مجانين في مهمة سرية

الحلقة الثانية✨

قبل القراءة اعملوا فوت(⭐) تقديراً لتعبنا.
(الحلقة التانية)
(صورة حازم👆🏻😂)
........................................................................
وسام بعصبية و عين دامعة و نبرة تحذير :انا مسمحلكش تتكلم معايا بالطريقة دي و دي اخر مرة اسمحلك تتخطى حدودك يا سيادة المقدم انت فاهم. قالت آخر جملتين و هي تصرخ لينصدم حازم و أدهم من صراخها المفاجأ اما وسام فقد ركضت خارج المكتب قبل أن يرى احد دموعها... ثم خرجت ورائها نور مغلقة وارئها الباب بقوة لينصدم الشباب من قوة غلق نور للباب.
حازم بصدمة:هو ايه الي قولته زعلها.
زين بصدمة:وانا كمان مش فاهم حاجة.
أدهم بسخرية:ايه الي مش فاهمينه بنات و محن و كلام من ده.
زين بأستغراب: ايه ده بالسرعة دي.
أدهم بسخرية:امال انتوا كنتوا مفكرين ايه دي حاجة كنت متوقعها متفاجأتش يعني.
حازم بأستغراب:لا بس مش للدرجة دي...... و بعدين هو احنا فينا من كدة انت مسمعتش اللواء قال ايه دي مهمة سرية و خطيرة و بالمنظر ده اكيد مش احتمال نروح في داهية.
زين:حازم معاه حق مش حينفع نشتغل معاهم بس ازاي و احنا ملزومين نكون فريق....و كمان برضه ده ميمنعش ان رد فعل وسام كان طبيعي وانك زودتها اوي يا حازم لأن فعلاً المكتب ضيق و مش حيكفينا كلنا.
أدهم بضحكة خبيثة:و مين قال اننا حنشتغل معاهم.
زين بأستغراب:امال ايه.... انت مسمعتش اللواء قال اننا بقينا فريق و لازم نشتغل مع بعض.
حازم بضيق و عصبية: لحظة واحدة كدة...... انت قولت ايه يا زين انا زودتها ناقص تقولي روح اعتذرلها.
أدهم وقد جاءت في باله فكرة ليقول بضحكة خبيثة:احنا حنشتغل معاهم قدامهم لكن لوحدنا من وراهم يعني حنمشي المهمة بخططنا احنا زي ما احنا عايزين عشان هما مفكرين بنشتغل معاهم لكن بالعكس احنا بنشتغل لوحدنا و هما مجرد اتنين في المهمة مش اكتر وعشان ده يحصل لازم منلفتش نظرهم و عشان منلفتش نظرهم لازم حازم يروح يعتذر لوسام.
حازم بصدمة و عصبية:نننننعععععممممم....... بقى انا اروح اعتذر لبنت ده انا ما بعتذر لاختي يا شيخ.
ليقول أدهم و زين في نفس واحد:للضرورة أحكام.
حازم بسخرية:وهي أحكام الضرورة دي مبتجيش غير عليا انا.
__________________
في مكان اخر
وسام تبكي بشدة و نور تحاول تهدئتها لتقول وسام بعصبية من وسط دموعها:هو ازاي يكلمني كدة......هو مفكر نفسه ايه ولا مين عشان يتخطى حدوده.
نور بهدوء:مدايقيش نفسك يا حبيبتي هو وبعدين هو حيعرف منين بس.
وسام بعصبية و دموع لا تتوقف:برضه المفروض يتكلم بأحترام مع أي بنت لكن هو مشفش بربع جنية تربية.
لتقول نور وهي تحاول كتم ضحكاتها:ولا تزعلي نفسك...... و بعدين متنسيش اننا حنشتغل لوحدنا ،لكن قدامهم نعمل نفسنا بنشتغل يعني نسمع من هنا و نطلع من هنا.
وسام:ايوة صح.
نور بإبتسامة:طيب يلا عشان ما يعلقوش علينا و يقولوا محن و مش محن من غير حاجة هما مش طايقنا.
وسام:معاكي حق واضح اننا حنتعب اوي في المهمة دي.
نور:طيب انا حروح المكتب و انت حصليني.
___________________
في بيت راقي و جميل تشعر بداخلة بالدفئ و الراحة و تحديداً في غرفة المعيشة يدور حديث بين عبدالله و سمر (والدي نور).
