهم
نورة: جلست على طرف السرير ليه ماتدقين عليهم
شجون: فيه شي يمنعني ادق عليهم مشتاقه لهم بس أخاف ادق وارجع افكر كثير وانا مابي افكر بشي بعد جلستي عندكم فديتكم ارتاحت نفسيتي مرة اول كان ابوي الله يرحمه بعدين زواجي ومشاكله مارتحت بعمري ابد بس الحمد لله هنا فرررق ربي عوضني خيرر بس فيه شي يؤرقني ويخليني افكر كثير
نورة: ايش هو؟؟؟
شجون: ابو هالولد اذا عرف بوجوده خايفه يانورة خايف انه ياخذه مني
نورة: ماراح يقدر ان كان ولد يخير
شجون: بحزن وان كانت بنت ياخذها اذا كبرت ويصير حالها زي أمها تعيش محرومة من حنان الأم
نورة: قربت لها وضمتها حبيتي لاتفكري كثير لكل حادثة حديث
==================
في الاستراحة
فارس: بكل غرور يتفاخر قدام ربعه ببعثته
غلاب: ياكل بعضه ببعضه من قهره رد ببرود انا لو منك رفضتها ورفضت اشتغل عندهم اصلا
فارس: ليه يالشخصيه قالها بكل تريقه بس بصيغة المزح
غلاب: ماحب أحد يذلني وتعرف المراة تراها مانتضمن بعدين يكفي نظرة اهل زوجتك لك انك انت موظف صغير بينا
فارس: بعصبيه عمر ابو هاني ماحتقرني لا هو ولا عياله بالعكس يعاملوني بكل احترام لو أحد يغلط علي كان شت وضيفتهم وبنتهم معاهم
غلاب: ان ماخربت علاقتك معاها ماكون غلاب بس كيف اوصل لها كيف
أحمد: ماعلينا كملو لعب ياشباب
=============================
أنت تقرأ
بيت العنكبوت
Adventureطفل حرم من أسرته بسبب ذنب لم يقترفه حكم عليه انه لقيط وأمه مازالت على قيد الحياة احبه اخوانه بجنون لكن قدر عليه ان يعيش بعيدا عنهم يعاني الوحدة واليتم وقساوة الحياة بعيد عن احضان أم كرهته وهو في أحشائها مرت عليه السنين قاسية صعبه يكره نظرات الاحتقار...
