مجانين في مهمة سرية

الحلقة التاسعة✨

السلام عليكم ورحمة الله وبركاته❤️.
متنسوش تصلوا علي النبى💖.

ووووووو زي ما وعدتكوا ان كل اسبوع بارت فأنا بوفي بوعدي بس استعدوا لان الرواية قريت تخلص يعني فات الكثير ما بقى الا القليل.

و بشكركوا بجد يا احلى عيلة وصلنا 60k بس اتلحلحوا شوية مفيش غير تلات تلاف فوت بس.

و كدة هزعل و لم هزعل ممكن اشقلبلكوا الرواية كلها😈 و قد اعذر من انذر انا بقولكوا اهو😂

لقد هرمنا من أجل هذه اللحظة يا جماعة ولكن هزعل ان الرواية هتخلص.
ده غير ان في مفاجأت للي هيتوقع احداث الرواية و المفاجأت. 😉😉.

قبل ما نبدأ أحب انهئ حبايبي الي جاوبوا صح او كان جوابهم تقريبي من الي هيحصل في الحلقة دي و هما:
user43785497
lolo_abdullah54

(قراءة ممتعة)

🔥🔥🔥🔥🔥🔥🔥🔥🔥🔥

لينزل أدهم الي الاسفل و يتجه لمكتب والزه ليطرق عليه ليأذن له بالدخول ليدخل و يجلس مقابل والده.

سليمان: ازيك يا أدهم.
أدهم: الحمدلله يا بابا حضرتك عامل ايه.
سليمان: الحمدلله...... خير في حاجة عرفتوها.

أدهم بتنهيدة: لا انا بس الي عرفت حاجة و جاي اقولهالك.

سليمان وهو يلاحظ تعبير وجه: مالك يا أدهم قلقتني.

أدهم بهدوء: حضرتك عارف موضوع الفيلا الي متقدم فيها بلاغ.

سليمان: اه بس اتقفلت علي مجهول.

أدهم: عارف بس هي بقي ليها علاقة بقضيتنا دلوقتي.

سليمان: طيب تمام في ايه بقى.

أدهم: آيه بتصمم الڨيلا الي جمب ڨيلا سيف.

سليمان بقلق: ايه الي انت بتقوله ده.

أدهم بهدوء: بقول الحقيقة آيه بتصمم الڨيلا لسه عارف منها المكان كنت حاسس انه ممكن يبقي مكان تاني و في نفس الوقت خايف ليكون نفس المكان و طلع نفس المكان.

سليمان بخوف علي ابنته: اختك لازم تسيب تصميم الڨيلا دي فوراً.

أدهم: مش هترضى و هتعاند و حضرتك عارفها.

سليمان: امال هنعمل ايه؟

أدهم بعملية: أحنا هنروح نسكن في الڨيلا هناك عشان نراقب الڨيلا المشبوهة، و هي بتصمم واحدة تانية أنا هخلي بالي منها هناك.

سليمان بسخرية: يا حلاوة ولم يحصل هجوم عليكوا تتشتت و اخسركوا انتوا الاتنين.

أدهم بهدوء: بابا الأعمار بيد الله و بعدين أنا هعرف احافظ علي اختي حتي لو التمن حياتي بس هي مش هتوافق تصيب الڨيلا.