سمر بتسأول:مالك يا عبدالله شايل هم ايه.
عبدالله بتنهيدة:خايف على نور يا سمر.
سمر بتنهيدة:مش لوحدك بس نعمل ايه ده شغلها وانت الي وافقتها على الشغل ده.
عبدالله بحزن:ايوة وافقتها بس مش بأيدي ما انتي عارفة بنتك الي في دماغها حتعمل و مفرقش كلاني معاها.
سمر:خلاص اهي دخلت الكلية و اتخرجت و بتشتغل دلوقتي برتبة رائد.
عبدالله:معاكي حق بس مش بإيدي بنتي و من حقي اخاف عليها خصوصاً بعد الي مريت بسه.
سمر بحزن على زوجها: الزمن عدى و انت لسه مانسيتش.
عبدالله بتنهيدة حزن:انا مانسيتش عشان افتكر ياسمر الي عشته مايتنساش..... اني اشوف الموت بعيني برأيك حاجة تتنسى
_________________
في مكان آخر لم نذهب اليه من قبل مكان يطغوا عليه ملامح الإجرام وهو مخزن في منطقة خالية من البشر.
يدخل شخص بملامح قاسية واجرامية الي غرفة ما و يجد شخص جالس على كرسي و يعطى ظهره الي الباب ليقول له ذلك الشخص"مجهول (1)":ها عملت ايه في الشحنة الجديدة.
"مجهول (2)":كله تمام يا باشا حنستلمها في (....) و الساعة(.....).
"مجهول(1)":انا مش قولت يقربوا المعاد شوية.
"مجهول (2)":يا باشا ده أقرب معاد عشان الحكومة مفتحة عينها علينا اليومين دول
"مجهول (1)":ماشي امشي انت دلوقتي.
و بعد أن غادر مجهول (2) قال مجهول(1):مش حتضيعوا مني السفقة دي كمان.
__________________
في المديرية يجلس اللواء سليمان في مكتبه و يتابع عمله بتركيز حتى قطع تركيزه صوت طرقات على الباب ليأذن بالطرق ان يدخل ليدخل كلاً من نور و وسام لينظر إليهم بأستغراب ويقول:في ايه يا جماعة في حاجة حصلت لتقول نور: ابدا يا فندم احنا جينا بس عشان ناخد اذن.
اللواء سليمان بأستغراب:إذن...إذن ايه يا نور.
وسام:اصل انا تعبانة شوية و مش حأقدر اروح لوحدي و حضرتك عارف ان نور هي الي بتوصلني.
اللواء سليمان بقلق حقيقي:مالك يا وسام فيكي ايه محتاجة تروحي للدكتور.
وسام بإبتسامة صغيرة:شكرا يا فندم انا بس عايزة اروح ولو حضرتك موافقتش فأن___
ليقاطعها اللواء قائلاً:لا روحي يا وسام و ارتاحي بس خلي بالك على نفسك احنا محتاجينك في المهمة دي كعنصر اساسي لسرعة البديهة و فهمك في الالكترونيات بجانب شغلك الأساسي هنا.
(ملحوظة وسام بتحب تشتغل في حاجات الهاك يعني هي تعتبر هاكر و تقدر تهكر اي حاجة عشان كدة لم بيبقى في خزنة على طول يستدعوا وسام، لكن نور احسن نشان بتعرف تنشن كويس و بتصوب صح و عمر ما هدفها خاب ابدا بيسموها القناص لأنها بتعرف تنشن و تجيب الهدف صح عشان كدة لو في مهمات محتاجين فيها قناصين على طول بتكون نور في الخدمة، و ده مش تخصص هما بس بقوا متفوقين في الحاجات دي عشان محدش يقول ان ده تخصص)
وسام بإبتسامة:تمام يا فندم و شكرا على ثقتك فيا و ان شاء الله اكون قد الثقة دي.
اللواء سليمان:انت قد الثقة دي على طول. ليستأذن من اللواء و يخرجن من المكتب ثم يذهب بإتجاه السيارة ليركبوا بها و ينطلقوا الي منازلهم، ام اللواء فاتصل بمكتب أدهم و قال:أدهم لو خلصتوا الي في ايديكوا تقدروا تتفضلوا.
أدهم بإستغارب:ازاي هو مش احنا المفروض نشتغل على المهمة.
اللواء سليمان: ايوة بس نور و وسام اخدوا اذن عشان وسام تعبانة فمن بكرة حتشتغلوا عليها مع بعض.
