بارت 7
رجعنا البيت نزلت شلت الحاجات دخلتها المطبخ و طلعت غرفتي بينو جات طلعت جزمتها و رقدت نامت😴 جا ابوي: نجو انتي جبتي اللبن ولا لانو م لقيتو مع الحاجات🤔طوالي صريت وشي 😠و اتذكرت الموقف و الولد الكريه 😡...ابوي: مالك يا نجو انتي من م جيتي من المول صاره احكي لي😕هزيت راسي بلا...ابوي: خلاص طيب نومي 😘باسني في راسي و مرق و انا نمتا....تاني يوم قمت صليت بينو لسه م صحت نزلت تحت لقيت شمس و يزن قاعدين في التلفزيون...يزن: نجو بكره اول يوم مدرسه ممكن تمشي معانا المول نشتري حاجات المدرسة🙂هزيت ليهو راسي بنعم و حركت يدي نظام متين ...شمس: انا قلت نمشي بعد شويه عشان انتو زاتكم تقدرو تقرو 😊كتبت ليهو طيب أمشو البسو عشان نمشي انا اصحي بينو عشان تمشي معانا😐موش وانا طلعت غرفتي لقيت بينو في الحمام مشيت طلعت عبايه و طرحتي السوداء لبستهم جات طالعه بينو...مبين: ماشا وين يا نجو🤨كتبت ليهو انو انا و انتي ح نمشي مع يزن و شمس نشتري حاجات المدرسه...مبين: خلاص اصلي و اجي انتو انتظروني تحت😊نزلت عملت ليها الشاي جو ناس يزن شويه كدا و جات شربت الشاي و مرقنا وصلنا المول ناس يزن جرو على المول و اي واحد شغال للتاني اخير واحد هو حمار😛اتذكرت لمن كنت بوديهم يمشو يشترو حاجاتهم لين و لارين و شمس كانو بجرو و يزن صغير دايما بكون اخير واحد و هم شغالين يقولو اخير واحد هو حمار😛يزن كان ببكي...يزن: انا م داير اكون حمار😭💔كانو برجعو ليهو...لين: انت م حمار نحنا قصدنا شمس😕...شمس: ليه انا دايما اكون الضحيه😒...لارين: عشان نحنا البنات اسرع منكم😏...لين: ما تزعل يا يزن اسي نعيد السباق😘كانو ببطؤ عشان هو يمشي اسرع دمعت💔...مبين: مالك يا نجو 😟هزيت بلا و دخلنا المول لقيتهم بشيلو في حاجاتهم بس خلصو قالو لي نحنا جعانين كتبت ليهم عايزين شنو ...يزن: انا عايز بيتزا 😋...شمس: وانا داير بروست😋كتبت الدايرنو في ورقه و
نزلت المطعم اديتهم الورقه دفعت القروش و قالو لي انتظري مشيت قعدت في طربيزة و بقيت منتظرة وانا قاعده اسمع ليك زول وراي ...الولد: اي يا امي انا عند صحبي عمر لالا برجع البيت بس انتي مش مفروض تنومي خلاص سلام انا بحبك 😊أتلفت عليهو بس اشوفو ليك نفس الولد حق اللبن عاينت ليهو من فوق لتحت😏و قلت في نفسي و كمان كضاب...الولد : انتي مش البت حقت اللبن اكيد جايه تشحتي هنا صح 😏أتلفت حمرت ليهو 😡قام على حيلو جا بجنبي دخل يدو في جيبو و طلع عشرين جنيه ختاها لي...الولد: انتي لو قعدي هنا لي بكره م بتلقي احسن اقعدي في الشارع بتلقي 😏و مرق كنت دايرة ارد ليهو بس م بقدر😔شويه كدا ناداني الراجل و قال لي طلبك جاهز شلتو و مشيت ركبت العربيه بقيت ساقيه بسرعه و صاره وشي😡...مبين: مالك يا نجو فيك حاجه...يزن: نجو م تزعلي هم في مكان احسن مننا😥كلامو فكا مني الزعله أتلفت و ابتسمت ليهو😊وصلنا البيت لقينا ابوي قاعد ...ابوي: اولادي الحلوين😍مشتاقين ...يزن: ابوي نحنا اشترينا حاجات المدرسه و جبنا معانا اكل😋...ابوي: يا سلام خلاص تعالو ناكل🤗ماشا على غرفتي وقفني ابوي ...ابوي:نجو تعالي اكلي م ممكن م تاكلي بينو ورتني انك م شربتي الشاي هزيت راسي نظام م دايرة ...ابوي: إذا م اكلتي جامعه ماف ليك 😒اطريت امشي معاهو قعدت اكلت لي كم لقمه وقمت مشيت غرفتي قعدت اقرا لحدي م بينو جات تمينا قرايتنا جهزنا حالنا للجامعه و نمنا😴....صحينا تاني يوم لبسنا اصلا لبستي عبايه 😴 سوداء و شنطه سوداء و جزمه سوداء بينو لبست اسكيرت اسود و بلوزة كبدي مع طرحه مشكله نزلنا تحت ابوي اصر علي انو اشرب شاي 😣شربنا و وصى بينو علي 😒ركبنا العربيه و اتحركنا على الجامعه وصلنا نزلت بينو على كليتها وانا مشيت كليتي مشيت على البوابه لقيت دفعتي كانو ببكو بعاينو لي بكل حزن 😥 سلمو علي ...قصى: نحنا عارفين يا نجو قدر شنو الحاجه دي صعبه بس ماف زول باقي في الدنيا دي💔...ناديه: و نحنا معاك و اشتقنا لي مجنونتنا💔...نادر: ان شاء الله ترجعي لينا 💔كتبت ليهم خلاص ارح نمشي نراجع قبل الامتحان😊مشينا قعدنا نراجع ....
# stop🎵
أنت تقرأ
#كابوسي المرعب#
Romanceدي اول روايه لي ان شاء الله تعجبكم ....... كابوسي المرعب. بعصب اي و بقول كلام حار بس واللهي بندم كيف لمن اعرف اني وجهت ليك كلام حار و خليتك تزعل عشان كدا براضيك بسرعه لانو م بهون على تنوم و انت زعلان🎵🥀
