#كابوسي المرعب#

follow me

بارت 9

عدة اسبوعين وانا شويه اتغيرت بس لسه بلبس عبايه💔 بقيت بقعد اضحك طبعا م بقدر اتكلم و الولد و البت بقيت بشوفهم من بعيد و م بشوفوني لانو يا دخلت الامتحان يا طلعت بدري يعني م متواجده كتير في الجامعه والليلة آخر يوم لينا في الامتحانات و الحمدلله خلصنا...قصي: رائكم شنو نمشي شارع النيل نقعد شويه و اي زول يرجع بيتو 🤗وافقنا مشينا جبنا بينو طبعا انا و قصي عندنا عربات البنات ركبو معاي والاولاد مع قصي وصلنا شارع النيل و الجو ظابط 😍قعدنا جبنا جبنه لي قصي و كرم و ريم و ملك و ناديه و انا و بينو و نادر جبنا عصير منقه بارد🥰لانو م بنحب الجبنه و اتونسنا لحدي قريب المغرب و اي زول فرتك بيتو مشينا البيت طلعنا غيرنا هدومنا و نزلنا عملنا ليهم الغداء اكلنا بعدها بقينا نتونس...اوبي: نسيت يا نجو كان المفروض اوريك من قبل اسبوعين انو الدكتور جا و انا مشيت ليهو و حكيت ليهو مشكلتك و اخدت ليك موعد بكره معاهو نمشي ليهو انا و انتي بعد العصر رائك شنو 😊كتبت ليهو كويس م عندي مانع ❤اتونسنا و اي زول مشا غرفتو انا و بينو بقينا نحضر فتحنا MBC 2و كان في فلم رعب بقينا نحضر اتذكرت يوم حضرنا الفلم داك و بقينا نصرخ باعلى صوت 💔بكيت عاينت بينو لقيتها برضو بتبكي حضنا بعض و قعدنا نبكي 💔بعدها كتبت ليها انو خلاص نمشي ننوم قفلنا التلفزيون و طلعنا نمنا😴.....الصباح صحت بينو لقتني لسه نايمه قامت قفلت المكيف 😂قمت على حيلي و صريت ليها وشي 😠قعدت ضحك😂...مبين: و شناتي لمن تصري باللهي في زول صاحي من النوم بصر😂💔قمت شلت لي مخده و بقينا نضارب بيهم بعد انتهينا قعدنا نضحك على اشكالنا 😂شعرنا كان طاير و يا دوب صاحين😂...مبين: انا شايفه انو نتخلص من المنظر دا 😂هزيت ليها راسي مشيت استحميت و صليت بينو دخلت الحمام طبعا بتدخل الحمام آخر وحده عشان بتكمل نومتها لمن انا اكون في الحمام😂 نزلت لقيت ناس يزن مشو المدرسة و ابوي لسه م طلع مشيت عملت ليهو الشاي شرب...ابوي: بعدين اول م اجي ح نمشي اوكي 🙂هزيت بنعم ...ابوي: شاطرة بتي انا باسني في راسي😘و طلع جات بينو نازله كتبت ليهو كملتي نومتك😒...مبين: اي يا زوله انتي مالك😏كتبت ليها خلاص ماف ليك شاي 😒...مبين: خلاص م مشكله ح اطلب من كوكيز شوب كوكيز و هوت شوكوليت 🤤طبعا انا و هي بنموت بيهم و هي عندها رقمهم انا م عندي و زمان كنت بضرب ليها لمن تكون مع ناس حبوبتها في الابيض عشان تطلب لي لانو هي حقاره م بتديني رقمهم وانا كسلانه م بقدر امشي ليهم😂💔( نسيت امها و ابوها في مانشيستر لانو ابوها عندو وكاله سياحه كبيره ف بسافر كتير و عندها اخوين كبار و الاتنين متزوجين و قاعدين برا السودان و اخواتها ثلاثه اتنين مع ناس أبوها و واحده متزوجه 🥀)كتبت ليها خلاص اصلا الشاي م حلو اطلبي لي معاك...مبين: يعني معترفه انو شايك م حلو 😏كتبت ليها اي يا بينو اطلبي سرعه🌚طلبت نظفنا البيت كدا و جابو لينا طلعنا انا و هي برا الحديقه و بقينا نشرب الصراحه حاجه كدا رهيبه🤤😍بعد خلصنا مشينا قعدنا في التلفزيون نحضر قمنا عملنا الفطور و مسافه جو ناس يزن استحمو و غيرو هدومهم جينا اكلنا لمينا الصفره قامو قالو عايزين يذاكرو و دايرين نذاكر معاهم موش جابو كتبهم انا مسكت شمس لانو ممتحن تامن 😥و بينو مسكت يزن قرينا معاهم لحدي قريب العصر كتبت ليهم خلاص أمشو العبو ابوي جا دخل استحما و قال انو جعان مشينا ختينا ليهو الاكل اكل ...ابوي: يلا يا نجو انا ماشي البس امشي البسي عشان نطلع و يا بينو خلي بالك من ناس يزن عشان نجيب ليكم ايس كريم😘...مبين: من عيوني بس انا عايزة اكس لارج 🌚كتبت لابوي انا برضو😂💔مشيت لبست عبايتي و طلعنا وصلنا العياده قعدنا شويه ...السكرتيره: استاذ محمد اهلين فيك اتفضل 😊دخلنا المكتب حق الدكتور بس المفاجئه كانت انو دا ولد اللبن😳طبعا انا مصدومه هو م شافني لانو كان ماسك تلفونو...الولد: السلام عليكم اتفضلو يا استاذ محمد...ابوي: وعليكم السلام يا ولدي كيفك😊رفع راسو بس يتفاجا بي رفع حاجبو نظام انتي الجابك شنو🤨...ابوي: نسيت دي بتي نجاه☺️كان مصدوم 😳و انا كنت بعاين ليهو من فوق لتحت 😏و مبسوطه....

#stop🎵