ادهم:تمام يا فندم. ثم أغلق أدهم مع اللواء سليمان ثم نظر الي حازم و زين ليجدهم ينظرون اليه و على وجوههم علامات عدم الفهم ليتحدث حازم:في ايه يا أدهم.
أدهم بسخرية:ولا حاجة الهوانم اخدوا اذن و مشوا و اللواء كان بيقول لو خلصنا ناخد بقيت اليوم اجازة.
زين بإستغراب و هو ينظر في ساعة معصمه:روحوا بدري كدة دي الساعة لسه 3:30 العصر.
أدهم بسخرية:اهو بدأنا محن و سهوكة بنات.
اما حازم فكان في عالم آخر أيعقل انها قد ذهبت مبكراً بسبب ما حدث في الصباح فهذا هو يا سيادة مرض الشرطة يريد أن يعرف الشرطي كل شئ حتى وان كان صغير و تافه ليقرر قرار ما و ينوي على فعله.
ليقول حازم:طيب يا جماعة احنا اصلا مخلصين شغلنا يبقى نشيك عليه و نقفله و بعدين نروح. ليفعل الشباب ما قاله حازم و بعد أن انتهوا بدأوا في لملمت اشيائهم ثم ودعوا بعضهم و ذهب كل واحد الي بيته.
عند حازم فقد وصل إلى منزله و نزل من سيارته و دخل البيت ليجد ان البيت هادئ فظن ان الكل نائم فجاء ان يصعد الي غرفته و لكن وجد نور ينفتح و صوت يأتي من ورائه
"كنت فين لحد الساعة 12 نص الليل يا حازم.
حازم بهدوء:كان عندي شغل يا ماما.
هالة بضيق:و ياترى ايه الشغل الي يخليك تتأخر لنص الليل.
حازم بسخرية:ولا حاجة الرقاصة خلصت الفقرة متأخر بس، هيكون ايه يا ماما انا مقدم في الشرطة و غير كدة____(كان هيقع بلسانه و يقول عن المهمة لكن تدارك الموقف و سكت)
هالة بتسأل:و غير كدة ايه يا حازم في ايه يا ابني.
حازم بتوتر: ولا حاجة القضايا و الضغط و كدة ولا حاجة شغل يا ماما مش اكتر.
هالة:كلمني عدل و بعدين انا قلتلك امسك الشركة مع ابوك.
حازم بضيق:يا ماما خلاص انا مبسوط في شغلي ومش عايز امسك الشركة.
هالة بغضب:يا ابني افهمني الشركة امان اكتر من شغلك و بتدخل فلوس اكتر من شغلك في المديرية.
حازم بضيق: يا ماما الحوار ملوش علاقة بالفلوس انا مبسوط في شغلي يا ماما.
هالة بضيق:طب و بعدين ابوك كبر مين هيمسك الشركة من بعده فجاء حازم ان يتحدث ولكن سمعوا صوت جاء من خلفهم
"مين ده الي كبر اتكلمي عن نفسك"
هالة بضيق:يووووه يا سالم انت على طول كدة بتهزر بدل ما تهزر عقل ابنك.
سالم:يا ست سيبي الولد يعمل الي بيحبوه.
حازم بمرح:تسلملي يا حج،انا هروح انام بقى تصبحوا على خير.
______________
عند أدهم فقد انتهى من عمله و غادر المكتب و ذهب إلى المنزل ليجد ان والدته جالسة في غرفة المعيشة و تنتظره ليعلم انه سوف يُتح معه تحقيق، ليذهب و يقبل يدها و يجلس بجانبها لتقول:كنت فين يا أدهم.
ادهم:في الشغل يا أمي يعني حكون فين.
شهيرة بحزن :متتعبش نفسك في الشغل كدة يا ابني، حرام عليك نفسك والله.
ادهم بضيق:يعني اعمل ايه ده شغلي ولازم التزم بيه يا أمي.
شهيرة بضيق:انت عارف اني مكنتش موافقة من الاول يا أدهم.
ادهم:يا أمي الكلام ده بقالوا كتير اوي و مامنوش فايدة عشان كدة وفري كلامك لا هيقدم ولا هيأخر حاجة ليردف بهدوء وهو ينهض لذهاب الي غرفته انا داخل انام تصبحي على خير يا حبيبتي.
شهيرة بحنان:مش حتتعشى يا حبيبي.
أدهم و هو يقبل يدها:والله ما قادر عايز انام.
__________
اما عند نور فكانت هي و وسام يستعدان للخلود الي النوم لتقول وسام و هي تتجه نحو السرير:يلا بقى يا نور عشان ورانا شغل بكرة اصلاً مش عارفة حنشتغل ازاي و احنا اصلا معندناش مكتب.
نور و هي تتجه نحو السرير الاخر:عادي احنا بكرة نقولهم اننا حنقعد في المكتب الي جمبهم و هما لو عايزين يجو يبقوأ يجو إنما احنا مش حنتذل تاني ولا نتكلم في الموضوع ده تاني.
وسام:بفكر اننا نقول لللواء سليمان علي الي حنعمله و على موضوع المكتب هو ممكن ياخد قرار حاسم محدش يقدر يرفضه سواء مننا او منهم.
نور:بصي احنا حنقوله على موضوع الخطة لوحدنا بس مش بصراحة.
وسام بإستفهام: ازاي يعني حنقوله يا سيادة اللواء احنا حنشتغل من نفسنا و لوحدنا بس مش لوحدنا.
نور من بين ضحكاتها:ههههههه لا يا بنتي حنقوله ان احنا حنشتغل بجهد و تركيز شوية يعني مثلا نروح و نشتغل على القضية و بكرة نقول لبقيت الفريق بس الي اللواء معرفهوش اننا مش حنقوله و كدا اللواء عارف تحركتنا و مفكر اننا بنقولهم.
وسام بحيرة:هي الفكرة حلوة بس انا مقدرش اخدع اللواء سليمان ده مهما كان بيعتبرنا بناته يا نور هو بمثابة اب لينا.
نور بحزن:عارفة والله كمان انا مش عايزة اعمل كدة لتردف بحزم و قوة بس لازم اننا نبقى اقويا و نبقى قدرين نمشي المهمة زي ما احنا عيزين لازم نثبت ان احنا نقدر نعمل كل حاجة واي حاجة لازم ما نسمحش لحد انه يقلل مننا فهمتي يا وسام.
وسام بقوة وهي تتذكر ما حدث في الصباح:ايوة معاكي حق انا معاكي يا نور بس يوم لم حنهجم حنقول للواء كل حاجة اتفقنا.
نور بضحك:اتفقنا تصبحي على خير يا ويسو.
وسام بضحك:و انت من اهل الخير يا نونو.
لينتهى اليوم علي كل أبطالنا و هم متحمسين و متشوقين الي ما هو قادم ولكن لا أحد يعلم ما تخبئه الأيام.
_______________
في اليوم الثاني
استيقظت نور و وسام معاً فذهبت نور الي الحمام لتأخذ حماماً بارد ينعشها و ذهبت وسام الي الغرفة الأخرى و فعلت المثل و من ثم ابداوا ملابسهم و أرتدوا زي العمل و أدوا فرضهن و نزلن الي الاسفل للفطور.
_____________
ام عند أدهم فقد استيقظ قبل موعد العمل بساعتان ليمارس الرياضة و بعد الانتهاء من ممارسه للرياضة ذهب ليأخذ حماماً بارد و من ثم ابدل ملابسه و ارتدى زي عمل و أدى فرضه ثم قام بالاتصال على أصدقائه ليوقظهم ثم أغلق معهم و فعلوا هم المثل.
________________
اما في المديرية قد وصل أدهم اولاً و بعدها بدقائق أتى حازم و زين في نفس اللحظة و ذهبوا جميعهم الي المكتب ثم جلسوا منتظرين الفتايات اما حازم فكان يجلس وهو يكاد يموت من الغيظ لانه سوف يعتذر لأول مرة لفتاة كما أنه لم يفعل ذلك مع اخته ليقطع افكاره صوت طرقات على الباب ليجد ان قد أتوا الفتايات لينظر الي أدهم ليغمض عينه بمعنى انه يجب عليه أن يعتذر فينظر الي زين ليستغيث به لكن فعل زين المثل ليغمض حازم عينه بغضب و يزفر بضيق ثم يقوم و هو يمثل الهدوء ليقف أمام وسام وقبل ان ينطق بكلمة قاطعته وسام بحزم و صرامة قائلة:سيادة المقدم حضرتك دلوقتي تقدر تشتغل على القضية في المكتب ده لان انا و الرائد نور حنقعد في المكتب الي جمبكوا و لو عزتوا حاجة اتمنى تيجوا تبلغونا بيها و جائت لتذهب ولكن قاطعها حازم وهو يقول:ازاي يعني المفروض نكون في نفس المكتب مع بعض عشان احنا فريق.
لترد عليه نور بثقة:تمام حضرتك لسه قايل فريق يبقى لازم ننقل لمكتب أوسع لو حضرتك حابب تبدأ تشتغل على القضية و متفشلش و تبقى اول قضية تفشل فيها و توسخ صفحتك البيضة لمجرد ان حضرتك مش عايز تنقل لمكتب اوسع. لتنطر الي وسام بنظرة فهمتها الآخرة بمعنى انا رجعتلك حقك لتبتسم وسام ابتسامة خفيفة ولكن اخفتها بسرعة قبل أن يلاحظها احد و هذا الوقت يرد أدهم على نور: تمام يا سيادة الرائد احنا اصلاً كنا مستنين حضراتكوا تشرفوا عشان حننقل لمكتب أوسع ده بنائاً على طلب اللواء سليمان و ان المهمة خطيرة لكن مش عشان حضرتكوا قلتوا....يلا اتفضلوا ليتركهم أدهم و يذهب دون إضافة كلمة اخرى ليخرج وراه زين ليتبقى نور و وسام و حازم،
حازم:آنسة وسام بالنسبة للحصل امبارح فأن---قاطعته وسام وهي تقول: سيادة المقدم ما بحبش اتكلم على حاجة عدت. لتذهب و تتركه لتلحق بها نورالي الخارج اما حازم فقد احس انه ازداد الموضوع تعقيداً بسبب ما فعله في الامس و لكن قرر أن يفعل شئ ثم ذهب ورائهم و بعد نصف ساعة قد أصبحوا جميعهم في مكتب واسع و كبير. ليقول ادهم:تمام دلوقتي نقلنا المكاتب يلا نبتدي نشتغل على القضية. ليجلس كلاً منهم على مكاتبهم و يبدأوا في العمل على ملف المهمة ليقول زين:ايه المعلومات الي في ايدينا.
حازم:المعلومات الي في ايدينا هي المعلومات الي قالها لينا اللواء.
نور:ايوة بس المعلومات دي مش كفاية.
أدهم:و المفروض نعمل ايه.
وسام بسخرية:نروح البيت و نقعد ننقى رز جمب اهلينا.
أدهم بعصبية:الكلام مكنش موجة ليكي يا سيادة رائد احنا كلنا بنفكر مع بعض و بصوت عالي.
نور:برافوا عليكوا نقيتوا احسن وقت عشان تتناقروا فيه.
أدهم:انا مش بتناقر الكلام ده لشغل العيال و بس.
وسام بعصبية و بصوت عالي:قصدك ايه يا سيادة المقدم... هو انا لوحدي الي كنت بتناقر.
زين:اهو بدأنا حساسية من الأول.
نور:احنا كدة مش حنعرف نشتغل مع بعض طول ما احنا مش طايقين بعض.
حازم:هو انتوا بتتلككوا عشان ما تشتغلوش.
زين بسخرية:اكيد دي خطة منكوا عشان تروحوا تقولوا للواء سليمان اننا مش عايزين نشتغل فتاخده انتوا القضية.
وسام بعصبية:ده اتهام و انا مقبلهوش يا سيادة المقدم.
نور و هي تنهض بعصبية:فعلاً..... انا مش حقعد دقيقة كمان و اشتغل بالمنظر ده. ثم تلملم اشيائها و تسحب وسام من يدها و تخرج خارج المكتب
ليستغرب الشباب من وارئهم.
نور و وسام خارج المكتب و هم يتجهون في طريقهم للخروج من المديرية لتهمس نور لوسام: شفتي خلعنا منهم ازاي.
وسام:متنسيش برضه فضلي عليكي لولا اني استفذيت أدهم مكناش حنمشي.
نور: كدة بقى نروح البيت نتعشى و نفكر على روقان.
_____________
اما عند الشباب و بعد دقايق من الاستغراب و تفاجئ و الصمت ليقطع صمتهم زين:هو انا مستغرب من الي حصل بس مشايف انه وحش.
أدهم: بعيداً عن الطريقة الي كلمونا بيها بس حنعرف نشتغل على القضية لوحدنا.
في المساء في بيت نور تجلس نور و عائلتها و أيضاً وسام على العشاء...... و بعد قليل انتهت نور من العشاء لتقول:انا هقوم بقى.
سمر:انتي لحقتي.
نور:معلش يا ماما عشان عندي شغل.
علدالله:يعني هو الشغل هيطير على شوية كمان.
نور بمرح و دراما مضحكة:معلش يا بابا اصل اكل العيش مُر وانا بجري على غلابة.
على بمرح:سلميلي علي الموكوس جوزك.
نور بضحك:ماشي يا ظريف.
سمر:و بعدين معاكوا بقى انتوا كل مرة كدة تقلبوا الجد هزار.
نور: طب عن اذنكوا انا هخطف وسام عشان الشغل.
وسام:تمام انا طلعة معاكي بعد اذنك ا.
بعد ما مشيوا.
سمر وهي توجه كلامها لعبدالله:شايف ادي الي خادنا من المديرية.
عبدالله:احنا لازم نسيطر مينفعش كدة.
علي:جرى ايه يا ماما هو مش ده شغلها لازم تستحملوا ثم انتوا خايفين عليها ليه بنتكوا بميت راجل متخفوش و بعدين اي حاجة هتعملوها مش هتجيب نتيجة بنتكوا عنيدة.
عبدالله:معاك حق.
علي:طب عن اذنكوا انا داخل انام.
عبدالله وسمر في صوت واحد:وانت من اهله.
_____________
نور و وسام في غرفة نور
نور:بصي عشان نخلي الخطة تمشي بخططنا لازم نشتغل لوحدنا في السر بس احنا مش. كل مرة هنشتغل بليل في البيت عندي ممكن اشتغل عندك لو تسمحي طبعاً.
وسام:صح العملية سرية و مش مفروض نشتغل عندك في البيت عشان محدش يسمع و بعدين تعالي هنا ايه لو تسمحي دي بيتي هو بيتك يا عبيطة.
نور:او ممكن في المكان بتعنا.
وسام: طب يلا نرتب الحاجات الي في ايدينا.
نور:بصي انا لاحظت في الفترة الي فاتت دي ان في جرائم و كلها محدش يعرف الي بيعمل الجرائم دي.
وسام:انا كمان بيجيلي ناس بتشتكي من مستشفى (...............) و كذا حالة يعني.
نور:بصي انا هحقق معاهم يعني الجراثيم الي قلتلك عليها.
وسام:تمام و انا هحقق في حوار المستشفى ده.
نور:تمام
__________________
اما عند الشباب فمانوا في بيت صغير بيت شبابي يطل على البحر بعيداً عن ضوضاء المديرية (شالية يعني)
زين:ها هنعمل ايه.
حازم:هناكل عشان انا جعااااان.
أدهم:انا كنت عارف فطلبت اكل زمانه جاي في الطريق.
زين بمرح:لا يعم انا عايز أنقى اكلي بنفسي.
حازم بمرح ايضاً:و انا كمان معلش بقى.
أدهم بضيق:جرى ايه انت و هو مش حنشتغل على ام المهمة ولا ايه.
حازم بمرح:قفوش اوي أدهم ده هههههه.
زين بمزاح:ايه يا عم أدهم بنهزر انا لسه واكل أساساً يلا هنشتغل.
أدهم:طيب انتوا لاحظوا اي حاجة غريبة و لا الجرائم الي كانت بتيجي.
زين:اه انا لاخطت.
أدهم بأهتمام: قول بسرعة.
زين:بقت غريبة كدة.
أدهم بأهتمام اكبر:غريبة ازاي يعني.
زين:بقت مملة كدة مفيش إثارة فين زمن القضايا الي كانت بتيجي كان في شغل ياعم، طب ده انا لما صدقت ان العملية دي جت عشان يبقى شغل على نضيف.
حازم:معاك حق الجو بقى ممل اوي ولا انت ايه رأيك يا آدهم.
أدهم بضيق:صبرني يارب يا ابني انت وهو حرام عليكوا عايزين حبة جد كدة.
زين:طب ما انا جد المقصود بمملة ان في قضايا مخدرات كتير اوي.
أدهم:حلو هتحقق معاهم.
حازم:و كان في فيلا صاحبها بلغ ان صاحب الفيلا الي جنبهم تصرفاته غريبة على طول حتى أنه حاول يتكلم معاه بس مجبش سيرة عن حياته الشخصية و____
ليقاطعه أدهم بضيق:دي مش قضية ده استعباط فين الغريب الي في كدة افرض هو مش عايز يتكلم معاه انت بتهرج معايا يا حازم.
حازم:يا ابن الناس الكويسين اسمع بقيت كلامي في يوم سمع صريخ وجه عشان يشوف من الشباك شاف الفيلا الي جنبهم في الجنينة يعني راجل لابس مسك و ماسك طفل و كان ناوي يقتلو يعني بس الطفل هرب و الراجل ملحقهوش.
زين:مع احترامي لكل الكلام ده بس ده مش دليل ان ده من العصابة.
أدهم:احنا بنحاول بس لازم نشوف الجريمة دي و لازم نفتحها.
حازم: تمام الموضوع بسي نفتحها تاني.
زين:بس انا عايز ألفت نظركوا لحاجة الكلام ده خطير جداً فأنا شايف انه ماينفعش نحقق في الوضوع ده لوحدنا.
حازم:انت قصدك ان احنا نشتغل مع البنات.
زين:ده رأي.
حازم بضيق:طيب خليهولك، جري ايه ماتشوف يا أدهم الي بيقولوا الاخ زين.
أدهم:معاك حق يا حازم بس احنا مش هنقلهم مش عشان مش عايزهم يشتغلوا معانا بس عشان في خطر ده عليهم اولا و علينا خصوصاً ان شكلهم متهورين.
زين:جماعة اقصد هنحتجهم.
ادهم:بص انا هفكر في الحوار ده.
حازم بصدمة:لا انت اتهبلتوا الموضوع مفهوش تفكير.
أدهم:لا فيه و بصراحة لما فكرت شوية لقيت انهم ممكن يفيدونا.
حازم بسخرية:لأ مين الي بيتكلم أدهم الي يرجع في كلامه.
أدهم:بقولكوا ايه بقى احنا هنحط خطة كويسة و اذا احتجناهم في الخطة هنطلبهم فيها مش حوار هو.
ليقاطع حديثهم صوت جرس الباب.
أدهم:ده اكيد الاكل هروح اجيبه.
________________
اما عند الفتايات كانوا يتحدثون عن المهمة و يخططون لتقول نور:حلو اوي الكلام ده كده يعتبر خلصنا خطتنا.
وسام:اه صحيح في حاجة مهمة عايزة اقولك عليها قبل ما انسى.
نور:قولي يا غلابة المصايب. (يا مُهر و حبله سايب... احم احم دي من عندي😂)
وسام:كان في قضية غريبة اوي في المديرية بس اتقفلت.
نور بأهتمام:ايه هي.
وسام معرفش تفاصيل بس هو راجل كان مبلغ عن الفيلا الي جنبه و بيقول بيحصل فيها حاجات غريبة.
نور:انا كنت سمعت عن الحوار ده قبل كدة طب متعرفيش الفيلا دي فين.
ويام:ما انا قولت معرفش تفاصيل.
نور:طب و بعدين،احنا لازم نجيب ملف القضية دي.
وسام:سيبي الموضوع ده عليا.
نور:ماشي.
_____________
نعود للشباب فكانوا يأكلون و يمزحون ليقول زين:هنحط الخطة أمتى.
ادهم:بكرة بس انا لازم اشوف ملف القضية بتركيز، بس الفكرة الملف دلوقتي فين.
حازم:انا هعرف اجيبوا متشيلوش هم الموضوع ده.
أدهم: تمام و بعدها هنتقابل بره المديرية عشان نحط الخطة.
زين:تمام دلوقتي بقي هنعمل ايه و هنقول ايه بكرة.
___________
نور بضحكة خبيثة:هنقول ان احنا ملقيناش حاجة مش هنقلهم على حاجة.
وسام بحماس:تمام حلو اوي اهو كمان نعرف نشتغل براحتنا.
___________
أدهم بضحكة خبيثة:هنسألهم و نشوف هيقولوا ايه و هنقول مليقنلش حاجة و نحقق احنا.
حازم بمرح:ايوة بقى كانت فين القضية دي من زمان.
_

______---------_______-------________-----___

و بس كدة البارت خلص
اتمنى يعجبكوا و متنسوش الفوت و الكومنت احنا بنرد على كل الكومنت.
و بنعتذر عن التأخير بس كانت في ظروف خارجة عن إرادتنا و نتمنى البارت يعجبكوا.
يلا حطوا فوت انا شايفاكوا😉😂.
اشوفكوا في الحلقة التالتة😉.